Author: سحرش کھوکھر

سندھ ہیومن رائٹس کمیشن نے سینئر صحافی جان محمد کے قتل کی تحقیقات اور ورثا کو تحفظ فراہم کرنے سمیت سندھ میں صحافیوں کو درپیش مسائل کیلئے آئی جی سندہ کو  خط لکھ دیا۔

سکھر میں سینئر صحافی جان محمد مہر کے قتل کا افسوسناک واقعہ پیش آیا 13 اگست کو سکھر میں مسلح حملہ آوروں نے گولی مار کر  جان محمد مھر کو ہلاک کر دیا اس  دل دہلا دینے والے واقعے کے بعد  میڈیا کمیونٹی میں عدم تحفظ کی کیفیت پیدا ہو گئی۔

ایس ایچ آر سی کے مطابق مقتول صحافی کے کیس کی پیروی کرنے والے ان  کے خاندان کو ہراساں کیا جا رہا ہے حکومت مقتول صحافی کے خاندان کے  تحفظ کو یقینی بنائے اور سینئر صحافی جان محمد مہر کے قتل کی منصفانہ انکوائری کر کے انصاف فراہم کیا جائے۔

ایس ایچ آر سی نے سندھ میں صحافیوں کو درپیش دھمکیوں کے حوالے سے گہری تشویش کا اظہار کرتے ہوئے خط میں لکھا ہے کہ صحافیوں کو  جسمانی حملے، اغوا، ہراساں کرنا، حتیٰ کہ قتل جیسے سنگین نوعیت کے مسائل کا سامنا ہے۔

سندہ ہیومن رائٹس کمیشن نے کہا کہ صحافیوں کو دھمکانے میں  ریاستی حکام، عسکریت پسند گروپ، غیر ریاستی عناصر اور طاقتور افراد شامل ہیں جن کا مقصد تنقیدی رپورٹنگ کو دبانا ہے ان واقعات میں سکھر میں سینئر صحافی جان محمد مہر کے وحشیانہ قتل کے واقعہ شامل ہے۔

کمیشن نے خط میں لکھا کہ پاکستان میں صحافیوں کے خلاف تشدد کے کئی ہائی پروفائل واقعات رونما ہو چکے ہیں صحافیوں پر تشدد کے واقعات کی بین الاقوامی سطح پر مذمت کی گئی ہے۔

 رپورٹرز ود آؤٹ بارڈرز (RSF) اور کمیٹی ٹو پروٹیکٹ جرنلسٹس (CPJ)، ایمنسٹی انٹرنیشنل اور ہیومن رائٹس واچ جیسی تنظیموں نے ملک میں اظھار رائے کی آزادی کے بارے میں مسلسل تشویش کا اظہار کیا ہے۔

دوسری جانب عالمی اداروں کی جانب سے میڈیا ورکرز کو  تحفظ فراہم کرنے کا مطالبہ بھی کیا گیا ہے جمہوریت کو برقرار رکھنے، شفافیت کو فروغ دینے ، عوام کو  معلومات تک رسائی اور آزادی اظہار کے تحفظ میں صحافیوں کے کردار کو آئین پاکستان میں بنیادی حقوق کے طور پر بیان کیا گیا ہے۔

 ایس ایچ آر سی نے کہا کہ افسوسناک بات  ہے کہ خطے میں صحافیوں کو اپنے فرائض کی انجام دہی کے دوران اکثر متعدد چیلنجز کا سامنا کرنا پڑتا ہے صحافیوں کو مختلف طریقوں سے  ہراساں کیا جاتا ہے جن میں دھمکیاں دینا اور تشدد کرنا  شامل ہے۔

ایس ایچ آر سی نے خط میں لکھا کہ حکومت سندھ نے صحافیوں اور میڈیا ورکرز کے تحفظ کے لیے 28 جون 2021 کو "دی سندھ پروٹیکشن آف جرنلسٹس اینڈ دیگر میڈیا پریکٹیشنرز ایکٹ 2021” پاس کیا ہے۔

لیکن صحافیوں اور میڈیا ورکرز کے حقوق کے فروغ اور تحفظ کے لیے عملی اقدامات کی فوری طور پرضرورت ہے سندہ ہیومن رائٹس کمیشن سختی سے سفارش کرتا ہے کہ حکومت سندھ صحافیوں اور میڈیا ورکرز کی حفاظت اور تحفظ کو یقینی بنایا جائے۔

نواب شاہ : ہزارہ ایکسپریس حادثے میں ٹریک کو مضبوط بنانے کیلئے لوہے کے بجائے لکڑی کے استعمال ہونے کا انکشاف سامنے آیا۔

تفصیلات کے مطابق ہزارہ ایکسپریس ہولناک حادثے کی وجہ سامنے آگئی، ٹریک کی مضبوطی کیلئے جگاڑ سے کام لیا جارہا ہے، ٹریک سلیپر کو لوہے کی کیلوں کی جگہ لکڑی اور پتھر سے مضبوط کیا گیا ہے۔

شہری نے ریلوے ٹریک پر لکڑی کی نشاندہی کر دی، جس کی ویڈیو سوشل میڈیا پر وائرل ہوگئی، جس میں شہری نےٹریک پرپٹری کےاندرسے لکڑی نکال کر دکھا دی۔

یاد رہے گزشتہ سرہاڑی کے قریب کراچی سے حولیاں جانے والے ہزار ایکسپریس حادثے کا شکار ہوگئی تھی، حادثے میں 30 افراد جاں بحق ہوئے ہیں، جن میں 3 بچے اور 12 خواتین شامل ہیں،

30 جاں بحق افراد کو پیپلز میڈیکل یونیورسٹی ہسپتال منتقل کردیا گیا اور تمام جاں بحق افراد کی شناخت کرلی گئی ہے، جن میں 27 جاں افراد کی میتوں کو ورثاء کے حوالے کے ان کے آبائی علاقوں ملتان، رحیم یار خان، صادق آباد، ٹنڈو آدم، گھوٹکی، سانگھڑ، شہداد پور ودیگر شہروں کی جانب روانہ کردیا گیا ہے۔

ٹرین حادثے میں 1 سو سے زائد زخمیوں کو کراچی، حیدرآباد، سکرنڈ اور نواب شاہ کے ہسپتال میں منتقل کردیا ہے۔

وزیراعظم شہباز شریف اور وفاقی وزیر برائے ریلوے خواجہ سعد رفیق کی ہدایت پر موہنجوداڑو ایکسپریس کا افتتاح کر دیا گیا۔

اے آر وائی نیوز کے مطابق وفاقی وزیر ریلوے خواجہ سعد رفیق نے اسلام آباد میں ویڈیو لنک کے ذریعے جبکہ سکھر میں ڈی ایس ریلوے  محمود الرحمان لاکھو نے سکھر ریلوے اسٹیشن پر افتتاح  کیا ہے۔

وفاقی حکومت کی ہدایت پر  موہنجود ڑو ایکسپریس سکھر سے سیہون تک چلے گی جس سے عوام روہڑی سے سکھر، لاکاڑنہ، دادو، سیہون شریف اور کوٹری تک سفر کرسکیں گے۔

 اس کے ساتھ ساتھ موہنجوداڑو ایکسپریس براستہ روہڑی ،سکھر ،حبیب کورٹ، رُک ریلوے اسٹیشن، مدیجی، سر شاہنواز بھٹو، لاڑکانہ، باقرانی، موئنجودڑو، رادھن، بالی شاہ، رحمانی نگر، پھلجی،  پیارو گوٹھ، دادو، سیہون شریف، کوٹری تک چلے گی۔

ڈویژنل سپریڈنٹنٹ پاکستان ریلوے کا کہنا ہے کہ موہنجودڑو ایکسپریس کے ذریعے سینکڑوں مسافر سستی اور معیاری سہولت سےمستفید ہو سکیں گے۔

ڈویژنل سپریڈنٹنٹ پاکستان ریلوے سکھر   محمود الرحمان لاکھو کا کہنا تھا کہ ریلوے کے اس عمل کو سراہتے ہیں یہ عوام کی درینہ خواہش تھی۔

انیوں نے کہا کہ وفاقی وزیر خواجہ سعد رفیق کے شکر گزار ہیں کہ انہوں نے موہنجودڑو ایکسپریس بحال کرنے کی ہدایت جاری کیں کوشش کریں گے کہ باقی بند ٹرینیں بھی جلد بحال کر دی جائیں۔