Author: وقاص صفدر

رنز کی مشین بابراعظم نے ایک اور اعزاز اپنے نام کر لیا۔

قومی ٹیم کی بیٹنگ لائن میں ریڑھ کی حیثیت رکھنے والے بابراعظم نے ون ڈے میچوں میں 4 ہزار رنز بنا لیے وہ تیزترین 4 ہزار رنز بنانے والے دوسرے بلے باز ہیں۔

بابراعظم نے یہ سنگ میل آسٹریلیا کے خلاف لاہور کے قذافی اسٹیڈیم میں کھیلے جارہے میچ میں عبور میں کیا۔ بائیں ہاتھ کے بلے باز نے 82 ویں ایک روزہ انٹرنیشنل میچ میں 4 ہزار رنز بنائے جب کہ جنوبی افریقا کے ہاشم آملہ نے یہ ریکارڈ 81 میچ کھیل کر حاصل کیا تھا۔

اس فہرست میں ویسٹ انڈیز کے ویون رچرڈ تیسرے، انگلینڈ کے جو روٹ چوتھے اور بھارتی بلے باز ویرات کوہلی پانچویں نمبر پر ہیں۔

آسٹریلوی کپتان پیٹ کمنز نے سابق پاکستانی کپتان وسیم اکرم کا 27 سال پرانہ ریکارڈ برابر کر دیا۔

دائیں ہاتھ کے تیز گیند باز نے پاکستان کے خلاف تین میچوں کی ٹیسٹ سیریز میں 12 وکٹیں حاصل کیں جو کہ کسی بھی کپتان کی غیرملکی ٹیسٹ سیریز میں سب سے زیادہ وکٹیں ہیں۔

پاکستان کے سابق بائیں ہاتھ کے تیز گیند باز وسیم اکرم نے 1996 میں انگلینڈ کے خلاف تین میچوں کی ٹیسٹ سیریز میں 12 وکٹیں حاصل کیں وہ یہ کارنامہ انجام دینے والے پہلے فاسٹ باؤلنگ کپتان تھے۔

Australia win by 115 runs.
Congratulations @CricketAus 👏🏼 #BoysReadyHain l #PAKvAUS pic.twitter.com/zVkHozrsn9

— Pakistan Cricket (@TheRealPCB) March 25, 2022

پیٹ کمنز کو سیریز کے آغاز میں مشکل وقت کا سامنا کرنا پڑا کیونکہ پچ فاسٹ بولرز کے لیے سازگار نہیں تھی اور وہ پہلے ٹیسٹ میں صرف ایک وکٹ حاصل کر پائے تھے۔

سیریز کے آخری میچ میں پیٹ کمنز نے ریورس سوئنگ کے ساتھ ساتھ نئی گیند سے بھی زبردست بولنگ کی اور مجموعی طور پر 8 وکٹیں حاصل کر کے نہ صرف میچ کو فیصلہ کن بنایا بلکہ سیریز بھی اپنے نام کر لی۔

پاکستان اور آسٹریلیا کے مابین دو دہائیوں بعد پاک سرزمین پر ہونے والی ٹیسٹ سیریز کو کھلاڑیوں نے شاندار پرفارمنس سے یادگار بنا دیا۔

تین میچوں کی سیریز تجربے اور نوجوان ٹیلنٹ کا بہترین امتزاج تھا جس میں ہر ایک نے دوسرے کو زیر کرنے کی پوری کوشش کی۔

ابتدا سے ہی مہمان اور میزبان پلیئرز نے کھیل کو خوب انجوائے کیا خاص کر میدان میں ڈیوڈ وارنر کے مزاحیہ انداز نے تماشائیوں کو محظوظ کیے رکھا۔

کبھی وہ شاہین آفریدی کی نقل اتارتے رہے تو کبھی حسن علی کا انداز اپنایا، ساتھیوں پلیئرز کے ساتھ خوشگوار انداز اپنایا تو کبھی حریفوں سے تلخی ہوئی۔

محمد رضوان، امام الحق، شاہین آفریدی، بابراعظم سمیت سبھی کھلاڑی مہمانوں سے گھلے ملے تو نسیم شاہ جیسے اسٹار بولر سے آسٹریلوی پلیئرز اپنے تجربات شیئر کرتے رہے۔

محمد نواز کی جگہ زاہد محمود قومی وائٹ بال اسکواڈ کا حصہ بن گئے وہ آسٹریلیا کے خلاف تین ون ڈے اور ایک ٹی ٹونٹی انٹرنیشنل میچز کے لیے قومی اسکواڈ میں شامل ہوگئے ہیں۔

محمد نواز تاحال پاؤں کی انجری سے مکمل صحتیاب نہیں ہو سکے وہ ایچ بی ایل پی ایس ایل 7 کے دوران انجری کا شکار ہوئے تھے۔

زاہد محمود لیگ اسپنر شاداب خان کے کوور کے طور پر بھی اسکواڈ میں شامل ہوں گے۔ سیریز سے قبل شاداب خان کی فٹنس کا بھی جائزہ لیا جائے گا۔

پاکستان اور آسٹریلیا کے مابین وائٹ بال سیریز 29 مارچ سے لاہور میں شروع ہوگی۔

All set for Lahore Test!👊👊
An extensive practice session and @iamzahid23 birthday celebration at the GSL today. #BoysReadyHain l #PAKvAUS pic.twitter.com/EgISUEJdKx

— Pakistan Cricket (@TheRealPCB) March 20, 2022

چیف سلیکٹر محمد وسیم کا کہنا ہے کہ بدقسمتی سے محمد نواز تاحال مکمل فٹ نہیں ہوسکے ہمیں سیریز سے قبل شاداب خان کی انجری کا بھی دوبارہ جائزہ لینا ہے زاہد محمود پہلے ہی ٹیسٹ اسکواڈ کے ہمراہ ہیں، لہٰذا انہیں وائیٹ بال اسکواڈ میں شامل کرلیا گیا ہے۔

وفاقی دارالحکومت اسلام آباد میں سیاسی صورتحال کے پیش نظر پاکستان اور آسٹریلیا کے مابین وائٹ بال سیریز راولپنڈی سے لاہور منتقل کر دی گئی۔

وفاقی وزیر داخلہ شیخ رشید نے پریس کانفرنس کرتے ہوئے اعلان کیا کہ اسلام آباد میں او آئی سی اجلاس اور سیاسی سرگرمیوں کے تناظر میں سیکورٹی خدشات کے باعث راولپنڈی میں شیڈول میچز کو لاہور منتقل کر دیا گیا ہے۔

اس سے قبل پی سی بی کے ایک عہدیدار کا کہنا تھا کہ تمام چار وائٹ بال میچز قذافی اسٹیڈیم میں منتقل کر دیے جائیں گے جہاں ٹیمیں 21 مارچ سے شروع ہونے والا سیریز کا آخری ٹیسٹ کھیلنے کے لیے تیار ہیں۔

https://urdu.arynews.tv/odi-t20-national-squad-announced-against-australia/

پاکستان اور آسٹریلیا کے درمیان تین ون ڈے میچز پر مشتمل سیریز کا آغاز انتیس مارچ سے ہوگا دونوں ٹیموں کے درمیان ایک ٹی ٹوئنٹی میچ بھی شیڈول ہے۔

واضح رہے کہ حکومت اور اپوزیشن نے سیاسی گہماگہمی میں عوامی اجتماعات منعقد کر کے پاور شو کرنے کا فیصلہ کیا ہے۔ حکومتی جماعت تحریک انصاف نے 27 مارچ کو 10 لاکھ لوگوں کو ڈی چوک پر جمع کرنے کی کال دی ہے تو اپوزیشن نے 23 مارچ سے اسلام آباد کی جانب لانگ مارچ کی کال دے رکھی ہے۔