Author: شہزاد ملک

محسن نقوی نے پی سی بی میں سیاسی بنیادوں پر بھرتیوں کی فہرست طلب کرلی۔

ذرائع کے مطابق چیئرمین پاکستان کرکٹ بورڈ نے ملازمین کی موجودہ پوسٹنگ، عہدہ اور تنخواہ کی تفصیلات طلب کر لی ہیں۔

سفارش یا قواعد و ضوابط کے بغیر بھرتی ہونے والوں کی تعلیمی اسناد کو چیک کیا جائےگا۔ چیئرمین پی سی بی محسن نقوی کی ہدایت پر ملازمین کا ریکارڈ مرتب کرنےکا کام شروع ہو گیا ہے۔

ذرائع کا کہنا ہے کہ ریکارڈ ملنے پر آئندہ ہفتے پی سی بی میں بھرتیوں سے متعلق اہم فیصلے متوقع ہیں۔

محسن نقوی نے چیئرمین کا منصب سنبھالنے کے بعد بورڈ میں اصلاحات کے لیے اہم اقدامات کے عزم کا اظہار کیا ہے۔

سیاسی بنیادوں پر بھرتی ملازمین کے حوالے سے شکایات اور خبریں سامنے آنے کے بعد بورڈ میں ہلچل مچ گئی ہے۔

پاکستان کرکٹ بورڈ کی ڈائریکٹر میڈیا اینڈ کمیونیکیشن عالیہ رشید نے اپنے عہدے سے استعفیٰ دے دیا ہے۔

اے آر وائی نیوز کے مطابق پاکستان کرکٹ بورڈ کی ڈائریکٹر میڈیا اینڈ کمیونیکیشن عالیہ رشید مستعفی ہو گئی ہیں اور اپنا استعفیٰ پاکستان کرکٹ بورڈ کو بھجوا دیا ہے۔

عالیہ رشید نے استعفیٰ کی وجہ ذاتی مصروفیات کو قرار دیا ہے اور وہ ان دنوں اپنی بیٹی کی شادی کی وجہ سے چھٹیوں پر ہیں اور وہیں سے انہوں نے اپنا استعفیٰ پی سی بی کو بھیجا ہے۔

بتایا جا رہا ہے کہ عالیہ رشید پی سی بی میڈیا اینڈ کمیونیکشن کی تیسری ڈائریکٹر ہیں جنہوں نے اپنے عہدے سے استعفیٰ دیا ہے۔ اس سے قبل ڈائریکٹر کمرشل بابر حامد ڈائریکٹر لیگل بلال رضا بھی مستعفی ہو چکے ہیں۔

سینٹرل کانٹریکٹ کے تنازع نے پھر سر اُٹھا لیا۔ پی سی بی حکام کھلاڑیوں سے دستخط لینے بھارت پہنچ گئے۔ ورلڈکپ کے لیے ٹیم کی روانگی سے قبل بورڈ نے معاملات حل ہونےکی تصدیق کی تھی۔

تفصیلات کے مطابق سنٹرل کانٹریکٹ کا مسئلہ حل ہو گیا کھلاڑی مان گئے؟ معاملات طے پاگئے۔۔ یہ سب وہ باتیں ہیں جو قومی ٹیم کی ورلڈکپ کیلئے بھارت روانگی سے قبل سامنے آئیں۔

مگر حقیقت تو یہ ہےکہ پانچ ماہ سے کنٹریکٹ پر دستخط ہوئے ہی نہیں۔ پی سی بی اور کھلاڑیوں کے درمیان اختلافات کی خبریں ایک بار پھر زیرگردش ہیں۔

ورلڈکپ میں ٹیم کی ناقص کارکردگی کے بعد سوشل میڈیا پر سب کچھ اچھا نہیں کی افوا ہیں زیرگردش ہیں۔

کیا مالی معاملات میدان میں کارکردگی پر بھی اثرانداز ہوئے ؟ کھلاڑیوں نےخود دستخط نہیں کیے یا بورڈ نے ہونے نہیں دیئے؟ پانچ ماہ سے اس کھینچاتانی کاذمہ دارکون ہے؟

ذرائع کادعویٰ ہے کہ پی سی بی آفیشلز سنٹرل کانٹریکٹ پر کھلاڑیوں کے دستخط لینے بھارت پہنچ گئے۔ سنٹرل کانٹریکٹ کا اونٹ کس کروٹ بیٹھےگا اب بھی سوالیہ نشان برقرار ہے۔