Author: شہزاد ملک

کراچی: پی ایس ایل کےبقیہ میچز سے قبل کوئٹہ گلیڈی ایٹرز کا ستارہ گردش میں آگیا ہے، نسیم شاہ پروٹوکولز کی خلاف ورزی کے باعث پی ایس ایل سے آؤٹ ہوئے، اب ایک اور کھلاڑی کا کرونا ٹیسٹ مثبت آگیا ہے۔

ذرائع کے مطابق کوئٹہ گلیڈی ایٹرز کے ایک کھلاڑی کا کرونا ٹیسٹ کی رپورٹ مثبت آگئی ہے، گزشتہ روزہوٹل پہنچنےپر مذکورہ کھلاڑی کا کرونا ٹیسٹ کیا گیاتھا۔

کرونا ٹیسٹ مثبت آنے کے بعد کھلاڑی کو فی الحال کراچی کے ہوٹل میں الگ منزل پر قرنطینہ میں بھیج دیاگیا ہے، مذکورہ کھلاڑی ٹیم کےہمراہ ابوظبی کےلیےسفر نہیں کرسکےگا۔

تاہم پاکستان کرکٹ بورڈ نے کرونا ٹیسٹ مثبت آنے والے کھلاڑی کا نام ظاہر کرتے ہوئے بتایا کہ کوئٹہ گلیڈی ایٹرز کےکھلاڑی انور علی کا کرونا ٹیسٹ مثبت آیا ہے، گزشتہ روزہوٹل پہنچنےپر انورعلی کا کرونا ٹیسٹ کیا گیاتھا، کرونا ٹیسٹ مثبت آنے کے بعد انورعلی ٹیم کےہمراہ ابوظہبی کےلیےسفر نہیں کرسکیں گے۔

اللہ جلد اور مکمل صحت دیں۔ pic.twitter.com/R0iP24tceB

— Shoaib Jatt (@Shoaib_Jatt) May 25, 2021

گذشتہ روز پاکستان سپر لیگ (پی ایس ایل) میں کوئٹہ گلیڈی ایٹرز کے فاسٹ باؤلر کو پاکستان سے روانگی کے لیے مقررہ پروٹوکولز کی خلاف ورزی کرنے پر لاہور کے مقامی ہوٹل میں قائم آئسولیشن سے ریلیز کر دیا گیا تھا۔

یہ بھی پڑھیں: کاش ماں ہوتی !! پی ایس ایل سے نکلنے والے نسیم شاہ کا جذباتی پیغام

ناقابل قبول پی سی آر ٹیسٹ کی رپورٹ جمع کروانے کے باعث نسیم شاہ پی ایس ایل سکس کے بقیہ میچز سے باہر ہوئے۔

پشاور : پاکستان سپر لیگ(پی ایس ایل) سکس سے باہر ہونے والے کوئٹہ گلیڈی ایٹرز کے فاسٹ باؤلر نسیم شاہ نے جذباتی بیان بھی جاری کیا، ٹوئٹر پر جاری اپنے پیغام میں ان کا کہنا تھا کہ کاش ماں ہوتی، میں اپنے غم اسے بتاتا، وہ کہتی تو کیوں پریشان ہوتا ہے، میں ہوں ناں۔

نسیم شاہ نے مزید کہا کہ میں نے بہت محنت کی اور پی ایس ایل کے لئے پرجوش تھا میں گروپ کے تمام میسجز دیکھ کر ہدایات پوری کرتا ہوں۔ پتہ نہیں کہ اس میسج کو کیسے مس کر گیا۔

لاہور: پاکستان سپر لیگ (پی ایس ایل)6 کے بقیہ میچز ابوظبی میں کھیلے جائیں گے جس کی تصدیق امارات کرکٹ بورڈ نے کردی ہے۔

ذرائع کا کہنا ہے کہ پی ایس ایل کے بقیہ میچز کے حوالے سے پاکستان کرکٹ بورڈ جلد شیڈول جاری کرے گا، کھلاڑیوں کی کورونا ٹیسٹ شروع کردی گئی اور جمعرات کے لیے چارٹر فلائٹس بھی بک کرلی گئی ہیں۔

کھلاڑیوں کو دو دن پاکستان اور 7 دن یو اے ای میں قرنطینہ کرنا ہوگا، قرنطینہ توڑنے والے کو لیگ سے باہر کردیا جائے گا۔

ذرائع کے مطابق کھلاڑیوں کی فلائٹس بکنگ، ہوٹل رہائش سمیت تمام اخراجات کا جائزہ لیا جائے گا، وینیو تبدیل ہونے کے بعد باقی میچز سے متعلق نیا بجٹ تیار کیا جائے گا۔

پی سی بی بجٹ سے متعلق تمام فرنچائزز سے مشاورت کرے گی، مشاورت کے بعد ابوظبی میں بقیہ میچز سے متعلق بجٹ کی منظوری دی جائے گی۔

خیال رہے کہ پاکستان سپر لیگ سیزن 6 کا آغاز 20 فروری کو کراچی سے ہوا تھا اور ایونٹ کے میچز اس مرتبہ ملک کے دو شہروں کراچی اور لاہور میں کھیلے جانے تھے تاہم 4 مارچ کو پاکستان سپر لیگ کو 7 کھلاڑیوں اور دیگر میں کورونا کیسز سامنے آنے کے بعد ملتوی کرنے کا فیصلہ کیا گیا۔

کورونا وائرس کے باعث اس مرتبہ ایونٹ کی افتتاحی تقریب بھی ریکارڈ پیش کی گئی تھی جبکہ تماشائیوں کی اجازت بھی ابتدا میں 20 فیصد تک تھی جسے بعد ازاں حالات کو دیکھتے ہوئے 50 فیصد تک کردیا گیا تھا۔

ایونٹ میں اب تک دفاعی چمپیئن کراچی کنگز بہترین رن ریٹ کی بنیاد پر 6 پوائنٹس کے ساتھ سرفہرست ہے جکہ 6،6 پوائنٹس کے ساتھ دیگر ٹیمیں پشاور زلمی، اسلام آباد یونائیٹڈ اور لاہور قلندرز بالترتیب دوسرے، تیسرے اور چوتھے نمبر پر ہیں۔

پی ایس ایل 2021 میں اب تک ناقص کارکردگی ملتان سلطانز اور کوئٹہ گلیڈی ایٹرز کی رہی جنہوں نے صرف ایک، ایک کامیابی کے ساتھ صرف دو پوائنٹس حاصل کیے، رن ریٹ کی بنیاد پر ملتان سلطانز پانچویں اور کوئٹہ گلیڈی ایٹرز سب سے آخری نمبر پر موجود ہے۔

لاہور:قومی کرکٹ ٹیم کے سابق کپتان شعیب ملک کی گاڑی کو حادثہ پیش آیا جس میں وہ خوش قسمتی سے محفوظ رہے۔

نمائندہ اے آر وائی نیوز کی رپورٹ کے مطابق شعیب ملک کی گاڑی کو حادثہ پاکستان سپرلیگ سیزن 6 کی ڈرافٹنگ کے بعد اُس وقت پیش آیا جب وہ گھر کے لیے روانہ ہورہے ہیں۔

شعیب ملک اپنی گاڑی میں بیٹھ کر رفتار میں نیشنل کرکٹ اکیڈمی سے باہر نکلے تو سامنے ٹرک کھڑا ہوا تھا۔ سابق کپتان تیز رفتاری کے باعث گاڑی کو قابو نہ کرسکے اور وہ سیدھی فٹ پاتھ پر کھڑے ٹرک سے جاکر ٹکرائی۔

قومی کرکٹ ٹیم کے سابق کپتان اپنی اسپورٹس کار خود ڈرائیو کررہے تھے، خوش قسمتی سے وہ تو حادثے میں محفوظ رہے مگر گاڑی کا اگلا حصہ مکمل تباہ ہوگیا۔

واضح رہے کہ آج لاہور میں پاکستان سپر لیگ کے سیزن 6 کی ڈرافٹنگ ہوئی جس میں تمام فرنچائزز نے کھلاڑیوں کا انتخاب کیا۔

 پی ایس ایل 6 کی ڈرافٹنگ تقریب سے خطاب کرتے ہوئے چیف ایگزیکٹو پی سی بی وسیم خان کا کہنا تھا کہ پی ایس ایل کو سپورٹ کرنے پر سب کا شکریہ ادا کرتے ہیں، امید ہے ڈرافٹ اچھا ثابت ہوگا۔

مزید پڑھیں: پی ایس ایل 6 میں‌ ڈرافٹنگ کا عمل مکمل ہوگیا

چیئرمین پی سی بی احسان مانی کا کہنا تھا کہ پی ایس ایل 6 کی ڈرافٹنگ پر بہت خوش ہوں، ہم کوشش کررہے ہیں شائقین کو اسٹیڈیم میں بلانے کی اجازت مل جائے، رواں سال لیگ کھیلنے کے لیے چار سو غیر ملکی کھلاڑیوں نے دلچسپی ظاہر کی۔

کراچی کنگز

کراچی کنگز نے ڈائمنڈ کیٹیگری میں افغانستان کے محمد نبی ڈین کرسچن، عماد وسیم کا انتخاب کیا، اسی طرح پلاٹینیم کیٹیگری میں بابر اعظم، محمد عامر، کولن انگرام کو منتخب کیا گیا۔

کراچی کنگز نے مینیجمنٹ نے سلور کیٹیگری میں جو کلارک ، محمد الیاس، آل راؤنڈر دانش عزیز  اور ذیشان ملک کو منتخب کیاجبکہ ایمرجنگ کیٹیگری میں آل راؤنڈر قاسم اکرم کا انتخاب کیا گیا۔ سپلیمنٹری راؤنڈ میں کراچی کنگز نے افغانستان کے نور احمد کو منتخب کیا۔