Author: وقاص صفدر

سنچری میکر محمد رضوان نے آسٹریلیا کے خلاف کراچی ٹیسٹ میں 506 رنز کا ہدف پورا نہ ہونے کی وجہ بتا دی۔

کراچی ٹیسٹ میچ کے آخری روز آسٹریلیا کے 506 رنز کے ہدف کے جواب میں پاکستان ٹیم 7 وکٹوں پر 443 رنز بنائے اور میچ بچانے میں کامیاب رہی۔

ٹیسٹ کی خاص بات کپتان بابر اعظم کی شاندار 196 رنز کی اننگز اور نائب کپتان محمد رضوان کی 104 کی ناقابل شکست باری تھی۔

https://urdu.arynews.tv/babar-azam-media-talk-talk-after-match/

میچ کے اختتام پر گفتگو کرتے ہوئے محمد رضوان نے بتایا کہ بابراعظم کے ساتھ میچ کے درمیان میں بات چیت ہوتی رہی اور پلان بنایا کہ ہم ہدف پورا کرنے کی طرف جائیں مگر گیند پرانی ہو چکی تھی یہ سب ٹیسٹ کرکٹ میں چلتا ہے۔

انہوں نے کہا کہ کوچ نے سادہ سا پلان دیا تھا کہ یہ سارا بہادری کا کام ہے سیشن بائے سیشن کھیلنا اور جیسے جیسے میچ اختتام کی طرف جاتا ہے دباؤ بڑھتا جاتا ہے لیکن دباؤ اپنے اوپنر نہیں لیا خود کو ریلکس رکھا اور جو ہو سکتا تھا وہ کیا۔

رضوان کا کہنا تھا کہ نمبر ون ٹیم کے خلاف پانچ سیشن کھیلنا بڑی بات ہے اس کارکردگی سے ٹیم نے آگے بڑھنا ہے آسٹریلوی بولنگ ذہن میں تھی کہ وہ کم بیک کریں گے جس سے بہت کچھ سیکھنے کو ملا کسی بھی وقت ہم ہمت نہیں ہارے ڈٹ کر کھیلتے رہے۔

ہاؤس آف ناردرن اسلام آباد میں کھیلے گئے میچ میں شرجیل خان کی شاندار ڈبل سنچری کی بدولت سندھ نے خیبرپختونخوا کو 29 رنز سے شکست دے دی۔

اوپنر نے 136 گیندوں پر 19 چوکوں اور 14 چھکوں کی بدولت 206رنز کی دھواں دھار اننگز کھیلی۔ سندھ نے پہلے بیٹنگ کرتے ہوئے مقررہ 50 اوورز میں 6 وکٹوں گنوا کر 374 رنز بنائے۔ عمیر بن یوسف نے 40 رنز اسکور کیے۔ محمد وسیم جونیئر نے دو وکٹیں حاصل کیں۔ جواب میں خیبرپختونخوا کی پوری ٹیم 47 اوورز میں 345 رنز بناکر آؤٹ ہوگئی۔

محمد سرور، عادل امین اور کامران غلام کی نصف سنچریاں رائیگاں گئیں۔ محمد سرور نے 63 گیندوں پر 8 چوکوں اور 5 چھکوں کی مدد سے 89 جبکہ عادل امین نے ایک چھکے اور 8 چوکوں کی بدولت 75 رنز کی اننگز کھیلی۔ کامران غلام 55 رنز بناکر آؤٹ ہوئے۔شاہنواز دھانی نے 64 رنز کے عوض 5 کھلاڑیوں کو آؤٹ کیا۔

اقبال اسٹیڈیم فیصل آباد میں کھیلے گئے میچ میں سینٹرل پنجاب نے ناردرن کو 66 رنز سے ہرادیا۔240 رنز کے تعاقب میں ناردرن کی پوری ٹیم 39.2 اوورز میں 173 رنز پر آؤٹ ہوگئی۔ عماد وسیم 47 رنز بناکر نمایاں رہے۔ وہاب ریاض نے 22 رنز کے عوض 4 کھلاڑیوں کو پویلین کی راہ دکھائی۔

اس سے قبل سعد نسیم اور ظفر گوہر کی نصف سنچریوں کی بدولت سینٹرل پنجاب نے 50 اوورز میں 239 رنز بنائے تھے۔ سعد نسیم 7 چوکوں کی بدولت 84 اور ظفر گوہر 4 چوکوں اور 2 چھکوں کی مدد سے 52 رنز بناکر آؤٹ ہوئے۔ عامر جمال نے 3 جبکہ سلمان ارشاد، عماد وسیم اور زمان خان نے 2،2 کھلاڑیوں کو آؤ ٹ کیا۔

ملتان کرکٹ اسٹیڈیم میں کھیلے گئے میچ میں بلوچستان نے سدرن پنجاب کو 8 وکٹوں سے شکست دے دی۔ حسیب اللہ کی سنچری کی بدولت بلوچستان نے 192 رنز کا ہدف 27.5 اوورز میں 2 وکٹوں کے نقصان پر حاصل کرلیا۔ نوجوان اوپنر نے 82 گیندوں پر 16 چوکوں اور ایک چھکے کی مدد سے 106 رنز کی ناقابل شکست اننگز کھیلی۔ عبدالواحد بنگلزئی نے 10 چوکوں اور 2 چھکوں کی بدولت 66 رنز اسکور کیے۔

سدرن پنجاب کی ٹیم پہلے بیٹنگ کرتے ہوئے 41.3 اوورز میں 191 رنز پر ڈھیر ہوگئی تھی۔شرون سراج 67 اور محمد شہزاد 45 رنز بناکر آؤٹ ہوئے۔ عماد بٹ نے تین جبکہ کاشف بھٹی اور یاسر شاہ نے دو دو وکٹیں حاصل کیں۔

پاکستان کے وکٹ کیپر بلے باز محمد رضوان نے آسٹریلیا کے خلاف کراچی ٹیسٹ میں شاندار سنچری بنا کر ٹیم کو شکست سے بچا لیا۔

کھیل کے پانچویں روز جب ایک جانب کپتان بابراعظم مردآہن بن کر حریف بولرز کے سامنے ڈٹے رہے تو دوسری جانب نائب کپتان محمد رضوان نے بھی ان کا بھرپور ساتھ دیا اور آخری اوورز تک بھرپور مقابلہ کیا۔

محمد رضوان نے کیریئر کی دوسری سنچری اسکور کی اور ناٹ آؤٹ رہ کر میچ بچا لیا۔ انہوں نے ذمہ دارانہ بیٹنگ کرتے ہوئے آسٹریلوی بولرز کو خود پر ہاوی نہ ہونے دیا اور باؤنڈریز لگا کر بولرز پر دباؤ بنائے رکھا۔

سنچری بنانے پر اسٹیڈیم میں موجود تماشائیوں نے رضوان کو خوب داد دی تو میدان میں مقابلہ کرنے والے مہمان کھلاڑیوں نے بھی ان کی حوصلہ افزائی کی۔

Surrounded by fielders, hits a SIX! #BoysReadyHain l #PAKvAUS pic.twitter.com/jqCWJrt3i2

— Pakistan Cricket (@TheRealPCB) March 16, 2022

آسٹریلیا کے خلاف ہفتے سے کراچی میں شروع ہونے والے سیریز کے دوسرے ٹیسٹ میں پاکستانی پلئنگ الیون میں تبدیلی کا امکان ہے۔

پہلے ٹیسٹ نہ کھیلنے والے آل راؤنڈ فہیم اشرف، حسن علی اور فاسٹ بولر حارث رؤف کو نسیم شاہ اور افتخار احمد کی جگہ شامل کیا جا سکتا ہے۔

فہیم اشرف کورونا سے صحت یاب ہونے کے بعد اسکواڈ کو جوائن کر چکے ہیں جب کہ حسن علی اور حارث رؤف ٹیم کے ہمراہ مسلسل ٹریننگ کا حصہ ہیں۔

کراچی میں ورچوئل کانفرنس قومی ٹیم کے کپتان بابراعظم نے کہا کہ کراچی کی وکٹ اسپنرز کو مدد کرے گی، دو اہم کھلاڑیوں کی واپسی ہوئی ہے ممکن ہے کہ وہ پلیئنگ الیون میں شامل ہوں۔

بابراعظم نے کہا کہ آسٹریلیا کے جس اسپنر کا ڈیبیو ہو رہا ہے اس کو دیکھا نہیں، اس کی ویڈیو دیکھ کر تیاری کریں گے، پنڈی ٹیسٹ میں انفرادی اور بحیثیت ٹیم کی کارکردگی اچھی رہی، کوشش کریں گے تسلسل کو برقرار رکھیں۔

دوسری جانب آسٹریلوی کپتان پیٹ کمنز نے بتایا کہ کراچی کی پچ کو مدنظر رکھتے ہوئے ٹیم میں ایک تبدیلی کی ہے، فاسٹ بولر ہیزل ووڈ کی جگہ مچل سوئیپ سن ٹیم کا حصہ ہوں گے۔

واضح رہے کہ بینو قادر ٹرافی سیریز کا دوسرا ٹیسٹ میچ کل سے کراچی کے نیشنل اسٹیڈیم میں شروع ہورہا ہے، راولپنڈی میں کھیلا جانے والا پہلا ٹیسٹ ڈرا ہوگیا تھا۔

آسٹریلوی بلے باز اسٹیو اسمتھ پنڈی ٹیسٹ میں سنچری بنانے کا موقع گنوانے پر اپنے آپ سے ناراض ہو گئے۔

بیٹنگ کے لیے سازگار پچ پر چار دنوں میں اب تک 925 رنز بن چکے ہیں اور کوئی بھی ٹیم مکمل طور پر آؤٹ نہیں ہوئی، پہلے پاکستان نے رنز کے انبار لگائے تو پھر آسٹریلیا نے 7 وکٹوں پر 449 رنز بنائے۔
م
ہمان ٹیم کے ابتدائی چار بلے بازوں نے نصف سنچریاں بنائیں جس میں سے 2 پلیئرز نورس نائینٹیز کا شکار ہوئے۔آسٹریلوی کی ٹیم جانب سے برصغیر میں یہ دوسرا موقع ہے کہ جب ٹیسٹ کی کسی ایک اننگز میں ابتدائی چاروں بلے بازوں نے ففٹیز اسکور کیں۔

نصف سنچری کو سنچری میں تبدیل کرنے کی اسٹیو اسمتھ کی خواہش اس وقت دھری کی دھری رہ گئی جب وہ تیزی سے رنز بنانے کی لالچ میں اپنی وکٹ گنوا بیٹھے۔

BIG MOMENT. BIG WICKET. #BoysReadyHain l #PAKvAUS pic.twitter.com/96wVKGm4At

— Pakistan Cricket (@TheRealPCB) March 7, 2022

کھیل کے اختتام پر اسمتھ نے کہا کہ وہ اپنے آپ سے ناراض ہیں کیونکہ جو فیلڈ سیٹ کی گئی اسے دیکھ کر مجھے لالچ آئی اور میں اس پوزیشن میں تھا کہ لمبی اننگز کھیلوں میں نے بڑی محنت کی تھی۔

دائیں ہاتھ کے بلے باز نعمان علی کی گیند پر باؤنڈری لگانے کی کوشش میں وکٹ کیپر کے ہاتھوں 78 رنز پر آؤٹ ہوئے تھے۔

اسپیڈ اسٹار شعیب اختر نے پاکستان اور آسٹریلیا کے درمیان کھیلے جارہے راولپنڈی ٹیسٹ میں پہنچ کر سب کو حیران کر دیا۔

24سال بعد آسٹریلوی ٹیم کو پاکستان میں کھیلتے دیکھ کر جہاں شائقین کرکٹ پرُجوش ہیں وہیں سابق کھلاڑی بھی خوش ہیں۔

لیجنڈی فاسٹ بولر شعیب اختر بھی آسٹریلوی ٹیم کو دیکھنے کے لیے پنڈی اسٹیڈیم پہنچے اور میچ سے لُطف اندوز ہوئے۔

انہوں نے اسٹیڈیم جاتے ہوئے اپنی گاڑی میں بیٹے کے ہمراہ ویڈیو پیغام بھی سوشل میڈیا پر شیئر کرتے ہوئے کہا کہ میں کافی عرصے بعد پنڈی اسٹیڈیم جا رہا ہوں، پچھلی بار میں نے یہاں پاکستان کے لیے میچ کھیلا تھا اور اس کے بعد میں نے یہاں کوئی میچ نہیں دیکھا اور نہ ہی کھیلا۔

Very happy to see Test Cricket of highest level in my city Rawalpindi.
Going to be with you all welcoming Australia to our grounds. #cricket #pakistan #australia pic.twitter.com/UR7aOKgNsI

— Shoaib Akhtar (@shoaib100mph) March 4, 2022

انہوں نے کہا کہ مجھے آسٹریلیا کا دورہ پاکستان دیکھ کر خوشی ہوئی، پوری قوم بہت خوش ہےمیں بھی خوش ہوں۔

پاکستان کے خلاف آسٹریلوی اسپن کنسلٹنٹ فواد احمد کورونا ٹیسٹ مثبت آنے پر قرنطینہ میں چلے گئے۔

آسٹریلوی ٹیم کے ترجمان نے تصدیق کرتے ہوئے کہا ہے کہ فواداحمد کورونا کا شکار ہوئے ہیں تاہم ان میں کوویڈ 19 کی ہلکی پلکی علامات ہیں۔

لیگ اسپنر نے ہوٹل میں آئیسولیشن اختیار کر لی ہے اور حکومتی ضوابط کے مطابق وہ کم از کم 5 دن آئیسولیشن میں رہیں گے اور کورونا منفی آنے پر وہ اسکواڈ میں شامل ہوں گے۔

پاکستان میں پیدا ہونے والے آسٹریلوی کرکٹر فواد احمد کو پاکستان کے خلاف سیریز سے قبل آسٹریلوی ٹیم کے لیے اسپن کنسٹلٹنٹ مقرر کیا گیا ہے۔

فواد احمد آسٹریلوی بلے بازوں کی مدد کریں گے کیونکہ وہ 24 سال میں پہلی بار ہوم کنڈیشنز میں پاکستان کا سامنا کرنے کے لیے تیار ہیں۔

واضح رہے کہ آسٹریلیا کی ٹیم چوبیس سال کے طویل عرصے کے بعد پاکستان کا دورہ کررہی ہے، دورے کے دوران تین ٹیسٹ میچ، تین ون ڈے اور ایک ٹی ٹوئنٹی میچ کھیلا جائے گا۔

پاکستان آسٹریلیا کے درمیان پہلا ٹیسٹ میچ 4 مارچ سے شیڈول ہے جو راولپنڈی کرکٹ اسٹیڈیم میں کھیلا جائے گا، دوسرا ٹیسٹ کراچی اور تیسرا ٹیسٹ میچ لاہور میں ہوگا۔