Author: سلمان لودھی

کراچی کے علاقے لی مارکیٹ کے قریب فلیٹ میں 4 خواتین کے قتل میں ملوث ملزم نے جرم کا اعتراف کرلیا۔

اے آر وائی نیوز کے مطابق پولیس حکام کا کہنا ہے کہ زیر حراست ملزم بلال نے اعتراف جرم کرلیا ہے، گھر کا فرد بلال ہی تینوں خواتین اور بچی کے قتل میں ملوث ہے۔

پولیس کا کہنا ہے کہ ملزم دو ہفتے پہلے عمرہ ادا کرکے آیا تھا، ملزم گھر کی کچھ خواتین پر ناجائز تعلقات کا شک کرتا تھا۔

ملزم بلال نے تیز دھار آلے سے طلاق یافتہ بہن، بھانجی، بھابھی اور ماں کو قتل کیا، ملزم بلال اپنی اہلیہ کو بھی طلاق دے چکا ہے۔

پولیس حکام کے مطابق ملزم کے اعتراف جرم کے بعد مقدمہ درج کیا جارہا ہے۔

واضح رہے کہ لی مارکیٹ کی بانٹوا گلی میں قائم زینب آرکیٹ کی ساتویں منزل پر واقع فلیٹ سے چار خواتین کی تشدد زدہ گلہ کٹی لاشیں برآمد ہوئی تھیں۔

پولیس کے مطابق مرنے والوں میں 13 سالہ علینہ، 18 سالہ مدیحہ، 19 سالہ عائشہ اور 51 سالہ شہناز شامل تھیں۔ پولیس نے لاشوں کو ضابطے کی کارروائی کے لیے سول اسپتال منتقل کردیا گیا تھا۔

ایس ایس پی سٹی عارف عزیز کا کہنا تھا کہ قتل کی واردات کے وقت گھر میں چاروں خواتین موجود تھیں ، چاروں لاشیں الگ الگ کمروں سے ملی ہیں ، قاتل آلہ قتل سمیت فرار ہوا ہے۔

نانا محمد فاروق نے بتایا تھا کہ مرنے والی خواتین میں میری بیوی،  بیٹی ، نواسی اور ایک بہو شامل ہے، واردات کے وقت میں اور میرے دونوں بیٹے گھر پر نہیں تھے۔

کراچی: ایئرپورٹ سگنل کے قریب دہشتگردی کے واقعےکی تفتیش میں اہم پیشرفت ہوئی ہے۔

ذرائع کے مطابق تفتیشی حکام نے ملیر میں چھاپہ مار کر ہلاک دہشتگرد کے قریبی ساتھی کو گرفتار کر لیا ہے۔ زیر حراست ملزم ہلاک دہشتگرد فہد کا مبینہ سہولت کار ہے۔

ہلاک دہشتگرد فہد نےحملے سے قبل ملزم کےگھر میں قیام کیا۔

دوران تفتیش دہشتگرد کے بیک اپ پر موجود ایک اور گاڑی کا بھی انکشاف ہوا ہے۔ بیک اپ پر موجود گاڑی سے بنائی گئی ویڈیو تفتیشی اداروں کو مل گئی ہے۔

حملے سے قبل استعمال کی گئی گاڑی کی ویڈیو بھی بنائی گئی جس کے بعد تحقیقات کا دائرہ وسیع کر دیا گیا ہے۔

ایئر پورٹ سگنل کے قریب دھماکے کا مقدمہ 2 روز بعد درج کرلیا گیا ، جس میں کہا گیا کہ دھماکے کی ذمہ داری کالعدم بی ایل اے نے قبول کی۔
مقدمے میں دہشت گردی، قتل،اقدام قتل سمیت دیگردفعات شامل کی گئیں ہیں اور کہا گیا کہ حملہ ملک کی ساکھ کو نقصان پہنچانے کے لئے کیا گیا۔

مقدمے کے متن میں کہنا تھا کہ دھماکے کی ذمہ داری کالعدم بی ایل اے نے قبول کی، دھماکے میں چینی شہریوں کو نشانہ بنایا گیا۔

یاد رہے اتوار کو کراچی میں جناح انٹرنیشنل ایئرپورٹ کے قریب سگنل پر خوفناک دھماکے میں تین غیر ملکی افراد جان سے گئے تھے جبکہ چار پولیس اور دو رینجرز اہلکاروں سمیت سترہ افراد زخمی ہوگئے تھے۔

تفتیشی ذرائع کا کہنا تھا کہ ایئر پورٹ کے قریب خودکش دہشتگرد ٹریفک سگنل پر چینی باشندوں کے قافلے کے نکلنے کا انتظار کررہا تھا، جیسے ہی قافلہ قریب پہنچا اس نے گاڑی ٹکرادی۔

ذرائع نے کہا کہ دھماکا اتنا شدید تھا کہ بم پروف گاڑی بھی شدید متاثر ہوئی، دھماکے میں دو چینی انجینئرز ہلاک ہوئے جبکہ ایک زخمی ہوا، زخمی ہونےوالے سولہ افراد میں پولیس اور رینجرز اہلکار بھی شامل ہیں جبکہ دھماکے میں پندر ہ سے زائد گاڑیوں کو نقصان پہنچا۔