وزیراعظم عمران خان کی سینئر صحافیوں سے ہونے والی ملاقات ختم ہوگئی ہے۔
ذرائع وزیراعظم کے مطابق ملک کی سیاسی صورت حال پر وزیراعظم نے سینئر صحافیوں سے خصوصی ملاقات کی اور اپنے نقطہ نظر سے آگاہ کیا۔
وزیراعظم نے کہا کہ کسی صورت عالمی سازش کو کامیاب نہیں ہونےدونگا اور نہ ہی ہار مانوں گا ، میں آخری بال تک لڑوں گا۔
سینئر صحافیوں سے گفتگو میں وزیراعظم نے اس خبر کی سختی سے تردید کرتے ہوئے کہا کہ عسکری ڈیپارٹمنٹ میں کسی قسم کی کوئی تبدیلی کی جارہی ہے، جب بھی اہم اجلاس بلاتے ہیں تو افواہوں کا بازار گرم ہوتا ہے، آرمی چیف کوتبدیل کرنےکی کوئی بات نہیں ہوئی نہ سوچاہے، میں اپناکام آئین وقانون کےمطابق کرتارہوں گا۔
یہ بھی پڑھیں: سپریم کورٹ کھول دی گئی، چیف جسٹس روانہ
وزیراعظم نے کہا کہ دھمکی آمیز مراسلہ چیف جسٹس پاکستان کو بھی پیش کیاجائیگا اس کے علاوہ مراسلہ چیئرمین سینیٹ سمیت تمام سربراہوں سے شیئر کیا جائیگا، جس میں امریکی سفارتکاروں کیساتھ پاکستان میں ملاقاتوں کی ساری تفصیلات ہیں، ڈپٹی اسپیکر نےحقائق دیکھتےہوئے ہی رولنگ دی تھی۔
وزیراعظم عمران خان نے صحافیوں کو بتایا کہ اپوزیشن نہیں چاہتی دھمکی آمیز مراسلہ پبلک کیا جائے، ڈپٹی اسپیکر نےحقائق دیکھتے ہوئے ہی رولنگ دی تھی، اب سپریم کورٹ کےفیصلےپر عملدرآمد شروع ہوچکا ہے، اسپیکر مکمل طورپربا اختیارہیں، آئین وقانون پر عملدرآمدہوگا، اسمبلی کارروائی میں کسی صورت رکاوٹ نہیں ڈالےجائےگی۔
وزیراعظم عمران خان کا مزید کہنا تھا کہ تنہا ہوں لیکن قوم کےلیےلڑوں گا اورسمجھوتہ نہیں کرونگا، اپوزیشن زیادہ سے زیادہ کیا کرسکتی ہے؟ مجھےجیل میں ڈال سکتی ہے، قوم کیلئے آخری بال تک لڑوں گا پیچھے نہیں ہٹوں گا، پہلے کبھی شکست تسلیم کی نہ اب شکست تسلیم کرونگا۔
جہانگیر ترین کا کہنا تھا کہ ٹھنڈی ہوا اسلام آباد سے چلی تو مطمئن ہوئے، اب ہم اس میں رکاوٹ نہیں بنیں گے، ہمارے پورے گروپ کی عنقریب وزیر اعظم سے ملاقات ہوگی، خان صاحب سے رشتہ کم زور نہیں ہونا چاہیے،انھوں نے کہا میرے خلاف بناوٹی ایف آئی آرز ہیں، کوئی چیز ایف آئی اے کی نہیں، کوئی مدعی شیئر ہولڈرز نہیں، سب مجھ سے خوش ہیں، یہ ایس ای سی پی اور ایف بی آر کے کیسز ہیں۔
اے آر وائی نیوز سے خصوصی گفتگو کرتے ہوئے وزیراعظم نے واضح کیا کہ نبیﷺکی شان سےمتعلق مؤقف ووٹ کیلئےنہیں لیایہ میرا عقیدہ ہے،مغربی ممالک میں نبیﷺ کی شان میں گستاخی پلان کے تحت ہوتاہے، مغربی ممالک میں بیٹھے فتنے کو سمجھ نہیں آتی کہ ہمارا کیا عقیدہ ہے؟میں نے یہ معاملہ اوآئی سی اور یواین میں بار بار اٹھایا۔
دوسری جانب اےآر وائی نیوز نے حکومت اور ٹی ایل پی کے درمیان ہونے والے معاہدے کے مندرجات حاصل کرلئے ہیں، مندرجات میں حکومت نے ایک بار پھر نومبر2020کے معاہدے پر اپنا عزم دہرایا، حکومت اور ٹی ایل پی کے درمیان معاہدےکی شقوں کو20اپریل 2021تک پارلیمنٹ میں پیش کیاجائیگا۔
