Author: سلمان لودھی

کراچی: شہر قائد کے علاقے صدر کے گیسٹ ہاؤس میں 5 بچوں اور خاتون کی ہلاکت کے معاملے پر پولیس نے سی سی ٹی وی فوٹیج کی مدد سے تحقیقات کا آغاز کردیا۔

تفصیلات کے مطابق پولیس کی تفتیشی ٹیم نے گیسٹ ہاؤس کی سی سی ٹی وی فوٹیج حاصل کر کے تحقیقات کا آغاز کیا جس میں مختلف پہلوؤں اور بالخصوص کمرے میں لوگوں کی آمد و رفت کو دیکھا جائے گا۔

اے آر وائی نیوز کو حاصل ہونے والی فوٹیج میں دیکھا جاسکتا ہے کہ متاثرہ فیملی گیسٹ ہاؤس کے کمرے میں داخل ہورہی ہے جبکہ کمرے کا چیک ان والد نے کیا۔

یاد رہے کہ گزشتہ دنوں کوئٹہ سے کراچی آنے والی فیملی کے 5 بچوں اور خاتون کی موت مضر صحت کھانا کھانے کی وجہ سے ہوئی تھی جسک ے بعد پولیس نے ریسٹورنٹ عملے کو حراست میں لے لیا تھا۔

مزید پڑھیں: مضر صحت کھانا کھانے سے 5 بچوں کی اموات، ریسٹورنٹ عملے کوحراست میں لے لیا گیا

متاثرہ فیملی نے صدر میں واقع نجی ریسٹورنٹ سے کھانا آرڈر کر کے کھایا تھا جس کے بعد 5 بچوں اور اُن کی پھپھو کی طبیعت ناساز ہوئی، تمام افراد کو نجی اسپتال منتقل کیا گیا جہاں معلوم ہوا کہ بچے گیسٹ ہاؤس کے کمرے میں ہی دم توڑ گئے جبکہ خاتون کی حالت تشویشناک تھی۔

متاثرہ خاندان کا تعلق کوئٹہ سے تھا، جاں بحق بچوں میں ڈیڑھ سال کاعبدالعلی، 4سال کاعزیز فیصل ، 6 سال کی عالیہ، 7 سال کا توحید، 9سال کی صلویٰ اور 28سالہ بینا شامل تھیں۔

کراچی: شہر قائد کے علاقے عزیز آباد میں نامعلوم افراد گھر کا صفایا کرنے کے بعد لڑکی کو بھی اپنے ساتھ لے گئے۔

نمائندہ اے آر وائی کے مطابق کراچی کے علاقے عزیز آباد میں واقع نجی اسپتال کے قریب گھر میں مبینہ ڈکیتی کی واردات ہوئی جس کے دوران نامعلوم ملزمان قیمتی سامان کے ساتھ لڑکی کو بھی اپنے ساتھ لے گئے۔

اہل خانہ کے مطابق ملزمان گھر سے تین تولہ سونا اور 80 ہزار روپے نقدی سمیت دیگر سامان لے اور گھر میں موجود نوجوان لڑکی کو بھی اپنے ہمراہ لے کر گئے۔ اہل خانہ کا یہ بھی کہنا ہے کہ ڈکیتی کے وقت گھر میں لڑکی کے علاوہ کوئی اور موجود نہیں تھا۔

پولیس حکام کا کہنا ہے کہ واقعہ ڈکیتی کا نہیں بلکہ معاملہ بظاہر کچھ اور لگتا ہے جس کی تحقیقات کا آغاز کردیا گیا۔ایس ایس پی سینٹرل کا کہنا ہے کہ ’لڑکی کی والدہ کا انتقال ہوچکا اور وہ اپنے 2 بھائیوں کے ساتھ رہتی ہے۔

پولیس حکام کا کہنا ہے کہ گھر میں کوئی سامان بکھرا ہوا نہیں اس لیے اس واقعے کو ڈکیتی کا رنگ دینا قبل ازوقت ہوگا۔

دوسری جانب رینجرز نے شہر کے مختلف علاقوں میں کارروائی کرتے ہوئے 18 ملزمان کو گرفتار کیا، جن میں تین لیاری گینگ وار کے بھتہ خور اور 13 اسٹریٹ کرائم میں ملوث ہیں۔

ترجمان رینجرز کی جانب سے جاری اعلامیے کے مطابق مدینہ کالونی،سعید آباد اور لیاری کے علاقے بغدادی سے 3 ملزمان کو گرفتار کیا گیا، جن کی شناخت محمد زوہیب عرف دیدا، عبیدالرحمان، شیراز احمد کے نامور سے ہوئی۔

اعلامیے کے مطابق ملزمان کا تعلق لیاری گینگ وار سے ہے اور یہ بھتہ خوری سمیت ڈکیتی کی متعدد وارداتوں میں ملوث ہیں جبکہ رینجرز نے سعید آباد، مدینہ کالونی، بدلیہ، فیروزآباد، کلاکوٹ، نبی بخش اور گارڈن سے 11 ملزمان کو گرفتار کیا جو اسٹریٹ کرائم اور منشیات فروشی کے کاروبار میں ملوث ہیں۔