Author: سنجے سادھوانی

اسلام آباد: الیکشن کمیشن آف پاکستان نے سندھ اسمبلی کیلیے خواتین اور اقلیتی نشستوں کا نوٹیفکیشن جاری کر دیا اور یوں صوبائی اسمبلی کا 16واں ایوان مکمل ہوگیا۔

نوٹیفکیشن کے مطابق سندھ اسمبلی میں خواتین کی 29 اور اقلیتوں کی 9 مخصوص نشستیں ہیں، خواتین کی مخصوص نشستوں پر پاکستان پیپلز پارٹی کی 20 ارکان جبکہ اقلیتوں کی مخصوص نشستوں 6 ارکان منتخب ہوئے۔

تاہم اقلیت کی ایک اور خواتین کی 2 نشستوں پر فیصلہ نہیں ہوا، سنی اتحاد کونسل میں شامل آزاد ارکان کی مخصوص نشستوں پر فیصلہ نہیں ہوا۔

پیپلز پارٹی کی ہیرسوہو پانچویں مرتبہ سندھ اسمبلی رکن منتخب ہوئیں جبکہ ڈاکٹر کھٹو مل جیون چوتھی بار رکن منتخب ہوئے۔

صوبائی اسمبلی میں جی ڈی اے ارکان کی تعداد 3 ہوگئی جبکہ پیپلز پارٹی کی سندھ اسمبلی میں 114 نشستیں ہوگئیں۔

نوٹیفکیشن کے مطابق ایم کیو ایم پاکستان کو سندھ اسمبلی میں خواتین کی 6 نشستیں ملی ہیں۔ ایم کیو ایم کی مخصوص نشستوں کے ساتھ اسمبلی میں 36 سیٹیں ہوگئیں۔

رہنما پاکستان تحریک انصاف شیر افضل مروت اور سابق صدر آصف علی زرداری میں رابطے کے انکشاف پر پاکستان پیپلز پارٹی نے وضاحتی بیان جاری کر دیا۔

پیپلز پارٹی نے کہا کہ آصف علی زرداری نے گزشتہ روز کسی سے رابطہ نہیں کیا، وہ رابطہ کرتے تو سنجیدہ لوگوں کے ذریعے کرتے، انہوں نے پی ٹی آئی کے حمایت یافتہ آزاد ارکان کو پہلے حکومت بنانے کی بات کی تھی۔

پیپلز پارٹی کے مطابق چیئرمین بلاول بھٹو زرداری نے مسلم لیگ (ن) کو واضح ووٹ دینے کا اعلان کیا ہے، غیر سنجیدہ رہنماؤں کے بیانات پر ترجیح نہیں دی جائے۔

آج شیر افضل مروت نے اپنے بیان میں انکشاف کیا تھا کہ گزشتہ رات آصف علی زرداری کی جانب سے رابطہ کیا گیا جس میں اُن کا کہنا تھا کہ ہماری ترجیح (ن) لیگ کے بجائے پی ٹی آئی ہے۔

شیر افضل مروت کا کہنا تھا کہ آصف زرداری نے کچھ لوگوں کے ذریعے رات گیارہ بجے رابطہ کیا، پیپلز پارٹی کے رابطے پر دستیاب پارٹی قیادت کو آگاہ کر دیا تھا۔

ان کا کہنا تھا کہ کل بانی پی ٹی آئی سے ملاقات میں رابطوں سے آگاہ کروں گا۔

اسلام آباد: پاکستان پیپلز پارٹی کے سینٹرل ایگزیکٹیو کمیٹی (سی ای سی ) اجلاس میں اکثریتی اراکین نے حکومت میں جانے کی مخالفت کر دی۔

چیئرمین پیپلز پارٹی بلاول بھٹو اور آصف زرداری کی زیرِ صدارت سی ای سی کے دوسرے اجلاس میں اراکین کی مختلف رائے سامنے آئی۔ اکثریتی اراکین نے حکومت میں جانے کی مخالفت کی جبکہ بعض نے کی حمایت کی۔ سابق صدر کے قریب سمجھے جانے والے ساتھیوں نے حکومت میں جانے کی تجویز دی۔

آصف زرداری نے کہا کہ آپ تمام اراکین اپنی اپنی رائے دے دیں، ہم سننا چاہتے ہیں کہ آپ لوگ کیا رائے رکھتے ہیں، آپ کی تجاویز کے بعد ہم حتمی فیصلہ کریں گے۔

ذرائع نے اے آر وائی نیوز کو بتایا کہ سی ای سی کے بعض اراکین نے پی ٹی آئی مینڈیٹ کو تسلیم کرنے کی تجویز دی۔ تجویز میں کہا گیا کہ ہمیں (ن) لیگ کے ساتھ ہاتھ ملانے کے بجائے تحریک انصاف کے ساتھ ملنا چاہیے، پی ٹی آئی سے بھی ہاتھ نہیں ملاتے تو اپوزیشن میں بیٹھنا چاہیے۔

ذرائع کے مطابق تجویز دی گئی کہ آنے والے وقت میں چیلنجز بہت ہیں عوام پر بوجھ پڑا تو سیاسی نقصان ہوگا، آئندہ بننے والی حکومت نے آئی ایم ایف کے ساتھ معاہدہ کرنا ہے، اس معاہدے میں تاثر دیا جا رہا ہے کہ بہت مشکل فیصلے کرنے ہوں گے، ڈھائی ڈھائی سال حکومت لینا درست عمل نہیں ہوگا، پیپلز پارٹی سندھ اور بلوچستان میں اپنی حکومت بنائیں جبکہ وفاق میں اپوزیشن میں بیٹھیں۔

بعض اراکین کی رائے تھی کہ پیپلز پارٹی کو بھی مینڈیٹ ملا ہے اگر حکومت بنا سکتے ہیں تو ہرج نہیں، حکومت میں جانے سے قبل دیکھیں کیا ہم اس صورتحال میں پر فارم کر سکتے ہیں؟، بلاول بھٹو وزیر اعظم بنے اور مشکل فیصلوں سے گزر گئے تو کارکردگی دکھا سکتے ہیں۔

اسلام آباد: سابق وزیر خارجہ و چیئرمین پاکستان پیپلز پارٹی بلاول بھٹو زرداری کا کہنا ہے کہ میں نئی سوچ کے ساتھ وزیر اعظم بننا چاہتا ہوں۔

نوٹ: الیکشن کی تمام رپورٹس، خبروں اور تجزیوں کیلیے لنک پر کلک کریں

اے آر وائی نیوز سے خصوصی گفتگو میں بلاول بھٹو زرداری نے کہا کہ نواز شریف نے میرے مناظرے اور موازنے کا چیلنج قبول نہیں کیا جس پر افسوس ہے، پوری دنیا میں وزیر اعظم و صدر کے امیدوار میڈیا کے سامنے پیش ہوتے ہیں، امیدوار ایک دوسرے سے سوال کرتے ہیں منشور سامنے رکھتے ہیں۔

بلاول بھٹو زرداری نے کہا کہ بارش کے بعد بھی میں مناظرے کیلیے تیار تھا، کراچی کے حوالے سے ان کا جھوٹا پروپیگنڈا بے نقاب ہوگیا، حفیظ پاشا نے پاکستان کے تمام صوبوں کا موازنہ کیا جس میں سندھ پنجاب سے ہر شعبے میں آگے ہے، یہ سروے شہباز شریف کی کابینہ میں شامل وزیر کے شوہر نے کیا تھا۔

متعلقہ: وزیراعظم کےعہدے کیلئے نہ صرف تیار ہوں بلکہ بہترین انتخاب ہوں، بلاول بھٹو

انہوں نے کہا کہ اس ملک کو شہباز شریف کی طرح نہیں چلانا چاہتا، آصف علی زرداری اور ہم نے مل کر قوم کی مفاد میں شہباز شریف کو وزیر اعظم بنانے کا فیصلہ کیا تھا، آصف علی زرداری اُن کو وزیر عظم بنا رہے تھے، کرسی کے شوقین ہوتے تو اس وقت ہی کہتے اور وزیر اعظم بن جاتا۔

ان کا کہنا تھا کہ خلوص نیت کے ساتھ 16 ماہ پاکستان کے عوام کیلیے کام کیا، پاکستان کا کھویا ہوا مقام واپس لانے کیلیے بھرپور کوشش کی، ہم نے سمجھا تھا اپنے مورچے سنبھالیں گے ووٹ کو عزت دلائیں گے، میں نے خارجہ سطح پر دن رات کام کیا، ان کی نیت کچھ اور تھی  معاشی بحران کے حل میں بھی دلچسپی نہیں تھی۔

’یہ چاہتے ہیں کچھ بھی کر کے نواز کو چوتھی بار وزیر اعظم بنوانا ہے‘

بلاول بھٹو زرداری نے کہا کہ انہیں کسی نہ کسی طرح حکومت میں آنا تھا، یہ چاہتے ہیں کچھ بھی کر کے نواز کو چوتھی بار وزیر اعظم بنوانا ہے، 8 فروری کے بعد میں جشن منا رہا ہوں گا، حکومت بنانے جا رہا ہوں گا، میاں صاحب کی اب وہ نیت نہیں کہ میں ان کے ساتھ اتحاد پر غور کروں۔

سابق وزیر خارجہ نے کہا کہ اب مقابلہ (ن) لیگ کے شیر اور پیپلز پارٹی کے تیر میں ہے، 8 فروری کے دن ملک کی چابی عوام کے پاس ہے، عوام اپنے ووٹ کا درست استعمال کریں گے تو ہم شیر کا راستہ روکیں گے۔

خصوصی گفتگو میں بلاول بھٹو زرداری نے مزید کہا کہ ہم نے بہت زبردست انتخابی مہم چلائی ہے، پورے پاکستان کے عوام نے ہمیں زبردست رسپانس دیا، عوام کل بڑی تعداد ووٹ کاسٹ کرتے ہیں تو پرامید ہوں پیپلز پارٹی ہی جیتے گی، پیپلز پارٹی نے ثابت کیا کہ ہم واحد وفاقی جماعت ہے۔

’(ن) لیگ کو آدھا گھنٹہ نہیں ملا کہ کراچی آ کر مہم چلائے‘

انہوں نے کہا کہ (ن) لیگ عوام کو بتا رہی ہے کہ وہ صرف پنجاب کی جماعت ہے، اس نے چند حلقوں کے سوا کہیں مہم نہیں چلائی، اس نے کئی علاقوں میں نہ جا کر کیا پیغام دیا کہ وہ پاکستان کے عوام نہیں، اس نے یہ پیغام دیا کہ سندھ، پنجاب اور خیبر پختونخوا کے عوام کا ووٹ نواز شریف کو نہیں چاہیے۔

ان کا کہنا تھا کہ (ن) لیگ کو آدھا گھنٹہ نہیں ملا کہ کراچی آ کر مہم چلائے، ملتان جنوبی پنجاب کا مرکز ہے (ن) لیگ نے وہاں کے عوام کو منہ تک نہیں دکھایا، بلوچستان میں سب مانتے ہیں زیادتی ہوئی ہے، بلوچستان پسماندہ ہے وہان (ن) لیگ نے مہم نہیں چلائی، ووٹ کے عزت کے نعرے والے 3 صوبوں کی عوام کے پاس نہیں گئے۔