اسلام آباد : عالمی مالیاتی ادارے ( آئی ایم ایف) نے ماہانہ نئے ٹیکس لگانے کا مطالبہ کردیا، جس میں ماہانہ اربوں روپے حاصل ہوں گے۔

تفصیلات کے مطابق آئی ایم ایف نے 10.3 ارب روپے کے ماہانہ نئے ٹیکس لگانے کا مطالبہ کردیا، جولائی تا ستمبر ٹیکس کی کم کلیکشن کا نوٹس لیتے ہوئے مزیدٹیکس لگانے کا مطالبہ کیا گیا ہے۔

عالمی مالیاتی ادارے نے کہا کہ مشینری کی امپورٹ پر ایک فیصد ایڈوانس انکم ٹیکس عائد کیا جائے، مشینری امپورٹ پر ایک فیصد ٹیکس سے 2 ارب ماہانہ حاصل ہوں گے۔

ادارے کا کہنا تھا کہ صنعتی خام مال ایک فیصد ایڈوانس انکم ٹیکس عائد کیا جائے، جس سے ماہانہ 3.5 ارب کی آمدن ہوگی، اس کے ساتھ کمرشل امپورٹ کےخام مال پرایک فیصد ایڈوانس انکم ٹیکس عائد کیا جائے، کمرشل امپورٹ کے خام مال پر ایک فیصد ٹیکس سے ماہانہ ایک ارب کی آمدن ہوگی۔

انٹرنیشنل مانیٹری فنڈ نے کہا کہ درآمدی سامان کی سپلائی پر 1 فیصد ودہولڈنگ ٹیکس لگانے سے ماہانہ ایک ارب آمدن ہوگی جبکہ خدمات پر ایک فیصد ود ہولڈنگ ٹیکس عائد کئے جانے سے ماہانہ 50 کروڑ کی آمدن ہوگی۔

عالمی مالیاتی ادارے کا کہنا تھا کہ مختلف ٹھیکے دینے پر ایک فیصد ودہولڈنگ ٹیکس عائد کرنے سے ماہانہ 50 کروڑ آمدن ہوگی جبکہ مشروبات میں استعمال ہونے والی چینی پر ایکسائز ڈیوٹی میں 5 فیصداضافہ کئے جانے سے 2.3ارب روپے ماہانہ کی آمدن ہوگی۔

اسلام آباد : آئی ایم ایف کا پاکستان میں کرپشن کے خاتمے کے لیے ڈومور کا مطالبہ کردیا اور نیب کو ختم کرنے کے بجائے مزید خود مختار بنانے کی تجویز دے دی۔

تفصیلات مطابق آئی ایم ایف نے پاکستان میں کرپشن کے خاتمے کیلئے اقدامات کا مطالبہ کردیا اور کہا کرپشن کیخلاف مقدمات میں سیاسی مقاصد کے لیے ہراسگی کو ختم کیا جائے۔

عالمی مالیاتی ادارے نے نیب کو ختم کرنے کے بجائے مزید خود مختار بنانے کی تجویز دیتے ہوئے کہا سپریم کورٹ فیصلےکی روشنی میں نیب کوزیادہ آزادو خود مختار بنانےکے اقدامات کئے جائیں ، نیب کواحتساب کےلیےمزیدمؤثر بنایاجائے اور پاکستان میں کرپشن ختم کرنے کے لیے تحقیقاتی نظام بہتر بنایا جائے۔

انٹرنیشنل مانیٹری فنڈ نے کہا کہ جون 2025 تک کرپشن کے خاتمے کے لیے ایکشن پلان تیار کیا جائے اور انسداد کرپشن کیلئے اقوام متحدہ کے کنونشن کی روشنی میں جائزہ رپورٹ تیار کی جائے ساتھ ہی کرپشن کیخلاف مقدمات میں سیاسی مقاصد کے لیے ہراسگی کو ختم کیا جائے۔

عالمی مالیاتی ادارے کا مزید کہنا تھا کہ کرپشن کیخلاف مقدمات میں سرکاری اداروں کی کمزورقانونی صلاحیت کوبہتر بنایا جائے۔

آئی ایم ایف نے مطالبہ کیا کہ تمام سرکاری افسران کے اثاثوں کی معلومات رسائی آسان بنائی جائے ، سرکاری افسران کے غیر قانونی طریقے سے بڑھتے اثاثوں کو روکا جائے ساتھ ہی سرکاری افسران کے اثاثوں اورآمدن کےگوشوارے کو پبلک کیا جائے۔

انٹرنیشنل مانیٹری فنڈ نے فروری 2025 تک سرکاری افسران ،ارکان پارلیمنٹ کے اثاثے پبلک کرنے کیلئے قانون سازی کا مطالبہ کرتے ہوئے کہا کہ تمام سرکاری افسران کے اثاثے پبلک کرنے کے لیے ایف بی آرکوڈیجیٹلائزکیاجائے۔

عالمی مالیاتی ادارے نے مزید کہا کہ پاکستان میں کرپشن اصلاحات کی کوششیں تباہ کررہی ہے، پاکستان میں سرکاری اداروں کی کارکردگی شفاف بنائی جائے، نیب کوکرپشن کی تحقیقات کے لیے درست ڈیٹافراہم نہیں کیاجاتا۔