Author: شعیب نظامی

اسلام آباد :عالمی مالیاتی فنڈ (آئی ایم ایف) نے نگران حکومت سے گیس سیکٹر گردشی قرضے میں کمی کے پلان پر مزید وضاحت مانگ لی۔

تفصیلات کے مطابق نگران حکومت نے عالمی مالیاتی فنڈ (آئی ایم ایف) کے ساتھ پہلا باضابطہ رابطہ کیا، ذرائع نے بتایا کہ وزارت خزانہ حکام اورآئی ایم ایف کے درمیان ورچوئل رابطہ ہوا۔

ذرائع کا کہنا تھا کہ وزارت خزانہ حکام اور آئی ایم ایف میں گیس سیکٹر کے گردشی قرضے میں کمی کیلئے نئے پلان پر بات چیت کی گئی، آئی ایم ایف نے گیس سیکٹرگردشی قرضے میں کمی کے پلان پر مزید وضاحت مانگ لی۔

ذرائع نے کہا کہ گیس سیکٹر کے گردشی قرضے میں کمی کیلئے ڈیویڈنڈ اسکیم متعارف کرائی گئی، ڈیویڈنڈپلگ ان بیک اسکیم سےگردشی قرضے میں 400ارب سے زائد کی کمی ہوگی اور پلگ ان بیک اسکیم سےگیس سیکٹر کا گردشی قرض کم ہو کر 1200 ارب رہ جائے گا۔

ذرائع وزارت خزانہ کا کہنا ہے کہ نگران وزیرخزانہ ڈاکٹر شمشاد اختر آئی ایم ایف سےبات کریں گی ، آئندہ ماہ وزارت خزانہ اور آئی ایم ایف باقاعدہ اقتصادی جائزہ مذاکرات شروع کریں گے۔

اسلام آباد : اسلام آباد انٹرنیشنل ائیر پورٹ کو آؤٹ سورس کرنے کا پلان تیار کرلیا گیا، آؤٹ سورس ہونے پر تھرڈ پارٹی ایڈوانس 10 کروڑ ڈالر پیمنٹ دے گی۔

تفصیلات کے مطابق اسلام آباد انٹرنیشنل ائیر پورٹ کو پندرہ سال کیلئے آؤٹ سورس کرنے کا پلان تیار کرلیا گیا، ذرائع نے بتایا کہ اسلام آباد انٹرنیشنل ائیر پورٹ کو 15 سال کیلئے آؤٹ سورس کرنے کا فیصلہ کیا ہے۔

ذرائع کا کہنا تھا کہ آؤٹ سورس ہونے پر تھرڈ پارٹی ایڈوانس 10 کروڑ ڈالر پیمنٹ دے گی اور خلاف ورزی ہونے پر ایڈوانس پیمنٹ واپس کیے بغیر معاہدہ کینسل ہو جائے گا۔

ذرائع نے کہا ہے کہ انتظامی امور، فنانشل کلوز، ڈیزائن اینڈ کنسٹرکشن ، سروس چارجز، ایکسچینج ریٹ، شاپس رینٹ تھرڈ پارٹی کے ذمہ ہو گی جبکہ کسٹم، سائٹ سیکیورٹی، امیگریشن سروس سول ایوی ایشن کے پاس ہو گی۔

ذرائع نے بتایا کہ تھرڈ پارٹی کو ائیر پورٹ پر شاپنگ مال، برانڈز شاپس بنانے کی اجازت ہوگی۔

دوسری جانب ای سی ایل میں شامل افراد کو سفر کی اجازت نہ ملنے پر حکومت سے سروسز وصول کرنے کا مطالبہ مسترد کردیا گیا ، سول ایوی ایشن کا سروس چارجزحکومت سے وصول کرنے کا مطالبہ تھا۔