Author: شہزاد محمود

پشاور: وفاقی حکتومت نے پبلک سیکٹر ترقیاتی پروگرام میں پاک چین راہداری کے مغربی روٹ سمیٹ خیبر پختونخواہ کے کئی ترقیاتی منصوبے نظرانداز کردیے۔

وفاقی حکومت کی جانب سے پبلک سیکٹرترقیاتی پروگرام صوبوں میں ترقیاتی منصوبوں کی ایک ایسی چھتری ہوتی ہے جس کے تلے تمام صوبے ترقیاتی منصوبوں سے مستفیدہوتے ہیں۔

صوبے اپنی پسماندگی کومدنظررکھتے ہوئے پی ایس ڈی پی میں ترقیاتی منصوبے شامل کرلیتے ہیں اوروفاق اپنے وسائل کومدنظررکھتے ہوئے ان منصوبوں کی تعمیرکے لیے فنڈزمختص کرلیتاہے۔

بدقسمتی سے اس مرتبہ وفاق کی جانب سے خیبرپختونخواہ کوپی ایس ڈی پی میں نظراندازکردیاگیاہے، اے آروائی نیوزکوحاصل دستاویزات کے مطابق وفاقی حکومت کی جانب سے وعدے کے باوجودپاک چائنااکنامک کوریڈورکے مغربی روٹ کے ایک منصوبے کوشامل نہیں کیاگیاہے۔

وفاقی وزیربرائے ترقی ومنصوبہ بندی احسن اقبال نے دس مئی کووزیراعلیٰ خیبرپختونخواہ پرویزخٹک کویہ یقین دہانی کرائی تھی کہ انڈس ہائی وے کوچاررویہ تعمیرکیاجائے گااوراس مقصدکے لیے پی ایس ڈی پی میں فنڈزمختص کیے جائیں گے، تاہم یہ وعدہ بھی ایفانہ ہوسکااوریہ منصوبہ بھی پی ایس ڈی پی میں شامل نہیں کیاگیا۔

دہشت گردی ،سیلاب اورزلزلے سے متاثرہ علاقوں کی تعمیروترقی کے لیے خیبرپختونخواہ حکومت کی جانب سے 45منصوبے شامل کرنے کی استدعاکی گئی تھی تاہم اس مطالبے کوبھی نظراندازکردیاگیاہے۔

چشمہ رائٹ بنک کنال کامنصوبہ جوکہ خیبرپختونخواہ حکومت کادیرینہ مطالبہ تھا اس پرایک سواکیس ارب روپے کی لاگت آئی گی جس کے لیے 35فیصدفنڈزخیبرپختونخواہ جبکہ باقی وفاقی حکومت برداشت کرے گی۔ وفاقی حکومت نے پی ایس ڈی پی میں اس اہم منصوبے کے لیے محض دس کروڑروپے مختص کردیے ہیں جوکہ ناکافی ہے۔

خیبرپختونخواہ حکومت کے عہدیداروں کے مطابق وفاقی حکومت کے اس طرزعمل کے خلاف بھرپورآوازاٹھائی جائے گی، پی ایس ڈی پی میں ترقیاتی منصوبوں کے حوالے سے وفاقی حکومت کاکردارجانبدارانہ نظرآرہاہے۔

پاک فوج کی جانب سے فاٹامیں دہشت گردوں کے خلاف موثرآپریشنزکاسلسلہ جاری ہے جس کے نتیجے میں دہشت گردی کاقلع قمع ہورہاہے اورحکومتی رٹ بحال ہورہی ہے۔

فاٹامیں امن وامان کی بہترصورت حال کے نتائج سامنے بھی آرہے ہیں آپریشنزکے نتیجے میں اپنے آبائی علاقے چھوڑدینے والے خاندانوں کی واپسی کاعمل شروع ہوچکاہے۔

قبائلی علاقوں میں آپریشنزسے متاثرہ افرادکی امداداوربحالی کے لیے قائم ادارہ،فاٹاڈیزاسسٹرمنیجمنٹ اتھارٹی کے حکام نے اے آروائی نیوزکوبتایاکہ فاٹاکی پانچ بڑی ایجنسیزمیں بے گھرخاندان واپس اپنے علاقوں کوجارہے ہیں۔

حکام کے مطابق شمالی وجنوبی وزیرستان ،خیبر، اورکزئی اورکرم ایجنسی کے 181278خاندان اپنے آبائی علاقوں کوپہنچ چکے ہیں اور اس عمل کے دوران بے گھرخاندانوں کی واپسی کے دوران بچوں کوپولیوکے قطرے بھی پلائی جارہے ہیں۔ 64227 بچوں کوپولیوکے قطرے پلائے گئے ہیں۔

ایف ڈی ایم اے حکام کے مطابق کرم ایجنسی کے 17432، اورکزئی ایجنسی کے 2607، شمالی وزیرستان کے 26954جنوبی وزیرستان کے 22263 اورخیبرایجنسی کے 112022خاندان واپس چلے گئے ہیں۔

آپریشن متاثرین کے لیے پانچ سال قبل قائم نیودرانی کیمپ بے گھرعوام سے خالی ہونے کے بعدمکمل طورپربندکردیاگیاہے حکام کے مطابق وفاقی حکومت اوراعلیٰ عسکری حکام نے فیصلہ کیاہے کہ قبائلی علاقوں میں آپریشن سے بے گھرافرادکی اپنے آبائی علاقوں کومکمل واپسی رواں سال تک یقینی بنائے جائے گی۔

حکومتی فیصلے کی روشنی میں بے گھرافرادکی واپسی کے لیے تمام ترممکنہ اقدامات اٹھائے جارہے ہیں، بے گھرخاندانوں کی واپسی کے نتیجے میں ان کے علاقے بھی آبادہوں گے جس سے فاٹامیں معمولات زندگی بحال ہوں گے۔

واضح رہے کہ 2014 میں شروع ہونے والا آپریشن ضرب عضب اب فیصلہ کن مراحل سے گزار رہا ہے اور قبائلی علاقے سے دہشت گردوں کی رٹ ختم کردی گئی ہے۔ آپریشن کے دوران بڑی تعداد میں دہشت گردوں کے ٹھکانوں کو نشانہ بنایا گیا ہے اور بڑی تعداد میں چھاپے اور گرفتاریاں کی گئی ہیں۔ دریں اثنا فضائی کاروائی میں بھی متعدد دہشت گردوں کو براہ راست نشانہ بنایا گیا ہے۔