Author: سلمان لودھی

کراچی: شہر قائد کے علاقے ناظم آباد میں تیز رفتار ٹرک ڈرائیور نے باپ بیٹی کو کچل کر ابدی نیند سلادیا۔

نمائندہ اے آر وائی نیوز کے مطابق کراچی کے علاقے ناظم آباد نمبر 7 میٹرک بورڈ آفس کے قریب ٹریفک حادثہ پیش آیا جس میں باپ بیٹی جاں بحق  جبکہ دو سالہ بچہ زخمی ہوا۔

ریسکیو ذرائع کے مطابق حادثہ واٹرٹینکر کی تیز رفتاری کے باعث پیش آیا، ڈرائیور نے موٹرسائیکل سوار کو ٹکر ماری جس کے نتیجے میں باپ، بیٹی موقع پر ہی جاں بحق ہوگئے۔

واٹر ٹینکر کی زد میں آنے والے افراد کو عباسی شہید منتقل کیا گیا جہاں 9 سالہ بچی اور 33 سالہ شخص کی موت کی تصدیق ہوئی جبکہ دو سالہ بچہ اسپتال میں زیر علاج ہے۔

رپورٹ کے مطابق واقعے میں جاں بحق ہونے والا موٹرسائیکل سوار اور 9 سالہ بچی اورنگی ٹاؤن کے رہائشی تھے، رشتے میں دونوں باپ بیٹی تھے جبکہ زخمی ہونے والا بچہ مقتول کا بیٹا ہے۔

حادثے کے بعد مشتعل افراد نے واٹر ٹینکر کو نذر آتش کردیا جبکہ ڈرائیور موقع سے فرار ہوگیا۔

کراچی: فیڈرل انویسٹی گیشن ایجنسی (ایف آئی اے) سائبر کرائم سرکل کے سابق افسران کرپٹو کرنسی کے ذریعے رشوت خوری میں ملوث نکلے۔

اے آر وائی نیوز کی رپورٹ کے مطابق ایف آئی اے سائبر کرائم سرکل کے سابق افسران کے خلاف تحقیقات جاری ہیں جس کے دوران تحقیقاتی اداروں نے اہم شواہد حاصل کرلیے۔

ذرائع کے مطابق تحقیقات میں انکشاف ہوا ہے کہ ایف آئی اے کے سابق افسران نے کرپٹو کرنسی کی صورت رشوت کی رقم حاصل کی جبکہ کراچی کے فرانزک لیب سے مرضی کی رپورٹ بھی بنوائیں۔

تحقیقاتی ٹیم نے ایف آئی اے کے سابق افسران کے خلاف فرانزک تحقیقات اسلام آباد منتقل کرانے کی تجویز دی جبکہ سابق افسران کے فرنٹ مین کے طور پر  پیسے بٹورنے والے شہریوں کی شناخت بھی کرلی۔

مزید پڑھیں: بٹ کوائن ڈکیتی، تحقیقات میں اہم انکشافات

یہ بھی پڑھیں: بٹ کوائن: پاکستان کی تاریخ میں منفرد ڈکیتی

ذرائع کے مطابق محمدعلی نامی شہری ایف آئی اے افسران کے فرنٹ مین کےطورپر شہریوں رقم لیتا تھا، جس نے یونیورسٹی روڈ پر واقع نجی گاڑیوں کےشوروم کامالک افسران کے ساتھ بھی کام کیا۔

تحقیقاتی ٹیم سے ذرائع کو ملنے والی اطلاع کے مطابق رضانامی شخص بھی ایف آئی اے کے سابق افسر کے ساتھ فرنٹ مین کے طور پر کام کرتا تھا، سائبرکرائم سرکل کےکارندےچھاپوں میں اپنی کارروائیوں کے شواہد مٹاتے تھے۔

ذرائع کے مطابق تحقیقات میں یہ بات بھی سامنے آئی کہ ایف آئی اے سے معطل کیے جانے والے افسران پورنو گرافی کیسز میں نامزد شخصیات کو بچانے کا کام بھی کرتے تھے۔

کراچی: شہر قائد کے علاقے مچھر کالونی سے ایک سالہ بچی جنت کو نامعلوم برقع پوش خاتون نے اغوا کرلیا۔

اے آر وائی نیوز کی رپورٹ کے مطابق کراچی کے علاقے مچھر کالونی سے دو روز قبل نامعلوم برقع پوش خاتون ایک سالہ بچی جنت کو اغوا کرکے فرار ہوگئی، پولیس نے مقدمہ درج کرکے تحقیقات شروع کردیں لیکن دو روز گزرنے کے باوجود بچی کو بازیاب نہ کروایا جاسکا۔

جنت کے اہلخانہ کے مطابق اتوار کی شام وہ اپنے پانچ سالہ بھائی عمیر کے ساتھ گلی میں چیز لینے گئی تھی جہاں سے برقع پوش خاتون اسے اغوا کرکے لے گئی۔

اہلخانہ کا کہنا ہے کہ انہوں نے مچھر کالونی اور اطراف کے علاقوں میں جنت کے اغوا کے پمفلٹس اور بینرز لگا دیے ہیں لیکن پولیس بچی کی بازیابی کے لیے کوئی اقدامات نہیں کررہی۔

بچی کے ماموں نے اے آر وائی نیوز سے گفتگو کرتے ہوئے بتایا کہ کالے برقعے میں ملبوس عورت نے پانچ سالہ عمیر کو دس روپے دے کر کہا کہ دکان سے بسکٹ لاؤ یہ بچی مجھے دے دو، جب عمیر دکان کی طرف جانے لگا تو عورت نے بھاگنے کی کوشش کی بچہ خاتون کی طرف دوڑا تو اس نے عمیر پر تشدد کیا اور جنت کو اپنے ساتھ لے گئی۔

بچی کے اغوا کے واقعے پر پی ٹی آئی رکن سندھ اسمبلی راجہ اظہر نے برہمی کا اظہار کرتے ہوئے کہا کہ بچی دو روز پہلے اغوا ہوئی، پولیس کی غفلت کی مذمت کرتے ہیں۔

راجہ اظہر نے کہا کہ شہر میں کم عمر بچوں کے اغوا کی وارداتوں میں اضافہ تشویش ناک ہے، بچی کی گمشدگی پر متاثرہ خاندان سے دلی افسوس کا اظہار کرتے ہیں۔

کراچی: شہر قائد کے علاقے گلزار ہجری میں ہونے والی شادی کی تقریب میں منچلوں کی ہوائی فائرنگ سے علاقہ گونج اٹھا۔

نمائندہ اے آر وائی نیوز کے مطابق کراچی کے علاقے گلزار ہجری میں واقع ابوالحسن اصفہانی روڈ پر قائم گلشن ویو اپارٹمنٹ میں موجود ڈیرے پر 6 روز قبل شادی کی تقریب کا انعقاد کیا گیا۔

شادی کی یہ تقریب دو گھنٹے تک جاری رہی جس میں سیاسی جماعت کے علاقائی عہدیداران اور اپارٹمنٹ کے مکینوں سمیت متعدد مہمانوں نے شرکت کی۔

اے آر وائی کو مکین ذرائع سے ملنے والی اطلاع کے مطابق شادی کی تقریب دو گھنٹے تک جاری رہی، اس دوران سیاسی جماعت کے علاقائی عہدیداروں نے چھوٹے اور بڑے اسلحے سے شدید ہوائی فائرنگ کی جس کی وجہ سے علاقہ گولیوں کی تھڑ تھڑاہٹ سے گونج اٹھا۔ شادی میں شرکت کرنے والے مسلح افراد ثقافتی رقص کے دوران بھی ہوائی فائرنگ کرتے رہے اور پولیس اس معاملے پر خاموش تماشائی بنی رہی۔

مزید پڑھیں: شیخوپورہ، شادی کی تقریب میں فائرنگ سے کمسن بچی جاں بحق

حیران کن بات یہ ہے کہ اس مقام سے چند قدم کے فاصلے پر سچل پولیس کی چوکی قائم ہے جس کو تھانے کی حیثیت حاصل ہے جبکہ ساتھ ہی ایس پی کا دفتر بھی موجود ہے۔

چوکی کو تھانے کی حیثیت حاصل ہونے اور ایس پی آفس میں اہلکاروں کی موجودگی کے باوجود اہلکار خاموش تماشائی بنے رہے، شادی میں شریک افراد کھلے عام فائرنگ کرتے رہے، اُن کے خلاف نہ کوئی ایکشن ہوا اور نہ ہی پولیس کی نفری وہاں پر پہنچی۔

اس سے زیادہ حیران کن بات یہ ہے کہ ایک طرف تو پولیس شادی کی تقریب میں ہونے والی فائرنگ سے لاعلم ہے تو دوسری طرف 6 روز گزر جانے کے باوجود بھی کوئی مقدمہ درج نہیں کیا گیا۔

یہ بھی پڑھیں: بھاری میز سر پر گرنے سے شادی کی تقریب میں بچہ ہلاک

ویڈیو میں فائرنگ کرنے والے افراد کے چہرے واضح ہیں جبکہ ذرائع نے یہ بھی بتایا کہ ان میں سیاسی جماعت کے علاقائی عہدیداران بھی شامل تھے۔ دوسری جانب پولیس حکام نے ویڈیو سامنے آنے کے بعد معاملے کا نوٹس لیا اور مؤقف دیا کہ فائرنگ کرنے والے افراد کی شناخت کے حوالے سے تحقیقات کی جارہی ہیں۔

کراچی میں بیوی کے ہاتھوں شوہر کے قتل کے معاملے میں گرفتار خاتون نے سنگین الزامات عائد کرتے ہوئے کہا ہے کہ شوہرکو بیٹیوں کی عزت بچانےکیلئے قتل کیا۔

کراچی میں شوہر کی مبینہ قاتل بیوی کا ویڈیو بیان اےآر وائی نیوز نے حاصل کر لیا ہے جس میں خاتون کا کہنا ہے کہ مقتول ولی محمد بیٹی کے ساتھ غلط کام کرنا چاہتا تھا، ایک بیٹی بھاگ گئی ہے اور شوہر مجھ پر تشدد کیا کرتا تھا۔

خاتون نے الزام عائد کیا کہ شوہر گزشتہ رات بھی بیٹی سے زبردستی کرنے لگا، بیٹی کوکمرےمیں کھینچنے لگا میں نے روکا تو مجھ پر تشدد کیا، میں نے الماری سے پستول نکال کر فائر کردیا۔

بیوی شاہین نے کہا کہ شوہر کو قتل کرنے پر مجھے کوئی افسوس نہیں ہے۔

پولیس کا کہنا ہے کہ واقعے کے بعد خاتون گھر سے فرار نہیں ہوئی بلکہ وہیں موجود رہی اور اسے اب گرفتار کر لیا گیا ہے۔

پولیس کے مطابق آلہ قتل برآمد کر لیا ہے اور خاتون کی لاپتہ بیٹی سے متعلق تفتیش کی جائے گی، وقوع سے ملنے والا اسلحہ 30بور کا ہے اور لائنس نہیں ہے، خاتون کی بیٹی کی گمشدگی کی رپورٹ 6 جنوری کو درج ہوئی تھی۔