Author: طارق منیر بٹ

لاہور: وزیراعلیٰ پنجاب چوہدری پرویزالہیٰ نے سیلاب متاثرین کی مالی امداد کا اعلان کردیا ہے۔

تفصیلات کے مطابق وزیراعلیٰ پنجاب چوہدری پرویزالہیٰ کی زیرصدارت اہم اجلاس ہوا، اجلاس میں سیلاب متاثرہ علاقوں میں امدادی سرگرمیوں کا جائزہ لیا گیا۔

اجلاس میں متعلقہ حکام سے تفصیلی بریفنگ کے بعد وزیراعلیٰ پنجاب چوہدری پرویزالٰہی سیلاب سے جاں بحق افراد کے لواحقین کو 8، آٹھ لاکھ فی کس دینے کا اعلان کیا۔

انہوں نے متعلقہ حکام کو ہدایت دی کہ نقصانات کا تخمینہ لگ اکرمتاثرہ افراد کی مالی معاونت کی جائے۔

یہ بھی پڑھیں: یواے ای سیلاب، وزیراعظم کا قیمتی جانی نقصان پر اظہار افسوس

اجلاس میں چوہدری پرویزالٰہی نے متاثرہ علاقوں میں سڑکوں کی جلد تعمیر ومرمت کا حکم دیا اور کہا کہ سڑکوں کی بحالی کا کام جنگی بنیادوں پرشروع کیا جائے۔

وزیراعلیٰ پنجاب نے محکمہ صحت کے حکام کو ہدایت دی کہ سیلاب متاثرین کو وبائی امراض سےبچاؤکی ویکسین بھی لگائی جائے جبکہ محکمہ خوراک کو سیلاب متاثرین میں خشک راشن تقسیم کرنے کا حکم دیا۔

انہوں نے اجلاس میں متعلقہ حکام کو سخت ہدایت جاری کی کہ تمام متعلقہ محکمے مربوط انداز سے ریلیف کی سرگرمیوں کومزید تیزکریں، ڈی واٹرنگ پمپس کےذریعےسیلابی پانی کی نکاسی کو یقینی بنایاجائے،میں خود بھی جلد سیلاب متاثرہ علاقوں کا دورہ کروں گا۔

مسلم لیگ ق کی سینٹرل ورکنگ کمیٹی کا اجلس طلب کرلیا گیا ہے جس میں چوہدری شجاعت کی پارٹی صدارت سے متعلق بڑے فیصلے کا امکان ہے۔

اے آر وائی نیوز کے مطابق مسلم لیگ ق کی سینٹرل ورکنگ کمیٹی کا اجلس طلب کرلیا گیا ہے جس میں چوہدری شجاعت کی پارٹی صدارت سے متعلق بڑے فیصلے کا امکان ہے۔

اس حوالے سے ذرائع نے اے آر وائی نیوز کو بتایا کہ سینٹرل ورکنگ کمیٹی پارٹی صدر اور جنرل سیکریٹری کے اختیارات ختم کرسکتی ہے۔ کمیٹی اسپیکر پنجاب اسمبلی کے انتخاب کے لیے پارلیمانی پارٹی کو ہدایت دے گی۔

ذرائع کے مطابق مسلم لیگ ق کی سینٹرل ورکنگ کمیٹی کا اجلاس چوہدری شجاعت کے نئے خط کا راستہ روکنے کیلیے طلب کیا گیا ہے۔ ذرائع نے یہ بھی بتایا کہ اجلاس وزیراعلیٰ پنجاب پرویز الہٰی کی ہدایت پر بلایا جارہا ہے۔

واضح رہے کہ وزیراعلیٰ پنجاب کے انتخاب کے موقع پر اچانک خط نمودار ہونے پر چوہدری شجاعت ملکی سیاست میں موضوع بحث بنے ہوئے ہیں۔

وزیراعلیٰ کے انتخاب سے کچھ وقت قبل اچانک ق لیگ کے سربراہ چوہدری شجاعت حسین نے پرویز الہٰی کو وزیر اعلیٰ کے لیے ووٹ دینے سے معذرت کرلی تھی اور اس حوالے سے ایک خط تحریر کیا تھا۔

یہ بھی پڑھیں: چوہدری شجاعت نے پرویزالٰہی کو ووٹ دینے سے معذرت کرلی

پنجاب اسمبلی میں وزیراعلیٰ کے انتخاب کی ووٹنگ مکمل ہونے کے بعد ڈپٹی اسپیکر دوست مزاری نے اسی خط کی بنیاد پر ق لیگ کے 10 ووٹ مسترد کرکے حمزہ شہباز کی کامیابی کی رولنگ دی تھی جو بعد ازاں سپریم کورٹ نے کالعدم قرار دے دی تھی۔

لاہور: گورنر پنجاب بلیغ الرحمان نے چوہدری پرویز الٰہی سے حلف لینے سے انکار کردیا۔

اے آر وائی نیوز کے مطابق گورنر پنجاب بلیغ الرحمان کے پرویز الٰہی سے حلف لینے سے انکار کے بعد صدر مملکت ڈاکٹر عارف علوی ان سے وزارت اعلیٰ کا حلف لیں گے۔

ذرائع کے مطابق پرویز الٰہی وزیر اعلیٰ پنجاب کا حلف لینے گورنر ہاؤس پہنچ گئے ہیں لیکن گورنر ہاؤس کے دروازے بند ہونے پر انہیں داخلے کی اجازت نہیں ملی ہے۔

ذرائع کا بتانا ہے کہ پی ٹی آئی رہنماؤں کو بھی گورنر ہاؤس میں داخلے کی اجازت نہیں ملی ہے۔

https://urdu.arynews.tv/supreme-court-dicision-d-speaker-rolling/

گورنر ہاؤس کے گیٹ بند ہیں جبکہ ق لیگ اور پی ٹی آئی رہنماؤں کی بڑی تعداد باہر موجود ہے جبکہ گورنر ہاؤس کے باہر گورنر پنجاب اور حکومت کے خلاف نعرے لگائے جارہے ہیں۔

واضح رہے کہ سپریم کورٹ نے اپنے حکم نامے میں کہا تھا کہ گورنر آج رات ساڑھے 11 بجے پرویز الٰہی سے حلف لیں اور اگر گورنر پنجاب حلف نہیں لے سکتے تو صدر مملکت پرویز الٰہی سے حلف لیں۔

مسلم لیگ (ن) کی سینئر قیادت کی جانب سے پارٹی کی نائب صدر مریم نواز کو پنجاب میں گرفت کے لیے ذمہ داری سونپنے کا فیصلہ کیا گیا ہے۔

ذرائع کے مطابق مسلم لیگ (ن) کے قائد نواز شریف نے وزیر اعظم شہباز شریف اور مریم نواز سمیت پارٹی کے سینئر رہنماؤں سے رابطہ کیا اور وزارت اعلیٰ پنجاب، الیکشن اور سیاسی صورتِ حال پر بات چیت کی۔

سابق وزیر اعظم نواز شریف نے کہا کہ 17 جولائی انتخابات کے بعد مسلم لیگ (ن) کو دوبارہ منظم کیا جائے، ملکی حالات کے پیشِ نظر کسی وقت بھی الیکشن ہو سکتے ہیں۔

ذرائع کے مطابق سینئر رہنماؤں سے گفتگو میں پنجاب میں گرفت کے لیے مریم نواز کو ذمہ داری سونپنے کا فیصلہ کیا گیا۔ نواز شریف کی سابق صدر آصف علی زرداری اور پی ڈی ایم سربراہ فضل الرحمٰن سے بھی ٹیلی فونک گفتگو ہوئی۔

پاکستان مسلم لیگ ق کے سربراہ چوہدری شجاعت نے کہا ہے کہ میں پرویز الہٰی کے ساتھ ہوں اور خط سے متعلق باتیں جھوٹ کا پلندہ ہیں۔

اے آر وائی نیوز کے مطابق پاکستان مسلم لیگ ق کے سربراہ چوہدری شجاعت حسین نے وزیراعلیٰ پنجاب کے امیدوار چوہدری پرویز الہٰی کے خلاف خط جاری کرنے کی افواہوں کی تردید کرتے ہئوے کہا ہے کہ میں پرویز الہٰی کے ساتھ ہوں اور خط سے متعلق باتیں جھوٹ کا پلندہ ہیں۔

چوہدری شجاعت حسین نے مونس الہٰی سے گفتگو کرتے ہوئے کہا کہ میں نے پرویز الہٰی کے خلاف کوئی لیٹر جاری نہیں کیا اور نہ ہی ایسا سوچ سکتا ہوں کہ ان کے خلاف کوئی لیٹر جاری کروں۔

 سپریم کورٹ کے حکم پر وزیراعلیٰ پنجاب کے انتخاب کے لیے اسمبلی کا اجلاس دو گھنٹے سے زائد وقت سے تاخیر ہے اور پی ٹی آئی اس تاخیر کے خلاف توہین عدالت کی درخواست دائر کرنے جا رہی ہے۔

دوسری جانب پنجاب اسمبلی اجلاس شروع ہونے میں غیر معمولی تاخیر کے بعد مونس الہٰی بھی اسمبلی سے واپس گھر روانہ ہوگئے تھے۔

واضح رہے کہ ن لیگ کی جانب سے ق لیگی ارکان کے حوالے سے جعلی لیٹر لانے کے خدشے کے پیش نظر سربراہ ق لیگ چوہدری شجاعت کا ویڈیو پیغام ریکارڈ کرایا جائے گا۔