کراچی: قومی ایئرلائن کے انجیبئر نے اے ٹی آر طیارے کے خلاف کی جانے والی مبینہ سازش کا انکشاف کرتے ہوئے اسے ناکام بنادیا۔
تفصیلات کے مطابق پی آئی اے کے انجینئر نے جمعہ اور ہفتہ کی درمیانی شب بہاولپور سے کراچی آنے والی اے ٹی آر طیارے کی پرواز میں حیرت انگیز سازش کا سراغ لگایا۔
رجسٹریشن نمبر اے پی – بی کے وائی کے حامل اس اے ٹی آر طیارے کے انجن سے معمول کی انسپکشن کے دوران انجینئر نےنٹ بولٹ ‘ اسٹیل وائر اور اس سے ملحقہ آلات برآمد کیے۔
مبینہ طور سازش کا نشانہ بننے والے اس طیارے نے آئندہ روز فیصل آباد کے لیے اڑان بھرنا تھی اور انجن میں اس قسم کی اشیا کی موجودگی کسی یقینی حادثے کا سبب بن سکتی تھی۔
اے ٹی آر طیارے کے خلاف کی جانے والی مبینہ سازش کے خلاف پی آئی اے کی ویجیلنس نے تحقیقات شروع کردی ہیں اور امید کی جارہی ہے کہ ذمہ داروں کو قرار واقعی سزا دی جائے گی۔ طیارہ اگر بغیر چیک ہوئے روانہ ہوجاتا تو کوئی بھی حادثہ رونما ہوسکتا تھا۔
پی آئی اے ذرائع کے مطابق اے ٹی آر طیارے کے د ونوں انجنوں میں ڈالے جانے والے پرزہ جات کے سبب پیدا ہونے والی خرابی سے پی آئی اے کو 6کروڑ روپے سے زائد کا نقصان ہواہے۔
مذکورہ بالا اے ٹی آر طیارہ گروٴنڈ ہونے کی وجہ سےفی الحال پی آئی اے کے 9میں سے5طیارے آپریشن میں حصہ لے رہے ہیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
