Author: تقدیس احمد

فضا میں اؑڑتی اور پھولوں پر منڈلاتی رنگ برنگی تتلیاں تو آپ نے دیکھی ہوں گی لیکن آج ہم آپ کو پاکستان کا پہلا تتلی گھر دکھا رہے ہیں۔

یہ تتلی گھر لاہور میں بنایا گیا ہے جو اب تک پاکستان کا واحد تتلی گھر ہے، بلکہ جس وقت یہ بنایا گیا تھا تو اس وقت خطے کے کسی ملک میں تتلی گھر نہیں تھا۔

اس تتلی گھر میں ماہر حیاتیات سمیت تربیت یافتہ اسٹاف موجود ہے جو تتلیوں کی افزائش نسل، اقسام اور ان کی دیکھ بھال کرتا ہے۔

سینئر ماہر حیاتیات نازنین سحر نے اس حوالے سے دلچسپ معلومات دیتے ہوئے بتایا کہ ہر تتلی کا ایک الگ پودا ہوتا ہے جو اس کی نسل اور مزاج سے مطابقت رکھتا ہے۔ یہ تتلیاں اسی پودے کے پھول پر بیٹھ کر انڈے دیتی ہیں، ورنہ نہیں دیتیں۔ اس لیے اس کی شناخت کرنا کہ کس پودے پر وہ انڈے دے گی یہ بھی بہت چیلنجنگ ٹاسک ہوتا ہے۔

نازنین سحر نے بتایا کہ انڈے سیکنڈ فیز میں لاروا میں تبدیل ہوتے ہیں، تو انہیں لیب لے جایا جاتا ہے، جہاں ان کی فیڈنگ کرائی جاتی ہے۔ تیسرے مرحلے میں پیوپا بن کر لگ بھگ وہ تتلی کی شکل اختیار کر لیتے ہیں اور آخری مرحلے میں وہ مکمل تتلی بن جاتے ہیں۔

ماہر حیاتیات نے بتایا کہ انڈوں سے تتلی بننے کا تک عمل 35 سے 40 دن پر مشتمل ہوتا ہے۔ تاہم ایک تتلی کی زندگی انتہائی مختصر ہوتی ہے جو عام طور پر 7 سے 8 دن یا زیادہ سے زیادہ 15 دن ہوتی ہے۔

ان کا کہنا تھا کہ لوگ یہاں تفریح کے لیے آتے ہیں تو تتلی گھر دیکھ کر حیران اور خوش ہوتے ہیں۔ بالخصوص بچوں کے لیے یہ انوکھا تجربہ ہوتا ہے۔ ہم یہاں آنے والوں کو تتلیوں کے بارے میں مکمل معلومات بھی فراہم کرتے ہیں۔

ماہر حیاتیات کا کہنا تھا کہ تتلی اگرچہ ایک کیڑا ہے، لیکن آلودگی کے خاتمے میں اہم کردار ادا کرتی ہے۔

لوگوں نے جہاز کو آسمان پر اڑتے دیکھا ہوگا یا ایئرپورٹ پر کھڑے ہوئے مگر لاہور شہر کے بیچوں بیچ پی آئی اے کا جہاز حیران کن منظر پیش کرتا ہے۔

لاہور کے مرکزی علاقے میں صرف پی آئی اے کا طیارہ ہی کھڑا نہیں بلکہ بہت سارے لوگ جن میں بچے اور بڑے سب شامل ہیں۔ جوش وخروش سے سیڑھیاں چڑھتے جہاز کے اندر جا رہے ہیں۔

اس حوالے سے لاہور کے ایک پرانے شہری نے جہاز کی تاریخ بتاتے ہوئے کہا کہ پی آئی اے کا یہ طیارہ 70 سال پرانا ہے اور تقریباً 40 سال سے تو لاہور میں اسی مقام پر کھڑا ہے۔

انہوں نے بتایا کہ 1987 میں یہ جہاز کراچی سے لاہور لایا گیا تھا۔ دو سال تک ایئرپورٹ پر کھڑا رہنے کے بعد اس کو یہاں منتقل کر دیا گیا۔

ایک نوجوان جس شہر کے بیچوں بیچ جہاز دیکھ کر حیران رہ گیا وہ تجسس میں یہاں آیا اور اے آر وائی نیوز سے گفتگو کرتے ہوئے بتایا کہ ہم نے پہلے یہی سنا تھا کہ لاہور میں ایک ہی علامہ اقبال انٹرنیشنل ایئرپورٹ ہے، لیکن جب یہاں سے گزرے تو پتہ چلا کہ یہاں بھی ایک ایئرپورٹ ہے تو دیکھنے کے لیے آ گئے۔

ایک اور شہری جو اپنے بچوں کے ساتھ یہاں تفریح کے لیے آئے ہوئے تھے۔ انہوں نے بتایا کہ پہلے وہ اپنے والد کے ساتھ یہاں آتے تھے اور اب وہ اپنے بچوں کو یہاں ساتھ لاتے ہیں۔

ان کا کہنا تھا کہ یہاں کھڑا پی آئی اے کا یہ جہاز ان افراد کے لیے جنہوں نے کبھی جہاز میں سفر نہیں کیا یا سوار نہیں ہوئے۔ تجربہ حاصل کرنے کے لیے اچھی چیز ہے۔

بچے جہاز میں آکر خوش ہیں لیکن سب سے زیادہ خوشی ان بچوں کو ہو رہی ہے۔ جنہیں کھڑی کے ساتھ والی سیٹ ملی ہے، لیکن جہاز کی اس کھڑی سے ان بچوں کو بادلوں کے بجائے لاہور کی سڑکیں ہی نظر آتی ہیں۔

جہاز میں آنے والے تمام بڑے ہوں یا بچے جہاز کی سیٹوں پر بیٹھ کر خود کو مسافر تصور کرتے ہیں۔ خوب انجوائے کرتے ہیں اور جہاز میں سفر کا تصور کر کے لطف اندوز ہوتے ہیں۔