Author: وقاص صفدر

جنوبی افریقا کے خلاف 28 رنز کی جارحانہ اننگز کھیلنے والے نوجوان وکٹ کیپر محمد حارث کا اپنی پرفارمنس پر بول پڑے۔

میچ کے اختتام پر گفتگو کرتے ہوئے محمد حارث نے کہا کہ نیٹس میں اچھا کھیل رہا تھا اور وہی اعتماد لے کر میچ میں گیا اور کوشش کی جتنا اچھا ٹیم کے لیے کر سکوں وہ کروں۔

انہوں نے کہا کہ محمد رضوان کی وکٹ جلدی گری تو پاور پلے کا اچھا استعمال کرنے کی کوشش کی، کپتان نے بھی اعتماد بڑھایا اور اپنا فطری گیم کھیلنے کا مشورہ دیا۔

Impactful performance at the SCG 👌

🗣️ @iamharis63, @Wasim_Jnr and @IftiAhmed221 review Pakistan's victory over South Africa #WeHaveWeWill | #T20WorldCup | #PAKvSA pic.twitter.com/AuDjiG1dQZ

— Pakistan Cricket (@TheRealPCB) November 3, 2022

حارث نے بتایا کہ بابراعظم نے کہا کہ آپ میں صلاحیت ہے مقابلہ کرنے کی یہ نہیں سوچنا کہ سامنے کونسا بولر ہے یہ ذہن میں نہیں لانا کہ کون بولنگ کروا رہا ہے بس اپنا جو انداز ہے کھیلنے کا اسی کے مطابق کھیلنا ہے۔

پشاور سے تعلق رکھنے والے وکٹ کیپر بیٹسمین محمد حارث فخر زمان کے ان فٹ ہونے پر اچانک پاکستانی ٹیم میں شامل ہوئے اور چند گھنٹے بعد انہیں ورلڈ کپ میں جنوبی افریقا کے خلاف کھیلنے کا موقع ملا۔

محمد حارث نے جنوبی افریقہ کے خلاف دھواں دھار بیٹنگ کرتے ہوئے تین چھکوں اور دو چوکوں کی مدد سے 11 گیندوں پر28 رنز بنائے۔

سابق اسپیڈ اسٹار شعیب اختر نے کہا ہے کہ پاکستان نے بھارت کے خلاف زبردست میچ کھیلا لیکن بابراعظم سے غلطی ہو گئی انہیں محمد نواز سے آخری اوور نہیں کروانا چاہیے تھا۔

اپنے یوٹیوب چینل پر پاک بھارت میچ سے متعلق تبصرہ کرتے ہوئے شعیب اختر نے کہا کہ اس میں کوئی شک نہیں کہ پاکستانی بولرز نے انتہائی بہترین کارکردگی کا مظاہرہ کیا ہے شاہین آفریدی، حارث روف اور نسیم شاہ نے لاجواب بولنگ کی۔

انہوں نے کہا کہ پاکستان کے پاس ایک بولر کی کمی ہے آسٹریلیا میں قومی ٹیم کو مزید ایک مستند بولر کھلانے کی ضرورت ہے نواز آخری اوور کا بولر نہیں ہے دبئی کے بعد یہاں بھی آخری اوور نواز سے کروایا مجھے لگتا ہے کہ بابر سے غلطی ہو گئی۔

ان کا کہنا تھا کہ اگر نواز کو کھلانا ہے تو 15ویں اوورز تک اس کا کوٹہ پورا کر دینا چاہیے تاکہ آخری اوورز اپنے مستند اور اہم بولرز سے کروائے جائیں۔

راولپنڈی ایکسپریس نے پاک بھارت میچ کو تاریخی قرار دیتے ہوئے دونوں ٹیموں کی شاندار کارکردگی کی تعریف کی۔ ان کا کہنا تھا کہ میچ میں کوئی لڑائی نہیں ہوئی جو کہ بہت اچھا ہے اور اچھی کرکٹ ہوئی جس سے نوجوان سیکھیں گے۔

اسپیڈ اسٹار کا کہنا تھا کہ پاکستان کو شکست کے بعد بھی مورال بلند رکھنا ہو گا کیونکہ بھارت ایک جیت سے ورلڈکپ نہیں جیت گیا اور ایک شکست سے پاکستان کے لیے ورلڈکپ ختم نہیں ہوا۔

ٹی ٹوئنٹی ورلڈکپ کے سنسنی خیز مقابلے میں پاکستان کے خلاف بھارتی بلے باز ویرات کوہلی کو آخری اوور میں ملنے والی نو بال کے فیصلے پر طوفان برپا ہو گیا۔

سوشل میڈیا پر نوبال کے معاملے اور فری ہٹ پر کوہلی کی گلیاں اڑنے کے بعد تین رنز دیے جانے پر تبصروں کی بھرمار ہو گئی۔

ان تنازعات کے حق اور مخالفت میں دلائل کے ساتھ ساتھ قوانین کو پیش کیا جارہا ہے ایسے میں نیوزی لینڈ کے آل راونڈر جمی نیشم نے انوکھی تجویز پیش کر دی ہے۔

کیوی کھلاڑی نے تجویز پیش کی ہے کہ ٹورنامنٹ سے قبل کھلاڑیوں کی ویسٹ ہائٹ کی پیمائش کروا لی جائے تاکہ بعد میں پوچھنے پر آسانی سے پتہ لگایا جاسکے کہ گیند مقررہ نشان سے نیچے تھی یا اوپر۔

Suggestion: Every player gets their waist height measured pre-tournament then Hawkeye just tells us whether a full toss is below or above that mark 😂

— Jimmy Neesham (@JimmyNeesh) October 23, 2022

سابق آسٹریلوی اسپنر بریڈ ہوگ نے بھی پاک بھارت میچ کے آخری اوور میں ہونے والی امپائرنگ اور فیصلوں پر سوالات اٹھائے ہیں۔

میں بریڈ ہوگ نے محمد نواز کی اس گیند کی تصویر لگائی جس پر ویرات کوہلی نے چھکا لگایا اور امپائر نے نو بال قرار دی۔

ہوگ نے سوال اٹھایا کہ اس نوبال پر ریویو کیوں نہیں لیا گیا؟ پھر یہ یڈیڈ بال کیسے نہیں ہو سکتی جس فری ہٹ پر کوہلی بولڈ ہوئے؟

سابق آسٹریلوی اسپنر بریڈ ہوگ نے بھی پاک بھارت میچ کے آخری اوور میں ہونے والی امپائرنگ اور فیصلوں پر سوالات اٹھا دیے۔

ٹوئٹر پر جاری بیان میں بریڈ ہوگ نے محمد نواز کی اس گیند کی تصویر لگائی جس پر ویرات کوہلی نے چھکا لگایا اور امپائر نے نو بال قرار دی۔

ہوگ نے سوال اٹھایا کہ اس نوبال پر ریویو کیوں نہیں لیا گیا؟ پھر یہ یڈیڈ بال کیسے نہیں ہو سکتی جس فری ہٹ پر کوہلی بولڈ ہوئے؟

Why was no ball not reviewed, then how can it not be a dead ball when Kohli was bowled on a free hit. #INDvPAK #T20worldcup22 pic.twitter.com/ZCti75oEbd

— Brad Hogg (@Brad_Hogg) October 23, 2022

ایک اور ٹوئٹ میں بریڈ ہوگ کا کہنا تھا کہ آخری اوور کے تمام تر تنازعات کے باوجود ہم نے کوہلی کی شاندار بیٹنگ کا مشاہدہ کیا ہے۔

انہوں نے دونوں ٹیموں کی تعریف کرتے ہوئے کہا کہ پاک بھارت کھلاڑیوں نے میچ سے قبل بہت زیادہ ہنگامہ نہیں کیا اور اچھے انداز میں کرکٹ کھیلی، شائقین ایسے ہی مزید میچوں سے محظوظ ہونا چاہتے ہیں۔

حال ہی میں ون ڈے کرکٹ سے ریٹائر ہونے والے آسٹریلیا کے ٹی ٹوئنٹی کپتان ایرون فنچ نے پرتھ میں انگلینڈ کے خلاف ٹی ٹوئنٹی فارمیٹ میں ایک منفرد ریکارڈ اپنے نام کر لیا۔

35 سالہ کھلاڑی ٹی ٹوئنٹی میں 3000 رنز بنانے کا سنگ میل عبور کرنے والے چھٹے بلے باز بن گئے۔ ان سب میں وہ سب سے کم گیندیں کھیل کر تیز ترین 3000 رنز بنانے والے کھلاڑی ہیں۔

3000 رنز بنانے والے دیگر کھلاڑیوں میں بھارتی بیٹنگ جوڑی روہت شرما (3737) اور ویرات کوہلی (3712)، نیوزی لینڈ کے اوپنر مارٹن گپٹل (3497)، پاکستان کے کامیاب ٹی ٹوئنٹی کپتان بابر اعظم (3140) اور آخر میں آئرش کے پال اسٹرلنگ (3011) شامل ہیں۔

دوسری جانب، فنچ اننگز کے لحاظ سے یہ سنگ میل حاصل کرنے والے دوسرے تیز ترین کھلاڑی بن گئے ہیں۔ انہوں نے 98 اننگز کھیلی جبکہ بابر اعظم اور ویرات کوہلی 81 اننگز میں تیز ترین 3000 رنز بنانے والے کھلاڑی ہیں۔