Author: صفدر عباس

قومی ٹیم کے معروف ٹیسٹ کرکٹر فواد عالم نے ریٹائرمنٹ کے حوالے سے سامنے آنے والی خبروں پر رد عمل دیا ہے۔

واضح رہے کہ گزشتہ روز یہ خبریں گردش کررہی تھیں کہ ٹیسٹ کرکٹر فواد عالم ریٹائرمنٹ لینے کا ارادہ رکھتے ہیں اور امریکا روانگی کے حوالے سے سوچ بچار کررہے ہیں۔

مگر اب اپنی ریٹائرمنٹ کے حوالے سے خبروں پر رد عمل دیتے ہوئے ٹیسٹ کرکٹر نے ایسی تمام خبروں کی تردید کردی ہے۔

اطلاعات کے مطابق ٹیسٹ کرکٹر فواد عالم نے کہا ہے کہ اُن کا ریٹائرمنٹ لینے کا کوئی ارادہ نہیں، ایسی خبریں صداقت پر مبنی نہیں ہیں۔

واضح رہے کہ فواد عالم نے 19 ٹیسٹ، 38 ون ڈے اور 24 ٹی ٹوئنٹی میچز میں پاکستان کی نمائندگی کی ہے۔ کرکٹ شائقین میں ان کی ریٹائرمنٹ کے حوالے سے خبریں سامنے آنے کے بعد مایوسی کی لہر دوڑ گئی تھی۔

ورلڈکپ 2023 میں پاکستانی ٹیم کی شرکت پر کمنٹ کرکے بھارتی کمنٹیٹر ہرشا بھوگلے نے جلتی پر تیل کا کام کردیا۔

گزشتہ روز ترجمان دفتر خارجہ نے ایک بیان جاری کیا جس میں انہوں نے قومی ٹیم کو بھارت جاکر ورلڈ کپ کھیلنے کی اجازت دی تھی۔ مگر بھارتی کمنٹیٹر ہرشا بھوگلے نے زہر اُگلتے ہوئے متضاد بیان دے دیا۔

بھارتی کمنٹیٹر ہرشا بھوگلے کا اپنے کمنٹ میں کہنا تھا کہ عظیم الشان اعلانات کو بھول جاؤ، ہمیں 2 ماہ پہلے ہی معلوم تھا پاکستان ورلڈکپ کیلئے بھارت آئے گا۔

Forget the defiant statements, the grand pronouncements, Pakistan were always going to come to the World Cup. We knew this two months ago. That is also the way their players would have wanted it.

— Harsha Bhogle (@bhogleharsha) August 7, 2023

بھارتی کمنٹیٹر کا بیان سامنے آنے کے بعد پاکستانی شائقین کرکٹ میں غصے کی لہر دوڑ گئی اور ہر شا بھوگلے کو آڑے ہاتھوں لیتے ہوئے کہا کہ بھارتی کمنٹیٹر کا بیان توہین آمیز ہے، انہیں تکبر اور سیاست کو کھیل میں نہیں لانا چاہیے تھا۔

قبل ازیں آئی سی سی کی جانب سے سوشل میڈیا پلیٹ فارم ٹوئٹر پر 2 منٹ اور 13 سیکنڈ کی ویڈیو جاری کی گئی تھی جس میں پاکستانی فینز اور ٹیم کو مایوس دکھایا گیا تھا تو شائقین کرکٹ کی جانب سے شدید رد عمل ظاہر کیا گیا تھا۔

واضح رہے کہ ورلڈکپ کا آغاز 5 اکتوبر کو 2019 کے فائنل میں پہنچنے والی ٹیموں انگلینڈ اور نیوزی لینڈ کے درمیان میچ سے ہو گا، جبکہ اس کا اختتام 19 اکتوبر کو احمد آباد میں شیڈول فائنل پر ہوگا۔

قومی کرکٹ ٹیم کے سابقہ اور موجودہ بالرز نے کرکٹ کی دنیا میں اہم کامیابیاں سمیٹی ہیں اور بڑے بڑے بلے بازوں کے لئے خوف کی علامت بنے رہے ہیں۔

ایک شو میں جب بھارتی کرکٹ ٹیم کے کپتان روہت شرما سے جب اس حوالے سے پوچھا گیا کہ آپ نے پاکستان کا سب سے مشکل بولر کسے پایا؟

بھارتی کرکٹ ٹیم کے کپتان روہت شرما نے اس سوال کا جواب دیا جس پر کرکٹ شائقین کی جانب سے ملے جلے رد عمل کا اظہار کیا جارہا ہے۔

بھارتی کپتان کی جانب سے اپنے روایتی مزاحیہ انداز میں جواب دیا گیا کہ پاکستان کرکٹ ٹیم میں موجود سارے ہی بولرز اچھے ہیں، میں کسی کا نام نہیں لوں گا۔

روہت شرما کا اپنے جواب کی وضاحت کرتے ہوئے کہنا تھا کہ کسی کا نام لینے سے بہت بڑا تنازع ہو جاتا ہے، ایک کا نام لو تو دوسرے کو اچھا نہیں لگتا اور دوسرے کا نام لو تو تیسرا اسے پسند نہیں کرتا، بھارتی کپتان کا کہنا تھا کہ پاکستان ٹیم میں سب اچھے کھلاڑی ہیں۔

خیال رہے کہ اگلے 2 ماہ میں کم از کم 5 بار پاکستان اور بھارت کا میچ متوقع ہے، ایشیا کپ کے سُپر فور مرحلے میں پہنچنے کی صورت میں 2 بار یقینی طور پر پاکستان کا بھارت سے ٹاکرا ہوگا، جبکہ ممکن ہے کہ تیسری بار فائنل میں بھی دونوں ٹیمیں آپس میں ٹکرائیں۔

سوشل میڈیا پر ایک ویڈیو بہت تیزی سے وائرل ہورہی ہے، جس میں دیکھا جاسکتا ہے کہ ایک بزرگ شخص تصوراتی کرکٹ کھیلنے میں مصروف ہے۔

وائرل ہونے والی ویڈیو میں دیکھا جاسکتا ہے کہ ایک بزرگ شخص بیچ سڑک پر کھڑا خیالی کرکٹ کھیلتے ہوئے شارٹ لگا رہا ہے اور کسی بلے باز کی نقالی کررہا ہے، جس نے باؤنسر پر چھکا مارا تھا۔

Cricket is the game of emotions. ❤️ pic.twitter.com/H2N14NGb9p

— Prayag (@theprayagtiwari) August 5, 2023

اکثر کہا جاتا ہے کہ ہندوستان دو چیزوں کے لیے جیتا اور سانس لیتا ہے، بالی ووڈ اور کرکٹ، اور یہ حقیقت ہے۔ تاہم، جب کرکٹ کی بات آتی ہے تو پاکستانی بھی اسی طرح کے جذباب رکھتے ہیں۔

سوشل میڈیا پر مقبول ہونے والی ویڈیو میں بزرگ شخص چھکا مارنے کے بعد اپنے بلے کو ہوا میں لہرا تے ہوئے جشن منانے میں مصروف ہے۔

اس کلپ کو ٹویٹر پر ایک صارف نے شیئر کیا تھا جس کے ساتھ عنوان درج تھا کہ کرکٹ جذبات کا کھیل ہے۔