Author: شعیب جٹ

پی سی بی کرکٹ کمیٹی کے چیئرمین ذکا اشرف نے میڈیا پر خبریں سامنے آنے کے بعد کرکٹرز، چیف سلیکٹرز کے بزنس معاہدوں سے متعلق پوچھ گوچھ کرنے کا عندیہ دیدیا۔

تفصلات کے مطابق پاکستان کرکٹ ٹیم میں مینجمنٹ کمپنی کی من مانیاں سامنے آنے کے بعد ذکا اشرف نے کرکٹرز اور چیف سلیکٹرز کے بزنس معاہدوں سے متعلق پوچھ گوچھ کرنے کا عندیہ دیتے ہوئے کہا ہے کہ اس سلسلے میں قانون سازی کی جائےگی۔

ذکا اشرف کا کہنا تھا کہ اس طرح کے بزنس معاہدے ٹیم میں مفادات کا ٹکراؤ بن سکتے ہیں۔ چیف سلیکٹرز سے اس متعلق پوچھا جائےگا، قانون سازی کی جائےگی۔

انھوں نے کہا کہ پلئیرز کے ایجنٹوں سے متعلق بھی قانون سازی کی جائے۔ ایک ایجنٹ کے پاس زیادہ پلیئرز ہوں گے تو اجارہ داری قائم ہوگی۔ بزنس معاہدے اور ایجنٹوں کا سنجیدہ مسئلہ ہے اس پر غور کریں گے،

ذکااشرف کا کہنا تھا کہ سب سے درخواست ہے جب تک ورلڈکپ چل رہا ہے ٹیم کو سپورٹ کریں۔ کچھ لوگ ٹی وی پر بیٹھ کر دکان سجالیتے ہیں اور تنقید کرتے ہیں۔

پی سی بی کرکٹ کمیٹی کے سربراہ نے کہا کہ میڈیا اور سوشل میڈیا پر تنقید سے ٹیم کا مورال نیچے جاتا ہے۔

ذکااشرف نے کہا کہ ٹی وی پرتنقید کی کھلاڑیوں نے بہت بار شکایت کی ہے۔ ورلڈ کپ ختم ہونے کے بعدغلطیوں پر ضرور تبصرہ کریں۔

تھائی لینڈ میں جاری مسٹر اینڈ مسز یونیورس 2023 مقابلے میں پاکستانی ایتھلیٹس نے میدان مار لیا۔

تفصیلات کے مطابق تھائی لینڈ میں جاری مسٹر اینڈ مسز یونیورس 2023 مقابلوں کی مختلف کیٹگریز میں پاکستان نے 10 میڈلز جیت لئے، پاکستانی خاتون ایتھلیٹ سعدیہ شیخ نے فیشن ماڈل کیٹگری میں گولڈ میڈل حاصل کرلیا۔

پاکستان پہلی مرتبہ باڈی بلڈنگ کے عالمی ایونٹ کی میزبانی کرنے کےلیے تیار

پاکستانی اداکار و ماڈل رعید عالم نے مسٹر یونیورس فیشن ماڈل کا ٹائٹل اپنے نام کرلیا، 21 سالہ عمر غنی جونیئر مسٹر یونیورس بن گئے۔

اس کے علاوہ محمد مبشر ، علیشاہ اسحاق ، محمد عاصم ، حمزہ بٹ ، انس جمیل،  وسیم بشیر نے بھی میڈلز اپنے نام کئے۔

پاکستان پہلی مرتبہ باڈی بلڈنگ کے عالمی ایونٹ کی میزبانی کرنے جارہا ہے جس کیلئے اسٹیج تھائی لینڈ میں سجایا گیا ہے۔

اس میگا ایونٹ میں اٹلی، فرانس، کینیڈا، جرمنی، یو اے ای اور بھارت سمیت 40 ممالک شرکت کرینگے۔ یہ بات پاکستان گلوبل پاوور لفٹنگ باڈی بلڈنگ انٹرنیشنل کے صدر رمیز ابراہیم نے تھائی لینڈ روانگی سے قبل پریس کانفرنس کرتے ہوئے بتائی۔

انھوں نے کہا کہ مسٹر اینڈ مس یونیورس مقابلے کل سے تھائی لینڈ میں شروع ہوں گے، پاکستان میزبانی کرے گا پاکستان کی تاریخ کا سب سے بڑا 30 رکنی دستہ ایونٹ میں شرکت کررہا ہے جس میں اداکارعمرشہزاد اور رعید عالم بھی پہلی مرتبہ بین الاقوامی مقابلوں میں شرکت کریں گے۔

پاکستانی دستہ سینئرباڈی بلڈنگ، جونیئر باڈی بلڈنگ، ماسٹر، مینز فزیکس، کلاسک فزیکس اور فیشن ماڈل سمیت دیگر مقابلوں میں شرکت کرے گا جب کہ پہلی مرتبہ پاکستانی ایتھلیٹ سعدیہ شیخ بین الاقوامی مقابلوں میں حصہ لیں گی۔

مسٹر اینڈ مس یونیورس 2023 کا مقابلہ 19 سے 23 اکتوبر تک تھائی لینڈ کے شہر پٹایا میں منعقد ہوگا۔ گلوبل پاور لفٹنگ باڈی بلڈنگ انٹرنیشنل کے مطابق اس مقابلے کی خاص بات یہ ہے کہ پاکستان پہلی بار میزبانی کررہا ہے۔

پاکستان نے آج تک کسی ایسے ایونٹ کی میزبانی نہیں کی جس میں چالیس سے زائد ممالک کے ایتھلیٹس حصہ لیں۔ باڈی بلڈنگ کے کسی بھی انٹرنیشنل مقابلے میں پاکستان کی جانب سے کبھی اتنا بڑا دستہ حصہ لینے نہیں گیا

تاہم اس بار گلوبل پاور لفٹنگ باڈی بلڈنگ انٹرنیشنل پاکستان کے صدر رمیز ابراہیم خان اور اُن کی ٹیم کی کوششوں سے پاکستانی باڈی بلڈرز کا یہ دستہ تھائی لینڈ کے میگا ایونٹ میں حصہ لینے جائےگا۔

 بہت جلد پاکستان کے ڈریسنگ روم سے جھگڑے کی خبریں آئیں گی یہ جھگڑا ٹیم نہیں بلکہ آفیشلز کے درمیان ہوں گے۔

اے آر وائی نیوز کے پروگرام ’’اسپورٹس روم‘‘ میں اسپورٹس اینالسٹ شعیب جٹ نے گفتگو کرتے ہوئے دعویٰ کیا کہ بہت جلد پاکستان کے ڈریسنگ روم سے جھگڑے کی خبریں آئیں گی یہ جھگڑا ٹیم نہیں بلکہ آفیشلز کے درمیان ہوگا اور یہ بھی ہو سکتا ہے کوئی ایک ٹیم چھوڑ کر واپس آجائے۔

اسپورٹس اینالسٹ شعیب جٹ نے کہا کہ مکی آرتھر اور انضمام الحق میں سرد جنگ شروع ہوچکی ہے، اگر 14 تاریخ کے میچ کے نتائج پاکستان کے حق میں نہیں آئے تو مکی آرتھر اور انضمام الحق میں سے کوئی ایک ٹیم کو چھوڑ کر واپس آسکتے ہیں۔

گفتگو کے دروان کامران اکمل نے کہا کہ یہ سرد جنگ کی وجہ کسی کھلاڑی کو ڈراپ کرنا بھی ہوسکتا ہے ہے، ان بحث میں اوپنر جوڑی بھی ہوسکتی ہے، لیکن ایسے کوئی ٹیم کو چھوڑ کر نہیں آئے گا۔