Author: شاہد ہاشمی

دوحا:ارجنٹائن نے36سال بعد فٹبال ورلڈکپ ٹائٹل جیت لیا، دفاعی چیمپئن فرانس ٹائٹل کادفاع نہ کرسکا۔

 دوحا کے لیوسل اسٹیڈیم میں کھیلے جارہے میگا ایونٹ کے فائنل میں ارجنٹائن نے پیلنٹی شوٹ پر دفاعی چیمپئن فرانس کو 2-4 سے شکست دیکر ٹائٹل اپنے نام کرلیا۔

ARGENTINA IS THE 2022 FIFA WORLD CUP CHAMPION 🏆🇦🇷 pic.twitter.com/HayB9WOcY2

— FOX Soccer (@FOXSoccer) December 18, 2022

فٹبال شائقین کو آج ہونے والامیگا ایونٹ کا فائنل مدتوں یاد رہے گا کیونکہ دفاعی چیمپئن فرانس اور ارجنٹائن کی ٹیموں نے ایسی لازوال فٹبال کھیلی کہ دنیا دنگ رہ گئی۔

میگا ایونٹ کے فائنل میں سنسنی خیزی اس وقت پیدا ہوئی جب فرانس کے شہرہ آفاق اسٹرائیکر ایمباپے نے پیلنٹی پر اپنی ٹیم کی جانب سے پہلا گول کیا۔

ARGENTINA ARE WORLD CHAMPIONS!! 🇦🇷#FIFAWorldCup | #Qatar2022

— FIFA World Cup (@FIFAWorldCup) December 18, 2022

ٹھیک تین منٹ بعد ایمباپے نے دوسرا گول داغتے ہوئے نہ صرف میچ برابر کیا بلکہ ارجنٹائن کے ارمانوں پر پانی پھیرا۔

میچ مقررہ وقت تک 2-2 گول سے برابر رہا جس کے باعث اضافی وقت دیا گیا، 106ویں منٹ میں ارجنٹائن کے کپتان میسی نے شاندار اسکور کرتے ہوئے اپنی ٹیم کو برتری دلوادی۔

فائنل میچ کے 118 ویں منٹ میں امباپے نے فائنل میں ہیٹ ٹرک کرتے ہوئے فائنل مقابلہ 3-3 سے برابر کردیا۔

  میگا ایونٹ کے فائنل کا آغاز جارحانہ انداز میں ہوا، دونوں ٹیموں نے برتری حاصل کرنے کے لئے میچ کے آغاز سے ہی ایک دوسرے کے گول پوسٹ پر حملے کئے۔کھیل کے 23 ویں منٹ میں فرانس کے ڈیفنڈر کی غلطی کے نتیجے میں ارجنٹائن کو پیلنٹی ملی، جس پر کپتان لیونل میسی نے گول داغ کر اپنی ٹیم کو برتری دلوائی تھی۔

ارجنٹائن نے ایک گول کی برتری کے بعد اپنا دفاع مزید مضبوط کیا اور فرانس کی جانب سے گول کرنے کے ہر حربے کو ناکام کیا۔ میچ کے 36 ویں منٹ میں ارجنٹائن کے اینجل ڈی ماریہ نے اپنی ٹیم کی جانب سے دوسرا گول کرتے ہوئے برتری کو 0-2 کردیا تھا۔

اس سے قبل ارجنٹائن نے1978اور1986میں بھی عالمی کپ جیتا تھا۔

کراچی میں کھیلے جا رہے تیسرے ٹیسٹ میں قومی ٹیم کی بیٹنگ جاری ہے۔ چائے کے وقفے تک پانچ پاکستانی بلے باز پویلین لوٹ چکے ہیں۔

اے آر وائی نیوز کے مطابق انگلینڈ کے خلاف ٹیسٹ سیریز میں وائٹ واش کے خطرے سے دوچار پاکستان ٹیم کے بلے باز وکٹ پر زیادہ دیر رکنے میں ناکام رہے ہیں اور چائے کے وقفے تک آدھی ٹیم پویلین لوٹ چکی ہے۔ قومی ٹیم کی بیٹنگ جاری ہے۔ ٹیم کا اسکور 214 رنز ہے اور کپتان بابر اعظم 77 رنز کے ساتھ کریز پر ڈٹے ہوئے ہیں۔

آج صبح پاکستان نے انگلینڈ کے خلاف ٹاس جیت کر پہلے بیٹنگ کا فیصلہ کیا۔ قومی ٹیم کی جانب سے عبداللہ شفیق اور شان مسعود نے اننگ کا آغاز کیا۔ تاہم 18 کے مجموعے پر عبداللہ شفیق 8 رنز بنا کر ایل بی ڈبلیو آؤٹ ہوگئے جب کہ ٹیم کی نصف سنچری سے قبل 46 کے اسکور پر شان مسعود بھی آؤٹ ہوگئے۔ انہوں نے 30 رنز اسکور کیے ہیں۔

اس کے بعد کپتان بابر اعظم کریز پر آئے اور اظہر علی کے ساتھ مل کر اسکور کو آہستہ آہستہ آگے بڑھایا تاہم کھانے کے وقفے سے چند لمحے قبل اظہر علی کی ہمت بھی جواب دے گئی اور وہ 45 کے انفرادی اسکور پر روبنس کا شکار ہوگئے۔

دوسرے سیشن میں پاکستان کی مزید دو وکٹیں گریں۔ سعود شکیل 23 رنز بنا کر آؤٹ ہوئے۔ وکٹ کیپر بلے باز محمد رضوان کی خراب فارم کا سلسلہ جاری ہے اور وہ ایک بار پھر بڑی اننگ کھیلنے میں ناکام رہے۔ محمد رضوان مڈل آرڈر میں چھٹے نمبر پر بلے بازی کرنے آئے لیکن بیٹنگ آرڈر میں یہ تبدیلی بھی ان کے بلے سے رنز نہ نکلوا سکی اور وہ صرف 19 رنز بنا کر آؤٹ ہوگئے۔

کراچی ٹیسٹ کے لیے قومی ٹیم میں چار تبدیلیاں کی گئی ہیں۔ سابق کپتان اظہر علی، مڈل آرڈر شان مسعود، نعمان علی اور محمد وسیم جونیئر اسکواڈ کا حصہ ہیں۔

انگلینڈ کی جانب سے آج ٹیم میں دو تبدیلیاں کی گئی ہیں۔ بین فوکس اور ریحان احمد کو ٹیم میں شامل کیا گیا ہے۔

یہ بھی پڑھیں: آج تیسرا ٹیسٹ، انگلینڈ کے خلاف پاکستان کو وائٹ واش سے بچنے کا چیلنج

سیریز میں انگلینڈ کو دو ٹیسٹ جیت کر ناقابل شکست برتری حاصل ہے اور وہ سیریز بھی اپنے نام کرچکا ہے جب کہ پاکستان کو وائٹ واش سے بچنے کے چیلنج کا سامنا ہے۔

پاکستان اور انگلینڈ کے مابین ملتان ٹیسٹ چوتھے روز دلچسپ مرحلے میں داخل ہوگیا ہے قومی ٹیم کو جیت کیلیے 157 رنز جب کہ مہمان ٹیم کو 6 وکٹیں درکار ہیں۔

ملتان میں کھیلے جا رہے سیریز کے دوسرے ٹیسٹ میچ کے چوتھے روز آج پاکستان اپنی دوسری اننگ کا آغاز 4 وکٹوں پر 198 رنز سے کرے گا۔ کریز پر سعود شکیل 54 رنز اور فہیم اشرف 3 رنز کے ساتھ موجود ہیں۔

ٹیسٹ میچ کے تیسرے روز انگلینڈ کی پوری ٹیم اپنی دوسری اننگ میں 275 رنز پر آؤٹ ہوگئی تھی اور پاکستان کو جیت کے لیے 354 رنز کا ہدف دیا تھا۔ ہیری بروک نے مسلسل دوسرے ٹیسٹ میچ میں سنچری اسکور کی۔

ہدف کے تعاقب میں عبداللہ شفیق کے ساتھ رضوان اوپنر آئے تاہم 83 کے مجموعے پر تین کھلاڑی پویلین لوٹ چکے تھے۔ ٹاپ آرڈر کی ناکامی کے بعد امام الحق اور سعود شکیل نے ٹیم کی ڈوبتی کشتی کو سہارا دیا اور 108 رنز کی پارٹنر شپ قائم کی۔

امام الحق 60 رنز پر ہمت ہار گئے تاہم سعود شکیل ڈٹے رہے اور مسلسل تیسری نصف سنچری اسکور کی۔

یہ بھی پڑھیں: ابرار احمد نے اپنا ٹیسٹ ڈیبیو یادگار بنا لیا

تین ٹیسٹ میچوں پر مشتمل سیریز میں مہمان انگلینڈ کو پنڈی ٹیسٹ جیت کر ایک صفر کی برتری حاصل ہے۔ قومی ٹیم کو سیریز بچانے کے لیے لازمی فتح یا ڈرا میچ کھیلنا ہوگا تاہم میچ کے دو دن باقی ہے اور امکان ہے کہ فیصلہ آج ہی کے دن ہو جائے گا۔

پاکستان اور انگلینڈ کے مابین تین ٹیسٹ میچوں پر مشتمل سیریز کے ملتان میں کھیلے جا رہے دوسرے میچ میں پاکستان کی مشکلات بڑھ گئیں۔

قومی ٹیم جیت کے لیے 354 رنز کے ہدف کے تعاقب میں 67 کے مجموعے پر اپنی دو وکٹیں گنوا چکی ہے۔ محمد رضوان 30 رنز بنا کر اینڈرسن کا شکار بنے جب کہ کپتان بابر اعظم صرف ایک رنز کے مہمان ثابت ہوئے اور روبنسن نے انہیں کلین بولڈ کردیا۔

اس وقت کریز پر عبداللہ شفیق موجود ہیں جنہوں نے 34 رنز بنا رکھے ہیں جب کہ بابر اعظم کی جگہ سعود شکیل آئے ہیں۔ پاکستان کو میچ جیتنے کے لیے 285 رنز درکار ہیں۔

تین ٹیسٹ میچوں پر مشتمل سیریز میں انگلینڈ کو ایک صفر کی برتری حاصل ہے۔ پاکستان کو سیریز بچانے کیلیے یہ میچ جیتنا یا لازمی ڈرا کرنا ہوگا۔

واضح رہے کہ اوپنر امام الحق پہلے ہی ہیمسٹرنگ انجری کا شکار ہوگئے ہیں انہیں ایم آر آئی کے لیے اسپتال لے جایا گیا ہے اور ان کی مزید میچ میں شرکت مشکوک ہے۔

اس سے قبل آج انگلینڈ نے اپنی دوسری اننگ کا آغاز 5 وکٹ پر 202 رنز سے اننگ کا آغاز کیا اور پوری ٹیم 275 رنز پر آؤٹ ہوگئی۔ ہیری بروکس نے سنچری اسکور کی اور 108 رنز بنا کر آؤٹ ہوئے۔

پاکستان کی جانب سے دوسری اننگ میں بھی ابرار احمد کا جادو چلا اور انہوں نے چار وکٹیں اور میچ میں مجموعی طور پر 11 کھلاڑیوں کو آؤٹ کیا۔ دوسری اننگ کے دوسرے کامیاب بولر زاہد محمود رہے جنہوں نے تین شکار کیے۔

یاد رہے کہ ملتان ٹیسٹ کے پہلے دن پاکستانی بولرز نے شاندار کارکردگی کا مظاہرہ کرتے ہوئے گزشتہ میچ کی فاتح انگلینڈ کی پوری ٹیم کو 275 رنز پر میدان بدر کردیا تھا۔ تاہم پاکستانی بلے بازوں نے اپنے بولرز کی محنت پر پانی پھیر دیا۔

قومی ٹیم دوسرے روز صرف 202 رنز پر ڈھیر ہوگئی۔ کپتان بابر اعظم 75 اور سعود شکیل 63 رنز کے علاوہ کوئی بلے باز زیادہ دیر کریز پر نہ ٹک سکا۔

پاکستان اور انگلینڈ کے مابین ملتان میں کھیلے جا رہے دوسرے ٹیسٹ میچ میں قومی ٹیم کو جیت کے لیے 354 رنز کا ہدف ملا ہے۔

اے آر وائی نیوز کے مطابق میچ کے تیسرے روز پہلے سیشن میں انگلینڈ کی پوری ٹیم 275 رنز بنا کر آؤٹ ہوگئی اس طرح قومی ٹیم کو میچ جیتنے کے 354 رنز کا ہدف ملا ہے۔

آج تیسرے روز انگلینڈ نے 5 وکٹ پر 202 رنز سے اننگ کا آغاز کیا تو کریز پر کپتان بین اسٹوکس اور گزشتہ میچ کی دونوں اننگ میں شاندار بلے بازی کا مظاہرہ کرنے والے ہیری بروکس موجود تھے تاہم کپتان جلد ہی 41 رنز بناکر پویلین واپس لوٹ گئے۔ کامیاب بولر زاہد محمود تھے۔

انگلینڈ کی ساتویں وکٹ 259 کے مجموعے پر گری جب نئے آنے والے بلے باز اولی رابن سن تین رنز بنا کر ابرار احمد کو وکٹ دے بیٹھے۔

پاکستانی بولرز نے پھر انگلینڈ کے باقی بلے بازوں کو پویلین بھیجنے میں زیادہ دیر نہ لگائی اور انگلش ٹیم کی اننگ 275 رنز پر سمیٹ دی۔ آخری آؤٹ ہونے والے بالے باز گزشتہ ٹیسٹ میچ کے سنچری میکر ہیری بروکس تھے جو اس میچ میں بھی سنچری بنا کر آؤٹ ہوئے۔ انہوں نے 108 رنز کی اننگ کھیلی۔

پاکستان کی جانب سے دوسری اننگ میں ابرار احمد کا جادو چلا اور انہوں نے چار وکٹیں اور میچ میں مجموعی طور پر 11 کھلاڑیوں کو آؤٹ کیا۔ دوسری اننگ کے دوسرے کامیاب بولر زاہد محمود رہے جنہوں نے تین شکار کیے۔

اس سے قبل ملتان ٹیسٹ کے پہلے دن پاکستانی بولرز نے شاندار کارکردگی کا مظاہرہ کرتے ہوئے گزشتہ میچ کی فاتح انگلینڈ کی پوری ٹیم کو 275 رنز پر میدان بدر کردیا تھا۔ تاہم پاکستانی بلے بازوں نے اپنے بولرز کی محنت پر پانی پھیر دیا۔

قومی ٹیم دوسرے روز صرف 202 رنز پر ڈھیر ہوگئی۔ کپتان بابر اعظم 75 اور سعود شکیل 63 رنز کے علاوہ کوئی بلے باز زیادہ دیر کریز پر نہ ٹک سکا۔

واضح رہے کہ مہمان ٹیم کو تین ٹیسٹ میچوں کی سیریز میں ایک صفر کی برتری حاصل ہے۔