اسلام آباد : ٹیلی کام کمپنیوں کو نان فائلرز کی موبائل سمز بلاک کرنے میں مشکلات کا سامنا ہے ، ایف بی آر نے بلاک کی جانے والی سمز کی تفصیلات بتادی۔
تفصیلات کے مطابق نان فائلرز کی موبائل سمز بلاک کرنے میں جوائنٹ ورکنگ گروپ پریشان ہیں ، ذرائع نے بتایا کہ ایف بی آر کے فیصلے کے تحت نان فائلرز کی سمزبند کرنےکا سلسلہ شروع ہوگیا ہے اور اب تک3 ہزار 600سے زیادہ سمز ہی بلاک کی گئی ہیں۔
حکام کا کہنا ہے کہ ایف بی آریومیہ5ہزارنان فائلرز کاڈیٹا پی ٹی اےکوفراہم کر رہا ہے، لاکھوں نان فائلرزکی سمز بتدریج بلاک کی جائیں گی۔
حکام نے بتایا کہ ٹیلی کام کمپنیوں کو نان فائلرز کی فہرست شیئر کی جا چکی ہے، پی ٹی اے کو بھی پانچ لاکھ چھ ہزار سے زائد افراد کی فہرست دی گئی ہے۔
نان فائلرز کی موبائل سمیں چھوٹے گروپس میں بلاک کی جائیں گی ، انکم ٹیکس جنرل رولز 114 بی کے تحت سمز بلاک کی جا رہی ہیں۔
ایف بی آر موبائل کمپنیوں کی جانب سے ایک درخواست زیر سماعت ہے، جس پر سماعت آج ہو گی۔
