Author: وقاص صفدر

انگلینڈ کے لیام ڈوسن کی قمیتی وکٹ حاصل کر کے میچ کا پانسہ پلٹنے والے حارث روف کا کہنا ہے کہ منصوبہ بنا لیا تھا جو کامیاب رہا۔

انگلینڈ کے خلاف چوتھے ٹی ٹوئنٹی میں میچ کا پانسہ قومی ٹیم کے حق میں پلٹنے والے فاسٹ بولر حارث روف کو مین آف دی میچ قرار دیا گیا۔

انگلینڈ کی ٹیم 167 رنز کے مقابلے میں 163 رنز بناکر آؤٹ ہوگئی، حارث روف کے شاندار اوور نے میچ کا نقشہ تبدیل کیا۔

حارث رؤف نے دو گیندوں پر دو وکٹیں لیکر میچ کا پانسہ پلٹا، اس سے قبل انگلینڈ کے جارح مزاج بیٹر لیام ڈاسن نے محمد حسنین کے اوور میں 25 رنز بٹور کر میچ کو انگلینڈ کی جھولی میں ڈال دیا تھا۔

Haris Rauf speaks to the media after his heroics in Pakistan's thrilling win over England#PAKvENG | #UKSePK https://t.co/1B9bXrnnHh

— Pakistan Cricket (@TheRealPCB) September 25, 2022

میچ کے اختتام پر گفتگو کرتے ہوئے حارث روف نے کہا کہ جب حسنین بولنگ کا اوور چل رہا تھا تو ڈوسن کے خلاف منصوبہ بنا لیا تھا آئیڈیا تھا کہ کہاں پر بال کرنی ہے کوشش تھی کہ وکٹ حاصل کروں اور منصوبے کے مطابق بولنگ کی تو کامیابی حاصل ہوئی۔

فاسٹ بولر کا کہنا تھا کہ ہم نے ہار نہیں مانی تھی یقین تھا کہ کچھ کر سکتے ہیں ڈوسن کی وکٹ لینے کے بعد اعتماد آیا تو اگلی ہی گیند پر دوسری وکٹ مل گئی، دباو ضرور ہوتا ہے لیکن انٹرنیشنل پلیئرز کو اسی پریشر کے لیے تیار کیا جاتا ہے۔

SUPERSTAR HARIS RAUF 🔥🔥#PAKvENG | #UKSePK pic.twitter.com/79d9jjwFhF

— Pakistan Cricket (@TheRealPCB) September 25, 2022

انہوں نے کہا کہ وقت کے ساتھ ساتھ سیکھتے ہیں اپنی کوشش جاری ہے ساتھ ساتھ سیکھ رہا ہوں، شان ٹیٹ نے ریلکس رکھا ہے سری لنکا میں کافی تیاری کی کوشش تھی فٹنس پر کام کروں اور گیم کو سمجھوں۔

قومی ٹیم کے کپتان بابراعظم نے ناقدین کو جواب دیتے ہوئے کہا ہے کہ اچھا کرتے ہیں تب بھی تنقید ہوتی ہے لیکن ہم ایک دوسرے کو سپورٹ کرتے ہیں ہمارا کام پرفارمنس دینا ہے اور وہ ہم دینے کی کوشش کرتے ہیں۔

انگلینڈ کے خلاف دوسرے ٹی ٹوئنٹی میں سنچری بنا کر 200 رنز کا تاریخی ہدف حاصل کر کے فتح سمیٹنے کے بعد پریس کانفرنس کرتے ہوئے بابراعظم نے کہا کہ ذہن میں یہی تھاکہ ہدف حاصل کرسکتےہیں محمدرضوان کو کریڈٹ جاتاہے انہوں نےعمدہ بیٹنگ کی ہم نے جو پلان کیا اسے پر عملدرآمد کیا۔

بابراعظم کا کہنا تھا کہ ہم کون ہوتے ہیں کسی کو کچھ کہنے والے، تنقید کرنے والوں کا کام ہے وہ کرتے رہیں جب کارکردگی دکھائیں تب بھی تنقید ہوتی ہے اور جب پرفارمنس نہ ہو تو ہوتی رہتی ہے، کوشش ہوتی ہے اچھی پرفارمنس کریں اور یہی ہمارا کام ہے۔

https://urdu.arynews.tv/babar-azam-and-mohammad-rizwan-set-a-new-record/

کپتان نے کہا کہ صورتحال مشکل ضرور تھی تاہم بعد میں صورحال بہتر ہونے لگی انگلینڈ نےٹوٹل اچھا سیٹ کیا، کیچز ڈراپ ہوئے جس کی وجہ سے بڑا ہدف بن گیا۔

ان کا کہنا تھا کہ فینز ہمیشہ سپورٹ کرتے ہیں اونچ نیچ ہوتی ہے یہ کرکٹ ہے جس میں مداح سپورٹ کرتے ہیں پلیئرز آپس میں بھی ایک دوسرے کو سپورٹ کرتے ہیں ہماری کیمسٹری اچھی بن چکی ہے سب جانتے ہیں کہ کیا رول ادا کرنا ہے۔

قومی ٹیم کے اہم فاسٹ بولر حسن علی نے دبئی میں اسکواڈ کو جوائن کر لیا۔

قومی ٹیم کے فاسٹ بولر محمد وسیم کے انجرڈ ہونے کے بعد فاسٹ بولر حسن علی کو ایشیا کپ میں ٹیم کا حصہ بنایا گیا ہے۔

پی سی بی کا کہنا ہے کہ فاسٹ باؤلر حسن علی نے دبئی میں قومی اسکواڈ کو جوائن کرلیا ہے۔ ٹیم منیجمنٹ نے فیصلہ کیا ہے کہ محمد وسیم جونیئر دبئی میں اسکواڈ کے ہمراہ رہ کر اپنا ری ہیب کریں گے۔

حسن علی کی ٹیم میں شمولیت پر سابق کرکٹرز کی جانب سے آواز اٹھائی جارہی ہے۔

سابق فاسٹ بولر تنویر احمد نے کہا کہ ’حسن علی تو انجرڈ تھے پھر انہیں کس بنیاد پر ٹیم میں شامل کیا گیا ہے۔

انہوں نے کہا کہ میر حمزہ کو ڈومیسٹک میں شاندار کارکردگی کا مظاہرہ کیا ہے انہیں یہ ساتھ ہی لے کر نہیں گئے۔