لوگ اپنی بات منوانے کے لیے دوسرے کی خوش آمد کرتے ہیں جس کو مسکا لگانا کہا جاتا ہے لیکن مسکا صرف لگایا ہی نہیں بلکہ کھایا بھی جاتا ہے۔

ہر ایک کو مسکا لگانے کا تجربہ ہوگا کیونکہ بہنیں اپنی فرمائشیں پوری کرنے کے لیے بھائیوں کو مسکا لگاتی ہیں، بیوی شوہر کی خوش آمد کرتی ہیں، لیکن آج ہم آپ کو کراچی کے علاقے رنچھوڑ لائن لے جا رہے ہیں جہاں مسکا لگایا نہیں جاتا بلکہ کھایا جاتا ہے۔

جی ہاں رنچھوڑ لائن میں شہاب الدین چاچا کے نام سے مشہو ر بزرگ 73 سال سے مسکا بن بیچ رہے ہیں اور اس کو کھانےکے لیے دور دور سے ہر عمر کے لوگ شوق سے یہاں آتے ہیں۔

بن پر مکھن، جیلی، انڈا اور دیگر لوازمات لگا کر پیش کیا جاتا ہے۔ اس کا ذائقہ منفرد ہے کہ جس نے نصف صدی پہلے بچپن میں کھایا تھا۔ وہ اب بڑھاپے میں بھی اس مسکا بن کا رسیا ہے اور نہ صرف خود شوق سے کھاتا بلکہ اپنے بچوں کو بھی کھلاتا ہے۔

مسکا بن بنانے والے شہاب الدین چاچا کا کہنا ہے کہ انڈیا سے پاکستان آئے تھے، تب سے یہ کام کر رہے ہیں۔ ہمارا بن پورے پاکستان میں مشہور ہے۔ ہم یہ دکان صبح 7 بجے کھولتے ہیں اور رات 3 بجے بند کرتے ہیں۔

ان کا کہنا ہے کہ وہ لوگ اپنے جو بیرون ملک جا بسے ہیں۔ وہ بھی اب تک مسکا بن کا ذائقہ نہیں بھولے ہیں اور کوئی آنے جانے والا ہو تو ان سے مسکا بن لانے کی فرمائش ضرور کرتے ہیں۔

اس دکان پر مسکا بن کھانے والوں میں بچوں سے لے کر 80 سال تک کے بزرگ سمیت ہر عمر کے لوگ موجود تھے۔ ان کا کہنا ہے کہ پہلے ہمارے والد ہمیں لاکر کھلاتے تھے، اب ہم اپنے بچوں کو کھلاتے ہیں۔ ایک بزرگ کا کہنا ہے کہ وہ بچپن کی یادیں تازہ کرنے یہاں آتے ہیں۔

معرکہ حق میں بھارت کی شکست اور پاکستان کی شاندار فتح پر اے آئی روبوٹ نے ملی نغمہ لکھ اور گا کر پاک فوج کو خراج تحسین پیش کیا ہے۔

پہلگام واقعہ کی آڑ میں بھارتی جنگی جارحیت کا پاک فوج نے آپریشن بنیان مرصوص کے ذریعے منہ توڑ جواب دے کر دشمن کے دانت کھٹے اور اس چند گھنٹوں میں ہی گھٹنے ٹیکنے پر مجبور کر دیا۔

معرکہ حق میں بھارت کی شکست اور پاکستان کی شاندار فتح پر اے آئی روبوٹ بھی اتنا خوش ہوا کہ اس نے پاک فوج کو شاندار الفاظ میں خراج تحسین پیش کرنے کے لیے ملی نغمہ لکھا، خود اس کی دھن ترتیب دی اور پھر دلکش انداز میں اس کو گایا۔

پاکستان کی بحری، بری اور فضائی افواج کو خراج تحسین پیش کرنے والا اس اے آئی روبوٹ کو جب بتایا گیا کہ جنگ میں پاکستان نے بھارت کو شکست دے دی ہے تو یہ اتنا خوش ہوا کہ اس نے یہ خوبصورت ملی نغمہ ’’جب بھی لہرائے پرچم ہلالی، اس میں چھپی ہوتی ہے فتح کی کہانی‘‘ لکھی اور پھر خود اس دی دھن ترتیب دی اور گا کر سب کو حیران کر دیا۔

گرمیوں کی آمد کیساتھ ہی پھلوں کے بادشاہ آم کی آمد ہوچکی ہے، موسم گرما کا یہ عمدہ پھل جسے بادشاہ کہا جاتا ہے اب بازاروں میں نظر آنے لگا ہے۔

اے آر وائی نیوز کے رپورٹ کے مطابق یوں تو پھلوں کے بادشاہ آم کی کئی اقسام ہیں اور مختلف قسموں کے آم کا ذائقہ ایک دوسرے سے جدا ہے، تاہم اس کی مٹھاس اور گودے میں موجود رسیلا پن اسے دوسرے پھلوں سے جداگانہ حیثیت فراہم کرتا ہے۔

پھلوں کے بادشاہ آم کے بارے میں پسندیدگی کا اظہار کرتے ہوئے ایک بچی نے اے آر وائی کو بتایا کہ میں مارکیٹ میں آم خریدنے آئی ہوں کیوں کہ مجھے آم کا ملک شیک بہت پسند ہے۔

خاتون نے کہا کہ گرمیاں آتی ہیں تو بس آموں کا ہی انتظار ہوتا ہے، مزے کریں گے جوس پیئیں گے، میرے بچے آم کا ملک شیک بہت شوق سے پیتے ہیں۔

ایک شخص نے کہا کہ پھلوں کے بادشاہ آم نے مارکیٹ میں انٹری دیدی ہے اور انشااللہ بارش کے سیزن کے ساتھ ساتھ آم آنا شروع ہونگے لیکن فی الحال ابھی جو آم آئے ہیں انھوں نے ہی ہمارا دل للچادیا، جنھیں لینے کےلیے ہم رک گئے۔

دنیا بھر میں آم کھانے کے شوقین افراد سارا سال آم آنے کا بڑی بے صبری سے انتظار کرتے ہیں، آم ان لوگوں کی نظر میں بہت خاص مقام رکھتا ہے جو اسے بہت شوق سے کھاتے ہیں۔

تمام پھل ہی قدرت کی طرف سے بہترین تحفہ ہیں تاہم آم کو پھلوں کا بادشاہ کہا جاتا ہے، یہ آج بھی پھلوں کے شوقین افراد کی پہلی پسند ہے۔