بھٹے کے چھلکے بھی کام کی چیز ہوتے ہیں، لاہور کی طالبہ نے حیرت انگیز طور پر ان چھلکوں سے ماحول دوست اور کارآمد اشیا تیار کرلی ہیں۔
اے آر وائی نیوز کے مطابق بھٹا نہ صرف کھانے کےلیے مفید ہے بلکہ اسکے چھلکے بھی کام میں لائے جاسکتے ہیں، پاکستان کی ایک ہونہار طالبہ نے اپنی لگن اور محنت سے بھٹے کے چھلکوں سے چمڑا کاغذ اور رسی سمیت مختلف کام کی چیزیں بنانے کا کارنامہ انجام دیا ہے،
بھٹے کے چھلکوں کو مختلف مراحل سے گزار کر کاغذ چمڑا، رسی اور دیگر چیزیں بنائی جاسکتی ہیں جو زرعی فضلے کو ماحول دوست انداز میں ری سائیکل کرتے ہیں۔
بھٹے کے پردوں کو رات بھر پانی میں بھگو کر اس کو ابالا جاتا ہے، پھر اس کے ریشوں کو خشک ہونے کے بعد کامبنگ کرکے اس سے لوم تیار کیا جاتا ہے۔
طالبہ سدرہ نے بتایا کہ فائبر ایکسٹریکشن کے عمل میں گودے کی طرح کا مٹیریل نکلتا ہے، جسے ہماری ٹیکسٹائل انڈسٹری زیادہ تر ضائع کردیت ہے
ان کا مزید کہنا تھا کہ میں فائبر سے دھاگہ بنایا ہے، اور گودے سے میں نے بائیو پلاسٹک، پیپر اور لیدر کی مختلف چیزیں بنائی ہیں۔
ہونہار طالبہ نے مزید کہا کہ اس سے لیدر بیگ بناتے ہیں، یہاں تک کہ اگر ہم اسے لیدر جیولری میں لے کر جاتے ہیں تو وہ آسانی سے بن سکتا ہے، آپ اس سے کارپیٹس بنا سکتے ہیں، آپ وال ہینگنگ بناسکتے ہیں،
سدرہ کہتی ہیں کہ پیپرز بنانے کےلیے ہر سال لاکھوں درخت کاٹے جاتے ہیں لیکن بھٹنے کے پردے سے بغیر درخت کاٹے پیپر بنایا جاسکتا ہے۔
