Author: سلمان لودھی

کراچی: اہلکاروں کے شہری کی شارٹ ٹرم کڈنیپنگ میں ملوث ہونے پر انچارج محکمہ انسداد دہشتگردی (سی ٹی ڈی) ڈی ایس پی راجہ عمر خطاب کو عہدے سے ہٹا دیا گیا۔

جاری کردہ نوٹیفکیشن کے مطابق ڈی ایس پی ایس پی یو راجہ فرخ یونس کو بھی عہدے سے فارغ کیا گیا، دونوں افسران کو سی پی او رپورٹ کرنے کی ہدایت کی گئی۔

پولیس حکام نے بتایا کہ مرکزی ملزم سی ٹی ڈی اہلکار علی رضا سمیت 7 ملزمان فرار ہیں جن کی گرفتاری کیلیے کوششیں کر رہے ہیں۔

یاد رہے کہ شہری کی شارٹ ٹرم کڈنیپنگ میں ملوث 8 ملزمان گرفتار کیے جا چکے ہیں۔ سی ٹی ڈی اہلکاروں نے شہری کے اکاؤنٹ سے 3 لاکھ 40 ہزار ڈالر ٹرانسفر کیے تھے۔

گزشتہ روز ذرائع نے اے آر وائی نیوز کو بتایا تھا کہ متاثرہ شہری کے اکاؤنٹ سے رقم ٹرانسفر کرنے کی تحقیقات کا دائرہ وسیع کر دیا گیا، تفتیش میں سی ٹی ڈی کے دیگر افسران اور اہلکاروں کے واردات میں ملوث ہونے کے شواہد ملے۔

سی ٹی ڈی اہلکاروں کی شہری کی شارٹ ٹرم کڈنیپنگ سے متعلق فوٹیج سامنے آئی تھی جس میں افسران کو سادہ لباس میں دیکھا جا سکتا ہے جبکہ ایک پولیس موبائل اور 3 اہلکاروں کو بھی فوٹیج میں دیکھا جا سکتا ہے۔

اے وی سی سی پولیس نے مزید پولیس اہلکاروں کی شناخت شروع کی تھی تاہم گرفتار ملزمان سے رقم کی برآمدگی نہ ہو سکی تھی۔

پولیس کا کہنا تھا کہ شہری نے منگھو پیر تھانے میں مقدمہ درج کروایا تھا، اس کے اکاؤنٹ سے 3 لاکھ 40 ہزار ڈالر ٹرانسفر کیے گئے تھے۔

کراچی کے علاقے شاہ فیصل کالونی دو نمبر کے قریب 8 سالہ بچہ مین ہول میں گر کر جان کی بازی ہار گیا۔

کچھ دیر قبل دو بچوں کی مین ہول میں گرنے کی خبر سامنے آئی تھی جبکہ ریسکیو ٹیموں نے جائے حادثہ پر پہنچ کر معصوم کو زندہ باہر نکالنے کی کوششیں کیں۔

تاہم اب پولیس نے بتایا ہے کہ ریسکیو ٹیموں نے بچے کی لاش نکال لی، 8 سالہ معصوم شاہ فیصل کالونی اے ون کا رہائشی تھا۔

ریسکیو حکام کے مطابق مین ہول میں 2 بچے گرے تھے ایک کو فوری بچا لیا گیا تھا۔

یہ بھی پڑھیں: کراچی کی اہم سڑکوں کو خوبصورت اور فٹ پاتھوں کی حالت بہتر کرنے کا فیصلہ

ترجمان ایدھی نے بتایا کہ جاں بحق بچے کی لاش علاقے کے دوسرے نالے سے نکالی گئی۔

ٹاؤن چیئرمین شاہ فیصل کالونی گوہر خٹک نے اے آر وائی نیوز سے خصوصی گفتگو میں کہا کہ مین ہول پر ڈھکن لگانا واٹر کورپوریشن کا کام ہے، وہ ہمیں بھی ڈھکن نہیں دیتی نہ خود لگاتی ہے۔

گوہر خٹک نے کہا کہ واٹر اینڈ سیوریج کورپوریشن کی جانب سے ایک ہی جواب آتا ہے بجٹ نہیں ہے۔

اکتوبر 2024 میں کراچی کے علاقے ماڑی پور ٹاؤن یوسی 4 کے علاقے مواچھ گوٹھ غفوری چوک کے قریب گلی میں کھیلتے ہوئے بچہ مین ہول میں گر گیا تھا۔ علاقہ مکین بچے کو تلاش کرتے رہے جبکہ کچھ دیر بعد عوام نے اپنی مدد آپ کے تحت باحفاظت مین ہول سے نکال لیا تھا۔

علاقہ مکینوں میں واقعے پر غم و غصہ پایا گیا اور ان کا کہنا تھا کہ علاقے میں جگہ جگہ گٹر کے ڈھکن غائب ہیں جس کی وجہ سے اس قسم کے واقعات ہونا معمول بن گیا ہے۔

مواچھ گوٹھ کے مکینوں کا کہنا تھا کہ بلدیاتی نمائندے اپنی ذمہ داری کا احساس کرتے ہوئے کھلے مین ہول کے ڈھکن لگائیں۔

اس سے ایک سال قبل ڈپٹی میئر کراچی سلمان عبداللہ مراد کی یوسی میں بچہ گٹر میں گر کر جاں بحق ہوگیا تھا جس کی لاش نکال لی گئی تھی۔ بچے کے والد غم سے نڈھال تھے جبکہ حکام کی لاپروائی پر اہل علاقہ نے احتجاج کیا تھا۔