Author: ایس ایم شکیل

  • سندھ پولیس کے گریڈ 16 کے افسران کی اگلے گریڈ میں ترقی

    سندھ پولیس کے گریڈ 16 کے افسران کی اگلے گریڈ میں ترقی

    کراچی : سندھ حکومت نے گریڈ 16 کے پولیس افسران کو گریڈ 17 میں آفس سپرنٹنڈنٹ کے عہدے پر ترقی دے دی۔

    سندھ پولیس کے گریڈ 16 کے 62 ترقی کے منتظر سینئر موسٹ اسسٹنٹ کو گزیٹیڈ گریڈ 17 آفس سپرنٹنڈنٹ کے عہدے پر ترقی دے دی گئی۔

    اے آر وائی نیوز کی رپورٹ کے مطابق مذکورہ ترقی ان افسران کے 5 سال اسسٹنٹ گریڈ 16کے عہدے پر برقرار رہنے کے بعد دی گئی ہے۔

    رپورٹ کے مطابق ڈیپارٹمنٹل پروموشن کمیٹی ہوم ڈیپارٹمنٹ نے ان تمام پولیس افسران کو مؤرخہ 05.12.2024 کو اگلے عہدے پر ترقی کے لیے کنسیڈر کیا تھا۔

    ہوم ڈیپارٹمنٹ کی جانب سے اس کا باقاعدہ نوٹیفکیشن آج مورخہ 25.03.2025 کو جاری کردیا گیا ہے، تمام افسران کو نیا رینک مبارک ہو۔

    یاد رہے کہ سندھ حکومت نے پولیس کی تفتیشی صلاحیت مزید بہتر بنانے کیلیے 2 ہزار اے ایس آئی انویسٹی گیشن بھرتی کرنے کا فیصلہ کیا ہے۔

    اس حوالے سے گزشتہ روز چیف سیکریٹری سندھ آصف حیدر شاہ کی زیرِ صدارت سروس اسٹرکچر کمیٹی کا اجلاس ہوا جس میں متعدد اہم فیصلے کیے گئے۔

    انہوں نے کہا کہ تفتیشی صلاحیت کی بہتری کیلیے 2 ہزار اے ایس آئی بھرتی کریں گے، اقدام پولیس کی تحقیقاتی صلاحیتوں کو بہتر بنانے کیلیے اہم ہے۔ آصف حیدر شاہ نے کہا کہ پولیس کی انویسٹی گیشن برانچ بہتر بنا کر جرائم پر قابو پایا جائے گا۔

  • نارتھ ناظم آباد جم خانہ کے انتخابات کیلئے 3 رکنی کمیٹی تشکیل

    نارتھ ناظم آباد جم خانہ کے انتخابات کیلئے 3 رکنی کمیٹی تشکیل

    میئر کراچی مرتضیٰ وہاب نے نارتھ ناظم آباد جم خانہ کے انتخابات کے لیے تین رکنی کمیٹی تشکیل دے دی۔

    انہوں نے مینجمنٹ کمیٹی کے انتخابات کے لیے ایک 3 رکنی کمیٹی قائم کرنے کا نوٹیفکیشن بھی جاری کر دیا۔

    جاری کردہ نوٹیفکیشن کے مطابق کمیٹی 30 روز کے اندر انتخابات کرائے گی اور اس دوران روز مرہ کے امور کو دیکھے گی۔

    نوٹیفکیشن کے مطابق ضلع وسطی کے ڈپٹی کمشنر کمیٹی کے چیئرمین ہوں گے جبکہ ایس ایس پی اور سینئر ڈائریکٹر ثقافت و کھیل کے ایم سی کمیٹی کے رکن ہوں گے۔

    یاد رہے کہ رواں سال 31 دسمبر کو موجودہ مینجمنٹ کمیٹی کی مدت مکمل ہو رہی ہے۔

    نارتھ ناظم آباد جم خانہ کے ممبران اور منتخب باڈی کو بڑا ریلیف

  • میئر کراچی کا بڑا فیصلہ ،نارتھ ناظم آباد جمخانہ کے ممبران اور منتخب باڈی کو بڑا ریلیف

    میئر کراچی کا بڑا فیصلہ ،نارتھ ناظم آباد جمخانہ کے ممبران اور منتخب باڈی کو بڑا ریلیف

    میئر کراچی مرتضیٰ وہاب نے نارتھ ناظم آباد جمخانہ کے ممبران اور منتخب باڈی کو بڑا ریلیف دے دیا۔

    کے ایم سی نے نارتھ ناظم جمخانہ ٹرسٹ نامی غیرمستند ادارے کو ماننے سے انکار کردیا اور اس فیصلے کے تناظر میں نارتھ ناظم جمخانہ کے انتظامی امور میں نارتھ ناظم جمخانہ ٹرسٹ کا کوئی کردار نہیں رہا ہے۔

    نارتھ ناظم آباد جمخانہ ممبران کی منتخب باڈی ہی اس کے انتظام کو چلانے کا قانونی حق رکھتی ہے۔