Author: شعیب جٹ

سابق ٹیسٹ کرکٹر اسد شفیق نے انٹرنیشنل اور ڈومیسٹک کرکٹ سے جلد ریٹائرمنٹ لینے کی وجہ بیان کردی۔

اے آر وائی نیوز کے پروگرام ’باؤنسر‘ میں میزبان نے سوال کیا کہ پاکستان میں 40 ، 42 سال کی عمر میں بھی کرکٹ کھیلتے ہیں، یونس خان اور مصباح نے اس عمر میں کرکٹ کھیلی آپ نے 37 سال کی عمر میں ریٹائرمنٹ کا اعلان کیوں کردیا؟

اسد شفیق نے مسکراتے ہوئے کہا کہ  37 سال نہیں ایک مہینے کے بعد میں 38 برس کا ہوجاؤں گا، ہر شخص اپنی کارکردگی کو بہتر جانتا ہے مجھے ایسا لگا کہ ریٹائرمنٹ کا وقت آگیا ہے اور زندگی میں دوسری چیزیں بھی آزما کر دیکھنی ہے۔

انہوں نے کہا کہ انٹرنیشنل کرکٹ کھیلنے کے لیے آپ کو ٹاپ لیول کی فٹنس اور پرفارمنس درکار ہوتی ہے، پرفارمنس تو میری بہتر تھی میں زیادہ سے زیادہ ایک ڈیڑھ سال اور کھیل سکتا تھا لیکن مجھے لگتا ہے کہ ریٹائرمنٹ کا فیصلہ درست وقت پر کیا ہے۔

اسد شفیق کا کہنا تھا کہ سوچ سمجھ کر تمام طرز کی کرکٹ سے ریٹائرمنٹ کا فیصلہ کیا ہے، ریٹائرمنٹ سے پہلے فیملی اور دوستوں سے بھی مشورہ کیا۔

ایک سوال کے جواب اسد شفیق نے کہا کہ اگر کسی کو کپتان نہ بنانا ہو تو اسے نائب کپتان بھی نہیں بنانا چاہیے۔

سابق ٹیسٹ کرکٹر نے کہا کہ 2011 کا ورلڈ کپ کھیلنا کیریئر کا سب سے یادگار لمحہ ہے۔

واضح رہے کہ اسد شفیق نے 11 دسمبر کو انٹرنیشنل اور ڈومیسٹک کرکٹ سے ریٹائرمنٹ کا اعلان کیا تھا، انہوں نے 77 ٹیسٹ، 6 ون ڈے میچز اور 10 ٹی 20 انٹرنیشنل میں پاکستان کی نمائندگی کی۔

قومی ٹیم کے سابق کپتان محمد یوسف کا کہنا ہے کہ بابر اعظم بھی ڈاٹ بالز کے دباؤ میں آجاتے ہیں۔

اے آر وائی نیوز کے پروگرام ’باؤنسر‘ میں خصوصی گفتگو کرتے ہوئے ہیڈ کوچ جونیئر کرکٹ ٹیم محمد یوسف نے کہا کہ کھلاڑیوں کی تکنیک ٹھیک کروں گا ٹیم کے کھلاڑیوں کا مسئلہ ڈاٹ بالز ہیں، بابر اعظم بھی ڈاٹ بالز کے دباؤ میں آجاتے ہیں۔

انہوں نے کہا کہ کچھ سینئر کھلاڑیوں کی تکنیک میں بہتری لانے کی ضرورت ہے، آسٹریلیا میں ایسے کھلاڑی ہونے چاہئیں جن کی تکنیک اچھی ہو۔

محمد یوسف نے کہا کہ جونیئر لیول پر کرکٹرز کی تکنیک بہتر کی جائے گی تاکہ وہ پاکستان کی ٹیم میں شامل ہوں تو ان کو کوئی مسئلہ نہ ہو۔

سابق کپتان نے کہا کہ ابھی ہمارے پاس وقت کم ہے ورلڈ کپ کے بعد کھلاڑیوں کی تکنیک پر بھی کام کریں گے۔

انہوں نے کہا کہ جونیئر کھلاڑیوں کو تیار کرنا چیلنج ہے میں خود بھی اکثر کہتا تھا کہ سینئر کھلاڑیوں کو جونیئر لیول پر کام کرنا چاہیے، یہ پلیٹ فارم ایسا ہے جہاں سے اچھے لڑکے ٹیم کی نمائندگی کریں گے۔

محمد یوسف نے کہا کہ پیسہ مقصد نہیں ضرورت ہوتا ہے، ٹی 20 کرکٹ نے ہماری کرکٹ تباہ کردی ہے، مار دھاڑ یا پاور ہٹنگ کرکٹ نہیں ہے، میرے خیال میں کلب لیول پر 40 اوورز کی کرکٹ ہونی چاہیے تاکہ کھلاڑیوں کو اپنی کارکردگی دکھانے کا موقع مل سکے۔

انہوں نے شکوہ کیا کہ پی سی بی کے پاس میرے لیے پیسے نہیں ہیں، راہول ڈریوڈ دس کروڑ لے رہے تھے ہمیں تو اتنے پیسے نہیں مل رہے، مجھ سے کہا گیا کہ ہم آپ کو پیسے نہیں دے سکیں گے میں حیران ہوا کہ مجھے نہیں دے سکتے باقی سب کو دے سکتے ہیں۔

قومی ٹیم کے آل راؤنڈر افتخار احمد کا کہنا ہے کہ بابر اعظم کو بطور بولر مجھ پر بھروسہ نہیں تھا۔

اے آر وائی نیوز کے پروگرام باؤنسر میں میزبان نے افتخار احمد سے سوال کیا کہ ایشیا کپ میں آپ نے اچھی بولنگ کروائی ورلڈ کپ میں بھی اچھی بولنگ کروارہے تھے لیکن وجہ کیا ہے کہ آپ پورے دس اوور نہیں کرواتے، کپتان آپ کو دس اوورز نہیں دیتے تو آپ کپتان کو کہتے نہیں ہیں کہ میں دس اوور کروا سکتا ہوں؟

جواب دیتے ہوئے افتخار احمد نے کہا کہ آپ نے ٹھیک کہا میری ورلڈ کپ میں بولنگ سب سے اچھی تھی، اکانومی ریٹ بھی اچھا تھا مگر وہی بات ہے کہ کپتان جس پر بھروسہ کرتا ہے اس ہی کو اوور دیتا ہے، بابر سے میری بات ہوئی تھی وہ یہی چاہتے تھے کہ جو اسپیشلسٹ بولر ہے وہی زیادہ بولنگ کرے۔

انہوں نے کہا کہ کپتان کو اسپیشلسٹ بولرز پر بھروسہ ہوتا ہے اسی لیے ان سے پورے اوورز کرواتے ہیں۔

افتخار احمد نے کہا میں نے ڈومیسٹک میں کافی وکٹیں لی ہیں، لسٹ اے کرکٹ میں وکٹوں کی تعداد زیادہ ہے مگر بات وہی ہے کہ جہاں کے کپتان کو لگتا ہے کہ نواز اور شاداب بطور بولر کھیلتے ہیں تو انہی سے اوور کروائے جائیں اگر ان سے بولنگ نہ کروائیں تو یہ بھی زیادتی ہے۔

انہوں نے کہا کہ میں خود بھی سمجھتا ہوں کہ دس اوورز کا بولر ہوں اور مجھے پورے اوور کروانے چاہئیں۔

بابراعظم کو مجھ پر بھروسہ نہیں تھا، کرکٹر افتخار احمد کی اے آر وائی نیوز کے پروگرام باونسر میں گفتگو@Shoaib_Jatt @IftiMania #ARYNews pic.twitter.com/dQPfkiKRPX

— ARY NEWS (@ARYNEWSOFFICIAL) December 4, 2023