Author: شہزاد ملک

لاہور: قومی کرکٹ ٹیم کے وکٹ کپیر اور بلے باز کامران اکمل نے سینئرکھلاڑیوں کو نظر انداز کیے جانے پر کرکٹ بورڈ سے کھل کر ناراضی کا اظہار کردیا۔

اے آر وائی نیوز کی رپورٹ کے مطابق کامران اکمل پی سی بی کی جانب سے سینئر کھلاڑیوں کو سائیڈ لائن کرنے پر نالاں ہیں، اس ضمن میں انہوں نے پاکستان کرکٹ بورڈ کو تحریری شکایت نامہ ارسال کردیا۔

کامران اکمل کا کہنا تھا کہ ‘گزشتہ کچھ عرصے سے سینئر اور تجربہ کار کھلاڑیوں کو ٹیم سے سائیڈ لائن کیا جارہا ہے جبکہ پی سی بی سینئر کھلاڑیوں کو کوئی اہم ذمہ داری دے کر ان سے فائدہ بھی اٹھا سکتا تھا‘۔

انہوں نے کہا کہ ’سینئر کھلاڑیوں کے ساتھ اپنایا جانے والا رویہ پی سی بی کو ٹھیک کرنا پڑے گا کیونکہ سینئر کرکٹرز کے دور ہونے سے پاکستان کے کرکٹ کو نقصان پہنچ رہا ہے، کرکٹ بورڈ کا یہ رویہ بالکل بھی ٹھیک نہیں ہے‘۔

مزید پڑھیں: ٹیسٹ میں شکست، حفیظ کا معصومانہ مشورہ، اشارہ کس کی طرف؟

اُن کا کہنا تھا کہ پی سی بی ، کوچنگ سٹاف اور کھلاڑیوں میں کوآرڈینیشن کو بہتر کرنے کی ضرورت ہے، قومی ٹیم کے بعد ڈومیسٹک کرکٹ میں بھی سینئرز کے ساتھ ناروا سلوک برتا جارہا ہے، مجھ جیسے کھلاڑی کو جو پرفارم کررہا اسے سینٹرل پنجاب کے کوچ نے ٹیم سے الگ کر دیا، ماضی میں کبھی سیئنر کے ساتھ ایسا سلوک نہیں کیا گیا۔

کامران اکمل کا کہنا تھا کہ ’میں نے پی سی بی کو بذریعہ ای میل اپنی شکایت بھیج دی ہے، احتجاج ریکارڈ کرانا میرا حق تھا کیونکہ فارم میں ہونے کے باوجود ٹیم میں شامل نہیں کیا گیا‘۔

اُن کا کہنا تھا کہ ’محمد عامر اور  سمیع اسلم کے جانے  پر پی سی بی کے افسوس کرنے کے بیان کو سُن کر حیرت ہوئی، چیئرمین کرکٹ بورڈ کو ایسے معاملات کا نوٹس لینا چاہیے تھا‘۔

یہ بھی پڑھیں: ’’پی سی بی نے میرے اور رزاق کے ساتھ وہی کیا جو عامر کے ساتھ ہوا‘‘

کامران اکمل کا مزید کہنا تھا کہ ’محمد عامر کے ساتھ جس طرح کا رویہ قومی ٹیم میں اپنایا گیا میرے ساتھ ڈومیسٹک میں ایسا ہی سب کچھ کیا جارہا ہے‘۔

کراچی: آسٹریلیا سے تعلق رکھنے والے فاسٹ بولر ایرن سمرز نے پاکستان کپ میں شرکت کرنے کا اعلان کردیا۔

اے آر وائی نیوز کی رپورٹ کے مطابق آسٹریلیا کے 24 سالہ فاسٹ بولر ایرن سمرز پہلے غیرملکی کھلاڑی ہوں گے جو پاکستان کے نئے ڈومیسٹک کرکٹ اسٹرکچر میں شرکت کریں گے۔

سمرز 8 جنوری سے کراچی میں شروع ہونے والے پاکستان کپ میں سدرن پنجاب کی نمائندگی کریں گے۔

واضح رہے کہ پاکستان کرکٹ بورڈ (پی سی بی) ڈومیسٹک مقابلوں میں کسی بھی سائیڈ کی طرف سے ایک غیر ملکی کھلاڑی کو  کھیلنے کی اجازت دیتا ہے اسکے لیے غیر ملکی کھلاڑی کو اپنے ملکی بورڈ کی طرف سےاین او سی(نو اوبجیکشن سرٹیفکیٹ)جمع کروانا لازم ہوتا ہے۔

ایرن سمرز 28 دسمبر کو لاہور پہنچیں گے۔ وہ نیشنل ہائی پرفارمنس سینٹر میں اظہر محمود کی زیرنگرانی ایک ہفتہ تربیت حاصل کرنے کے بعد5 جنوری کو سدرن پنجاب کے اسکواڈ کو کراچی میں جوائن کرلیں گے۔

 ایرن سمرز کے علاوہ سدرن پنجاب کے کنٹریکٹ یافتہ کوچ  اظہر محمود، رحیم یار خان سے تعلق رکھنے والے 22 سالہ تیمور بھٹی کی بھی کوچنگ کریں گے۔

ایرن سمرز ایچ بی ایل پاکستان سپرلیگ سیزن 2019 میں کراچی کنگز اورآسٹریلیا کی بگ بیش لیگ میں ہوبارٹ ہوریکینزکی نمائندگی کرچکے ہیں۔انہوں نے دسمبر 2017 میں ہوریکینز کی طرف سے اپنے پہلے میچ میں تیز ررفتار بولنگ کے حوالے سے جوفرا آرچراور ٹائمل ملز کو پیچھے چھوڑ دیا تھا اس طرح وہ آسٹریلین سرزمین پرخود کو ایک تیز رفتار بالر کے طور منوا چکے تھے۔

 دوسری جانب آسٹریلوی فاسٹ باولر کا کہنا تھا کہ ’سدرن پنجاب کرکٹ ایسوسی ایشن کی جانب سے کنٹریکٹ ملنا میرے لیے خوشی اور اعزاز کی بات ہے، جس ٹیم کے ساتھ میں کھیلوں گا وہ جارحانہ کرکٹ کھیلتی ہے اور مجھے اسی قسم کے کھیل میں دلچسپی ہے‘۔ انہوں نے کہا کہ ’مجھے یقین ہے سدرن پنجاب پاکستان کی ڈومیسٹک کرکٹ میں مضبوط ٹیم کی حیثیت سے سامنے آئے گی‘۔

انہوں نے کہا کہ پاکستان نے بہت سے فاسٹ بولرز پیدا کیے اور وہ یہاں آکر اپنی صلاحیتیں نکھارنے کے ساتھ ساتھ پاکستان کپ میں اپنی ٹیم کو کامیابی دلانے کی کوشش بھی کریں گے۔ یہ ٹورنامنٹ ڈبل لیگ کی بنیاد پر کھیلا جا ئے گا اس میں میری فٹنس اور میعار کا بھی امتحان ہے۔

ایرن سمرز نے کہا کہ انہوں نے سوشل میڈیا پر پاکستان میں جاری سیزن کو دیکھا ہے، لہٰذا وہ سمجھتے ہیں کہ یہ جگہ ان کی صلاحیتیں نکھارنے میں بہت معاون ثابت ہوگی۔ میرا مقصد ایک بہترین پروفیشنل بننا ہے اور میرا خیال ہے کہ پاکستان مجھےاس  ٹارگٹ کوحاصل کرنے میں میری مدد کر سکتا ہے۔

لیجنڈبیٹسمین یونس خان اور مایہ ناز لیگ اسپنر مشتاق احمد کو قومی کرکٹ ٹیم کی منیجمنٹ سے ڈراپ کر دیا گیا۔

اے آر وائی نیوز کے مطابق پاکستان کرکٹ بورڈ نے زمبابوے کے خلاف ہوم سیریز کے لیے یونس خان اور مشتاق احمد کی خدمات حاصل نہ کرنے کا فیصلہ کیا ہے۔

بیٹنگ کنسلٹنگ یونس خان اور مشتاق احمد کو زمبابوے کے خلاف ون ڈے اور ٹی ٹوئنٹی سیریز کے لیے منیجمنٹ کا حصہ نہیں ہوں گے تاہم انہیں دسمبر میں متوقع دورہ انگلینڈ کے لیے واپس منیجمنٹ میں شامل کیا جائے گا۔

اس وقت ٹیم منیجمنٹ میں مصباح الحق (ہیڈ کوچ)، وقار یونس (بولنگ کوچ)، عبدالمجید (فیلڈنگ کوچ)، شاہد اسلم (اسسٹنٹ کوچ)، کلف ڈیکون (فیزیوتھراپسٹ)، یاسر ملک (کوآڈینیشن کوچ)، منصور رانا( منیجر)، عثمان انواری، راشد خان( میڈیا منیجر) اور ملند علی شامل ہیں۔

واضح رہے کہ دورہ انگلینڈ کے لیے یونس خان کو بطور بیٹنگ کوچ اور مشتاق احمد کو بطور اسپن کوچ منیجمنٹ کا حصہ بنایا گیا تھا۔