اسلام آباد: سائبر خطرات کے پھیلاؤ کے پیش نظر ریاستی اداروں کے لیے سائبر رسک آڈٹ کرانا ضروری قرار دے دیا گیا ہے۔

وزارت خزانہ کی دستاویز کے مطابق پاکستان کے سرکاری اور ریاستی اداروں کو سائبر حملوں کا خدشہ ہے، وزارت خزانہ کی دستاویز میں کہا گیا ہے کہ سائبر آڈٹ ضروری قرار دینے کا قدم ای آر پی سسٹم اور آن لائن مالیاتی پلیٹ فارم پر انحصار بڑھنے کے باعث اٹھایا گیا ہے۔

دستاویز کے مطابق سیفٹی کے ساتھ مخبری کا نظام بھی متعارف کروایا گیا ہے، اس کا مقصد یہ ہے کہ ملازمین بغیر کسی خوف کے غیر اخلاقی طرز عمل کی نشان دہی کر سکیں۔

دستاویز کے مطابق ان کی بدولت احتساب، شفافیت، اور حفاظتی روایات قائم کرنے میں مدد ملے گی، اس لیے ریاستی اداروں کے لیے ادارہ جاتی خطرے کے انتظامی فریم ورک کو اپنانا لازمی کیا گیا ہے، اور یہ قدم ریاستی اداروں کے نظام میں پائیدار کارکردگی کی بہتری کی بنیاد رکھے گا۔

سائبر فراڈ اور ڈیجیٹل منی لانڈرنگ میں ملوث نیٹ ورک بے نقاب، 12 کال سنٹرز سیل

یاد رہے کہ 30 جون کو سائبر فراڈ اور ڈیجیٹل منی لانڈرنگ میں ملوث ایک بڑے نیٹ ورک کو بے نقاب کیا گیا تھا، آپریشن گرے کے دوران 93 افراد کو گرفتار کر کے 12 کال سنٹرز کو سیل کیا گیا۔

نیشنل سائبر کرائم انویسٹی گیشن ایجنسی نے آپریشن گرے کے نام سے ملک بھر میں غیر قانونی کال سنٹرز کے خلاف کارروائیاں عمل میں لائیں، کارروائیوں کے دوران غیر ملکیوں کو بھی گرفتار کیا گیا، کال سنٹر مالیاتی فراڈ میں ملوث تھے، جو رقوم بیرون ملک بھجواتے تھے۔

اسلام آباد : آئی ایم ایف نے چینی پر سبسڈی اور ٹیکس کی چھوٹ دینے پر اعتراضات اٹھا دیے اور کہا ایسے اقدامات سے 7 ارب ڈالر قرض پروگرام متاثر ہونے کا خدشہ ہوسکتا ہے۔

تفصیلات کے مطابق آئی ایم ایف نے چینی کی درآمد پر ٹیکس چھوٹ دینے پر تحفظات ظاہر کر دیا ہے، حکومتی ذرائع نے بتایا کہ امپورٹڈ چینی 249 روپے میں پاکستان پہنچے گی اور امپورٹڈ چینی پر 55  روپے فی کلو سبسڈی دینا پڑے گی۔

آئی ایم ایف نے چینی پر سبسڈی دینے اور ٹیکس کی چھوٹ دینے سے منع کردیا ہے، امپورٹڈ چینی کا بڑا حصہ گھریلو کی بجائے صنعتی صارفین کے استعمال میں جائے گا، ایسے اقدامات سے 7 ارب ڈالر قرض پروگرام متاثر ہونے کا خدشہ ہوسکتا ہے۔

ذرائع کا کہنا ہے کہ حکومت نے چینی کی درآمد پر دی گئی ٹیکس چھوٹ واپس لینے پر غور شروع کردیا ہے، چینی درآمد کا فیصلہ مکمل طور پر ختم کیے جانے کا بھی امکان ہے۔

مزید پڑھیں : کرشنگ سیزن کے باوجود 5 لاکھ چینی درآمد کرنے کی منظوری

ذرائع نے بتایا کہ نجی شعبےکیلئےدی گئی ٹیکس چھوٹ واپس لینےپربھی غورجاری ہے ، حکومت نے 5 لاکھ میٹرک ٹن چینی کی درآمد پر تمام ڈیوٹیز معاف کردی تھیں۔

چینی درآمدپرٹیکس چھوٹ آئی ایم ایف معاہدےکی کھلی خلاف ورزی ہے آئی ایم ایف نے درآمد پر ٹیکس چھوٹ کی حکومتی وضاحت مسترد کردی۔

حکومتی مؤقف ہے کہ چینی کی درآمد فوڈ ایمرجنسی کے تحت کی جارہی ہے تاہم چینی کی قیمت تاریخ میں پہلی بار 200 روپے فی کلو سے تجاوز کرچکی ہے۔

ذرائع نے دعویٰ کیا ہے کہ کابینہ نے وزارت خزانہ کی رائے کے بغیر درآمد کی منظوری دی، ایف بی آر کی جانب سے درآمدی چینی پر تمام ٹیکس وڈیوٹیز معاف کی گئیں۔

ٹی سی پی 3 لاکھ میٹرک ٹن چینی درآمد کا ٹینڈر پہلے ہی جاری کرچکی ہے ، چینی درآمد کی بولی جمع کرانے کی آخری تاریخ 18 جولائی مقرر کی گئی ہے۔

پاکستان شوگرملزایسوسی ایشن نے حکومت سے رابطہ کیا ، جس میں کہا ہے کہ پاکستان میں  25نومبر تک کی چینی موجود ہے، نومبر تک ہر ماہ 5لاکھ 30ہزار ٹن چینی فراہم کرسکتےہیں، حکومت پاکستان چینی پر فی کلو25  روپے سے زائد سیلز ٹیکس وصول کررہی ہے۔