Author: سلمان لودھی

کراچی میں آن لائن ایپلی کیشن پر ساتھ گیم کھیلنے والوں نے نوجوان کو اغوا کرلیا ہے۔

اے آر وائی نیوز کے مطابق سرجانی ٹاؤن سے پولیس افسر کے بھتیجے کی شارٹ ٹرم کڈنیپنگ ہوئی ہے ملزمان نے طالب علم کو اغوا کرکے بدفعلی کا نشانہ بھی بنایا۔

پولیس کا کہنا ہے کہ ملزمان نے طالب علم کو بدفعلی کا نشانہ بناتے ہوئے ویڈیو بھی بنائی۔

تفتیشی حکام کے مطابق متاثرہ نوجوان نجی یونیورسٹی کا طالب علم ہے، ملزمان نے طالب علم سے رقم کا مطالبہ کیا ہے۔

متاثرہ طالب علم کا کہنا ہے کہ اغوا کاروں سے سوشل میڈیا ایپ پر رابطہ ہوا تھا،مجھے سوسائٹی کے باہر بلایا اور گاڑی میں اغوا کرکے لے گئے۔

کراچی: مصطفیٰ عامر قتل کیس میں ملوث ملزم ارمغان کی پولیس پارٹی پر فائرنگ کرنے کی ویڈیو سامنے آگئی۔

اے آر وائی نیوز کے مطابق سی آئی اے پولی پارٹی گھر میں داخل ہوئی تو ملزم ارمغان نے فائرنگ شروع کردی، ملزم نے جدید اسلحے سے پولیس پر فائرنگ کی۔

ویڈیو میں فائرنگ کی آوازیں اور وردی میں ملبوس اہلکار نظر آرہے ہیں جبکہ سی آئی اے پولیس ارمغان کو لینے بنگلے میں داخل ہوئی تو ارمغان نے سیڑھیوں پر ہی فائرنگ شروع کردی۔

فائرنگ کی وجہ سے پولیس اہلکاروں کو گھر سے باہر نکلتے دیکھا جاسکتا ہے۔

پولیس اہلکار ساتھی اہلکاروں کو جوابی فائرنگ نہ کرنے کی ہدایت بھی کررہے ہیں۔ ذرائع کا کہنا ہے کہ پولیس نے اب اس ویڈیو کو بھی تحقیقات کا حصہ بنا لیا ہے۔

واضح رہے کہ آج صبح کراچی کی انسداد دہشت گردی عدالت میں مصطفیٰ عامر اغوا و قتل کیس کی سماعت ہوئی، ملزم کو سندھ ہائی کورٹ کے حکم پر اے ٹی سی عدالت میں پیش کیا گیا۔

عدالت نے سرکاری وکیل سے استفسار کیا کہ کیا ملزم پر 4 ایف آئی آر ہیں؟ سرکاری وکیل نے کہا جی 4 مقدمات ہیں، عدالت نے ملزم سے پوچھا کیا نام ہے آپ کا؟ ملزم نے بتایا کہ اس کا نام ارمغان ہے والد کا نام کامران ہے۔

عدالت نے ملزم سے پھر استفسار کیا کہ کیا وہ 10 تاریخ سے جیل میں ہے، ملزم نے جواب دیا جی میں دس تاریخ سے جیل میں ہوں، عدالت نے پوچھا آپ کو مارا تو نہیں، ملزم نے بتایا مجھے بہت مارا ہے۔

ملزم کے وکیل نے عدالت سے استدعا کی کہ ملزم کی حالت ٹھیک نہیں ہے، اس کا میڈیکل کرایا جائے، عدالت نے تفتیشی افسر پر برہمی کا اظہار کرتے ہوئے کہا کہ میڈیکل تو پہلے دن ہی ہو جانا چاہیے تھا پھر کیوں نہیں کرایا۔

آئی او نے عدالت سے استدعا کی ہمیں 30 دن کا جسمانی ریمانڈ دیا جائے تاکہ تفتیش مکمل کر سکیں، تاہم عدالت نے ملزم کا صرف چار روز کا جسمانی ریمانڈ منظور کیا، اور حکم دیا کہ آئندہ سماعت پر مقدمے کی پیش رفت اور میڈیکل رپورٹ پیش کی جائے۔

واضح رہے کہ ملزم ارمغان کمرہ عدالت میں گر کر بے ہوش ہو گیا تھا، جس پر کمرہ عدالت میں اسے بینچ پر لٹایا گیا۔