Author: صفدر عباس

پاکستانی ڈرامہ انڈسٹری کی معروف اداکارہ کنزہ ہاشمی نے کالے لباس میں اپنی تصاویر سوشل میڈیا پر شیئر کردیں۔

اداکارہ کنزہ ہاشمی نے فوٹو اور ویڈیو شیئرنگ ایپ انسٹاگرام پر تصاویر شیئر کیں جس کے خوب چرچے ہو رہے ہیں۔ مداحوں نے ان تصاویر کو پسند کیا ہے۔

اداکارہ نے تصاویر شیئر کرتے ہوئے لکھا کہ کالے لباس میں واپسی! تصاویر میں دیکھا جاسکتا ہے کہ کنزہ ہاشمی کالا لباس زیب تن کئے ہوئے مسکرا رہی ہیں۔

اس سے قبل معروف اداکارہ کنزہ ہاشمی نے لندن میں سیر سپاٹوں کی تصاویر شیئر کی تھیں جنہیں سوشل میڈیا پر خوب پذیرائی ملی تھی۔

اداکارہ نے تصاویر شیئر کرتے ہوئے لوکیشن آپشن میں بتایا تھا کہ وہ ان دنوں لندن میں موجود ہیں، تصاویر میں کنزہ ہاشمی کو لندن کی سڑکوں پر لطف اندوز ہوتے ہوئے دیکھا جاسکتا ہے۔

اداکارہ حریم فاروق نے شوبز انڈسٹری کے ابتدائی مراحل میں پیش آنے والی مشکلات کو اپنے چاہنے والوں سے شیئر کیا۔

اداکارہ کا ایک انٹرویو میں کہنا تھا کہ انہوں نے جب شوبز میں جانے کا فیصلہ کیا تو والدین کی جانب سے زور دیا گیا کہ میں بیرون ملک چلی جاؤں۔

انہوں نے کہا کہ میرا اس انڈسٹری میں کوئی جان پہچان والا نہیں تھا، میں نے سیٹ پر چھپ کر شاور بھی لیا اور کپڑوں پر استری بھی وہیں کرتی تھی، میرے پاس پیسے نہیں ہوتے تھے، میں جس فلیٹ میں رہتی تھی وہ بہت چھوٹا تھا اور وہاں نہ بجلی تھی نہ پانی تھا۔

انہوں نے کہا کہ میں نے اپنے والد کی پڑھنے کیلئے ملک سے باہر بھیجنے کی آفر کومسترد کردیا اور کہا میں خود کچھ بننے کے لئے کوشش کروں گی، جس کے بعد میں کراچی منتقل ہوگئی۔

اداکارہ نے کہا کہ میں روتی تھی اور سوچا کرتی تھی کہ کیا میرے لیے یہ خواب اتنا ضروری ہے، بعض اوقات میں سوچتی تھی کہ میں یہ سب کچھ کیوں کررہی ہوں مجھے تو اللہ تعالیٰ نے اتنا کچھ دیا ہے، انہوں نے کہا کہ میں کبھی کبھار ٹوٹ جاتی تھی لیکن اپنے والدین کو کچھ نہیں بتاتی تھی۔

اداکارہ کا کہنا تھا کہ میں ایک چیز جانتی تھی کہ میرا جذبہ اور لگن سچی ہے، میرے دل میں سچائی ہے اور میں محنت کرنے کیلئے تیار ہوں، تمام تر مشکلات کے باوجود مجھے خدا پر یقین تھا کہ اگر آج میری زندگی میں اندھیرا ہے تو کل اُجالا بھی ہوگا۔

پاکستان سے بھارت فرار ہوکر پسند کی شادی کرنے والی سیما حیدر کو بالی ووڈ کے پروڈیوسر امیت جانی نے فلم کی پیشکش کر دی۔

بین الاقوامی خبر رساں ادارے کی رپورٹ کے مطابق پاکستان سے بھارت فرار ہوکر پسند کی شادی کرنے والی سیما حیدر کے ساتھ ان کے شوہر سچن کو بھی فلموں کی آفرز موصول ہورہی ہیں، تاہم دونوں کی جانب سے فلموں میں کام کرنے کے حوالے سے ابھی تک کوئی حتمی فیصلہ نہیں کیا گیا۔

پاکستان سے فرار ہونے والی سیما حیدر اور سچن کی محبت کی کہانی کسی فلمی کہانی سے کم تو نہیں لیکن اب ممکن ہے کہ سیما حیدر اپنی حقیقی زندگی میں بھی ہیروئن کا کردار ادا کریں گی۔

بھارتی فلم انڈسٹری کے پروڈیوسر امیت جانی نے کہا ہے کہ سیما اور سچن کی محبت سے متاثر ہوئے ہیں اور ان کی مالی مدد کیلئے انہیں فلم آفر کر رہے ہیں۔

سیما اور سچن کی محبت کی کہانی کے بھارت اور پاکستان کے علاوہ دنیا کے دیگر ممالک میں بھی خوب چرچے ہورہے ہیں، جس کے باعث اس جوڑے کی مقبولیت میں دن بدن اضافہ ہورہا ہے۔

یاد رہے کہ پاکستانی خاتون سیما حیدر پب جی گیم کے ذریعے بھارت کے رہائشی سچن کی محبت میں مبتلا ہوئی تھی، جس کے بعد اپنے 4 بچوں کے ہمراہ پاکستان سے دبئی اور پھر نیپال سے بھارت پہنچ گئی تھی۔