Author: شہزاد ملک

لاہور: پاکستان کرکٹ بورڈ نے سابق قومی بیڈمنٹن چیمپئن تانیہ ملک کو ویمنز کرکٹ کا سربراہ مقرر کردیا۔

اے آر وائی نیوز کے مطابق تانیہ ملک کو ویمنرز کرکٹ کی تقرری کے حوالے سے منگل کے روز اعلان کیا گیا، وہ یکم اکتوبر سے اپنا عہدہ سنبھالیں گی۔

اس سے قبل چیف سلیکٹر ویمنز کرکٹ مئی میں اس عہدے کی اضافی ذمہ داریوں سے سبک دوش ہوگئیں تھیں۔

قبل ازیں پی سی بی کے اجلاس میں ویمنز کرکٹ ٹیم کی بطور سربراہ تقرری کے لیے چار ناموں عائشہ اشعر ، نوشین حنیف ، تانیہ اور شمسہ ہاشمی کے ناموں پر غور کیا گیا، جن میں سے قرعہ تانیہ ملک کے نام نکلا۔

تانیہ ملک کون ہیں؟

تانیہ ملک نے ماسٹرز کی ڈگری حاصل کررکھی ہے۔ انہوں نے 1986 سیول ایشین گیمز میں پاکستان کی نمائندگی کی جبکہ وہ 88-1987 میں قومی بیڈمنٹن چیمپئن بھی رہیں۔

Tania Mallick appointed Head of Women’s Cricket

More details ⬇️https://t.co/5HTYAVzViu

— PCB Media (@TheRealPCBMedia) September 28, 2021

اس سے قبل وہ پنجاب اولمپک ایسوسی ایشن اور پنجاب اسکواش ایسوسی ایشن کی نائب صدور بھی رہ چکی ہیں۔ وہ پاکستان اولمپک ایسوسی ایشن کی ایجوکیشن اور ویمنز کمیشن کی بھی رکن ہیں۔ وہ مختلف ملٹی نیشنل کمپنیز کے ساتھ منسلک رہنے کے ساتھ ساتھ  ورلڈ بینک کے ویمن ڈویلپمنٹ پراجیکٹس میں بھی کام کرچکی ہیں۔

کراچی: پاکستان کرکٹ بورڈ (پی سی بی) کے چیئرمین کے انتخاب کا طریقہ کار سامنے آگیا۔

اے آر وائی نیوز کے مطابق پی سی بی کے نئے چیئرمین کے انتخاب کے لیے گورننگ بورڈ کا اجلاس 13 ستمبر کو ہوگا، بورڈ کے الیکشن کمیشن جسٹس (ر) شیخ عظمت سعید گورننگ بورڈ اجلاس کی صدارت کریں گے۔

اجلاس کے آغاز میں الیکشن کمیشن چیئرمین پی سی بی کے عہدے کا انتخاب لڑنے کے امیدواروں کو کاغذات نامزدگی جمع کرانے کے لیے کہیں گے۔

ذرائع کے مطابق ایک سے زیادہ امیدوار کے کاغذات نامزدگی جمع ہونے پر ووٹنگ کروائی جائے گی، سادہ اکثریت حاصل کرنے والا امیدوار چیئرمین پی سی بی منتخب ہوجائے گا۔

پی سی بی گورننگ بورڈ کے چار آزاد اراکین، پیٹرن کے دو نمائندے، تین منتخب صوبائی نمائندے اور چیف ایگزیکٹو شامل ہیں۔

ذرائع کا کہنا ہے کہ 13 ستمبر کو چار آزاد نمائندے، پیٹرن کے دو نمائندے ووٹ کا حق استعمال کریں گے۔

صوبائی ایسوسی ایشن کے انتخابی عمل مکمل نہ ہونے کے باعث کوئی منتخب اجلاس میں شریک نہیں ہوگا، قوی امکان ہے کہ رمیز راجہ بلا مقابلہ چیئرمین پی سی بی منتخب ہوجائیں گے۔

جمیکا: قومی کرکٹ ٹیم کے ہیڈکوچ مصباح الحق کا کرونا ٹیسٹ منفی آگیا، جس کے بعد انہیں وطن واپسی کی اجازت مل گئی۔

نمائندہ اے آر وائی نیوز کے مطابق قومی کرکٹ ٹیم کے ہیڈ کوچ مصباح الحق نے جمیکا میں قرنطینہ کی مدت مکمل کرنے کے بعد اپنا کرونا ٹیسٹ کروایا، جس کی رپورٹ منفی آئی ہے۔

کرونا ٹیسٹ منفی آنے کے بعد مصباح الحق کو وطن واپسی کی اجازت مل گئی، جس کے بعد انہوں نے واپسی کی تیاری شروع کردی ہے۔مصباح الحق آج سے وطن واپسی کا آغاز کریں گے اور اتوار کی صبح ساڑھے گیارہ بجے لاہور پہنچیں گے۔

مزید پڑھیں: مصباح الحق کا کرونا ٹیسٹ مثبت آ گیا

واضح رہے کہ قومی ٹیم کے ہیڈ کوچ مصباح الحق کا کرونا ٹیسٹ 25 اگست کو مثبت آیا تھا،  جس کے بعد انہیں دس روز قرنطینہ مکمل کر کے دوسرا ٹیسٹ کروانے کی ہدایت کی گئی تھی۔

مصباح الحق قرنطینہ کی وجہ سے قومی ٹیم کے ہمراہ وطن واپسی کے لیے روانہ نہیں ہوئے تھے۔ ہیڈ کوچ کے بچوں کو بھی کرونا کی تشخیص ہوئی تھی۔

لاہور: سابق ٹیسٹ کرکٹر مرحوم عبدالقادر کو خراج تحسین پیش کرنے کے لیے ساگا اسپورٹس نے میچ کروانے کا اعلان کردیا۔

اے آر وائی نیوز کے مطابق ساگا اسپورٹس کا کہنا ہے کہ سابق عظیم کرکٹر مرحوم عبدالقادر کو خراج تحسین پیش کرنے کے لیے 13 جون کو نمائشی میچ ہوگا، میچ میں ماضی قریب کے نمایاں کرکٹرز حصہ لیں گے۔

ساگا اسپورٹس کے مطابق میچ میں عمران نذیر، عبدالرحمان، رانا نوید الحسن، ہمایوں فرحت، عمران فرحت حصہ لیں گے۔

سابق ٹیسٹ کپتان اظہر علی بھی ایکشن میں دکھائیں گے جبکہ دونوں ٹیموں میں ٹاپ خواتین کرکٹرز بھی شامل ہوں گی۔

عمران نذیر کا کہنا تھا کہ عبدالقادر کو خراج تحسین پیش کرنے کے لیے میچ کا انعقاد خوش آئند ہے۔

مزید پڑھیں: عبدالقادر مرحوم کو ستارہ امتیاز ملنے پر بیٹوں کا جذباتی پیغام

عبدالرحمان کا کہنا ہے کہ سابق کرکٹرز کو خراج تحسین پیش کرنے کا سلسلہ بہت پہلے شروع ہونا چاہیے تھا، عبدالقادر ایک حقیقی لیجنڈ کرکٹر تھے ایسی چیزیں ہوتی رہنی چاہئیں۔

واضح رہے کہ دو سال قبل عبدالقادر حرکت قلب بند ہونے سے 63 برس کی عمر میں انتقال کرگئے تھے۔

اپنے دور میں عبدالقادر نے لیگ اسپنر کی حیثیت سے ٹیم کی فتوحات میں اہم کردار ادا کیا، گگلی ماسٹر نے ٹیسٹ میں 236 اور ون ڈے میں 132 وکٹیں حاصل کیں۔

کراچی: پاکستان کی نمبر ون بیڈ منٹن پلیئر ماحور شہزاد کو ٹوکیو اولمپکس میں شرکت کا پروانہ مل گیا۔

تفصیلات کے مطابق پاکستان اولمپک ایسوسی ایشن کے اعلامیے کے مطابق بیڈمنٹن پلیئر ماحور شہزاد کو ٹوکیو اولمپکس میں انوی ٹینشل پلیس مل گئی اور وہ اولمپکس میں پاکستان کی نمائندگی کریں گی۔

ماحور شہزاد کا کہنا ہے کہ اولمپکس میں شرکت کا خواب پورا ہوگیا، ٹوکیو اولمپکس میں سبز ہلالی پرچم بلند کرنے کے لیے پرعزم ہوں۔

پاکستان اولمپک ایسوسی ایشن کے صدر سید عارف حسن نے ماحور شہزاد کو اولمپکس کے لیے جگہ بنانے پر مبارکباد دیتے ہوئے کہا کہ ماحور شہزاد پاکستان کی نمبر ون بیڈمنٹن پلیئر ہیں اور تیزی سے عالمی رینکنگ بھی بہتر بنا رہی ہیں وہ اولمپکس میں شرکت کی مستحق ہیں۔

ماحور شہزاد کا کہنا تھا کہ اگر گزشتہ ایک برس کے دوران بین الاقوامی ایونٹس میں شرکت کا موقع ملتا تو ٹاپ 100 میں آجاتی لیکن کورونا کی وجہ سے ممکن نہیں ہوا۔

ان کا کہنا ہے کہ میرا خواب سچ ثابت ہو گیا ہے مجھے یقین نہیں آرہا کہ میں اولمپکس میں پاکستان کی نمائندگی کروں گی، میں توقعات پر پورا اتروں گی اور سبز ہلالی پرچم بلند کروں گی۔