Author: وقاص صفدر

پاکستان سے امسال حج کے لیے آنے والے عازمین کا پہلا قافلہ 21 مئی کو سعودی عرب پہنچے گا۔

اس سے حج کے لیے سعودی عرب اور پاکستان کے درمیان معاہدہ طے پا گیا ہے جس کے مطابق ایک لاکھ 80 ہزار عازمین حج کی سعادت حاصل کریں گے۔

پاکستان سے نصف عازمین حج کی تعداد مدینہ منورہ اور نصف جدہ ایئرپورٹ پر لینڈ کرے گی۔

21 مئی سے پاکستانی عازمین حج کی آمد کا سلسلہ شروع ہوگا جو کہ 2 اگست تک جاری رہے گا۔ پی آئی اے، سعودی ایئرلائن اور دیگر نجی ایئرلائنز کے ذریعے عازمین کی آمد ہو گی۔

سب سے زیادہ سعودی ایئرلائن کے ذریعے 44 ہزار عازمین سعودی عرب پہنچیں گے جب کہ 38 ہزار پی آئی اے اور باقی دیگر ایئرلائنز کے ذریعے سفر کریں گے۔

قومی ایئرلائن 21 مئی سے 2 اگست تک حج فلائٹ آپریشن جاری رکھے گی ، قومی ایئرلائن نے پرائیوٹ حج کیلئے کرایہ 1180ڈالر مقرر کردیا۔

ترجمان پی آئی اے نے بتایا کہ 910 سے 1220ڈالر کرائے مقرر کئے گئے ہیں تاہم سرکاری حج کےتحت جانیوالے عازمین کے کرایوں کا اعلان وزارت مذہبی امور کرے گی۔

ترجمان کا کہنا تھا کہ پی آئی اے ممکنہ طور پر 38ہزار سے زائد عازمین کو حجاز مقدس پہنچائے گی ، پی آئی اے حج فلائٹ آپریشن کیلئے بوئنگ777اور ایئربس320 استعمال کرے گی۔

ہارون رشید کی سربراہی میں نئے سلیکشن پینل نے شارجہ میں افغانستان کے خلاف آئندہ ٹی ٹوئنٹی سیریز کے لیے پاکستان کرکٹ ٹیم کے انتخاب پر غور شروع کر دیا ہے۔

رپورٹس کے مطابق اعظم خان، عماد وسیم، احسان اللہ اور اسامہ میر سمیت چند کھلاڑیوں کو پاکستان سپر لیگ (پی ایس ایل) میں غیر معمولی کارکردگی کے باعث ٹیم میں شامل کرنے پر غور کیا جا رہا ہے۔

اس کے علاوہ کچھ سینئر کھلاڑیوں کو آرام دینے اور نوجوان کرکٹرز کو موقع دینے کی تجویز زیرغور ہے۔

سلیکشن کمیٹی کا جلد باقاعدہ اجلاس متوقع ہے۔ ابتدائی طور پر بیس سے بائیس کھلاڑیوں کی فہرست کے اعلان کے آپشن پر غور کیا جا رہا ہے جس میں سے سولہ رکنی ٹیم کا انتخاب کیا جائے گا۔ حتمی سکواڈ کا اعلان پی ایس ایل فائنل سے قبل ہو گا۔

تین میچوں کی سیریز کے لیے قومی ٹیم 23 مارچ کو شارجہ روانہ ہوگی اور میچز کی مجوزہ تاریخیں 26، 27 اور 29 مارچ رکھی گئی ہے۔

افغانستان کی درخواست پر پاکستان کرکٹ بورڈ نے سیریز کھیلنے پر رضامندی ظاہر کی اور افغان کرکٹرز نے کابل میں ٹریننگ شروع کر دی ہے۔

وزیراطلاعات سندھ شرجیل میمن نے کہا ہے کہ سندھ حکومت نے امن و امان کےحوالےسے اہم فیصلے کئے ہیں۔

شرجیل میمن کے مطابق علاقے کی حدود میں ٹریفک مینجمنٹ کرنی ہو گی، کےپی او واقعے کے بعد پرائیوٹ ایمبولینس گاڑیاں کھڑی کر دی گئیں جس سےقانون نافد کرنے والے اداروں کوگاڑیاں دورکھڑی کرنا پڑی آئندہ ایسے واقعات میں فلاحی اداروں کو ضلعی انتظامیہ سے مشاورت کر کے ایمبولینس بھیجنا ہو گی۔

شرجیل میمن نے کہا کہ حکومت کے بتائے گئے ایس او پی کےحساب سےکام کرنا ہوگا۔

سندھ حکومت نے اے ایف آر گاڑیوں کو ایک ہفتے میں رجسٹریشن کرانے کی مہلت دے دی۔ وزیر اطلاعات سندھ شرجیل میمن نے کہا ہے کہ ایک ہفتے کے بعد کوئی بھی گاڑی بغیر نمبر پلیٹ یا اے ایف آر نہیں چلے گی وزیر اعلی کی ہدایت پر ایک ہفتے بعد گاڑی چالان ہوجائے گی۔

شرجیل میمن نے کہا کہ اوپن ٹرانسفر لیٹر پر گاڑی چلائی جانے والی گاڑی ضبط ہو گی جب کہ ٹنٹئڈ گاڑیوں کو سڑکوں پر چلانےکی اجازت نہیں ہو گی۔

وزیر اطلاعات سندھ نے اعلان کیا کہ شوروم سے بغیر رجسٹریشن گاڑی نکالنے کی اجازت نہیں ہوگی اور ایک ہفتے بعد ایسی کوئی گاڑی شو روم کے باہر نہیں نکل سکے گی۔ ان کا کہنا تھا کہ اسلحے کی نمائش کی اجازت کسی صورت نہیں ہوگی۔