Author: وقاص صفدر

پاکستان کے اہم فاسٹ بولر حارث رؤف کے دورہ آسٹریلیا سے باہر ہونے کی وجہ سامنے آگئی۔

شان مسعود کی قیادت میں دورۂ آسٹریلیا کے لیے پاکستان کی اٹھارہ رکنی ٹیسٹ ٹیم کا اعلان کردیا گیا ہے۔ اس دورہ میں پاکستان کرکٹ ٹیم 14 دسمبر سے 7 جنوری کے درمیان تین ٹیسٹ میچوں کی سیریز کھیلے گی۔

پاکستانی ٹیم کا اعلان چیف سلیکٹر وہاب ریاض نے کیا۔ یہ چیف سلیکٹر بننے کے بعد وہاب ریاض کا پہلا اسائنمٹ ہے۔ وہ گزشتہ ہفتے چیف سلیکٹر بنائے گئے تھے۔

وہاب ریاض کا بتانا ہے کہ فاسٹ بولر حارث رؤف نے آسٹریلیا کے ٹوور سے معذرت کر لی ہے، نسیم شاہ اگلے تین ہفتے میں فٹ ہوں گے جبکہ محمد حسنین کو ایک سے دو ہفتے کا مزید وقت لگے گا۔

چیف سلیکٹر وہاب ریاض نے کہا کہ شاداب خان، اسامہ میر، عثمان قادر ، شاہ نواز دہانی، محمد نواز ٹیسٹ کیمپ کو جوائن کریں گے ان کے علاوہ ارشد اقبال اور کاشف علی اضافی فاسٹ بولرز کے طور پر کیمپ میں شامل ہوں گے۔

وہاب نے ایک متاثر کن کھلاڑی کے طور پر رؤف کے کردار پر زور دیا اور ٹیسٹ کرکٹ میں اپنی صلاحیتوں کو بروئے کار لانے کی ضرورت کا اظہار کیا۔ انہوں نے کہا کہ انتظامیہ نے ابتدائی طور پر رؤف کے ساتھ معاہدہ کیا تھا، ان سے توقع تھی کہ وہ روزانہ 10 سے 12 اوورز کرائیں گے تاہم رؤف اس پر راضی نہیں ہوئے۔

چیف سیلکٹر کے بقول وہ ایک متاثر کن کھلاڑی ہے اور ہمیں اسے ٹیسٹ کرکٹ میں استعمال کرنے کی ضرورت ہے ہم نے ان سے صرف 10 سے 12 اوورز روزانہ کرنے کا مطالبہ کیا۔ یہ بھی کہ انہوں نے حال ہی میں ایک روزہ کرکٹ میں باؤلنگ کی۔ مسئلہ صرف ہمارے باؤلرز کا ہے جو 140+ گیند بازی کر سکتے ہیں وہ اس وقت ان فٹ ہیں لہذا، ایک کھلاڑی کے طور پر آپ کو قربانی دینے کی ضرورت ہے اور آپ کو پیچھے ہٹنے کے بجائے پاکستان کے لیے کھیلتے ہوئے دیکھنا ہوگا۔

محمد عمران اور محمد عباس آفریدی کی عمدہ بولنگ اور وکٹ کیپر بیٹر محمد حارث کی آل راؤنڈ کارکردگی کے نتیجے میں پشاور ریجن کی ٹیم پاکستان کپ ایکروزہ کرکٹ ٹورنامنٹ کی چیمپئن بن گئی۔

اتوار کے روز پنڈی کرکٹ اسٹیڈیم میں کھیلے گئے فائنل میں پشاور نے کراچی وائٹس کو5 وکٹوں سے ہرادیا۔محمد عمران نے چار اور عباس آفریدی نے تین وکٹیں حاصل کیں اور کراچی وائٹس کو صرف 103 رنز پر آؤٹ کردیا۔

پشاور نے یہ ہدف پانچ وکٹوں کے نقصان پر حاصل کرلیا۔

پشاور نے ٹاس جیت کر کراچی وائٹس کو بیٹنگ دی جو31.2 اوورز کی بیٹنگ میں صرف 103رنز بناکر آؤٹ ہوگئی۔

کراچی وائٹس کی اننگز کسی بھی موقع پر لیفٹ آرم فاسٹ بولر محمد عمران اور رائٹ آرم فاسٹ بولر عباس آفریدی کے سامنے سنبھل نہ سکی۔اعظم خان پانچ چوکوں کی مدد سے 30 رنز بناکر ٹاپ اسکورر رہے۔ کپتان سرفراز احمد نے دو چوکوں کی مدد سے 22 رنز بنائے۔صائم ایوب 11 رنز بناکر آؤٹ ہوئے۔

محمد عمران نے28 رنز دے کر4 وکٹیں حاصل کیں جو لسٹ اے ون ڈے میں ان کی بہترین انفرادی بولنگ ہے۔ عباس آفریدی نے20 رنز کے عوض 3 کھلاڑی آؤٹ کیے۔

وکٹ کیپر محمد حارث نے چار جبکہ افتخار احمد نے تین کیچز کیے۔

پشاور ریجن کی اننگز میں کپتان صاحبزادہ فرحان ایک چھکے اور دو چوکوں کی مدد سے 16 رنز بناکر آؤٹ ہوئے ۔اس کے بعد محمد حارث نے ایک چھکے اور سات چوکوں کی مدد سے46 رنز کی اننگز کھیلی ۔ اگرچہ کراچی وائٹس کے بولرز اس دوران پانچ وکٹیں حاصل کرنے میں کامیاب ہوگئے لیکن ہدف کم ہونے کی وجہ سے وہ پشاور کو جیت سے نہ روک پائے۔عادل امین دو چوکوں کی مدد سے 14 رنز بناکر ناٹ آؤٹ رہے۔

محمد عمران پلیئر آف دی فائنل قرار پائے۔

حسیب اللہ ٹورنامنٹ کے پہترین کھلاڑی قرار پائے وہ ٹورنامنٹ کے بہترین وکٹ کیپربھی رہے۔

صائم ایوب بہترین بیٹر قرار پائے۔

زاہد محمود اور عباس آفریدی ٹورنامنٹ کے بہترین بولر رہے۔

مختصر اسکور:
کراچی وائٹس 103 رنز ( 31.2 اوورز ) اعظم خان 30، سرفراز احمد22، محمد عمران 28 / 4 وکٹ، عباس آفریدی 20 / 3 وکٹ۔

پشاور 108 رنز 5 کھلاڑی آؤٹ ( 17.2 اوورز ) محمد حارث 46، نعمان علی 19 / 2 وکٹ۔

ورلڈکپ سیمی فائنل تک پہنچنے میں ناکام رہنے کے باوجود پاکستان ایک قابل ذکر انعامی رقم حاصل کرے گا۔

قومی ٹیم ورلڈ کپ کی انعامی رقم کے ایک حصے کی حقدار ہے۔

گروپ مرحلے میں ہر میچ جیتنے والے کو $40,000 ملتے ہیں۔ پاکستان کے چار میچ جیتنے کے بعد، اسے کل 160,000 ڈالر ملیں گے۔

سیمی فائنل سے پہلے ٹورنامنٹ سے باہر ہونے والی ٹیموں کو $ 100,000 انعام دیا جائے گا جس سے ورلڈ کپ میں پاکستان کو $ 260,000 کی مجموعی آمدنی کا حصہ ملے گا۔

کرکٹ ورلڈ کپ کی کل انعامی رقم 10 ملین ڈالر ہے، جس میں چیمپئنز کو 4 ملین ڈالر ملیں گے۔ رنرز اپ کو 2 ملین ڈالر دیئے جائیں گے جبکہ سیمی فائنل ہارنے والے ہر ایک کو 800,000 ڈالر ملیں گے۔

اگرچہ پاکستان سیمی فائنل میں جگہ نہیں بنا سکا لیکن مالی فوائد نے ان کی ورلڈ کپ مہم کو چار چاند لگا دیے ہیں۔

پاکستان کپ ایک روزہ کرکٹ ٹورنامنٹ کے پہلے راؤنڈ میں لاہور وائٹس، ملتان، پشاور اور راولپنڈی نے اپنے اپنے میچز جیت لیے۔ ان میچوں کی خاص بات شرجیل خان کی سنچری، احمد دانیال کی پانچ وکٹیں اور وکٹ کیپنگ میں عمیر مسعود کے پانچ کیچز کی عمدہ کارکردگی تھی۔

پنڈی کرکٹ اسٹیڈیم میں لاہور وائٹس نے لاہور بلوز کو67 رنز سے ہرادیا۔ لاہور بلوز نے ٹاس جیت کر لاہور وائٹس کو بیٹنگ دی جس نے مقررہ 45 اوورز میں آٹھ وکٹوں پر 199 رنز بنائے۔کامران افضل نے چار چوکوں اور ایک چھکے کی مدد سے 45 رنز بنائے اور آؤٹ نہیں ہوئے۔ طیب طاہر نے پانچ چوکوں اور ایک چھکے کی مدد سے 42 رنز اسکور کیے۔

وکٹ کیپر جنید علی نے ایک اسٹمپڈ اور تین کیچز کیے۔ عثمان قادر، عمید آصف اور سلمان ارشاد نے دو دو وکٹیں حاصل کیں۔

لاہور بلوز کی ٹیم جواب میں 27 اوورز میں 132 رنز بناکر آؤٹ ہوگئی۔ہاشم ابراہیم نے پانچ چوکوں کی مدد سے 36 رنز بنائے۔احمد دانیال نے33 رنز دے کر5 وکٹیں حاصل کیں۔

میرپور کرکٹ اسٹیڈیم میں پشاور نے کراچی وائٹس کو7 وکٹوں سے ہرادیا۔ پشاور نے ٹاس جیت کر کراچی وائٹس کو بیٹنگ دی جو43.4 اوورز میں 205 رنز بناکر آؤٹ ہوگئی۔دانش عزیز ایک چوکے اور دو چھکے کی مدد سے 53 اور شان مسعود چار چوکوں کی مدد سے42 رنز بناکر نمایاں رہے۔

محمد الیاس نے53 رنز دے کر4 وکٹیں حاصل کیں۔محمد عمران نے تین کھلاڑی آؤٹ کیے۔ پشاور نے 44.3 اوورز میں تین وکٹوں پر ہدف حاصل کرلیا۔ زین خان نے تین چوکوں اور دو چھکوں کی مدد سے56 رنز بنائے۔عادل امین چار چوکوں اور ایک چھکے کی مدد سے 57رنز اور نبی گل پانچ چوکوں اور ایک چھکے کی مدد سے 50رنز بناکر ناٹ آؤٹ رہے۔ دونوں نے چوتھی وکٹ کی ناقابل شکست شراکت میں 114 رنز کا اضافہ کیا۔

شعیب اختر کرکٹ اسٹیڈیم راولپنڈی میں ملتان نے فیصل آباد کو4 وکٹوں سے شکست دیدی۔ ملتان نے ٹاس جیت کر فیصل آباد کو بیٹنگ دی جس نے 42 اوورز میں8 وکٹوں پر214 رنز بنائے۔ فہیم اشرف نے دو چوکوں اور دو چھکوں کی مدد سے60 رنز بنائے اور آؤٹ نہیں ہوئے۔ محمد سلیم نے پانچ چوکوں کی مدد سے53 رنز اسکور کیے۔ سراج الدین نے 39 رنز دے کر3 وکٹیں حاصل کیں۔ ملتان نے شرجیل خان کی سنچری کی بدولت 39.2اوورز میں چھ وکٹوں پر مطلوبہ اسکور پورا کرلیا۔شرجیل خان نے 69 گیندوں پر 100 رنز اسکور کیے جس میں 12چوکے اور 6چھکے شامل تھے۔خرم شہزاد نے 53 رنز دے کر تین وکٹیں حاصل کیں۔

ایبٹ آباد کرکٹ اسٹیڈیم میں راولپنڈی نے فاٹا کو16 رنز سے ہرادیا۔ فاٹا نے ٹاس جیتا اور پہلے راولپنڈی کو بیٹنگ دینے کا فیصلہ کیا جو 42.4 اوورز میں 170 رنز بناکر آؤٹ ہوگئی۔تیمور خان 27رنز کے ساتھ ٹاپ اسکورر رہے۔اعزاز خان اور ثمین گل نے دو دو وکٹیں حاصل کیں۔ جواب میں فاٹا کی ٹیم 154 رنز بناکر آؤٹ ہوگئی۔محمد فاروق نے 47 رنز اسکور کیے۔ وکٹ کیپر عمیر مسعود نے پانچ کیچز کیے۔ کاشف علی اور جہانداد خان نے تین تین وکٹیں حاصل کیں۔