اسلام آباد: وزیر اعظم شہباز شریف اور چیئرمین پاکستان پیپلز پارٹی بلاول بھٹو زرداری کے درمیان آج ہونے والی اہم ملاقات کا اندرونی احوال سامنے آگیا۔

ذرائع نے اے آر وائی نیوز کو بتایا کہ شہباز شریف اور بلاول بھٹو نے ملاقات میں 27ویں آئینی ترمیم کیلیے پارلیمنٹ کو متحرک کرنے اور سربراہ جمعیت علمائے اسلام (ف) مولانا فضل الرحمان کو پہلے سے آن بورڈ لینے کا فیصلہ کیا گیا۔

ذرائع نے بتایا کہ ملاقات میں آئینی ترمیم کیلیے دوبارہ دوتہائی اکثریت حاصل کرنے پر مشاورت کی گئی، دونوں جماعتوں کے آئینی و قانونی ماہرین 27ویں ترمیم کیلیے کل سے اسلام آباد میں بیٹھیں گے۔

مزید بتایا گیا کہ بلاول بھٹو اس حوالے سے مسلم لیگ (ن) کے قائد نواز شریف سے بھی رابطہ کریں گے جو اس وقت لندن میں موجود ہیں، مختصر وقفے کے بعد کل سے دوبارہ اسلام آباد میں سیاسی جوڑ توڑ شروع ہوگا۔

’27ویں آئینی ترمیم کب آئے گی یہ پتا نہیں لیکن آنی ضرور ہے‘

قبل ازیں، گورنر خیبر پختونخوا فیصل کریم کنڈی نے اپنے بیان میں کہا کہ 27ویں آئینی ترمیم اب کب آئے گی یہ پتا نہیں لیکن آنی ضرور ہے۔

فیصل کریم کنڈی نے کہا کہ ماضی میں بہت سی غلطیاں ہوئی ہیں، 19ویں آئینی ترمیم غلط ہوئی تھی ہم نے مانا ہے، پاکستان کے ہر شہری کو آئین نے تحفظ دیا ہے انصاف ملنا چاہیے۔

ان کا کہنا تھا کہ ملک میں انصاف کا نظام ٹھیک ہوگا تو ملک ٹھیک ہو جائے گا۔

لاہور: موٹروے ایم 2 بھیرہ کے قریب سے گاڑی سے ایک ہی خاندان کے 4 افراد کی لاشیں برآمد ہوئی تھیں۔

اے آر وائی نیوز کے مطابق موٹروے ایم 2 بھیڑہ کے قریب لاہور کے ایک خاندان کے 4 افراد جاں بحق اور ایک نوجوان بیہوش ہوگیا تھا۔

بچ جانے والے نوجوان نے بتایا کہ زہریلا جوس یا پیٹس کھائے تھے۔

انہوں نے بتایا کہ بیکری سے پیٹس اور جوس لے کر ہم نے کھائے تھے جس کے بعد سارے بیہوش ہوگئے تھے، گاڑی کس طرح حادثے کا شکار ہوئی کچھ پتا نہیں چل سکا۔

مذکورہ شخص کا کہنا تھا کہ موٹروے پولیس نے گاڑی کے شیشے توڑ کر سب لوگوں کو باہر نکالا تھا، پولیس حکام نے بتایا کہ جب مجھے باہر نکالا تو مجھے الٹی ہوئی، بھتیجے کی بھی سانسیں چل رہی تھیں، باقی والدہ، بہن اور بھابھی کی موت ہوگئی تھی۔

واضح رہے کہ چند روز قبل سالم کے قریب موٹروے پر کار سے 4 افراد کی لاشیں برآمد ہوئی تھیں، جنہیں اسپتال منتقل کردیا گیا تھا۔

ریسکیو حکام کا کہنا تھا کہ چاروں افراد زہر خورانی کی وجہ سے جاں بحق ہوئے ہیں، 3 خواتین اور ایک بچے کی لاشیں اسپتال منتقل کردی گئی ہے۔

ریسکیو حکام نے بتایا تھا کہ کار ڈرائیور بیہوشی کی حالت میں پایا گیا ہے، جبکہ زہر خورانی کا شکار فیملی کا تعلق لاہور سے ہے۔

لاہور: مسلم لیگ (ن) کی چیف آرگنائزر مریم نواز اور سابق رکن قومی اسمبلی تہمینہ دولتانہ کے درمیان پارلیمانی بورڈ کے اجلاس میں تلخ جملوں کو تبادلہ ہوا۔

مسلم لیگ (ن) کے پارلیمانی بورڈ کے اجلاس میں خواتین کے مخصوص نشستوں پر انٹرویوز کیے گئے۔ اس موقع پر لاہور سے تعلق رکھنے والی (ن) لیگی ورکر مدیحہ نیازی نے اعلیٰ قیادت سے شکوہ کیا۔

مدیحہ نیازی نے کہا کہ ہماری قربانیاں نظر انداز کی گئیں اور پوری بات نہیں سنی گئی، میاں صاحب (نواز شریف) ہم سفارشی اور رشتہ دار نہیں۔

اس پر مریم نواز نے کہا کہ آپ کی بات سن لی اب بیٹھ جائیں۔ مدیحہ نیازی نے کہا کہ بیٹھنے نہیں قربانیاں گنوانے آئی ہوں بات پوری کروں گی۔

ذرائع نے بتایا کہ اجلاس میں کئی خواتین ورکرز اپنی قربانیاں گنواتے ہوئے آبدیدہ ہوگئیں۔ قیادت کی جانب سے حنا پرویز بٹ کی تعریف کیے جانے پر کئی ورکرز سیخ پا ہوگئیں۔

اجلاس میں مریم نواز اور تہمینہ دولتانہ میں تلخ جملوں کا تبادلہ ہوا۔ تہمینہ دولتانہ نے کہا کہ میں نے اپنے علاقے میں بہت کام کیا۔ اس پر مریم نواز نے کہا کہ علاقے کی کہانی نہ سنائیں یہ بتائیں پارٹی کیلیے کیا کیا؟

نواز شریف نے مداخلت کرتے ہوئے کہا کہ خواتین ہماری طاقت ہیں پارٹی آپ کی وجہ سے آگے بڑھ رہی ہیں۔