ARYNews.tv | Urdu – Har Lamha Bakhabar

Author: شاہد ہاشمی

  • چیمپئنز ٹرافی 2025 ہائبرڈ ماڈل پر ہوگی، تحریری معاہدہ ہوگیا

    چیمپئنز ٹرافی 2025 ہائبرڈ ماڈل پر ہوگی، تحریری معاہدہ ہوگیا

    کرکٹ ویب سائٹ نے دعویٰ کیا ہے کہ پاکستان کرکٹ بورڈ (پی سی بی) اور بھارتی بورڈ (بی سی سی آئی) نے آئی سی سی چیمپئینز ٹرافی سمیت آئندہ آنیوالے تمام ایونٹس 2024-27 ہائبرڈ ماڈل کے تحت ہی کرانے کا فیصلہ کیا ہے۔

    غیرملکی ویب سائٹ کے مطابق چیمپئنز ٹرافی 2025 ہائبرڈ ماڈل پر ہوگی، اس حوالے سے آئی سی سی اور بورڈ ممبرز میں تحریری معاہدہ ہوگیا۔

    چیمپئنز ٹرافی 2025 میں بھارتی ٹیم پاکستان کے بجائے نیوٹرل وینیو پر کھیلے گی، پاکستان ٹیم بھی 2026 میں بھارت نہیں جائیگی، نیوٹرل وینیو پر میچز کھیلے جائیں گے۔

    غیر ملکی ویب سائٹ کے مطابق آئی سی سی کی جانب سے اس ماڈل پر ووٹنگ کرانے کا امکان ہے، معاہدہ چیمپئنز ٹرافی ویمنز ورلڈکپ اور 2026 ٹی 20 ورلڈکپ پر لاگو ہوگا۔

    آئی سی سی کی جانب سے بھی تصدیق کردی گئی ہے کہ چیمپئنزٹرافی ہائبرڈ ماڈل پر ہوگی، بیان میں کہا گیا ہے کہ 2024 سے2027 تک کے میچز نیوٹرل وینیو پر ہونگے۔

    آئی سی سی کے مطابق چیمپئنز ٹرافی پاکستان اور ایک نیوٹرل وینیو پر ہوگی، آئی سی سی ویمنزٹی 20 ورلڈکپ کی میزبانی پاکستان کرےگا۔

    غیر ملکی ویب سائٹ نے دعویٰ کیا کہ 2028 کا خواتین کا ٹی 20 ورلڈکپ پاکستان میں  ہوگا، بھارت کیلئے نیوٹرل وینیو پر انتخاب پاکستان کر ے گا۔

    غیر ملکی ویب سائٹ کے مطابق پاکستان نے بھارت کی ساتھ نیوٹرل وینیو پر سہ فریقی ٹورنامنٹ کی تجویز بھی دی ہے، آئی سی سی کو سہ فریقی ٹورنا منٹ پر کوئی اعتراض نہیں۔

    چیئرمین پی سی بی کا بیان:

    چیئرمین پی سی بی محسن نقوی کا کہنا ہے کہ چیمپئنز ٹرافی ٹورنامنٹ وطن عزیز پاکستان کی عزت ہے اس پر کسی قسم کا حرف نہیں آنے دیں گے۔

    گورننگ بورڈ کا 76 واں اجلاس چیئرمین پی سی بی محسن نقوی کی زیرِ صدارت منعقد ہوا، اجلاس میں گورننگ بورڈ کے گزشتہ اجلاس کے فیصلوں کی توثیق کی گئی۔

    اجلاس کو آئی سی سی چیمپئنز ٹرافی ٹورنامنٹ پر اب تک کی پیشرفت سے آگاہ کیا گیا۔گورننگ بورڈ کو قذافی، نیشنل اور راولپنڈی اسٹیڈیم کی تعمیر نو پر پیشرفت کے بارے میں بریفنگ دی گئی۔

    چیئرمین پی سی بی نے گورننگ بورڈ کو چیمپئنز ٹرافی سے متعلق اعتماد میں لیا۔ اس موقع پر اراکین نے آئی سی سی چیمپئنز ٹرافی سے متعلق چیئرمین پی سی بی کے اصولی موقف کو سراہا۔

    چیئرمین پی سی بی اس موقع پر بات کرتے ہوئے کہنا تھا کہ پہلے دن سے ہی پاکستان اورکرکٹ کی جیت کی بات کر رہا ہوں، پی سی بی چیمپئنز ٹرافی ٹورنامنٹ کے انعقاد کے لیے ہر لحاظ سے تیار ہے۔

    اُنہوں نے کہا کہ چیمپئنز ٹرافی کے لئے ہر طرح کی تیاریاں مکمل ہیں، پاکستان کے اصولی موقف کو ہر کسی نے سراہا ہے، تمام ٹیموں کودل کی گہرائیوں سے خوش آمدید کہیں گے۔

    چیئرمین پی بی سی کا کہنا تھا کہ پاکستانی تمام ٹیموں کو اپنے گراؤنڈز پر کھیلتا ہوا دیکھنا چاہتے ہیں۔

    پاکستان اور جنوبی افریقا کے درمیان دوسرا ون ڈے آج کھیلا جائیگا

    چیئرمین نے کہا کہ کرکٹ میں سیاست کیخلاف ہوں، یہ کھیل ہے جس سے کروڑوں شائقین محبت کرتے ہیں، کھیل کو کھیل رہنا چاہیے۔

  • آئی سی سی چیمپئنز ٹرافی کے شیڈول کا اعلان کب ہوگا؟

    آئی سی سی چیمپئنز ٹرافی کے شیڈول کا اعلان کب ہوگا؟

    آئی سی سی کی جانب سے چیمپئنز ٹرافی کے شیڈول کا اعلان پیر کو کیا جائے گا۔

    اے آر وائی نیوز کے مطابق ذرائع کا کہنا ہے کہ پاکستان اور بھارت کے درمیان تمام معاملات طے پاگئے ہیں اور چیمپئنز ٹرافی پر تمام پیچیدگیاں ختم ہوگئیں۔

    ذرائع کا کہنا ہے کہ چیمپئنز ٹرافی پر شرطوں اور معاہدوں کی تشکیل آخری مرحلے میں ہے۔

    آئی سی سی کی جانب سے پیر کو چیمپئنز ٹرافی کے شیڈول کا اعلان پیر کو کردیا جائے گا۔

    اس سے قبل بھارتی میڈیا نے دعویٰ کیا تھا کہ انٹرنیشنل کرکٹ کونسل (آئی سی سی) نے چیمپئنز ٹرافی کے لیے ہائبرڈ ماڈل کی منظوری دے دی۔

    یہ پڑھیں: آئی سی سی نے چیمپئنز ٹرافی کے لیے ہائبرڈ ماڈل کی منظوری دے دی

    بھارتی میڈیا کا کہنا تھا کہ پاکستان ٹیم 2026 کے ٹی 20 ورلڈ کپ کے لیے بھارت نہیں جائے گی، چیمپئنز ٹرافی 2025 کے مقابلے پاکستان اور دبئی میں کھیلے جائیں گے۔

    پی سی بی اور بی سی سی آئی بھارت کے مقابلے دبئی میں کرانے پر رضامند ہے جبکہ ٹی 20 ورلڈ کپ 2026 میں پاکستان اور بھارت کا مقابلہ کولمبو میں ہوگا۔

    بھارتی میڈیا کا کہنا تھا کہ پی سی بی اس معاہدے کے لیے کوئی مالی معاوضہ وصول نہیں کرے گا، چیمپئنز ٹرافی کے مقابلے پاکستان میں تین وینیوز اور بھارت کے مقابلے دبئی میں ہوں گے۔

    پاکستان کو 2027 کے آئی سی سی ویمنز ٹورنامنٹ کی میزبانی بھی ملے گی۔

  • پاکستان ٹیم کے نئے عبوری کوچ کا اعلان

    پاکستان ٹیم کے نئے عبوری کوچ کا اعلان

    سابق فاسٹ بولر عاقب جاوید کو پاکستان کی ریڈ بال ٹیم کا عبوری ہیڈکوچ مقرر کر دیا گیا۔

    تفصیلات کے مطابق پی سی بی نے ریڈبال ٹیم کے ہیڈکوچ جیسن گلیسپی کا استعفیٰ منظور کرتے ہوئے ان کی جگہ عاقب جاوید کو ریڈبال ٹیم کا عبوری ہیڈکوچ مقرر کیا ہے۔

    ریڈ بال کے ہیڈکوچ جیسن گلیسپی نے آج اپنی ذمہ داریوں سے استعفیٰ دے دیا تھا۔

    عاقب جاوید کی پہلی اسائنمنٹ جنوبی افریقہ کے خلاف ٹیسٹ سیریز ہو گی۔ پہلا ٹیسٹ 26سے 30 دسمبر تک سنچورین میں کھیلا جائے گا۔ دوسرا ٹیسٹ 3 سے 7 جنوری تک کیپ ٹاؤن میں کھیلا جائے گا۔

    قومی ٹیم اس وقت جنوبی افریقہ میں ٹی ٹوینٹی سیریز کھیل رہی ہے جب کہ ٹی ٹوینٹی کے بعد 3 ون ڈے میچوں کی سیریز کھیلی جائے گی۔

  • بھارتی کرکٹ بورڈ کی پی سی بی کو قانونی چارہ جوئی کی دھمکی

    بھارتی کرکٹ بورڈ کی پی سی بی کو قانونی چارہ جوئی کی دھمکی

    چیمپئنز ٹرافی کا تنازع حل ہوا نہیں کی بھارتی میڈیا نے پروپیگنڈے شروع کر دیے جب کہ بھارتی کرکٹ بورڈ پی سی بی کو قانونی چارہ جوئی کی دھمکیاں دینے لگا۔

    آئندہ برس پاکستان میں شیڈول آئی سی سی چیمپئنز ٹرافی کا معاملہ اب تک التوا کا شکار ہے۔ پاکستان کے فیوژن فارمولے پر آئی سی سی اور بھارتی کرکٹ بورڈ نے اب تک جواب نہیں دیا ہے لیکن بھارتی میڈیا نے ٹی 20 ورلڈ کپ 2026 کے حوالے سے پروپیگنڈا شروع کر دیا ہے۔

    چیمپئنر ٹرافی پر ڈیڈلاگ برقرار ہونے اور پاکستان کے اپنے اصولی موقف سے پیچھے نہ ہٹنے پر بھارتی میڈیا اب ڈبل گیم کھیلنے لگا ہے۔

    بھارتی میڈیا نے ٹی ٹوئنٹی ورلڈ کپ 2026 پر بھی پروپیگنڈا شروع کردیا ہے اور پاکستان کو ڈرانے کے لیے قانونی چارہ جوئی کی دھمکیاں دی جانے لگی ہیں۔

    بھارتی میڈیا کے مطابق بی سی سی آئی پاکستان کرکٹ بورڈ کے پیش کردہ فیوژن ماڈل پر راضی ہے اور 2026 کے ورلڈ کپ میں پاکستان سے گروپ میچز نیوٹرل وینیو پر کھیلے گا تاہم گرین شرٹس کے سیمی فائنل یا فائنل پہنچنے کی صورت میں یہ ناک آؤٹ میچز بھارت میں ہی ہوں گے۔

    رپورٹ میں دعویٰ کیا گیا ہے کہ بی سی سی آئی نے واضح کر دیا ہے کہ اگر پاکستان سیمی فائنل یا فائنل میں پہنچا تو اسے ناک آؤٹ میچز بھارت میں کھیلنا ہوں گے۔ پاکستان بھارت میں آئی سی سی ایونٹس کا بائیکاٹ کرے گا تو اسے قانونی چارہ جوئی کا سامنا کرنا پڑ سکتا ہے۔

    واضح رہے کہ پاکستان نے چیمپئنز ٹرافی کے لیے بھارتی ہٹ دھرمی کا توڑ کرتے ہوئے آئی سی سی میٹنگ میں فیوژن ماڈل پیش کیا تھا۔ اس ماڈل کے مطابق تین سال تک پاکستان بھارت میں کوئی میچ نہیں کھیلے گا اور پاکستان اب بھی اپنے موقف پر قائم ہے۔

    چیمپئینز ٹرافی 2025: بھارت پاکستان کے آگے گھٹنے ٹیکنے پر مجبور

  • چیمپئنز ٹرافی: بھارت نے پاکستان کا ’فیوژن فارمولا‘ مان لیا، بھارتی خبر ایجنسی کا دعویٰ

    چیمپئنز ٹرافی: بھارت نے پاکستان کا ’فیوژن فارمولا‘ مان لیا، بھارتی خبر ایجنسی کا دعویٰ

    آئی سی سی چیمپئنز ٹرافی 2025 کے معاملے پر بھارت نے پاکستان کا ’فیوژن فارمولا‘ مان لیا ہے۔

    بھارتی خبر ایجنسی نے دعویٰ کیا ہے کہ آئندہ سال چیمپئنز ٹرافی ہائبرڈ ماڈل کے تحت ہوگی، فیصلہ آئی سی سی ہیڈ کوارٹرز میں ہونے والے غیر رسمی اجلاس میں کیا گیا ہے۔

    رپورٹ میں دعویٰ کیا گیا ہے کہ منظور شدہ ماڈل کے تحت بھارت چیمپئنز ٹرافی دبئی میں کھیلے گا۔

    پاکستان بھی 2027 تک بھارت میں شیڈول ایونٹ کھیلنے نہیں جائے گا، پاکستان بھی بھارت کی میزبانی والے ایونٹس نیوٹرل وینیو پر کھیلے گا۔

    پی سی بی نے گزشتہ ہفتے پارٹںر شپ یا فیوژن کے نام سے نیا فارمولا پیش کیا تھا۔

    آئی سی سی چیمپئنز ٹرافی آئندہ برس 19 فروری سے 9 مارچ تک شیڈول ہے اور پاکستان اس ٹورنامنٹ کا میزبان ہونے کے ساتھ دفاعی چیمپئن بھی ہے۔

    تاہم ایونٹ کے آغاز سے تین ماہ قبل بھارت نے روایتی ہٹ دھرمی کا مظاہرہ کرتے ہوئے ایک بار پر پاکستان آنے سے انکار کر دیا ہے جب کہ دیگر تمام ٹیمیں پاکستان آنے پر راضی اور آئی سی سی وفد بھی کئی بار پاکستان آنے کے بعد یہاں سیکیورٹی اور دیگر انتظامات سے مطمئن ہو کر جا چکا ہے۔

    پاکستان نے گزشتہ دنوں ایونٹ کے بروقت انعقاد کو یقینی بنانے کے لیے برابری کی سطح پر قابل عمل تجویز پارٹنر شپ یا فیوژن ماڈل کی دی گئی تھی جس میں آئی سی سی کے تمام بین الاقوامی ٹورنامنٹ میں پاک بھارت میچز نیوٹرل وینیو پر رکھے جانے کی تجویز تھی۔

    یہ تجویز مانے جانے کی صورت میں اس کا اطلاق آئی سی سی چیمپئنز ٹرافی سے 2027 تک شیڈول آئی سی سی ایونٹس کے لیے ہونا تھا اور اس دوران بھارت میں ہونے والے کرکٹ ایونٹ میں بھی پاکستان نے اپنے میچز بھارتی سر زمین کے باہر کھیلنا تھے۔

  • چیمپئنز ٹرافی کیلئے آئی سی سی کی اہم میٹنگ شروع ہوتے ہی ملتوی

    چیمپئنز ٹرافی کیلئے آئی سی سی کی اہم میٹنگ شروع ہوتے ہی ملتوی

    پاکستان میں شیڈول چیمپیئنز ٹرافی کے لیے انٹرنیشنل کرکٹ کونسل (آئی سی سی) کی بورڈ میٹنگ شروع ہوتے ہی ملتوی کردی گئی۔

    ذرائع کے مطابق انٹرنیشنل کرکٹ کونسل (آئی سی سی) کی آج ہونے والی بورڈ میٹنگ 10 سے 15 منٹ تک جاری رہی، آئی سی سی نے فیصلہ کیا کہ میٹنگ اگلے 24 سے 48 گھنٹے میں دوبارہ ہوگی۔

    ذرائع کا کہنا ہے کہ آئی سی سی میٹنگ میں تمام بورڈ ممبران شامل تھے، پاکستان اپنے موقف پر قائم ہے کہ ہائبرڈ ماڈل پر ٹورنامنٹ نہیں کروائیں گے۔

    جبکہ آئی سی سی کی جانب سے معاملے کو حل کرنے کے لیے مختلف آپشنز پر غور کیا جارہا ہے ذرائع کا کہنا ہے کہ امید ہے کوئی حل طلب فارمولا کل نکال لیا جائے۔

    واضح رہے کہ چیئرمین پی سی بی محسن نقوی واضح طور پر ہائبرڈ ماڈل کو مسترد کر چکے ہیں اور کئی بار دوٹوک موقف اختیار کرتے ہوئے کہا ہے کہ پاکستان ٹورنامنٹ کا میزبان ہے اور مکمل ایونٹ اپنے ہی ملک میں کرائے گا۔

    جبکہ گزشتہ روز بھی پی سی بی سربراہ محسن نقوی نے آئی سی سی حکام سے گفتگو میں کہا تھا کہ زخم سہہ لیں گے لیکن بے عزتی نہیں اٹھائیں گے، ایسا نہیں ہوسکتا کہ ہم بھارت میں کرکٹ کھیلنے جائیں اور وہ یہاں نہ آئیں۔

    محسن نقوی کا کہنا تھا کہ آئی سی سی کو اپنا واضح موقف دے چکے، اب بورڈ میٹنگ میں فیصلہ ہوگا، یہ نہیں ہوسکتا کہ ہم بھارت میں کرکٹ کھیلیں اور وہ یہاں نہ آئیں۔

    آئی سی سی سے مشاورت جاری ہے، اچھا نتیجہ سامنے آئے گا، پاکستان کرکٹ کے لیے اچھا وقت آرہا ہے۔ چیمپئنر ٹرافی کے لیے پاکستان کی بہترین ٹیم میدان میں لائیں گے، اللہ نے چاہا تو چیمپئنز ٹرافی پاکستان میں ہی ہوگی۔

    واضح رہے کہ چیمپئنز ٹرافی کا شیڈول اب تک جاری نہیں کیا جا سکا ہے، تاہم براڈ کاسٹرز کو 5 دسمبر سے پہلے معاملے کا حل نکلنے کی امید ہے۔

  • چیمپئنز ٹرافی: ہائبرڈ ماڈل مسترد، آئی سی سی قابل قبول آپشن پیش کرے، پی سی بی

    چیمپئنز ٹرافی: ہائبرڈ ماڈل مسترد، آئی سی سی قابل قبول آپشن پیش کرے، پی سی بی

    پاکستان کرکٹ بورڈ نے چیمپئنز ٹرافی کے انعقاد کے معاملے پر آئی سی سی سے رابطہ کیا ہے اور ہائبرڈ ماڈل کو ایک بار پھر سختی سے مسترد کر دیا ہے۔

    اے آر وائی نیوز کو ذرائع سے ملنے والی کے مطابق چیمپئنز ٹرافی 2025 کے انعقاد سے متعلق پاکستان کرکٹ بورڈ نے ایک بار پھر انٹرنیشنل کرکٹ کونسل سے رابطہ کیا ہے اور اپنا واضح موقف پیش کر دیا ہے۔

    ذرائع نے بتایا ہے کہ پاکستان کرکٹ بورڈ نے ایک بار پھر چیمپئنز ٹرافی کے لیے کسی بھی ہائبرڈ ماڈل کو یکسر مسترد کرتے ہوئے کہا ہے کہ ہائبرڈ ماڈل کسی صورت قبول نہیں کریں گے، آئی سی سی جمعہ (کل) کی میٹنگ سے قبل کوئی قابل قبول آپشن پیش کرے۔

    ذرائع کا کہنا ہے کہ پی سی بی نے دوٹوک الفاظ میں یہ بات دہرائی ہے کہ بھارت کا پاکستان میں ہونے والے ایونٹ میں نہ آنا قبول نہیں۔ اگر بھارت اپنی ہٹ دھرمی پر قائم رہتا ہے اور چیمپئنز ٹرافی کے لیے نیوٹرل وینیو کا فارمولا اپنایا جاتا ہے تو پھر اگلے ایونٹس میں پاکستان بھی بھارت نہیں جائے گا۔

    ذرائع کے مطابق پی سی بی نے اپنا موقف واضح طور پر دے دیا ہے اور اس کو اب آئی سی سی کے جواب کا انتظار ہے۔

    واضح رہے کہ آئی سی سی چیمپئنز ٹرافی اگلے برس 19 فروری سے 9 مارچ تک شیڈول ہے اور پاکستان اس ٹورنامنٹ کا میزبان ہونے کے ساتھ دفاعی چیمپئن بھی ہے۔

    پی سی بی کی جانب سے اس شو پیس ایونٹ کے لیے بھرپور تیاریاں جاری ہے اور ما سوائے بھارت تمام ممالک نے پاکستان آنے پر رضامندی ظاہر کر دی ہے۔

    تاہم مودی سرکار حسب سابق ہٹ دھرمی کا مظاہرہ کرتے ہوئے ایک بار پھر کھیل میں سیاست کو لے آئی اور ایونٹ انتہائی قریب آنے کے بعد پاکستان آنے سے انکار کر دیا جس کے باعث ٹورنامنٹ کا شیڈول جاری نہیں ہو سکا ہے اور آئی سی سی مشکلات کا شکار ہے کیونکہ براڈ کاسٹرز کی جانب سے انٹرنیشنل کرکٹ کونسل پر جلد شیڈول جاری کرنے کے لیے دباؤ ہے۔

    آئی سی سی بورڈ ممبران کی کل دبئی میں اسی معاملے پر میٹنگ ہے اور بتایا جا رہا ہے کہ آئی سی سی چیمپئنز ٹرافی کے لیے ہائبرڈ ماڈل پیش کرے گا۔ پاکستان کے رضامند نہ ہونے کی صورت میں 14 بورڈ ممبران سے ایونٹ کی میزبانی کے لیے ووٹنگ کرائے جانے کا بھی امکان ہے۔

    https://urdu.arynews.tv/icc-has-developed-a-new-formula-for-the-champions-trophy/

     

  • چیمپئنز ٹرافی: بھارت کا پاکستان میں ٹرافی کے ٹور پر بھی اعتراض

    چیمپئنز ٹرافی: بھارت کا پاکستان میں ٹرافی کے ٹور پر بھی اعتراض

    بھارت نے چیمپئنز ٹرافی کے انعقاد کے بعد پاکستان میں ٹرافی کے ٹور پر بھی اعتراض کر دیا۔

    پاکستان کرکٹ بورڈ ( پی سی بی) نے جمعرا ت کو چیمپئنز ٹرافی 2025 کی ٹرافی کو پاکستان میں اسکردو ، ہنزہ اور مظفر آباد کے علاقوں میں لے جانے کے شیڈول کا اعلان کیا تھا۔

    تاہم بھارتی میڈیا کے مطابق بھارت کے کرکٹ بورڈ نے انٹرنیشنل کرکٹ کونسل سے اعتراض کیا کہ ٹرافی کو اسکردو، ہنزہ اور مظفرآباد کے شہروں میں نہ لے جایا جائے۔

    بھارتی میڈیا کا کہنا ہے کہ آئی سی سی نے چیمپئنز ٹرافی 2025کے سلسلے میں پاکستان میں اسکردو، ہنزہ اور مظفر آباد میں ٹرافی کے دورے کو منسوخ کردیا ہے۔

    دوسری جانب پی سی بی ذرائع نے یہ دعویٰ مسترد کردیا اور کہا ٹرافی ٹور پر بھارت کا اعتراض ناجائز ہے، ٹور کا شیڈول اور روٹ آئی سی سی کا منظور کردہ ہے۔

    پی سی بی ذرائع کا کہنا ہے کہ آئی سی سی خود روٹ اور شیڈول فائنل کرکے کیسے اعتراض کرسکتا ہے؟ ماضی میں شیڈول اور روٹ فائنل ہونے کے بعد کبھی تبدیل نہیں ہوا، بھارت 2023 ورلڈکپ کی ٹرافی لداخ کے متنازع علاقےکیسے لےگیا تھا؟

  • ’بھارتی ٹیم پاکستان نہ آئی تو پاکستان کبھی بھارت سے میچ نہیں کھیلےگا‘

    ’بھارتی ٹیم پاکستان نہ آئی تو پاکستان کبھی بھارت سے میچ نہیں کھیلےگا‘

    بھارت کے چیمپئنز ٹرافی کیلئے پاکستان آنے سے انکار پر آئی سی سی نے پی سی بی کو باضابطہ آگاہ کر دیا۔

    ذرائع کے مطابق پی سی بی نے حکومت پاکستان سے رابطہ کر کے بھارت کے فیصلے سے آگاہ کیا ہے۔ پاکستان کرکٹ بورڈ کی جانب سے بھارت کے انکار پر سخت فیصلے لینے کا امکان ہے۔

    پاکستان چیمپئنز ٹرافی کیلئے کسی متبادل ماڈل کو قبول نہیں کرے گا جب کہ پی سی بی بھارت کے خلاف عالمی عدالت سے رجوع کرے گا۔

    ذرائع کا کہنا ہے کہ ٹورنامنٹ ہائبرڈ ماڈل پر گیا تو پاکستان چیمپئنز ٹرافی کھیلنے سے انکار کر سکتا ہے۔بھارتی ٹیم پاکستان نہ آئی تو پاکستان آئندہ کبھی بھارت سےمیچ نہیں کھیلےگا۔

    حکومت کا مؤقف ہے کہ پاکستان ٹیم ہمیشہ بھارت بھیج کر اچھا تاثر دیا گیا لیکن بھارت نے ہمیشہ سیاست کو شامل کیا، پاکستان میں اسٹیڈیم بن رہے ہیں اور سیکیورٹی بھی اچھی ہے اس صورتحال میں بھارت کے پاکستان نہ آنے کیلئے کوئی جواز نہیں اگر بھارت نہیں آئے گا تو ریونیو نقصان ہمیں ہوگا بھارت سے ہم میچ نہیں کھیلیں گےتب ان کا نقصان بھی ہو گا۔

  • ’باڈی تھکی ہوئی ہے زیادہ بولنگ کرواؤں گا تو گر جاؤں گا‘

    ’باڈی تھکی ہوئی ہے زیادہ بولنگ کرواؤں گا تو گر جاؤں گا‘

    اے آر وائی نیوز کے اسپورٹس تجزیہ کار شاہد ہاشمی نے انکشاف کیا ہے کہ قومی ٹیم فاسٹ بولر نے بولنگ کوچ اظہر محمود سے کہا تھا کہ باڈی تھکی ہوئی ہے زیادہ بولنگ کرواؤں گا تو گر جاؤں گا۔

    پاکستان پہلی اننگز میں 556 رنز بنا کر آؤٹ ہوا تھا جواب میں انگلش بیٹر نے پاکستانی بولرز کی جم کر دھلائی کی اور 823 رنز کا مجموعہ اسکور بورڈ پر سجاکر پاکستانی بولرز کا بھرکس نکال دیا۔

    جواب میں پاکستانی ٹیم اپنی دوسری اننگز میں مشکلات کا شکار ہے اور ان پر اننگز کی شکست کے بادل منڈلا رہے ہیں، پاکستان نے 6 وکٹوں کے نقصان پر 152 رنز بنالیے ہیں اور انہیں انگلش ٹیم کی برتری ختم کرنے کے لیے مزید 115 رنز درکار ہیں۔

    تاہم اسپورٹس تجزیہ کار شاہد ہاشمی نے انکشاف کیا کہ بولرز کا تو کیا بتاؤں کہ کل اظہر محمود باؤنڈری لائن پر نسیم شاہ سے باتیں کررہے تھے جب دن ختم ہونے کے آخری لمحات تھے۔

    انہوں نے بتایا کہ اظہر محمود نسیم شاہ سے اصرار کررہے تھے کہ تم دو یا تین اوور نئی گیند سے کروادو تو ہمیں وکٹیں مل سکتی ہیں لیکن نسیم شاہ نے ان سے یہ کہا کہ میری باڈی اتنی تھکی ہوئی ہے کہ میں اب بولنگ نہیں کرواسکتا اگر بولنگ کرنے گیا تو گر جاؤں گا۔

    شاہد ہاشمی نے کہا کہ اب اس بات سے اندازہ لگایا جاسکتا ہے کہ آپ کو ان بولرز کی کتنی ضرورت ہے کہ جو چار یا پانچ روزہ کرکٹ کھیل سکتے ہوں، کیونکہ وہ ٹیسٹ سیریز سے قبل ون ڈے کپ کھیل رہے تھے۔

    ملتان ٹیسٹ: پاکستانی بیٹرز کا پھر سے فلاپ شو، اننگز کی شکست کے آثار واضح (arynews.tv)

    سابق کرکٹر توصیف احمد نے کہا کہ ہم تو ہمیشہ سے کہتے آئے ہیں کہ کھلاڑی فرسٹ کلاس کرکٹ کھیلیں جب تک آپ لمبے اسپیل نہیں کریں گے کیسے ٹیسٹ کرکٹ کھیل سکتے ہو، سب کی توجہ چار اوورز کی کرکٹ پر لگی ہوئی ہے۔

    انہوں نے کہا کہ انگلینڈ کے پاس زیادہ تر نئے بولرز ہیں ان کو دیکھ لیں، شان مسعود نے کل تو اٹیک ہی نہیں کیا ہے فیلڈنگ آپ دیکھ لیں کیا سیٹ کی ہوئی تھی پھر شان نے سارے حربے استعمال کرلیے لیکن وہ مارے ہی جارہے تھے۔