Author: شعیب نظامی

غیر ملکی کرنسی کے ذخیرہ اندوز اداروں اور افراد کے خلاف ایکشن کی تیاریاں کر لی گئی ہیں اور اس حوالے سے فنانس بل میں اہم قانون سازی متعارف کرانے کا فیصلہ کیا ہے۔

آئندہ مالی سال کے فنانس بل کے اہم خدوخال اے آر وائی نیوز نے حاصل کرلیے ہیں جس کے مطابق غیر ملکی کرنسی کے ذخیرہ اندوز اداروں اور افراد کے خلاف ایکشن کی تیاریاں کر لی گئی ہیں اور اس حوالے سے فنانس بل میں اہم قانون سازی متعارف کرانے کا فیصلہ کیا گیا ہے۔

فنانس بل کے مطابق ڈالر یا کسی بھی دوسری غیر ملکی کرنسی کی ذخیرہ اندوزی پر سزا دینے کے لیے قانون سازی کا فیصلہ کیا گیا ہے۔ ذخیرہ اندوزی پر قید اور جرمانے کی سزا کے لیے قانون سازی کی جائے گی۔

نئے قانون کا اطلاق غیر ملکی کرنسی کی ذخیرہ اندوزی کرنے والے اداروں اور افراد پر ہوگا، اس کے علاوہ بیرون ملک سے غیر ملکی کرنسی لانے کی حد بڑھانے کے لیے قوانین متعارف کرائے جا رہے ہیں جس کے مطابق بیرون ملک سے آنے والے ایک سال کے دوران ایک لاکھ ڈالر تک ساتھ لا سکیں گے۔

فنانس بل کے مطابق بیرون ملک سے ایک لاکھ ڈالر تک لانے والوں سے آمدن کا ذریعہ نہیں پوچھا جائے گا۔

دستاویز کے مطابق اس وقت ایک سال کے دوران 50 لاکھ روپے یا اس کے برابر غیر ملکی کرنسی ذریعہ آمدن ظاہر کیے بغیر پاکستان لائی جاسکتی ہے۔

اگلے مالی سال کے لیے وفاقی بجٹ آج پیش کیا جا رہا ہے اس بجٹ میں مختلف شعبوں کے لیے اہداف مقرر کر دیے گئے ہیں۔

آئندہ مالی سال 24-2023 کا وفاقی بجٹ آج پیش کیا جائے گا اس بجٹ میں اگلے ایک سال کے لیے مختلف شعبوں کے اہداف مقرر کر دیے گئے ہیں جن کی دستاویزات بھی اے آر وائی نیوز نے حاصل کرلی ہیں۔

دستاویز کے مطابق آئندہ مالی سال کیلیے لارج اسکیل مینو فیکچرنگ کی گروتھ کا ہدف 3.2 فیصد مقرر کیا گیا ہے جب کہ الیکٹرسٹی جنریشن اور گیس ڈسٹری بیوشن کی گروتھ کا ہدف 2.2 مقرر کیا گیا ہے۔

ہول سیل اینڈ ریٹیل سیکٹر کی گروتھ کا ہدف 2.8 فیصد، ٹرانسپورٹ اینڈ کمیونیکیشن شعبے کی گروتھ کا ہدف 5 فیصد، تعلیم کی گروتھ کا ہدف 3 فیصد مقرر کیا گیا ہے۔

دستاویز میں بتایا گیا ہے کہ نجی شعبے کی پیداواری گروتھ کا ہدف 5 فیصد، ریئل اسٹیٹ کے شعبے کی گروتھ کا ہدف 3.6 اور فنانشل اینڈ انشورنس کے شعبے کی گروتھ کا ہدف 3.7 فیصد مقرر کیا گیا ہے۔

آئندہ مالی سال 24-2023 کا وفاقی بجٹ آج پیش کیا جائے گا اس بجٹ میں آئندہ مالی سال کے ڈیولمپنٹ پلان کے لیے کچھ اہداف مقرر کیے گئے ہیں۔

آئندہ مالی سال 24-2023 کا وفاقی بجٹ آج پیش کیا جائے گا اس بجٹ میں آئندہ مالی سال کے ڈیولمپنٹ پلان کے لیے کچھ اہداف مقرر کیے گئے ہیں۔ جس کی دستاویز بھی اے آر وائی نیوز نے حاصل کرلی ہیں۔

ان دستاویز کے مطابق آئندہ مالی سال کیلیے جی ڈی پی گروتھ کا ہدف 3.5 فیصد مقرر کیا گیا ہے جب کہ زرعی شعبے کا ہدف 3.5 اور اہم فصلوں کا ہدف بھی 3.5 فیصد مقرر کیا گیا ہے۔

آئندہ مالی سال کیلیے صنعتوں کی پیداواری گروتھ کا ہدف 3.4 فیصد مقرر کیا گیا ہے جب کہ مینوفیکچرنگ کا ہدف 4.3 فیصد اور سروسز کے شعبے کا ہدف 3.6 فیصد مقرر کیا گیا ہے۔

دستاویز کے مطابق لائیو اسٹاک کا ہدف 3.6 فیصد، کاٹن کیننگ گروتھ کا ہدف 7.2 فیصد، جنگلات کی گروتھ اور فشنگ شعبے کی گروتھ کا ہدف 3 فیصد مقرر کیا گیا ہے۔

آئندہ مالی سال کے لیے بجٹ آج پیش کیا جائے گا وفاقی حکومت نے 1150 ارب روپے کا ترقیاتی بجٹ تجویز کیا ہے جس کی دستاویز اے آر وائی نیوز نے حاصل کرلیں۔

آئندہ مالی سال کے لیے بجٹ آج پیش کیا جائے گا وفاقی حکومت نے 1150 ارب روپے کا ترقیاتی بجٹ تجویز کیا ہے جس کی دستاویز اے آر وائی نیوز نے حاصل کرلیں جس میں مجوزہ ترقیاتی بجٹ کے خدوخال وضع کیے گئے ہیں۔

دستاویز کے مطابق سیلاب متاثرہ انفرا اسٹرکچر کی بحالی کے لیے 491 ارب روپے کا ترقیاتی بجٹ تجویز کیا گیا ہے۔ توانائی کے 101 منصوبوں کے لیے 102 ارب روپے مختص کیے جانے کی تجویز ہے۔

جام شورو میں 600 میگا واٹ کے 2 کول پاور پراجیکٹس کے لیے 12 ارب، سکھی کناری پاور پراجیکٹ کے لیے 12.5 ارب روپے کا ترقیاتی بجٹ مختص کیا گیا ہے۔

دستاویز کے مطابق ٹرانسپورٹ سیکٹر کیلیے 263 ارب، پانی کے82 منصوبوں کیلیے 167 ارب روپے کا ترقیاتی بجٹ رکھا گیا ہے اس کے علاوہ صحت کی 38 اسکیموں کے لیے 22 ارب روپے کا ترقیاتی بجٹ مختص کیا گیا ہے۔

ایچ ای سی کے 152 پراجیکٹس کیلیے 45 ارب روپے مختص کیے گئے ہیں۔ ان میں سے 42 ارب کے 138 منصوبے جاری ہیں جب کہ 2.6 ارب روپے کے 14 نئے منصوبے شامل ہیں۔

دستاویز میں وزارت تعلیم وتربیت کا ترقیاتی بجٹ 6.2 ارب روپے مختص کرنے کی تجویز ہے اس کے علاوہ ریلوے کے 33 منصوبوں کے لیے 32 ارب روپے مختص کیے گئے ہیں جن میں ریلوے بوگیوں کی خریداری کے لیے 15 ارب کا پراجیکٹ بھی شامل ہے۔

وفاقی ترقیاتی بجٹ میں پنجاب میں 6.3 ارب روپے کے 16 منصوبے، سندھ میں 4 ارب روپے کے7 منصوبے، خیبرپختونخوا میں 2.6 ارب روپے کے 8 منصوبے جب کہ بلوچستان میں 7.5 ارب روپے کے 27 منصوبے شامل کیے گئے ہیں۔ آزاد کشمیر اور گلگت بلتستان کے لیے 60 ارب روپ کا ترقیاتی بجٹ تجویز کیا گیا ہے جب کہ سابق فاٹا اور ضم شدہ اضلاع کے لیے 57 ارب روپے رکھے گئے ہیں۔

دستاویز کے مطابق وزارت سائنس کے 41 منصوبوں کے لیے 5.5 ارب، خوراک و زراعت 23 منصوبوں کیلیے 9.2 ارب، ایوی ایشن کے لیے 2.3 ارب کی جاری اور 2.4 ارب کی نئی اسکیمیں ترقیاتی بجٹ میں شامل کی گئی ہیں۔ پاکستان اٹامک انرجی کے 17 پراجیکٹس کے لیے 26 ارب روپے کا ترقیاتی بجٹ اور اسپارکو کے 6 ترقیاتی منصوبوں کے لیے 7 ارب روپے کا بجٹ مختص کیا گیا ہے۔

کابینہ ڈویژن کے تحت اراکین پارلیمنٹ کی 90 ارب کی نئی اسکیمیں بھی شامل کر دی گئی ہیں۔ مواصلات کے لیے 98 ارب مالیت کے 77 منصوبے ترقیاتی بجٹ میں شامل ہیں اس کے علاوہ وزارت ہاؤسنگ کے 90 جاری پراجیکٹس کے لیے 131 ارب روپے کا ترقیاتی بجٹ تجویز کیا گیا ہے۔

دستاویز میں بتایا گیا ہے کہ آئی ٹی سیکٹر کے 31 پراجیکٹس کے لیے 6 ارب روپے کا ترقیاتی بجٹ تجویز کیا گیا ہے، وزارت بین الصوبائی رابطہ کے کے لیے 1.9 ارب، وزارت داخلہ کے 32 ترقیاتی منصوبوں کے لیے 8 ارب، وزارت میری ٹائم کے 8 منصوبوں کے لیے2.3 ارب روپے کے ترقیاتی بجٹ تجاویز کیے گئے ہیں۔ وزارت منصوبہ بندی کے 23 منصوبوں کے لیے 33.8 ارب روپے اور ریونیو ڈویژن کے 16 ترقیاتی منصوبوں کے لیے 3.2 ارب روپے کا ترقیاتی بجٹ رکھا گیا ہے۔

این ایچ اے کے 10 ارب کے پراجیکٹ بلٹ آپریٹ، ٹرانسفر طریقہ کار کے تحت تعمیر ہونگے جب کہ حیدرآباد سکھر موٹر وے 150 ارب روپے کی لاگت سے پبلک پرائیویٹ پارٹنر شپ کے تحت شامل ہے۔