Author: شعیب نظامی

اسلام آباد : عالمی مالیاتی فنڈ (آئی ایم ایف) کو ٹیکس چوروں کے خلاف بڑے ایکشنزکی تیاریوں پر بریفنگ دیتے ہوئے کہا گیا کہ ایف بی آر، بینکوں، نادرا کے درمیان صارفین کےڈیٹا شیئرنگ پر اتفاق کرلیا ہے۔

تفصیلات کے مطابق عالمی مالیاتی فنڈ (آئی ایم ایف) کے ساتھ مذاکرات میں اہم میٹنگز ہوئیں، جس میں آئی ایم ایف کو ٹیکس چوروں کے خلاف بڑے ایکشنز کی تیاریوں سمیت ٹیکس چوروں کے خلاف مفصل ڈیٹا کی تیاری کے طریقہ کار پر بریفنگ دی گئی۔

ذرائع نے بتایا کہ آئی ایم ایف کو بریفنگ میں کہا گیا کہ ایف بی آر، بینکوں، نادرا کے درمیان صارفین کے ڈیٹا شیئرنگ پر اتفاق کرلیا ہے ، ڈیٹا شیئرنگ کی وجہ ٹیکس چوری کا خاتمہ ممکن ہوگا۔

آئی ایم ایف مشن کیساتھ ٹیکس اصلاحات اور ٹیکس ایڈمنسٹریشن کی بہتری پر بھی مذاکرات ہوئے، بینکوں سے موصول صارفین کی ڈیٹا شیئرنگ رپورٹ آئی ایم ایف کو جنوری میں بھیجی جائےگی۔

ذرائع کا کہنا ہے کہ بینکوں سےصارفین کی معلومات کےمطابق ٹیکس پالیسی میں بھی ترامیم کی جائیں گی، اسٹیٹ بینک کی جانب سے بھی بینکوں سے صارفین کی معلومات کی رپورٹ فراہم کی جائے گی۔

عالمی بینک کے تعاون سے ایف بی آرمیں اصلاحاتی پروگرام پرآئی ایم ایف کوآگاہ کیا جائے گا جبکہ ایف بی آر آئی ایم ایف کو ٹیکس دہندگان کی تعداد میں اضافے کی رپورٹ بھی فراہم کرے گا۔

اسلام آباد : پاکستان آنے والے عالمی مالیاتی فنڈ (آئی ایم ایف) مشن کی سیاسی جماعتوں سے ملاقات کا کوئی امکان نہیں۔

تفصیلات کے مطابق عالمی مالیاتی فنڈ (آئی ایم ایف) مشن کی سیاسی جماعتوں سے ملاقات کا امکان نہیں ، ذرائع نے کہا ہے کہ آئی ایم ایف مشن کی سیاسی جماعتوں سے ملاقات کا اب تک کوئی شیڈول نہیں۔

حکام کا کہنا تھا کہ آئی ایم ایف کی نمائندہ کی سیاسی جماعتوں سے ملاقات جولائی 2023 میں ہوئی تھی، جولائی میں سیاسی جماعتوں سے ملاقات میں ضروری یقین دہانیاں ہوگئی تھیں۔

حکام نے کہا کہ آئی ایم ایف نے اسٹینڈ بائی پروگرام پر عمل درآمد کیلئے سیاسی جماعتوں سے یقین دہانی مانگی تھی، سیاسی جماعتوں کی یقین دہانیوں کے بعد 12 جولائی کو قرض پروگرام کی پہلی قسط جاری ہوئی تھی۔

ذرایع کے مطابق آئی ایم ایف مارچ 2024 تک قرض پروگرام کے اختتام تک شرائط پر عمل درآمد چاہتا ہے۔

یاد رہے 2 نومبر کو عالمی مالیاتی ادارے (آئی ایم ایف) کا مشن اقتصادی جائزہ لینے پاکستان پہنچ گیا،

اسلام آباد : نگران وزیرخزانہ شمشاد اختر نے وزرا اور ڈویژن کے حکام کو آئی ایم ایف سے مذاکرات کے لیے مکمل تیاری کی ہدایت کردی۔

تفصیلات کے مطابق عالمی مالیاتی فنڈ (آئی ایم ایف) مذاکرات سے قبل نگران وزیر خزانہ شمشاد اختر کی زیرصدارت اجلاس ہوا ، جس میں نگران وزیرتوانائی، نجکاری، منصوبہ بندی، چیئرمین ایف بی آر اوردیگرشریک تھے۔

اجلاس میں معاشی صورتحال کا جائزہ لیا گیا ، ذرائع نے بتایا کہ نگران وزیرخزانہ نے اہداف پر عملدرآمد اور تیاریوں پر بریفنگ لی، جس کے بعد نگران وزیرخزانہ نے وزرا اور ڈویژن کےحکام کو مذاکرات میں مکمل تیاری کی ہدایت کردی۔

آئی ایم ایف مشن سے آج سے اسٹینڈبائی ارینجمنٹ قرض پروگرام کےتحت اقتصادی جائزہ ہوگا، ذرایع کا کہنا ہے کہ آئی ایم ایف مشن کو ابتدائی طور پر اہداف پر عملدرآمد رپورٹ پیش کی جائے گی۔

دوسری جانب آئی ایم ایف کا وفد وزارت خزانہ پہنچ گیا ،جہاں آئی ایم ایف کے ساتھ مذاکرات سےقبل تعارفی سیشن جاری ہے، نگران وزیرخزانہ نے معاشی ٹیم کے ساتھ تعارفی سیشن میں شرکت کی، جس میں نگران وزیر توانائی، نجکاری، منصوبہ بندی،چیئرمین ایف بی آر سمیت دیگر شریک ہیں۔

شدید بحران کا شکار  پی آئی اے کو نئی لائف لائن مل گئی، نگراں وزیر اعظم اور وزیر نجکاری اس پر قابو پانے کے لیے متحرک ہوگئے۔

تفصیلات کے مطابق پاکستان کی قومی ایئر لائن (پی آئی اے) کیلئے 20 ارب روپےکا نیا قرض اور حکومتی قرض 6 ماہ کیلئے ری شیڈول کرنے کا امکان ہے۔

ذرائع وزارت خزانہ کا بتانا ہے کہ پی آئی اے کو نیا قرض دینے کیلئے وزارت خزانہ نے کمرشل بینکوں کو ہدایات جاری کی ہے،  پی آئی اے کو قرض دلانے کیلئے وزیر اعظم آفس سے بھی سفارش کرائی گئی۔

ذرائع وزارت خزانہ کا کہنا ہے کہ نیشنل بینک، بینک آف پنجاب سمیت 8 کمرشل بینک پی آئی اے کو نیا قرض دینگے، پی آئی اے نے حکومتی گارنٹی پر کمرشل بینکوں سے 260 ارب روپے کا قرض لے رکھا ہے۔

 ذرائع کا کہنا ہے کہ پی آئی اے کی نجکاری ہونے تک حکومتی قرض 6 ماہ کیلئے ری شیڈول کیا جائے گا، اس سےقبل پی آئی اے کا حکومتی قرض 2 سال کیلئے ری شیڈول کرنے کا پلان تھا، پی آئی اے کی جانب سے 2 ماہ کے دوران 40 ارب روپے قرض لینے کیلئے درخواست کی گئی۔