ARYNews.tv | Urdu – Har Lamha Bakhabar

Author: محمد صلاح الدین

  • ایوی ایشن صنعت کی رپورٹنگ سے وابستہ صحافیوں نے تنظیم بنا لی

    ایوی ایشن صنعت کی رپورٹنگ سے وابستہ صحافیوں نے تنظیم بنا لی

    کراچی (12 اگست 2025): ایوی ایشن صنعت کی رپورٹنگ سے وابستہ صحافیوں نے تنظیم بنا لی ہے۔

    تفصیلات کے مطابق ایوی ایشن صنعت کی رپورٹنگ سے وابستہ صحافیوں نے اپنی پیشہ وارانہ صلاحیتوں میں اضافہ اور مسائل کے حل کے لیے ’پاکستان ایوی ایشن رپورٹرز ایسوسی ایشن‘ کے قیام کا اعلان کر دیا ہے۔

    ایسوسی ایشن کے قیام کا اعلان پیر کو ایوی ایشن رپورٹرز کے کراچی میں ہونے والے ایک تعارفی اجلاس میں کیا گیا، اجلاس میں جاوید اصغر چوہدری، محمد صلاح الدین، آفتاب خان، افضل ندیم ڈوگر، ایوب جان سرہندی، رانا خالد محمود، عبدالرحمن، ثمر عباس، سید وسیم، خورشید رحمانی، رضوان احد خان، ارشاد سنجرانی، زاہد غنی کھوکھر اور صلاح الدین علی شریک ہوئے۔

    پیرس میں طیارہ گراؤنڈ ہونے سے پی آئی اے کو ہزاروں ڈالر کے نقصان کا سامنا

    اجلاس میں طے کیا گیا کہ پاکستان ایوی ایشن رپورٹرز ایسوسی ایشن ( پارا) کو باضابطہ طور پر رجسٹرڈ کرایا جائے گا، ایوی ایشن تنظیم کے ڈھانچے کی تشکیل، آئین سازی اور دیگر امور کے لیے ایک ایڈہاک کمیٹی قائم کر دی گئی ہے، جس میں ایوب جان سرہندی، افضل ندیم ڈوگر، آفتاب خان، ارشاد سنجرانی، صلاح الدین، سید وسیم، رانا خالد، ثمر عباس، عبدالرحمن اور زاہد کھوکھر شامل ہوں گے۔

    ایڈہاک کمیٹی کے کنوینر جاوید اصغر چوہدری ہوں گے، ایڈہاک کمیٹی جلد انتخابات کا اعلان کرے گی، اور تنظیم کا آئندہ اجلاس 18 اگست کو منعقد ہوگا۔

  • سعودی عرب اور خلیجی ممالک جانے والے مسافروں کے لئے بڑی خوشخبری

    سعودی عرب اور خلیجی ممالک جانے والے مسافروں کے لئے بڑی خوشخبری

    کراچی : قومی ائیر لائن نے جشن آزادی کے موقع پر سعودی عرب اور خلیجی ممالک جانے والے مسافروں کے لیے بڑے ریلیف کا اعلان کردیا۔

    تفصیلات کے مطابق قومی ائیر لائن ( پی آئی اے) جشنِ آزادی کے موقع پر مسافروں کے لیے کرایوں میں خصوصی رعایت کا اعلان کردیا۔

    ترجمان نے بتایا کہ قومی ایئرلائن 14 اگست کو سفر کرنے والے مسافروں کو فضائی ٹکٹس پر 14 فیصد ڈسکاؤنٹ فراہم کرے گی۔

    رعایت کا اطلاق ڈومیسٹک، سعودی عرب، گلف ممالک، یو اے ای اور کویت کے ٹکٹس پر ہوگا، جبکہ لاہور سمیت ملک بھر کے ریزرویشن دفاتر کو اس حوالے سے ہدایات جاری کردی گئی ہیں۔

    دوسری جانب نجی ایئر لائن نے بھی جشن آزادی کی مناسبت سے کرایوں میں 14فیصد رعایت کا اعلان کیا۔

    ترجمان نجی ایئرلائن نے بتایا کہ 11 سے 17 اگست تک خریدے گئے ڈومیسٹک اور یو اے ای کے ٹکٹس پر 14 فیصد رعایت دی جائے گی، جو 11 اگست سے 30 ستمبر تک کے سفر کے لیے قابلِ استعمال ہوں گے۔

    ترجمان کے مطابق رعایت ویب سائٹ اور موبائل ایپ کے ذریعے خریدے گئے ٹکٹس پر بھی لاگو ہوگی۔

  • سعودی ایئر لائن کے حوالے سے حیران کن اعداد و شمار سامنے آ گئے

    سعودی ایئر لائن کے حوالے سے حیران کن اعداد و شمار سامنے آ گئے

    کراچی (11 اگست 2025): سعودی ایئر لائن نے 6 ماہ کی کارکردگی رپورٹ جاری کر دی ہے۔

    تفصیلات کے مطابق سعودی عرب کی قومی فضائی کمپنی سعودی ایئر لائن سے 2025 کی پہلی ششماہی کے دوران 17.5 ملین سے زائد مسافروں نے سفر کیا، جو 2024 کی اسی مدت کے مقابلے میں 7.2 فی صد زائد ہے۔

    ہر سال پاکستان سے بڑی تعداد میں مسافر سعودی عرب کا سفر کرتے ہیں، یوں پاکستان سعودیہ کے عالمی نیٹ ورک میں ایک اہم منزل ہے، سعودیہ کی قابل اعتماد سروس کی وجہ سے پاکستانی مسافر اس کا انتخاب کرتے ہیں کیوں کہ یہ پاکستانی مسافر کی حج، عمرہ اور غیر ملکی سفر کی مخصوص ضرورتیں بھی پوری کر رہی ہے۔

    مسافروں کی یہ ترجیح نہ صرف سعودی عرب اور پاکستان کے درمیان گہرے تعلقات کو مضبوط کرتی ہے بلکہ سعودیہ کی جاری عالمی توسیع کو آگے بڑھانے میں بھی کلیدی کردار ادا کرتی ہے۔ ایئر لائن کی آپریشنل کارکردگی میں بہتری اس لیے بھی ممکن ہوئی ہے کیوں کہ اس کا فضائی آپریشن ایک لاکھ سے زائد پروازوں پر مشتمل ہے، اور اس کا نیٹ ورک چار براعظموں پر محیط ہے۔

    پیرس میں طیارہ گراؤنڈ ہونے سے پی آئی اے کو ہزاروں ڈالر کے نقصان کا سامنا

    ایوی ایشن انڈسٹری سے متعلق مستند اعداد و شمار فراہم کرنے والے ادارے سیریم کی ایک رپورٹ کے مطابق مجموعی طور پر سعودیہ نے اس مدت کے دوران پرواز کے 293,500 سے زیادہ گھنٹے ریکارڈ کیے، جب کہ پروازوں کی بروقت آمد و روانگی کی 89.6 فی صد کی غیر معمولی شرح کو بھی برقرار رکھا۔ قابل ذکر بات یہ ہے کہ ایئر لائن مارچ اور جون 2025 دونوں میں پروازوں کی بروقت آمد و روانگی کے اعتبار سے دنیا بھر میں پہلے نمبر پر رہی۔

    سعودیہ نے 2025 کی پہلی ششماہی میں سالانہ 5 فیصد اضافے کے ساتھ 9.6 ملین سے زیادہ بین الاقوامی مسافروں کو سفری خدمات فراہم کیں، یہ اضافہ 43,700 سے زیادہ بین الاقوامی پروازوں پر مشتمل آپریشن کے باعث ممکن ہوا، جو کہ گزشتہ سال کی اسی مدت کے مقابلے میں 3 فی صد اضافے کو ظاہر کرتی ہیں۔ ڈومیسٹک سطح پر سعودیہ سے اس دوران 10 فی صد اضافے کے ساتھ 56,400 سے زائد پروازوں کے ذریعے 7.9 ملین سے زیادہ مسافروں نے سفر کیا۔

    پاکستان اور سعودی عرب کے درمیان اہم روٹ پر سعودیہ کے آپریشنز سے ظاہر ہوتا ہے کہ یہ حجاج، تارکین وطن اور آرام دہ سفر کے خواہش مند مسافروں کے لیے مسلسل ترجیح اختیار کرتا جا رہا ہے۔ اور سعودی ایئرلائن کا موجودہ 148 طیاروں پر مشتمل فضائی بیڑہ ملکی اور بین الاقوامی دونوں نیٹ ورکس پر مضبوط آپریشنل کارکردگی کا باعث ہے۔

    سعودیہ کا کہنا ہے کہ مستقبل قریب میں اس فضائی بیڑے میں مزید 117 نئے طیارے بھی شامل کیے جائیں گے۔

  • پیرس میں طیارہ گراؤنڈ ہونے سے پی آئی اے کو ہزاروں ڈالر کے نقصان کا سامنا

    پیرس میں طیارہ گراؤنڈ ہونے سے پی آئی اے کو ہزاروں ڈالر کے نقصان کا سامنا

    کراچی (11 اگست 2025): پاکستان انٹرنیشنل ایئر لائنز (پی آئی اے) کا پیرس میں ایک طیارہ گراؤنڈ ہونے سے قومی ایئر لائن کو ہزاروں ڈالر کے نقصان کا سامنا ہے۔

    تفصیلات کے مطابق پیرس میں پی آئی اے کے طیارے میں فنی خرابی آ گئی تھی، جس پر طیارہ گراؤنڈ کرنا پڑا، 4 روز گزرنے کے باوجود طیارے کی فنی خرابی دور نہیں کی جا سکی ہے۔

    ذرائع کا کہنا ہےکہ بوئنگ 777 طیارے کے ایک انجن میں فنی خرابی پیدا ہوئی تھی، جس کے باعث طیارے کو پیرس ایئر پورٹ پر گراؤنڈ کر دیا گیا تھا، طیارہ گراؤنڈ ہونے کی وجہ سے پیرس سے لاہور اور اسلام آباد کی پروازوں کا شیڈول بری طرح متاثر ہو گیا ہے، ہزاروں ڈالر کے نقصان کے علاوہ پاکستان جانے والے مسافروں کو بھی شدید پریشانی کا سامنا کرنا پڑ رہا ہے۔

    ذرائع کے مطابق پی آئی اے کی پرواز پی کے 749 اسلام آباد سے 20 گھنٹے کی تاخیر کے بعد پیرس کے لیے روانہ ہو سکی، انتظامیہ کا کہنا ہے کہ پرواز میں گراؤنڈ ہونے والے طیارے کے پرزہ جات اور ضروری سامان روانہ کیا گیا ہے، طیارے کی مرمت کے بعد پیرس سے لاہور کے لیے پرواز پی کے 734 کو آج رات روانہ کیا جائے گا۔

    متاثر ہونے والا فلائٹ شیڈول

    قومی ایئر لائن کے طیاروں میں فنی خرابی کے باعث بین الاقوامی فلائٹ شیڈول بری طرح متاثر ہو چکا ہے، اور متعدد پروازوں میں تاخیر ہو رہی ہے، قومی ایئر لائن کی لاہور دبئی کی 2 پروازیں پی کے 203، 204 منسوخ کر دی گئی ہیں، اسلام اباد کوالالمپور کی پرواز پی کے 894 میں 8 گھنٹے کی تاخیر ہے۔

    کراچی میں جدید طرز کا ریلوے اسٹیشن 10 ستمبر کو افتتاح کے لیے تیار ہو جائے گا

    قومی ایئر لائن کے ترجمان نے کہا ہے کہ پیرس میں بوئنگ 777 طیارہ خراب ہونے کی وجہ سے شیڈول متاثر ہوا ہے، کراچی ایئرپورٹ کی آمد اور روانگی کی کئی پروازوں میں تاخیر رپورٹ کی گئی ہے، کراچی گوادر تربت سکھر کی 6 پروازوں کی روانگی میں چار تک گھنٹوں کی تاخیر ہوئی۔

    کراچی سے تربت کی قومی ایئر کی پرواز پی کے 501 کی روانگی شام 4 بجے متوقع ہے، کراچی سے سکھر کی پرواز پی کے 536 کی روانگی میں پونے تین گھنٹے تاخیر ہے، کراچی لاہور کی پرواز پی ایف 142 کی روانگی میں 6 گھنٹے تاخیر ہے، اسلام آباد جدہ کی پرواز 801 کی روانگی میں 8 گھنٹے تاخیر کر دی گئی ہے۔

  • پی آئی اے کا فلائٹ شیڈول متاثر، کئی پروازیں تاخیر کا شکار

    پی آئی اے کا فلائٹ شیڈول متاثر، کئی پروازیں تاخیر کا شکار

    پی آئی اے کے بوئنگ 777 طیارے میں فنی خرابی کے باعث پیرس روٹ کا پورا شیڈول متاثر ہو گیا۔

    قومی ایئرلائن کا بوئنگ 777 طیارہ پیرس پہنچنے کے بعد فنی خرابی کا شکار ہے اور انجن میں فنی خرابی کے باعث طیارہ پیرس ائیرپورٹ پر گراؤنڈ کر دیا گیا ہے،

    ترجمان پی آئی اے کا کہنا ہے کہ طیارہ اڑان نہیں بھر سکا جس کی وجہ سے پورا شیڈول متاثر ہوا۔

    اسلام آباد سے پیرس جانے والی پرواز کئی گھنٹے تاخیر کا شکار ہے۔ پرواز پی کے797 ساڑھے 12 گھنٹے تاخیر سے لاہور سے ٹورنٹو روانہ کیا گیا۔

    نجی ایئرلائن کی لاہور ابوظہبی کی پرواز پی اے 430 بھی 12گھنٹے تاخیر کا شکار ہوئی۔ قومی ایئرلائن کی اسلام آباد کوالالمپور کی پروازپی کے894 میں ساڑھے7 گھنٹےتاخیر ہوئی۔

    اسلام آباد پیرس کی پرواز پی کے749 کی روانگی میں 10 گھنٹے سے زائد تاخیر ہوئی۔ پرواز پی کے749 نئے وقت کے مطابق رات 1 بجے اسلام آباد سے روانہ ہو گی۔

  • اسلام آباد ایئرپورٹ : پروازوں کی آمد و رفت 2 گھنٹے کیلیے معطل کرنے کا اعلان

    اسلام آباد ایئرپورٹ : پروازوں کی آمد و رفت 2 گھنٹے کیلیے معطل کرنے کا اعلان

    اسلام آباد ایئرپورٹ انتظامیہ نے دو روز کیلیے پروازوں کی آمد و رفت معطل کرنے کا اعلان کیا ہے۔

    اس حوالے سے پاکستان ایئرپورٹ اتھارٹی نے نوٹم جاری کردیا جس کے تحت 11اور14اگست کو اسلام آباد ایئرپورٹ پر2گھنٹےکیلئے پروازوں کی آمد و رفت معطل رہے گی۔

    نوٹم کے مطابق اسلام آباد ایئرپورٹ پر فضائی آپریشن صبح 11 سے دوپہر 1 بجے تک معطل رہے گا۔

    پاکستان ایئرپورٹ اتھارٹی کا یہ نوٹم یوم آزادی ریہرسل کیلئے جاری کیا گیا ہے جس میں تمام ایئر لائنز کو ان اوقات میں پروازیں شیڈول نہ کرنے کی ہدایت کی گئی ہے۔

    اس حوالے سے ترجمان پاکستان ایئرپورٹ اتھارٹی نے واضح کیا کہ یہ پابندی صرف مختصر وقفوں کے لیے ہوگی اور ان اوقات کے علاوہ ایئرپورٹ پر پروازیں معمول کے مطابق جاری رہیں گی۔

  • علامہ اقبال انٹرنیشنل ایئرپورٹ پر منشیات کی بھاری کھیپ اسمگل کرنے کی کوشش ناکام

    علامہ اقبال انٹرنیشنل ایئرپورٹ پر منشیات کی بھاری کھیپ اسمگل کرنے کی کوشش ناکام

    لاہور : علامہ اقبال انٹرنیشنل ایئرپورٹ پر منشیات کی بھاری کھیپ اسمگل کرنے کی کوشش ناکام بنادی گئی۔

    تفصیلات کے مطابق لاہور میں علامہ اقبال انٹرنیشنل ایئرپورٹ پر کسٹم حکام نے منشیات اسمگلنگ کی بڑی کوشش ناکام بناتے ہوئے 15 کلوگرام سے زائد منشیات برآمد کر لی، جس کی بین الاقوامی مارکیٹ میں مالیت تقریباً 3 کروڑ 10 لاکھ روپے بتائی جا رہی ہے۔

    کسٹم حکام کا کہنا تھا کہ بنکاک سے آنے والی تھائی ایئرلائن کی پرواز کے ذریعے ایک غیر ملکی مسافر لاہور پہنچا ،کلکٹر کسٹمز ایئرپورٹس طاہر حبیب چیمہ کو خفیہ اطلاع ملی تھی، جس کے بعد مشکوک مسافر کی آمد و رفت پر کڑی نظر رکھی گئی۔

    حکام نے کہا کہ ملزم بین الاقوامی آمد کے گرین چینل سے بغیر سامان گزر گیا، تاہم کچھ دیر بعد وہ اپنا سامان لینے کے لیے دوبارہ انٹرنیشنل آرائیول ہال میں آیا۔

    کسٹم ٹیم نے فوری کارروائی کرتے ہوئے سامان کی تلاشی لی، جس پر بیگ سے 15 کلوگرام سے زائد اعلیٰ معیار کی منشیات برآمد ہوئی۔

    ملزم کو حراست میں لے کر اس کے خلاف ایف آئی آر درج کر لی گئی ہے، جبکہ پاکستان میں موجود اس کے ممکنہ ساتھیوں کی تلاش کے لیے کارروائی شروع کر دی گئی ہے۔

    حکام نے کہا ہے کہ ایئرپورٹس پر اسمگلنگ کی ہر کوشش کو ناکام بنانے کے لیے جدید ٹیکنالوجی اور خفیہ اطلاعات کا مؤثر استعمال جاری رکھا جائے گا۔

  • پی آئی اے کی نجکاری کے عمل میں مزید تیزی ، بڑی پیش رفت

    پی آئی اے کی نجکاری کے عمل میں مزید تیزی ، بڑی پیش رفت

    کراچی : بولی دینے والی ایک کمپنی آج سے قومی ایئرلائن (پی آئی اے) ہیڈ آفس کا دورہ کرکے طیاروں کامعائنہ کرے گی۔

    تفصیلات کے مطابق پی آئی اے کی نجکاری کے عمل میں مزید پیشرفت سامنے آئی ہے، جہاں نجکاری میں شامل چار کمپنیوں کے نمائندے کراچی میں واقع پی آئی اے ہیڈ آفس اور اہم تنصیبات کے دورے کر رہے ہیں۔

    ذرائع نے بتایا کہ آج سے ایئر بلو کنسورشیم کے حکام نے پی آئی اے ہیڈ آفس اور اصفہانی ہینگر کا دورہ شروع کر دیا ہے، جہاں وہ طیاروں کا معائنہ کر رہے ہیں۔ اس کے ساتھ ساتھ ایئر بلو کنسورشیم کو اہم ریکارڈ تک رسائی بھی دی جا رہی ہے۔

    ایئر بلو کنسورشیم کے حکام کل بھی پی آئی اے کی دیگر اہم تنصیبات کا دورہ کریں گے تاکہ ادارے کی موجودہ صورتحال اور اثاثوں کا تفصیلی جائزہ لیا جا سکے۔

    مزید پڑھیں : پی آئی اے نجکاری کا نیا پلان ! خریدار پارٹی کو کتنے ارب کی سرمایہ کاری کرنا ہوگی؟

    ذرائع کے مطابق آئندہ ہفتے فوجی فرٹیلائزرز اور لکی کنسورشیم کے حکام کو بھی قومی ایئرلائن کی اہم تنصیبات کا دورہ کرایا جائے گا، جو نجکاری کے اگلے مراحل کی تیاری کا حصہ ہے۔

    واضح رہے کہ حکومت کی جانب سے قومی ایئرلائن کی نجکاری کا عمل تیزی سے آگے بڑھایا جا رہا ہے، جس کا مقصد قومی ایئر لائن کو خسارے سے نکال کر ایک مستحکم اور فعال ادارہ بنانا ہے۔

  • ایئرپورٹس پر غیرملکی مسافروں کے لیے علیحدہ امیگرین کاؤنٹرز قائم

    ایئرپورٹس پر غیرملکی مسافروں کے لیے علیحدہ امیگرین کاؤنٹرز قائم

    وزیراعظم شہباز شریف کی ہدایت پر امیگریشن نظام میں بہتری کے لیے عملی اقدامات جاری ہیں۔

    اے آر وائی نیوز کے مطابق ملک کے تمام بین الاقوامی ایئرپورٹس پر غیر ملکی مسافروں کے لیے علیحدہ امیگریشن کاؤنٹرز قائم کردیے گئے، نئے کاؤنٹرز سے غیر ملکی مسافروں کو امیگریشن کلیئرنس میں غیر ضروری تاخیر کا سامنا نہیں کرنا پڑے گا۔

    نئے کاؤنٹرز کراچی، لاہور، اسلام آباد، پشاور، ملتان، سیالکوٹ ایئرپورٹ پر قائم کیے گئے ہیں۔

    نئے کاؤنٹرز کے قیام سے غیر ملکی سیاحوں، سرمایہ کاروں اور کاروباری وفود کو سہولت ملے گی، اقدام کا مقصد پاکستان میں سیاحت، تجارت اور غیرملکی سرمایہ کاری کو فروغ دینا ہے۔

    کاؤنٹرز قائم ہونے سے وطن واپس آنے والے پاکستانیوں کے لیے بھی امیگریشن کا عمل مزید تیز اور آسان ہوجائے گا۔

    ترجمان ایف آئی اے کا کہنا ہے کہ تمام بین الاقوامی ایئرپورٹس پر بہترین امیگریشن سروس کو یقینی بنایا جارہا ہے، اقدامات کامقصد امیگریشن سروسز کو بین الاقوامی معیار کے مطابق بہتر کرنا ہے۔

  • برطانوی ہائی کمشنر جین میریٹ پی آئی اے کی کپتان بن گئیں

    برطانوی ہائی کمشنر جین میریٹ پی آئی اے کی کپتان بن گئیں

    کراچی (6 اگست 2025) برطانوی ہائی کمشنر جین میرٹ پاکستان کی قومی فضائی کمپنی (پی آئی اے) کی کپتان بن گئیں۔

    اے آر وائی نیوز کے مطابق برطانوی ہائی کمشنر جین میرٹ پی آئی اے کی کپتان بن گئیں اور قومی ایئر لائن کے سی ای او کے ہمراہ کراچی سے اسلام آباد کی پرواز میں سفر کیا۔

    اس موقع پر جین میرٹ نے کراچی ایئرپورٹ پر پی آئی اے کے کاؤنٹرز اور مسافروں کے سامان کی اسکیننگ کا بھی معائنہ کیا۔

    برطانوی ہائی کمشنر نے اس موقع پر مسرت کا اظہار کیا اور کہا کہ برطانیہ میں پی آئی اے کی پروازوں ی جلد بحالی پر ان کا پاکستان کی قومی ایئر لائن کے طیارے میں سفر کرنا مشن ہے۔