Author: وقاص صفدر

فلپائن میں گریجویشن تقریب کے دوران فائرنگ میں سابق خاتون میئر سمیت 3 افراد ہلاک ہو گئے۔

بین الاقوامی میڈیا رپورٹس کے مطابق یہ واقعہ اتوار کی صبح کوئزون سٹی میں اٹینیو ڈی منیلا یونیورسٹی میں اس وقت پیش آیا جب گریجویشن مکمل کرنے والے طلبہ کے اعراز میں منعقدہ تقریب میں لوگوں کی بڑی تعداد موجود تھی۔

پولیس کا کہنا ہے کہ قانون کے طلبہ اور ان کے اہل خانہ گریجویشن کی تقریب میں شریک تھے کہ اس دوران نامعلوم حملہ آوروں نے اندھا دھند فائرنگ کر دی۔

پولیس کے مطابق حملے میں جنوبی فلپائن کے ایک قصبے کی سابق میئر سمیت کم از کم تین افراد ہلاک جب کہ متعدد زخمی ہوئے۔ فائرنگ ہوتے ہی کیمپس میں بھگدڑ مچ گئی اور لوگ جان بچانے کے لیے محفوظ مقام تلاش کرتے رہے۔

ہلاک ہونے والوں میں روستا فروگی شامل تھیں جو جنوبی جزیرہ باسلن کےلیمیتن قصبے کی سابق میئر تھیں۔ مرنے والوں میں اس کا معاون اور یونیورسٹی کا گارڈ بھی شامل ہے۔

چین، بھارت اور سری لنکا کے بعد ایک اور ملک نے روس سے سستا ایندھن خریدنے کا اعلان کر دیا۔

لاطینی امریکی ملک برازیل کے صدر جیربولسونارو کا کہنا ہے کہ ان کا ملک برازیل سے جلد ہی سستا ڈیزل خریدے گا۔

ان کا کہنا ہے کہ برازیل روس سے انتہائی سستے ڈیزل خریداری کے معاہدے تک پہنچنے کے قریب ہے اور امکانات یہی ہیں کہ ضروریات کو پورا کرنے کے لیے ماسکو سے ڈیزل خریدا جائے گا جو کہ زیادہ مناسب قیمت پر ہے۔

https://urdu.arynews.tv/is-shahbaz-govt-decides-to-buy-oil-from-russia/

برکس انفارمیشن پورٹل کا کہنا ہے کہ اس سلسلے میں روس کے صدر اور برازیلی صدر کے درمیان ٹیلیفونک بات چیت بھی ہوئی ہے جس میں صدر پیوٹن نے جنوبی امریکی ملک کو کھادوں کی مسلسل فراہم کے عزم کا اظہار کیا ہے۔

برازیل ایک وسیع زرعی ملک ہے جسے سستی کھاد اور ڈیزل کی اشدضرورت ہے اس صورتحال کو مدِنظر رکھتے ہوئے برازیلی صدر نے ایندھن کی سستی خریداری کے لیے جن تجاویز پر غور کیا ہے اس میں ایک روس سے سستے ڈیزل کی خریداری سب سے اہم ہے۔

ریاض: سعودی حکومت نے احتیاطی تدابیر کے تحت حج مقامات پر اونٹوں کے داخلے پر پابندی عائد کر دی۔

عرب میڈیا کے مطابق یہ پابندی سعودی وزارت ماحولیات و پانی وزراعت کی جانب سے عائد کی گئی ہے جس پر عمل درآمد شروع ہو گیا ہے۔

حج سیزن کے دوران منی، مزدلفہ اور عرفات میں اونٹوں کے داخلے پر پابندی ہو گی۔ یہ پابندی جانوروں سے انسانوں میں وائرس منتقلی روکنے کیلئے لگائی گئی ہے۔

وزارت ماحولیات و پانی وزراعت مکہ مکرمہ ریجن کے ڈائریکٹر انجینئر سعید الغامدی کا کہنا ہے کہ اونٹوں میں تنفس کی بیماری کے پیش نظر احتیاطی تدابیر کے طور پر یہ اقدام اٹھا گیا ہے۔

ان کا کہنا ہے کہ جانوروں کے طبی معائنے کے لیے ڈاکٹرز تعینات کر دیے گئے ہیں جو جدہ اسلامی بندرگاہ کے راستے آنے والے جانوروں کے معائنے پر مامور ہوں گے۔

سعودی عرب کے مختلف ٹرانزیکشن مراکز کے مطابق اتوار 15 مئی 2022 کو سعودی ریال کا ‏ریٹ کیا ہے؟

پاکستان، انڈیا اور بنگلا دیش رقم بھیجنے کے لیے ریال کا ریٹ، ٹرانزیکشن مرکز کا نام اور فیس کیا ‏‏‏ہوگی اور ‏ٹرانزیکشن فیس پر ویلیو ایڈڈ ٹیکس (واٹ) کتنا ہوگا اس کی تفصیل کچھ یوں ہے۔

فوری(بینک الجزیرہ):49روپے 75 پیسے، فیس:10 ریال
ایس ٹی سی پے :50روپے 75 پیسے، فیس:17.25 ریال
تحویل الراجحی(الراجحی بینک):50 روپے 20 پیسے، فیس :10 ریال
ویسٹرن یونین: 50 روپے 90 پیسے: فیس 23 ریال
منی گرام:50 روپے 96 پیسے، فیس :23 ریال
ٹیلی منی(اے این بی):49 روپے 90 پیسے، فیس :15 ریال