Author: شعیب نظامی

اسلام آباد : آئی ایم ایف نے مطالبہ کیا ہے کہ بڑے وڈیروں کو زرعی انکم ٹیکس اور بڑے صنعت کاروں کوسپر ٹیکس دینا ہوگا۔

تفصیلات کے مطابق پاکستان اور آئی ایم ایف کے درمیان مذاکرات حتمی مراحل میں داخل ہوگئے ، آئی ایم ایف پاکستان کا ٹیکس ہدف 600 ارب کم کرنے پر راضی ہوگیا۔

ذرائع نے بتایا کہ ایف بی آر نے ٹیکس ٹو جی ڈی پی ریشوبہتربناکر آئی ایم ایف کومطمئن کیا، جس سے ٹیکس ہدف میں کمی سےمنی بجٹ کے خدشات ختم ہو گئے،ذرائع

رواں مالی سال معاشی حکمت عملی میں ضروری ترامیم پر اتفاق ہوگیا تاہم آئی ایم ایف نے امیر طبقات پرٹیکس چھوٹ ختم کرنے کا مطالبہ کر دیا۔

،ذرائع نے کہا کہ آئی ایم ایف کا مطالبہ ہے کہ بڑے وڈیروں کو زرعی انکم ٹیکس اور بڑے صنعت کاروں کوسپر ٹیکس دینا ہوگا۔

آئی ایم ایف وفد اور معاشی ٹیم کےدرمیان اقتصادی جائزہ مذاکرات کا آخری روز ہے۔ ذرائع وزارت خزانہ نے کہا کہ آئی ایم ایف وفد نے وزارت خزانہ مین وزیرخزانہ سے ملاقات کی۔

ملاقات میں آئی ایم ایف وفد نے وزیرخزانہ کو معاشی تعاون فراہم کرنے کی یقین دہانی کراتے ہوئے اب تک معاشی ٹیم کی کارکردگی اور اقدامات کوسراہا۔

وزیرخزانہ نے آئی ایم ایف کو تمام اہداف پرعملدرآمدکی یقین دہانی کرائی اور کہا قرض پروگرام میں رہتے ہوئے کسی اہداف کی خلاف ورزی نہیں ہوگی۔ْ

اسلام آباد : آئی ایم ایف نے ایس آئی ایف سی کو بین الاقوامی سرمایہ کاری پر ٹیکس استثنیٰ نہ دینے کا مطالبہ کردیا۔

تفصیلات کے مطابق ایک ارب ڈالر قسط کیلئے پاکستان اور آئی ایم ایف کے درمیان مذاکرات جاری ہے، آئی ایم ایف نے ایس آئی ایف سی کو بین الاقوامی سرمایہ کاری پر ٹیکس استثنیٰ نہ دینے کا مطالبہ کردیا۔

حکومت نے چاغی سے گوادر ریلوے ٹریک بچھانے کیلئے خلیجی ممالک کو دو ارب ڈالرسرمایہ کاری کی درخواست کی ہے۔

وفد کو بریفنگ میں بتایا گیا کہ سرمایہ کاری کیلئے ایک پلیٹ فارم مہیا کر کے پل کا کردار ادا کیا جا رہا ہے اور ریکوڈک سے نکلنے والے منرلز کی گوادر تک ٹرانسپورٹ کیلئے ریلوے ٹریک کی ضرورت ہے۔

منرلز کی گوادرتک ٹرانسپورٹ کیلئےنئی لائن تعمیرکی جائےگی، منصوبے پر وزارت خزانہ، ریلوے اور ایس آئی ایف سی نے فزیبیلٹی اسٹڈی کی ہے۔

ذرائع کا کہنا تھا کہ خلیجی ممالک کی جانب سےسرمایہ کاری پر سرکاری گارنٹی بھی مانگی گئی ہے، قرض پروگرام میں رہتے ہوئے حکومت ہر سرمایہ کاری پر گارنٹی دینے کیلئے تیار نہیں۔

ایس آئی ایف سی حکام نے آئی ایم ایف وفد کو سرمایہ کاری، گورننس اور اسٹرکچر پر بریفنگ دی ، ساورن ویلتھ فنڈ میں ترمیم کیلئے وزارت خزانہ اور لامنسٹری کے مذاکرات جاری رہیں گے۔

اسلام آباد : آئی ایم ایف کے سرکلر ڈیٹ میں کمی کا مطالبے کے بعد حکومت نے بینکوں قرض لینے اور قرضہ اتارنے کا پلان تیار کرلیا۔

تفصیلات کے مطابق آئی ایم ایف نے سرکلر ڈیٹ میں کمی کا مطالبہ کردیا ، پاکستان سرکلر ڈیٹ میں 1250 ارب روپے کمی کا پلان تیار کررہاہے۔

آئی ایم ایف کے ساتھ سرکلر ڈیٹ مینجمنٹ پلان پر خصوصی سیشن ہوا، سرکلر ڈیٹ ختم کرنے کیلئے بینکوں سے 1250 روپے کا قرض لینے کا ابتدائی پلان تیار کرلیا۔

ذرائع نے کہا کہ صارفین سے 2.8 روپے فی یونٹ سرچارج عائد کر کے بینکوں کا قرضہ اتارنے کی تجویز دی گئی ہے، سرکلر ڈیٹ کی مد میں300 ارب روپے سیٹل کیے جاسکتے ہیں۔

ذرائع کا کہنا تھا کہ سرکلر ڈیٹ کے 600 ارب روپے کے لیٹ پیمنٹ سرچارج معاف کرنے اور بینکوں کا گردشی قرض اتارنے کیلئے فی یونٹ پر 2.8 روپے تک سر چارج کی تجویز دی ہے۔

آئی ایم ایف کو بریفنگ میں بتایا گیا کہ رواں مالی سال کیلئے پاورسیکٹرگردشی قرضےمیں 350 ارب روپے کا اضافہ متوقع تھا، گزشتہ 6 ماہ کے دوران اسٹاک میں 10 ارب روپے کی کمی ہوئی۔

ذرائع نے کہا کہ پاور سیکٹر کا گردشی قرضہ تقریباً 2380 ارب روپے کےلگ بھگ ہے۔

ذرائع کے مطابق آئندہ 6 ماہ کے دوران پاورسیکٹرکے گردشی قرضےمیں اضافے کا امکان ہے اور آئندہ6 ماہ میں بجلی کی طلب میں اضافہ اور گردشی قرضہ بڑھ سکتا ہے تاہم پالیسی مذاکرات میں سرکلر ڈیٹ مینجمنٹ پلان کوحتمی شکل دی جائیں گی۔

اسلام آباد : آئی ایم ایف نے سگریٹ سیکٹرمیں ٹیکس چوری پر تشویش کا اظہار کرتے ہوئے غیر قانونی تمباکو کی مارکیٹ کوکنٹرول کرنے کا مطالبہ کردیا۔

تفصیلات کے مطابق پاکستان سے مذاکرات میں آئی ایم ایف نے سگریٹ سیکٹرمیں ٹیکس چوری پرتشویش کا اظہار کیا ہے۔

پاکستان حکام سے مذاکرات میں آئی ایم ایف کا کہنا تھا سگریٹ انڈسٹری میں غیرقانونی اور ٹیکس چوری کا حصہ پچاس فیصد تک پہنچ چکا ہے۔

ذرائع کا کہنا ہے آئی ایم ایف نے غیر قانونی تمباکوکی مارکیٹ کوکنٹرول کرنے کا مطالبہ بھی کیا، غیرقانونی اورٹیکس چوروں کی مارکیٹ اسٹڈی بھی آئی ایم ایف مذاکرات کا حصہ بنی۔

ذرائع نے کہا آئی ایم ایف نے ایف بی آرکےٹریک اینڈ ٹریس سسٹم کو شاندار قرار دیا، ذرائع کا کہنا ہے ٹریک اینڈ ٹریس سسٹم سے چار سیکٹرزمیں ٹیکس چوری میں کمی ہوئی۔

ذرائع کے مطابق پیداواری شعبے میں ٹیکس کی وصولی میں شفافیت بڑھی، شوگر، سیمنٹ، کھاد اور سگریٹ سازی میں ٹریک اینڈ ٹریس سے جعلی پیداوار کا حجم کم ہوا۔

ٹریک اینڈ ٹریس کو مزید چھ شعبہ جات تک بڑھانے پر بھی تبادلہ خیال ہوا، ریٹلر سیکٹر سے پورا ٹیکس نہ ملنے پر آئی ایم ایف کی تشویش کا اظہار کیا.

تاجر دوست کے مطلوبہ نتائج برآمد نہ ہونے پر آئی ایم ایف نے عدم اطمینان کا اظہار کیا ہے، ریٹلر سیکٹر سے ٹیکس کی آمدن بڑھانے کے لیے مختلف تجاویز پر بات چیت ہوئی۔

ذرائع نے کہا کہ آئندہ بجٹ میں ریٹلرز کے لیے نئی اسکیم متعارف کرانے کی تیاری کی جا رہی ہے، ریٹلرز کے لیے نئی اسکیم میں فکس ٹیکس کی تجویز ہے تاکہ ریٹیلرز کو ٹیکس نیٹ میں لایا جاسکے.

اسلام آباد: حکومت نے آئی ایم ایف کو منی بجٹ کے  حوالے سے آگاہ کرتے ہوئے 605 ارب کا بجٹ خسارہ پورا کرنے کیلئے متبادل منصوبہ پیش کردیا۔

تفصیلات کے مطابق شارٹ فال پورا کرنے کے لیے منی بجٹ نہیں آئے گا ، حکومتِ پاکستان نے 605 ارب کا شارٹ فال پورا کرنے کے لیے متبادل پلان تیار کرلیا اور آئی ایم ایف کو متبادل منصوبہ پیش کردیا۔

ذرائع نے کہا کہ ٹیکس مقدمات جلد نمٹا کرمحصولات میں کمی کو پورا کرنے کا منصوبہ بھی پیش کردیا اور وزیراعظم نےعدالتوں میں زیرسماعت ٹیکس مقدمات میں بھرپورتعاون کی یقین دہانی کرائی۔

ذرائع نے بتایا کہ چیف جسٹس سپریم کورٹ نے بھی ٹیکس مقدمات کی سماعت جلد کرانے کی درخواست منظورکرلی ہے۔

ذرائع کا کہنا تھا کہ آئی ایم ایف کو ٹیکس مقدمات نمٹا کر شارٹ فال پورا کرنے کا پلان دے دیا گیا ہے، سپریم کورٹ میں دس مارچ کو سپرٹیکس سے متعلق اہم سماعت ہوگی، ایف بی آرکو سپرٹیکس کی مد میں ایک سوستاون ارب روپے حاصل ہوسکتے ہیں۔

آئی ایم ایف کو بریفنگ میں بتایا گیا کہ ونڈ فال پرافٹ ٹیکس میں ننانوے ڈی شق کےتحت تئیس ارب روپے کا ٹیکس کیس جیت لیا گیا، بینکوں میں ایڈوانس ڈپازٹ ریشو پرٹیکس کی مد میں باہترارب روپے کا ٹیکس ملا۔