Author: سنجے سادھوانی

کراچی : سندھ حکومت نے کمشنرز اور ڈپٹی کمشنرز کو لگژری گاڑیاں دینے کا فیصلہ کرلیا، مجموعی طور پر 5 کروڑ 26 لاکھ روپےکی گاڑیاں لی جائیں گی۔

تفصیلات کے مطابق کہ سندھ حکومت نے کمشنرز کو نئی 2755 سی سی گاڑیاں فراہم کرنے کا فیصلہ کرلیا۔

اس سلسلے میں محکمہ خزانہ نے بجٹ جاری کرنے کا نوٹیفکیشن جاری کردیا ، جس میں بتایا کہ 5 کمشنرز اور 29 ڈپٹی کمشنرزکو لگژری گاڑیاں دی جائیں گی۔

نوٹیفکیشن کے مطابق نئی سرکاری گاڑیوں کی خریداری پر مجموعی طور پر 52 کروڑ 26 لاکھ روپے خرچ کئے جائیں گے۔

سندھ کے 5 کمشنرز کو 10 کروڑ 8 لاکھ کی نئی گاڑیاں دی جائیں گی اور ڈپٹی کمشنر زکو 40 کروڑ 15 لاکھ سے نئے ڈالے خرید کردئیے جائیں گے۔

یاد رہے 5 ستمبر کو سندھ حکومت نے اسسٹنٹ کمشنرز کے لیے 2 ارب روپے کی نئی گاڑیاں خریدنے کا فیصلہ کیا تھا۔

سندھ کے جنرل ایڈمنسٹریشن ڈیپارٹمنٹ نے 138 اسسٹنٹ کمشنرز کے لیے نئی ڈبل کیبن گاڑیاں خریدنے کے لیے 2 ارب روپے جاری کرنے کے لیے محکمہ خزانہ کو خط لکھا تھا۔

بعد ازاں اس پیشرفت کے بعد جماعت اسلامی نے سندھ حکومت کے اقدام کو ہائی کورٹ میں چیلنج کیا تھا اور 28 مارچ کو سندھ ہائی کورٹ کے آئینی بینچ نے صوبے میں اسسٹنٹ کمشنرز کے لیے 138 ڈبل کیبن گاڑیوں کی خریداری کو چیلنج کرنے والی درخواست کو خارج کر دیا تھا۔

پنجاب کے ٹی پی لنک کینال سے پانی لینے پر سندھ حکومت نے وفاقی حکومت اور ارسا کو احتجاجی مراسلہ ارسال کر دیا ہے۔

اے آر وائی نیوز کے مطابق پانی کے معاملے پر سندھ اور وفاق میں اختلاف مزید بڑھ گیا ہے اور سندھ حکومت نے پنجاب کے ٹی پی لنک کینال سے پانی لینے پر وفاق اور ارسا کو احتجاجی مراسلہ ارسال کر دیا ہے۔

اس مراسلہ میں کہا گیا ہے کہ سندھ حکومت کے اعتراضات کے باوجود ٹی پی لنک کینال سے پانی لیا جا رہا ہے۔ پنجاب حکومت نے گزشتہ رات ایک ہزار کیوسک پانی لینے کے سلسلے کو بڑھایا۔ دریائے سندھ سے 3800 کیوسک پانی لیا جا رہا ہے۔

سندھ حکومت کا کہنا ہے کہ پنجاب، جہلم چناب زون کو اپنا پانی دینے کے بجائے دریائے سندھ سے پانی فراہم کر رہا ہے۔ سندھ میں پانی کی قلت شدید ہو گئی ہے۔ سکھر بیراج پر 4 ہزار اور کوٹری پر 2300 کیوسک پانی کم مل رہا ہے اور صورتحال یہ ہے یہ صوبے میں کپاس اور چاول کی فصل کے لیے بھی پانی دستیاب نہیں ہے۔

اس حوالے سے صوبائی وزیر آبپاشی کا کہنا ہے کہ وفاق اور ارسا سندھ سے نا انصافیوں کا سلسلہ جاری رکھے ہوئے ہیں۔ تونسہ پنجند لنک کینال پر پانی کے بہاؤ کو بڑھانا سندھ کے ساتھ سراسر نا انصافی ہے۔

انہوں نے مزید کہا کہ سندھ کے عوام میں اس اقدام سے بے چینی بڑھ رہی ہے۔ پنجاب، وفاق اور ارسا کے رویے متعلق پیپلز پارٹی کی قیادت کو آگاہ کر دیا گیا ہے۔

کراچی : وفاقی حکومت نے پیپلزپارٹی کو کینال منصوبہ ختم کرنے کی پیشکش کردی تاہم پی پی کا کہنا ہے کہ ن لیگ کے کسی بھی عہدیدار کے زبانی وعدے پر یقین نہیں۔

تفصیلات کے مطابق بیک ڈوررابطوں میں وفاقی حکومت نے پیپلزپارٹی کو کینال منصوبہ ختم کرنے کی پیشکش کردی ، ذرائع نے بتایا کہ وفاقی وزیر نے پیغام دیا کینال منصوبہ ایکنک ایجنڈے کا حصہ ہی نہیں بنایا جائے گا نہ منظوری دی جائے گی۔

جس پر پیپلز پارٹی رہنماؤں نے جواب دیا کہ ن لیگ کے کسی بھی عہدیدار کے زبانی وعدے پر یقین نہیں ،وزیراعظم یاوفاقی حکومت منصوبہ ختم کرنے کا اعلان نہیں کرتی تو احتجاج جاری رہے گا۔

پیپلز پارٹی نے مؤقف میں کہا کہ ہم ن لیگ یا وفاقی حکومت پر کیسے بھروسہ کرلیں، ایوان صدر اجلاس کےمنٹس غلط جاری کئے گئے، ایک وفاقی وزیر نے یہ منٹس لیک کئے، میڈیا کو وفاقی وزیر نے منٹس دے کر غلط فیڈنگ کی۔

ذرائع پیپلز پارٹی کا کہنا تھا کہ وفاقی حکومت اور اہم وزرا کینال منصوبہ منظوری کی باتیں کر رہے ہیں، ن لیگ پیپلزپارٹی کو عوام اور اداروں سے لڑانے کا کام کر رہی ہے۔

ذرائع پی پی نے کہا کہ بلاول بھٹو 18 اپریل کوکینال منصوبے، وفاقی حکومت کیخلاف تحریک اعلان کریں گے، دوسرے مرحلے میں سکھر اور میرپور خاص میں احتجاج کیا جائے گا، وزیر اعظم منصوبہ ختم کرنےکا اعلان کریں یا سی سی آئی اجلاس میں منصوبہ مسترد کیا جائے۔

کراچی : ن لیگ قیادت نے پیپلز پارٹی کو کینال مخالف قرارداد پر حمایت نہ کرنے دو ٹوک جواب دے دیا اور کہا آپ کوقرارداد واپس لینا ہوگی۔

تفصیلات کے مطابق ن لیگ قیادت کا کینال کیخلاف قرارداد کی حمایت نہ کرنے کا دوٹوک مؤقف سامنے آگیا ، ذرائع پی پی نے کہا گزشتہ روز پیپلز پارٹی ایم این ایز ، شبیر بجارانی کی کینال مخالف قرارداد پر دستخط کرچکے تھے۔

اعظم نذیرتارڑ نے جواب میں کہا کہ ایوان میں پالیسی بیان دیں گے، آپ کو کینال تنازع پر قرارداد واپس لینا ہوگی، ہم کسی طور پر پیپلز پارٹی کی کینال مخالف قرارداد پر حمایت نہیں کریں گے۔

ذرائع نے کہا کہ پیپلز پارٹی نے کینال مخالف قرارداد کے لئے ایوان میں ایم کیو ایم رابطہ کیا لیکن ایم کیو ایم نے بھی قومی اسمبلی میں کینال مخالف قرارداد پر ووٹ دینے سے انکار کردیا۔

ذرائع پی پی کا کہنا تھا کہ پی ٹی آئی نے بھی کینال مخالف قرارداد پر پیپلز پارٹی کا ساتھ نہیں دیا اور تحریک انصاف نے کینالوں کی تعمیرات کیخلاف قرارداد پر حمایت نہیں کی۔

قومی اسمبلی میں ن لیگ، تحریک انصاف، ایم کیو ایم سب کینالوں متعلق قرارداد کی حمایت سے منع کردیا۔

ذرائع کے مطابق پی پی ایم این ایز قرارداد پیش نہ کرسکے تو اسپیکر سے خصوصی اجازت پر پوائنٹ آف آرڈر پر گفتگو کی، پی پی ایم این ایز کا کہنا تھا کہ پی پی بغیر نمبرز قرارداد پیش کرتی تو صوبے کے مؤقف کا نقصان ہوتا، ہم قومی اسمبلی میں پانی معاملے پر اپنا اسٹینڈ لیتے رہیں گے۔