Author: سنجے سادھوانی

کراچی: وزیراعظم شہباز شریف کے توانائی بچت پروگرام کے تحت جلد مارکیٹیں بند کرنے کے اعلان پر سندھ حکومت کا مؤقف سامنے آگیا ہے۔

اے آر وائی نیوز کے مطابق وزیراعظم شہباز شریف کے توانائی بچت پروگرام کے تحت مارکیٹیں رات ساڑھے آٹھ بجے بند کرنے کے اعلان پر سندھ حکومت کا کہنا ہے کہ وفاق باقی صوبوں سے بھی عملدرآمد کروائے صرف اپنے صوبے میں مارکیٹیں جلد بند نہیں کروائیں گے۔

سندھ حکومت نے وفاق کو جواب دیا ہے کہ پنجاب اور خیبرپختونخوا میں بھی توانائی بچت پروگرام کے اعلان پر عملدرآمد ہونا چاہیے۔

صوبائی حکومت کا کہنا ہے کہ اگر پنجاب اور کے پی میں شادی ہال، مارکیٹیں، پارکس اور ریسٹورنٹ جلد بند ہوں گے تو سندھ حکومت کی عملدرآمد کے لیے تیار ہے بصورت دیگر اس پر عمل نہیں کیا جائے گا۔

مزید پڑھیں: کراچی میں مارکیٹیں، شادی ہال اور ریسٹورنٹس جلد بند کرنے کا حکمنامہ ، اہم ہدایت جاری

واضح رہے کہ وفاقی حکومت نے توانائی بچت پروگرام کے تحت کراچی میں شاپنگ مالز اور مارکیٹیں رات ساڑھے آٹھ بجے، شادی ہال اور ریسٹورنٹس رات دس بجے بند کرنے کے لیے سندھ حکومت کو مراسلہ بھیجا تھا۔

مراسلہ موصول ہونے کے بعد کمشنر کراچی نے تمام ڈپٹی کمشنرز کو خط لکھا تھا جس میں ہدایت کی گئی تھی کہ ڈپٹی کمشنرز اپنے اپنے علاقوں میں توانائی پروگرام پر عملدرآمد کروائیں۔

یاد رہے کہ 22 فروری کو وزیراعظم نے نیوز کانفرنس کرتے ہوئے کہا تھا کہ توانائی کی بچت سے متعلق جو پروگرام بنایا تھا اس پرعمل نہیں ہوا مگر آج سے توانائی بچت کے پروگرام پرسختی سےعملدرآمد کرنےجارہے ہیں اس قسم کے فیصلے پرمن وعن عمل ہوجائےتو یقیناً معاشی بہتری کے فیصلے ہوں گے۔

کراچی: حکمران جماعت کو ضمنی انتخابات میں شکست کا خوف، اتحادی جماعتوں کو بھی الیکشن نہ لڑنے کی ترغیب دینے لگی۔

ذرائع کے مطابق نون لیگ کے وزرا اتحادی جماعتوں کو الیکشن نہ لڑنے کی منتیں کرنے لگے، نون لیگی وفد نے پیپلز پارٹی کو ضمنی الیکشن نہ لڑنے کی درخواست کردی۔

ذرائع کے مطابق لیگی وزرا کا موقف تھا کہ یہ الیکشن میں جانے کا مناسب وقت نہیں ہے، ابھی الیکشن ہارگئےتو عام انتخابات میں نقصان ہوگا۔

لیگی وزرا کا موقف تھا کہ آئی ایم ایف سے ممکنہ ڈیل کے باعث مہنگائی میں مزید اضافہ ہوگا جس کا اثر ووٹرز پر پڑے گا ایسی صورت میں الیکشن میں جانا ٹھیک نہیں ہے۔

یہ بھی پڑھیں: پٹرولیم مصنوعات کی قلت، لیگی سینیٹر اپنی ہی حکومت پر برس پڑے

لیگی وزرا نے دیگر اتحادی جماعتوں کو بھی ضمنی انتخابات میں حصہ نہ لینے کی درخواست کی ہے۔

واضح رہے کہ کراچی میں قومی اسمبلی کے نو حلقوں میں متحدہ پاکستان جوکہ وفاقی حکومت کی اتحادی ہے ضمنی الیکشن میں بھرپور تیاری کے ساتھ میدان میں اترنے جارہی ہے جبکہ پاکستان پیپلز پارٹی بھی ضمنی انتخابات میں حصہ لے رہی ہے۔

پی ڈی ایم کے سربراہ بھی ضمنی انتخابات میں حصہ لینے کے فیصلے پر مخمصے کا شکار ہے گو کہ وہ خود اعلان کرچکے ہیں کہ حالیہ ضمنی انتخابات میں حصہ نہیں لیا جائے گا تاہم سابق صدر اور شریک چیئرمین پییلز پارٹی نے انہیں مشورہ دیا ہے کہ انتخابی میدان کو کھلا چھوڑنا ٹھیک نہیں ہے۔

کون کس سےکرے گا اتحاد؟ کس کا آئے گا میئر کراچی۔۔نتائج کے بعد ممکنہ مخصوص نشستوں کی تقسیم کی تفصیلات اےآروائی نیوز نے نشر کر دیں۔

پیپلزپارٹی 93 یوسیز پر کامیابی پا کر 32 خواتین کی مخصوص نشستیں حاصل کرے گی۔ پی پی کو نوجوانوں کی 5، لیبر کی5، اقلیت کی5، معذور اور خواجہ سرا کی 1، 1نشست ملےگی۔ پی پی موجودہ 235 کے ایوان میں 142 ارکان کیساتھ سب سے بڑی جماعت ہو گی۔

جماعت اسلامی کو 86 نشستیں جیتنے پر32 خواتین کی مخصوص نشستیں ملیں گی۔ اسی طرح لیبر5، اقلیت5، نواجون5، معذور اور خواجہ سرا کی1،1نشست ملےگی۔ جماعت اسلامی 133 ارکان کےساتھ کےایم سی میں دوسری بڑی جماعت ہو گی۔

پی ٹی آئی کو 40 نشستوں پر 14 خواتین، 2 نوجوان، 2 لیبر، 2 اقلیت کی نشستیں ملیں گی۔ پاکستان تحریک انصاف ایوان میں 60 نشستوں کےساتھ تیسری بڑی جماعت ہوگی۔

جماعت اسلامی اور تحریک انصاف اتحاد کی صورت میں کراچی کا میئر لاسکتی ہے۔ کےایم سی قائدایوان کےلئے 184 نمبر درکار ہے جب کہ پی ٹی آئی اورجماعت اسلامی مل کر 193 ارکان کےایم سی میں ہوں گے۔