Author: الفت مغل

مظفرآباد: آزاد کشمیر کے  ضلع ہٹیاں بالا میں منعقد مسلم لیگ ن کے جلسے میں نوٹوں کی بارش ہوگئی۔

اے آر وائی نیوز کے مطابق مسلم لیگ ن کی مقامی قیادت نے آزاد کشمیر کے ضلع ہٹیاں بالا میں جلسے کا انعقاد کیا، جس میں نائب صدر مریم نواز نے شرکت کی۔

مریم نواز کی پنڈال آمد کے موقع پر قائدین نے 10، 10  اور 50 کے نوٹوں کی گڈیاں نچھاور کیں، جلسہ گاہ میں موجود دیگر کارکنان ان نوٹوں کو جمع کرنے میں مصروف رہے، جس کی وجہ سے دھکم پیل بھی ہوئی۔

نمائندہ اے آر وائی نیوز کے مطابق مسلم لیگ ن کے کارکنان کی روایت ہے کہ وہ قائدین کی آمد پر نوٹ نچھاور کرتے ہیں، جن کی بے حرمتی بھی ہوتی ہے کیونکہ یہ کارکنان کے پیروں میں آتے ہیں۔

مزید پڑھیں: مظفرآباد: ن لیگ کا جلسہ مریم نواز کی وجہ سے بدمزدگی کا شکار

مریم نواز پر بھی کچھ نوٹ آکر گرے مگر وہ اس سارے منظر سے محظوظ ہوتی رہیں اور کسی کو قائد اعظم کی تصویر اور نوٹ کی تضحیک سے نہیں روکا۔ علاوہ ازیں کچھ لوگوں نے مریم نواز کے ہاتھوں100 ، 100 کے نوٹ بھی تھمائے۔

لاہور: چیئرمین پیپلزپارٹی بلاول بھٹو زراری اور چوہدری برادران کے درمیان ہونے والی ملاقات کی اندرونی کہانی سامنے آگئی۔

اے آر وائی نیوز کی رپورٹ کے مطابق ذرائع کا کہنا ہے کہ چیئرمین پیپلزپارٹی بلاول بھٹو زرداری نے چوہدری برادران سے چیئرمین سینیٹ انتخاب میں حمایت مانگی لیکن انہیں چیئرمین سینیٹ انتخاب کے لیے ق لیگ کا تعاون نہ مل سکا۔

چوہدری برادران نے کہا کہ حکومت کے اتحادی ہیں اور ساتھ کھڑے ہیں، حکومت سے وعدہ کرچکے کہ انہیں ووٹ دیں گے، ہمارا شیوہ نہیں کہ ہر ملنے والے سے وعدہ کرلیں۔

ذرائع کا کہنا ہے کہ ق لیگ کا سینیٹر چیئرمین سینیٹ کے لیے ووٹنگ میں حکومتی امیدوار کو ہی سپورٹ کرے گا۔

اس سے قبل بلاول بھٹو زرداری، چوہدری برادران کی رہائش گاہ پہنچے تھے، بلاول بھٹو کی چوہدری شجاعت حسین اور چوہدری پرویز الٰہی سے ملاقات ہوئی تھی جس میں طارق بشیر چیمہ، مونس الٰہی، سالک حسین، حسین الٰہی موجود تھے، قمر زمان کائرہ، جمیل سومرو بھی ملاقات میں موجود تھے۔

بلاول بھٹو نے چوہدری شجاعت حسین سے خیریت دریافت کی تھی، بلاول اور چوہدری برادران کے درمیان سیاسی صورت حال پر بات چیت ہوئی، بلاول نے چوہدری برادران سے چیئرمین سینیٹ کے لیے ووٹ مانگا تھا۔