ترجمان پی آئی اے کے مطابق نیرحیات نے مارکیٹنگ اور ائیرپورٹ سروسز کے ڈائریکٹروں کو بھی ہدایت کی ہے کہ وہ اپنے ہم وطنو ں کی مدد کے لئے مناسب پلاننگ کریں۔
انہوں نے کہا کہ پی آئی اے کے حکام دوحہ میں پاکستانی سفارت خانے سے بھی رابطہ میں رہیں۔ نیر حیات نے کہا ہے کہ ضرورت پڑنے پر پی آئی اے کی خصوصی پرواز یں بھی چلائی جائیں گی۔
یاد رہے کہ سعودی عرب اور قطر حکومت کے درمیان اختلافات بڑھنے کے سبب قطر ائر لائن کے کسی جہاز کو سعودی آنے کی اجازت نہیں ہے۔
قطر ائر لائن کی سعودیہ جانے والی تمام فلائٹ منسوخ ہو گئی ہیں۔ جو حجاج کرام آج صبح کی فلائٹ سے روانہ ہوئے ہیں وہ دوحہ ائر پورٹ پر پھنس گئے ہیں۔
قطرائرلائن انتظامیہ انہیں اگلی کسی ائر لائن کی فلائٹ سےروانہ کرنے کی ترتیب بنا رہی ہے۔ لیکن تاحال کوئی ترتیب نہیں بن سکی ہے۔
کراچی: کرکٹ چیمپئنز ٹرافی کا جنون زمین سے آسمان تک جاپہنچا ہے‘ پاکستان کی قومی فضائی کمپنی پی آئی اے نےانتظام کیا ہے کہ اب فضاؤں میں سفر کرنے والے مسافر بھی کرکٹ سے ہر لمحہ اپ ڈیٹ رہیں گے۔
تفصیلات کے مطابق پی آئی اے برطانیہ، یورپ، امریکا، کینیڈا اور چین جانیوالی اپنی تمام پروازوں میں آئی سی سی چیمپئنرز ٹرافی میں پاک بھارت کے درمیان ہونے والے سنسنی خیز میچ سے مسافروں کو میچ سے باخبر رکھے گی۔
پی آئی اے کے قائم مقام چیف ایگزیکٹیو آفیسر نیئر حیات نے اے آروائی نیوز کو بتایا کہ لانگ روٹ پر جانیوالی تمام پروازوں میں بوئنگ777طیاروں کے کپتانوں کو ہدایت جاری کردی گئی ہیں کہ وہ دورانِ پرواز اپنے مسافروں کو ہرپندرہ منٹ بعد سیٹلائٹ کمیونکیشن اور ACARSسسٹم کے تحت کرکٹ کی اپ ڈیٹ لیتے رہیں گے تاکہ لانگ روٹ کے مسافر فضاؤں میں بھی میچ سے لطف اندوز ہوتے رہیں۔
یاد رہے کہ پاکستان اور بھارت کے درمیان چیمپیئنز ٹرافی2017 کا اہم میچ آج کھیلا جائے گا۔ میچ پاکستانی وقت کے مطابق ڈھائی بجے شروع ہو گا۔
آئی سی سی چیمپیئنز ٹرافی میں بھارت کے خلاف ہائی وولٹیج ٹاکرے کے لیے پاکستان کوکپتان سرفراز احمد، اظہرعلی، احمد شہزاد، بابر اعظم، شعیب ملک، محمد حفیظ، شاداب خان، عماد وسیم، فہیم اشرف، وہاب ریاض، محمد عامر اور حسن علی کی خدمات حاصل ہیں۔
اس موقع پر کپتان سرفراز احمد کا کہنا تھا کہ بھارت کابیٹنگ آرڈر مضبوط ہے، ہماراپہلا ہدف بھارت کی ٹیم کو جلدآؤٹ کرنا ہوگا، جبکہ بھارت کے خلاف جدید حکمت عملی کے ساتھ کھیلیں گے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
کراچی : پی آئی اے کے شیئر ہولڈرز کا سالانہ اجلاس بے سود ثابت ہوا، پی آئی اے کا جنرل اکاؤنٹنگ اور روینیو چھ ماہ گزرنے کے باوجود بھی اکاؤنٹس بنانے میں بری طرح ناکام ہوگئے۔
تفصیلات کے مطابق پی آئی اے کے شیئر ہولڈرز کی اندرونی کہانی اے آر وائی نیوز کو موصول ہوگئی، پی آئی اے کے شیئرز ہولڈرز کا سالانہ اجلاس چیئرمین عرفان الٰہی کی صدارت میں ہوا۔
سالانہ اجلاس میں شیئرہولڈرز کو صرف تین کوارٹر کا اکاؤنٹ پیش کیا گیا جبکہ سالانہ جنرل کونسل اجلاس میں پورے سال کے اکاؤنٹس پیش کرکے اس کی منظوری دی جاتی ہے، جس پر شیئرہولڈرز نے شدید احتجاج کیا۔
انہوں نے کہا کہ اکاؤنٹس مکمل طور پر تیار نہیں تو سالانہ اجلاس کیوں طلب کیا گیا؟ رمضان المبارک میں ہمارا وقت برباد کیا گیا۔ اجلاس میں شیئرز ہولڈرز کی جانب سے پی آئی اے کی کارکردگی پر شدید برہمی کا اظہار کیا گیا۔
شیئرہولڈرز نے پی آئی اے کے طیاروں سے ہیروئن برآمد ہونے کے واقعے پر بھی شدید غم و غصے کا اظہار کیا، ان کا کہنا تھا کہ وہ کون سے عناصر ہیں جو جہازوں میں ہیروئن رکھ رہے ہیں اور پی آئی اے اور پاکستان کو بدنام کرنے کی سازش کر رہے ہیں۔
چیئرمین پی آئی اے عرفان الٰہی نے اجلاس سے خطاب کرتے ہوئے کہا کہ طیاروں سے ہیروئن برآمدگی کے حوالے سے اعلیٰ سطح کی تحقیقاتی کمیٹی کام کر رہی ہے، پی آئی اے کی بہتری کیلئے اقدامات کر رہے ہیں، شیئر ہولڈرز کے جتنے بھی مسائل ہیں انہیں حل کیا جائے گا۔
لندن : قومی ایئرلائن کے ساتھ ایک کے بعد ایک واقعہ رونما ہورہے ہیں، منشیات برآمدگی کامعاملہ تھما نہیں کہ پی آئی اے کی لندن پرواز کے 3 مسافر مبینہ طور پر لاپتہ ہوگئے، خدشہ ہے کہ یہ مسافر لندن جانے کے بجائے کابل فرار ہو گئے ہیں۔
کراچی ایئرپورٹ سے لندن جانے والی پروازپی کے785 کے تین مسافروں سارہ انیس، امجد حسین اور ریحا ماروا کو بورڈنگ کارڈز جاری ہوئے جبکہ دو لگیج ٹیگ بھی جاری کئے گئے۔
زرائع کے مطابق بورڈنگ پاس جاری ہونے کے بعد برطانوی سیکیورٹی فورس نے ای میل کے ذریعے قومی ایئرلائن کو تینوں مسافروں کو سفر کرنے سے روکنے کا کہا، قومی ایئرلائن کے عملے نے ایف آئی کے ساتھ ملکر مسافروں کی تلاش شروع کی لیکن تینوں پر اسرار طور پر غائب ہوگئے۔
تینوں مسافروں کے برطانوی پاسپورٹس اور بورڈنگ پاسز کچرے کے ڈبے سے ملے، مسافروں کا سامان آف لوڈ کر دیا گیا تاہم مسافر پرواز کی روانگی تک نہیں ملے۔
پی آئی اے کی لندن پرواز کے ساتھ ہی کابل کے لئے پرواز نمبر 249 کی بورڈنگ بھی جاری تھی، تلاش کے دوران تین افغان خواتین بورڈنگ کاڑدز کے بغیر بین الاقوامی لاونج میں پائی گئیں،خواتین کو مبینہ طور پر کابل کے لئے پی آئی اے کی پرواز پی کے 249 سے سفر کرنا تھا۔
زرائع کے مطابق گمشدہ مسافروں کا کابل کی پرواز پر خواتین کے مبینہ بورڈنگ کارڈز پر سفر کرنے کا امکان ہے۔
امیگریشن حکام نے پی آئی اے ٹاسک فورس کے اسرار اور ندیم نامی ٹریفک اہلکار کو بھی شامل تفتیش کر لیا ہے۔
یاد رہے اس سے قبل پی آئی اے طیارے سے منشیات برآمدگی کے بعد پی آئی اے کی بین الاقوامی پروازوں کی کڑی چیکنگ کی جارہی ہے ۔
واضح رہے کہ غیر ملکی ائیر پورٹ پر طیارے سے منشیات برآمد ہو جائے تو قومی ائیر لائن کو بھاری جرمانہ ادا کرنا پڑتا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
اسلام آباد: وزیراعظم نواز شریف چین کے دورے کے بعد کل سعودی عرب روانہ ہوں گے، جس کے لئے وزارت خارجہ نے پی آئی اے سے وی وی آئی پی پرواز کے لئے 777 بوئنگ طیارہ مانگ لیا ہے۔
تفصیلات کے مطابق وزیراعظم نواز شریف سعودی فرمانروا شاہ سلمان بن عبد العزیز کی دعوت پر کل سعودی عرب روانہ ہوں گے، وزیراعظم اسلام آباد سے ریاض جبکہ انکی واپسی مدینہ المنورہ سے ہو گی، اپنے دورے کے دوران وزیراعظم روضہ رسول ﷺ پر حاضری بھی دیں گے۔
اس موقع پر وزیراعظم شاہ سلمان اوردیگر سعودی عمائدین سے ملاقاتیں کریں گے جبکہ ریاض میں اسلامی کانفرنس سے بھی خطاب کریں گے۔
وزیراعظم نواز شریف کے دورے کیلئے پی آئی اے سے وی وی آئی پی پرواز کے لئے 777 طیارہ مانگ لیا ہے، رجسٹریشن نمبراے پی،بی آئی ڈی ہامل بوئنگ777طیارہ وزیراعظم کیلئے مختص ہوگا، بوئنگ777طیارہ وزیراعظم کے زیراستعمال رہنے سے فضائی آپریشن متاثر ہوگا۔
خیال رہے کہ ڈونلڈ ٹرمپ بھی اسلامی کانفرنس سے خطاب کریں گے جبکہ وزیر اعظم نواز شریف کی صدر ڈونلڈ ٹرمپ سے ملاقات بھی متوقع ہے۔
یاد رہے کہ وزیراعظم نوازشریف کو خادم الحرمین شریفین کی جانب سے امریکہ ،عرب اور اسلامی سمٹ میں شرکت کی دعوت دی گئی تھی، جس کو نواز شریف نے قبول کرتے ہوئے کرتے ہوئے 20 مئی کو سعودی عرب جانے کا فیصلہ کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لندن : پی آئی اے کی پرواز پی کے758 کو برطانوی کسٹم حکام منشیات کی موجودگی کے شبے میں تلاشی کے بعد کلیئر قرار دے دیا، طیارہ اسلام آباد سے لندن پہنچا تو کسٹم حکام نے طیارے کے عملے کو روک لیا تھا، پی آئی اے حکام کا کہنا ہے کہ برطانوی حکام نے تحریری طور پرآگاہ نہیں کیا۔
تفصیلات کے مطابق لندن سے لاہور کی پی آئی اے کی پرواز پی کے 758 کے طیارے میں منشیات کی موجودگی کے شبے میں برطانوی کسٹم حکام نے تلاشی لی، پرواز جیسے ہی لندن پہنچی کسٹم حکام نے طیارے کو گھیرے میں لے لیا۔
ترجمان پی آئی اے کا کہنا ہے شک کی بنیاد پربرطانوی حکام نے عملے کے تیرہ ارکان کو اپنی تحویل میں لیا،جہاز کو بھی شک کی بنیاد پرحصارمیں لیا گیا تھا، تحویل میں لئے گئے عملے کے ارکان میں کپتان حامد گردیزی، فرسٹ آفیسر ایوب اور دس فضائی میزبان شامل ہیں۔
ترجمان کے مطابق جہاز اور کِرو کے سامان کی تلاشی کے بعد اسے چھوڑدیا گیا۔ بعد ازاں بارڈر سیکیورٹی فورس نے کیپٹن حامد گردیزی کا پاسپورٹ واپس کردیا گیا۔
ترجمان کا کہنا ہے کہ تلاشی کا عمل چھ گھنٹے سے زائد جاری رہا، جس کے باعث لندن سے لاہور آنے والی پرواز تاخیر کا شکار ہوئی ، ترجمان کا کہنا ہے برطانوی حکام سےطیارے کو روکنے کے بارےمیں پوچھیں گے۔
دوسری جانب پی آئی اے کے طیارےسے ہیروئن برآمد ہونے کے معاملہ کے حوالے سے پی آئی اے حکام کا کہنا ہے کہ برطانوی حکام نے تحریری طور پرآگاہ نہیں کیا۔
ترجمان کا مزید کہنا ہے کہ کسٹم حکام نے تحویل میں لئے گئے افراد کے پاسپورٹ اہنے پاس رکھ کران کے فنگر پرنٹس بھی لے لیے ہیں اور اس کی وجہ سے وہ برطانیہ نہیں چھوڑ سکیں گے۔
علاوہ ازیں برطانیہ کی نیشنل کرائم ایجنسی نے اس بات کی تصدیق کی ہے کہ پاکستان کی قومی فضائی کمپنی پی آئی اے کے طیارے سے گذشتہ رات لندن ہیتھرو ہوائی اڈے پر ہیروئین برآمد ہوئی تھی۔
برطانوی نشریاتی ادارے بی بی سی کے مطابق نیشنل کرائم ایجنسی نے بھجوائے گئے ایک بیان میں اس بات کی تصدیق کی ہے۔ ایجنسی نے بیان میں مزید کہا کہ اس حوالے سے کوئی بھی گرفتاری عمل میں نہیں آئی اور تفتیش جاری ہے۔
پی آئی اے کے ترجمان کے مطابق برطانوی حکام نے ایئرلائن کے جن 13 ملازمین کو پوچھ گچھ کے لیے روکا تھا انہیں بعد میں چھوڑ دیا گیا ، ترجمان کا مزید کہنا ہے کہ برطانوی حکام نے منشیات برآمدگی کے حوالے سے تحریری طور پرآگاہ کرنے کے بجائےاسٹیشن منیجر کو صرف زبانی آگاہ کیا گیا ہے۔
تازہ ترین اطلاعات کے مطابق برطانوی بارڈرسیکیورٹی فورس نے کیپٹن حامد گردیزی کا پاسپورٹ واپس کردیا ہے، جس کے بعد حامد گردیزی آج لندن سے پی آئی کی پرواز آپریٹ کرینگے۔
کراچی :غیرملکی خاتون کو کاک پٹ میں سفرکروانےوالے پائلٹ کیپٹن شہزاد عزیزکو گراؤنڈ کرکے پروازیں آپریٹ کرنے سے روک دیاگیا۔
تفصیلات کے مطابق پی آئی اے نے غیر ملکی خاتون کو جہاز کے ممنوعہ حصے میں سفر کرانے پر پروازیں آپریٹ کرنے سے روک کر معاملے کی تحقیقات کے لئے تین رکنی کمیٹی بنادی ہے۔
ذرائع کاکہنا ہے کہ کمیٹی میں ایگزیکٹو آفیسر ایئرپورٹ ہوٹل رشید احمد‘ جی ایم پی این ایل کرنل زاہد اور کیپٹن زرک خان بھی کمیٹی میں شامل ہیں۔
تحقیقات کاآغاز پیر سے ہوگا۔ تحقیقاتی کمیٹی پرواز پرتعینات عملے اورکیپٹن شہزادعزیز کا بیان ریکارڈ کرے گی۔ دوسری جانب کیپٹن شہزاد نےتحقیقاتی کمیٹی میں پالپاکا نمائندہ شامل کرنے کی درخواست کردی ہے۔
یاد رہے کہ کیپٹن شہزاد عزیز پر قومی ائر لائن کی ٹوکیو سے بیجنگ کی پرواز کی غیر ملکی خاتون مسافر کو کاک پٹ میں سفر کرانے کا الزام ہے۔
ٹوکیو سے بیجنگ جانے والی پی آئی اے کی پرواز پی کے ایٹ فائیو ٹو کے پائلٹ شہزادعزیز غیرملکی لڑکی پر مہربان ہوگئے تھے، مذکورہ لڑکی جہاز کے ٹیک آف سے لے کر لینڈنگ تک کاک پٹ میں رہی۔
ایک مسافر نے کپتان شہزاد عزیز کی ’’مہمان نوازی‘‘ کی ویڈیو بنانا چاہی تو عملے نے اس پر پردہ ڈالنے کی پوری کوشش کی تھی۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
کراچی : وزیر اعظم کے مشیر برِائے ہوابازی مہتاب عباسی نے کراچی ایئرپورٹ پر ہونے والے جھگڑے کے واقعہ کا نوٹس لیتے ہوئے تحقیقاتی کمیٹی بنادی، کمیٹی میں ڈی جی اے ایس ایف اور سی او او پی آئی اے شامل ہیں۔
تفصیلات کے مطابق وزیراعظم کے مشیر ہوابازی مہتاب عباسی نے کہا ہے کہ ایوی ایشن ڈویژن کے اداروں میں ڈسپلن کی خلاف ورزی برداشت نہیں کی جائے گی۔
یاد رہے کہ گزشتہ روز کراچی ایئرپورٹ پر خاتون اور اے ایس ایف اہلکاروں کے درمیان جھگڑاہوا تھا پی آئی اے کی خاتون اسسٹنٹ منیجر نے ایئر پورٹ سکیورٹی فورس اہلکاروں کی تھپڑوں اور مکوں سے تواضع کی تھی۔
خاتون اسسٹنٹ منیجر نے اہل کار پر انہیں ہراساں کرنے کا الزام بھی عائد کیا تھا واقعہ کے حوالے سے اے ایس ایف کی جانب سے مؤقف سامنے آیا ہے کہ خاتون اسسٹنٹ منیجر کا کارڈ زائد المیعاد تھا اس لیے انہیں اندر جانے سے روکا گیا تھا جس پر وہ مشتعل ہوگئیں۔
کراچی : پی آئی اے کے پائلٹ کی دوران پرواز نیند پوری کرنے کی ابتدائی تحقیقات مکمل کرکے متعلقہ حکام کو بھیج دی گئی، کپتان پر الزام ثابت ہوگیا۔
تفصیلات کے مطابق پی آئی اے کے سینئر پائلٹ کیپٹن عامر ہاشمی جو گزشتہ دنوں دوران پرواز نیند پوری کرتے ہوئے پائے گئے تھے،اس واقعے کی ابتدائی تحقیقات مکمل کرلی گئیں ہیں۔
انکوائری کمیٹی نے ابتدائی تحقیقات مکمل کرکے رپورٹ قائم مقام سی ای او کو ارسال کردی ہے۔ ریکارڈ کئے گئے بیانات کی روشنی میں عامر ہاشمی دوران پرواز سونے کا الزام درست قرار دے دیا گیا۔
پائلٹ کے سونے کی شکایت کمنٹس کارڈ میں درج کرنے والے مسافر کی بھی تصدیق ہوگئی ہے۔ شہزاد چوہان نامی مسافر نے کمنٹس کارڈ میں درج کی جانے والی شکایت کی بذریعہ ای میل تصدیق بھی کردی ہے۔
اس کے علاوہ اسلام آباد سے لندن کی پرواز نمبر 785 پر تعینات فضائی میزبانوں کے بیانات سے بھی تصدیق کی گئی، کیپٹن عامر ہاشمی کے خلاف مسافر کی شکایت پر مبنی کمنٹ کارڈ اے آر وائی نیوز کو موصول ہوگیا۔
ابتدائی رپورٹ پر کیپٹن عامر ہاشمی کے خلاف باقاعدہ کارروائی پیرکو ہوگی۔
کراچی : وزیر اعظم کے دورہ چین کیلئے پی آئی اے کے دو بوئنگ طیارے مختص کردیئے گئے، چھ روزہ دورے کے لئے مختص بوئنگ طیاروں سے پروازوں کا بیرون ملک کا آپریشن متاثر ہو گا۔
تفصیلات کے مطابق وزیر اعظم نواز شریف کل چین کا دورہ کریں گے جس کیلئے پی آئی اے کے دو بوئنگ طیارے مختص کردیئے گئے ہیں۔
وزیر اعظم کی پرواز پر تعینات چار پائلٹس میں سے دو انتظامی عہدوں پر موجود پائلٹس کیپٹن عزیر خان، کیپٹن نوید عزیز بھی شامل ہیں۔
ذرائع کے مطابق دونوں پائلٹس بالترتیب ڈائریکٹر فلائٹ آپریشنز اور ڈائریکٹرکارپوریٹ سیفٹی تعینات ہیں، کیپٹن نوید عزیز غیر ملکی خاتون کو کاک پٹ میں بلانے والے کیپٹن شہزاد عزیز کے کزن ہیں۔
ذرائع کا کہنا ہے کہ دورے کے لئے دو طیارے مختص ہونے سے قومی ائر لائن کے فضائی آپریشن کے لئے مذید مشکلات پیدا ہوگئی ہیں، چھ روزہ دورے کے لئے مختص بوئنگ طیاروں سے پروازوں کا بیرون ملک کا آپریشن متاثر ہو گا۔
رجسٹریشن نمبر بی جی ایل پر مشتمل بوئنگ 777 طیارہ صبح وزیر اعظم کو لے کربیجنگ روانہ ہو گا، بی ایچ ایکس رجسٹریشن نمبر کا بوئنگ طیارہ کل لندن سے اسلام آباد پہنچنے کے بعد اسٹینڈ بائی ہو گا۔
ذرائع کا کہنا ہے کہ مذکورہ مختص طیارے امریکہ، یو رپ اور سعودیہ کی پروازوں پر آپرہٹ کئے جاتے ہیں، ائرلائن کے 11 میں سے ایک بوئنگ طیارہ مرمت کے لئے ہینگر میں موجود ہے۔
