Author: وقاص صفدر

متحدہ عرب امارات میں سرکاری ملازمین کے بعد پرائیویٹ سیکٹر کے لیے عیدالاضحیٰ کی چھٹیوں کا اعلان کر دیا گیا۔

انسانی وسائل اور امارات کی وزارت نے یوم عرفات اور عید الاضحیٰ کے موقع پر متحدہ عرب امارات میں نجی شعبے کے ملازمین کے لیے چار روزہ تعطیلات کا اعلان کیا ہے۔

عید کی چھٹی جمعرات 5 جون سے ہو گی اور اتوار 8 جون تک جاری رہے گی۔ پیر 9 جون کو معمول کے اوقات کار دوبارہ شروع ہوں گے۔

سرکاری ملازمین

وفاقی اتھارٹی برائے انسانی وسائل نے اس سال عید الاضحیٰ پر 4 دن کی تعطیلات کا اعلان کیا ہے۔

رپورٹس کے مطابق یہ تعطیلات 9 ذی الحج سے 12 ذی الحج تک ہوں گی یعنی جمعرات 5 جون سے اتوار 8 جون تک سرکاری دفاتر میں تعطیل ہوگی۔

سرکاری دفاتر میں پیر 9 جون سے معمول کے مطابق کام دوبارہ شروع ہو جائے گا۔ قطر کی جانب سے پہلے ہی ملک میں 5 روزہ تعطیلات کا اعلان کردیا گیا ہے۔

سعودی عرب

واضح رہے کہ سعودی عرب میں حج کا رکن اعظم وقوف عرفہ جمعرات 5 جون کو ادا کیا جائے گا اور عیدالاضحیٰ جمعہ 6 جون کو منائی جائے گی۔

اس سے قبل بنگلادیش کی حکومت نے عید الاضحیٰ کے موقع پر عوام کو بڑی خوشخبری سناتے ہوئے 10 روز کی تعطیلات کا اعلان کردیا ہے۔

حماس کے حامی بھارتی پروفیسر کو امریکا میں گرفتار کر لیا اور انہیں جلد ہی ملک بدر کیا جائے گا۔

بین الاقوامی میڈیا رپورٹس کے مطابق امریکا کی جارج ٹاؤن یونیورسٹی میں زیر تعلیم ہندوستانی محقق کو امیگریشن افسران نے گرفتار کر لیا ہے اور ان کے وکیل کے مطابق انہیں ملک بدری کا سامنا ہے۔

بدر خان سوری جو ایک پوسٹ ڈاکٹریٹ فیلو ہیں انہیں پیر کی رات ورجینیا میں ان کے گھر کے باہر "نقاب پوش ایجنٹوں” نے گرفتار کیا۔

محکمہ ہوم لینڈ سیکیورٹی (DHS) کی اسسٹنٹ سیکریٹری ٹریسیا میک لافلن نے کہا کہ بدر خان سوری کو سوشل میڈیا پر حماس کا پروپیگنڈہ پھیلانے کے جرم میں ملک بدری کے لیے نامزد کیا گیا تھا۔

میک لافلن نے X پر کہا کہ سوری کے ایک معروف یا مشتبہ دہشت گرد سے قریبی روابط ہیں، جو حماس کا سینئر مشیر ہے۔

سیکرٹری آف اسٹیٹ نے 15 مارچ 2025 کو ایک عزم جاری کیا کہ سوری کی ریاستہائے متحدہ میں سرگرمیوں اور موجودگی پر انہیں INA سیکشن 237(a)(4)(C)(i) کے تحت ڈی پورٹ کیا جائے۔

میک لافلن نے سوری اور حماس کے درمیان تعلقات کے اپنے دعوے کا ثبوت فراہم نہیں کیا۔

محمود خلیل

https://urdu.arynews.tv/us-court-mehmood-khalil/

امریکا کی عدالت میں محمود خلیل کی ملک بدری روکنے کو چیلنج کرنے کی درخواست مسترد کردی گئی۔

امریکا کے صدر ڈونلڈ ٹرمپ نے محمود خلیل کی ملک بدری کا حکم دیا تھا جسے عدالت نے روک دیا تھا، امریکی صدر ٹرمپ کی جانب سے عدالتی حکم کو چیلنج کیا گیا جسے آج مسترد کردیا گیا۔

جج جیسی فرمین نے کہا کہ فلسطینی حقوق کے علمبردار کی ملک بدری کی کوشش غیرمعمولی ہے، خلیل کی درخواست کے خلاف عدالتی نظرثانی کی قانونی درخواست کو آگے بڑھنا چاہیے۔

عدالت کا کہنا ہے کہ خلیل کی دلیل ہے کہ ملک بدری کی کوشش آزادی اظہار پر کی جارہی ہے۔

جج جیسی فرمین نے کہا کہ امریکی آئین تمام شہروں کو مکمل آزادی اظہار کی اجازت دیتا ہے، کولمبیا یونیورسٹی کے گریجویٹ اور قانونی مستقل رہائشی محمود خلیل کو ملک بدر کیا جارہا ہے۔

محمود خلیل نے امریکا میں فلسطینیوں سے اظہار یکجہتی کے لیے مظاہروں کی قیادت کی تھی۔

امریکی ایلچی بوہلر کا کہنا ہے کہ امریکا اور حماس کی ملاقات ’بہت مددگار‘ رہی۔

صدر ڈونلڈ ٹرمپ کے ایلچی ایڈم بوہلر کا کہنا ہے کہ غزہ میں قیدیوں کی رہائی کے لیے حماس کے ساتھ براہ راست امریکی ملاقاتیں انتہائی "مددگار” تھیں۔

انہوں نے فلسطینی گروپ کے ساتھ اضافی ملاقاتوں کو مسترد نہیں کیا۔

بوہلر نے سی این این کے اسٹیٹ آف دی یونین پروگرام کے ساتھ ایک انٹرویو میں کہا کہ ان کا خیال ہے کہ "غزہ پر ہفتوں کے اندر کچھ ہو سکتا ہے تاہم  اس نے تفصیل نہیں بتائی۔

حماس کے عہدے دار کا کہنا تھا کہ یرغمالیوں کی رہائی کے لیے امریکی حکام کے ساتھ براہِ راست بات ہوئی ہے۔

حماس کے عہدے دار کے مطابق امریکی حکام سے امریکی شہریت رکھنے والے اسرائیلی قیدیوں کے حوالے سے بات ہوئی ہے، حماس اور مختلف امریکی مواصلاتی چینلز کے درمیان متعدد بار بات ہوئی ہے۔

عہدیدار کا مزید کہنا تھا کہ حالیہ دنوں دوحہ میں حماس اور امریکی حکام کے درمیان 2 براہِ راست ملاقاتیں ہوئی تھیں۔

اس سے قبل امریکی میڈیا نے دعویٰ کیا تھا کہ امریکی یرغمالیوں کی رہائی کے لیے امریکا فلسطینی مزاحمتی تنظیم حماس سے خفیہ مذاکرات کر رہا ہے۔

امریکی میڈیا نے دعویٰ کیا تھا کہ امریکی صدر ٹرمپ انتظامیہ کی دوحہ میں حماس سے براہِ راست مذاکرات ہوئے ہیں۔