Author: وقاص صفدر

آسٹریلیا کے خلاف ٹیسٹ سیریز کے قبل پاکستانی بولنگ اٹیک کو بڑا دھچکا لگ گیا۔

پیش بیٹری کے اہم ہتھیار حارث رؤٖف کورونا وائرس کا شکار ہو کر آئیسولیشن میں چلے گئے۔ پی ایس ایل کی فاتح ٹیم لاہور قلندرز کی جیت میں اہم کردار ادا کرنے والے حارث رؤف ہو سرپرائز فیکٹر کے طور پر اسکواڈ میں شامل کیا گیا تھا۔

4مارچ سے راولپنڈی میں شروع ہونے والے ٹیسٹ کے لیے اسکواڈ میں شامل کھلاڑیوں نے رپورٹ کر دیا ہے۔ پنڈی پہنچنے پر کھلاڑیوں کا کورونا ٹیسٹ کیا گیا تو حارؤف کا نتیجہ مثبت آیا جس پر انہیں قرنطینہ کر دیا گیا ہے۔

آسٹریلیاکیخلاف تاریخی سیریز کیلئے پنڈی اسٹیڈیم میں دونوں ٹیموں کی بھرپور تیاریاں جاری ہے، سیریزمیں کامیابی پاکستان کو رینکنگ میں ٹاپ فائیو میں لے آئے گی جبکہ ناکامی آسٹریلیا کو پہلی پوزیشن سے محروم کردے گی۔

دوسری جانب این سی او سی نے پاک آسٹریلیا میچز میں100فیصد شائقین کی اجازت دینے کا فیصلہ کرلیا ، این سی او سی کی جانب سے فیصلے سے پاکستان کرکٹ بورڈ کو آگاہ کردیاگیا ہے۔

ذرائع کا کہنا ہے کہ 100فیصد شائقین پاک آسٹریلیا کرکٹ میچز اسٹیڈیم میں دیکھ سکیں گے، اس حوالے سے این سی او سی نے وفاق اور صوبوں پی سی بی کو مراسلہ ارسال کر دیا ہے۔

بھارتی ٹیم کے نئے کپتان روہت شرما نے پاکستان کے اسٹار آل راؤنڈرز شعیب ملک اور محمد حفیظ کو پیچھے چھوڑتے ہوئے سب سے زیادہ ٹی ٹوئنٹی انٹرنیشنل کھیلنے کا اعزاز اپنے نام کر لیا۔

روہت شرما نے یہ سنگ میل سری لنکا کے خلاف کھیلے جارہے تیسرے ٹی ٹوئنٹی میں عبور کیا جو ان کے کیریئر کا 125 واں میچ ہے۔

اس سے قبل سب سے زیادہ ٹی ٹوئنٹی انٹرنیشنل کھیلنے کا ریکارڈ پاکستانی آل راؤنڈر شعیب ملک کے پاس تھا جنہوں نے 124 میچوں میں پاکستان کی نمائندگی کی۔

حال ہی میں انٹرنیشنل کرکٹ سے ریٹائرمنٹ لینے والے محمد حفیظ 119 ٹی ٹوئنٹی میچوں پاکستان کی نمائندگی کرتے ہوئے کئی بڑے ایونٹس کا حصہ بھی بنے۔

کرکٹ کے تینوں فارمیٹ میں سب سے زیادہ میچز کھیلنے والے کھلاڑیوں کا تعلق بھارت سے ہی ہے۔ سچن ٹنڈولکر 200 ٹیسٹ میچ اور 463 ون ڈے کھیلنے والے واحد پلیئر ہیں۔

پاکستان میں پیدا ہونے والے آسٹریلوی کرکٹر فواد احمد کو پاکستان کے خلاف سیریز سے قبل آسٹریلوی ٹیم کے لیے اسپن کنسٹلٹنٹ مقرر کر دیا گیا ہے۔

دی ایج اور سڈنی مارننگ ہیرالڈ نے تصدیق کرتے ہوئے کہا ہے کہ فواد احمد آسٹریلوی بلے بازوں کی مدد کریں گے کیونکہ وہ 24 سال میں پہلی بار ہوم کنڈیشنز میں پاکستان کا سامنا کرنے کے لیے تیار ہیں۔

فواد احمد نے حال ہی میں راشد خان کے متبادل کے طور پر لاہور قلندرز کے حصہ بنتے ہوئے 26 رنز کے عوض 2 وکٹیں حاصل کی تھیں۔

لیگ اسپنر ایل پی ایس ایل فائنل کے بعد آسٹریلیا کے بائیو سیکیو بلبل بن جائیں گے پی ایس ایل سیزن 7 کا فائنل آج قلندرز اور ملتان سلطانز کے مابین کھیلا جائے گا۔

واضح رہے کہ آسٹریلیا کی ٹیم چوبیس سال کے طویل عرصے کے بعد پاکستان کا دورہ کررہی ہے، دورے کے دوران تین ٹیسٹ میچ، تین ون ڈے اور ایک ٹی ٹوئنٹی میچ کھیلا جائیگا۔

پاکستان آسٹریلیا کے درمیان پہلا ٹیسٹ میچ 4 مارچ سے شیڈول ہے جو راولپنڈی کرکٹ اسٹیڈیم میں کھیلا جائے گا، دوسرا ٹیسٹ کراچی اور تیسرا ٹیسٹ میچ لاہور میں ہوگا۔

راولپنڈی ٹیسٹ کے لیے سیکیورٹی انتظامات کو حتمی شکل دے دی گئی ہے۔

پاکستان کے اسٹار آل راؤنڈر فہیم اشرف آسٹریلیا کے خلاف ہوم ٹیسٹ سیریز سے باہر ہو گئے۔

آسٹریلیا کے خلاف ٹیسٹ سیریز سے قبل پاکستان کو بڑا دھچکا لگ گیا انجری کا شکار آل راؤنڈر فہیم اشرف فٹنس مسائل کی وجہ سے پہلے ٹیسٹ سے باہر ہو گئے ہیں۔

پی ایس ایل کے پلے آف مرحلے میں انجری کے باعث ٹیم سے باہر ہونے والے فہیم اشرف ٹیسٹ سیریز کے لیے بھی دستیاب نہیں ہوں گے اور ان کی غیرموجودگی میں متبادل کھلاڑیو کو شامل کیا جائے گا۔

پاکستان کرکٹ بورڈ نے فی الحال فہیم اشرف کے متبادل کا اعلان نہیں کیا تاہم جلد ہی دوسرے کھلاڑی کو شامل کیے جانے کا امکان ہے۔

واضح رہے کہ آسٹریلیا کی ٹیم چوبیس سال کے طویل عرصے کے بعد پاکستان کا دورہ کررہی ہے، دورے کے دوران تین ٹیسٹ میچ، تین ون ڈے اور ایک ٹی ٹوئنٹی میچ کھیلا جائیگا۔

پاکستان آسٹریلیا کے درمیان پہلا ٹیسٹ میچ 4 مارچ سے شیڈول ہے جو راولپنڈی کرکٹ اسٹیڈیم میں کھیلا جائے گا، دوسرا ٹیسٹ کراچی اور تیسرا ٹیسٹ میچ لاہور میں ہوگا۔

راولپنڈی ٹیسٹ کے لیے سیکیورٹی انتظامات کو حتمی شکل دے دی گئی ہے۔

فٹنس مسائل سے دوچار اسلام آباد یونائیٹڈ کے لیے اچھی خبر ہے کہ کپتان شاداب خان نے انجری سے چھٹکارا پا لیا ہے۔

پی ایس ایل 7 میں آج اسلام آباد یونائیٹڈ اور پشاور زلمی کے درمیان پہلا ایلیمنیٹر میچ کھیلا جائے گا، میچ شام ساڑھے 7 بجے قذافی اسٹیڈیم میں شروع ہوگا۔

آج کا میچ ہارنے والی ٹیم ٹورنامنٹ سے باہر ہوجائے گی جبکہ جیتنے والی ٹیم کا میچ لاہور قلندرز کیساتھ جمعہ کے روز ہوگا۔

انجری مسائل سےدوچار اسلام آباد یونائیٹڈ میں کپتان شاداب خان اورایلیکس ہیلز کی واپسی ہوگی جبکہ ول جیکس کی شمولیت بھی کمبی نیشن کو مضبوط بنائے گی۔

اطلاعات یہی ہیں کہ انجری کے باعث گزشتہ تین میچ نہ کھیلنے والے شاداب خان کو فٹ قرار دے دیا گیا ہے اور وہ آج ٹیم کی قیادت کے لیے دستیاب ہیں۔

نیوزی لینڈ کے جارحانہ بلے باز کولن منرو اور حسن علی بھی فٹ ہو گئے ہیں تاہم ان کی ٹیم میں شمولیت میچ سے قبل فٹنس ٹیسٹ سے مشروط ہے۔

آسٹریلیا کے خلاف سیریز کے لیے اعلان کردہ قومی ٹیسٹ اسکواڈ میں اہم تبدیلیاں کی گئی ہیں۔

آل راؤنڈر محمد نواز پاؤں کی انجری کا شکار ہونے کے باعث سیریز سے باہر ہوگئے ہیں جب کہ سرفراز احمد اور نسیم شاہ ٹریولنگ ریزرو کی حیثیت سے اسکواڈ کے ہمراہ سفر کریں گے۔ یہ دونوں کھلاڑی صرف کسی انجری کی صورت میں ہی اسکواڈ میں شامل کیے جاسکیں گے۔

محمد حارث کو ریزرو کھلاڑیوں میں شامل کرلیا گیا ہےتاہم وہ کامران غلام، محمدعباس اور یاسر شاہ کے ہمراہ پاکستان کپ میں شرکت کریں گے۔ پاکستان کپ کا آغاز 2 مارچ کو ہوگا۔

قومی ٹیسٹ اسکواڈ میں شامل وہ کھلاڑی جو ایچ بی ایل پی ایس ایل 7 کا حصہ نہیں ہیں وہ آج رات کو اسلام آباد پہنچ جائیں گے۔ تین روزہ آئسولیشن مکمل ہونے کے بعد یہ تمام کھلاڑی 27 فروری سے ٹریننگ کا آغاز کردیں گے۔

پی ایس ایل 7 کے پلے آف مرحلے میں شریک ٹیسٹ پلیئرز 28 فروری کو اسلام آباد روانہ ہوں گے۔ یہ تمام کھلاڑی یکم مارچ سے ٹریننگ سیشنز کا آغاز کریں گے۔

پاکستان سپر لیگ 7 میں سرفہرست ٹیم ملتان سلطانز نے ایک اور منفرد ریکارڈ اپنے نام کر لیا۔

پی ایس ایل کے کسی بھی ایونٹ میں سب سے زیادہ کامیابیاں سمیٹنے کا اعزاز رکھنے والی ملتان سلطانز کی جیت میں اوپننگ جوڑی نے کلیدی کردار ادا کیا۔

کپتان محمد رضوان اور شان مسعود پر مشتمل اوپننگ جوڑی نے پورے ٹورنامنٹ میں 3 بار سنچری اسٹینڈ فراہم کیا جب کہ ایک بار 98 رنز کی شراکت داری قائم کر کے ٹیم کی پوزیشن کو مستحکم بنایا۔

اوپنرز نے پہلی وکٹ پر 65 کی اوسط سے رنز بنائے جو کہ کسی بھی ٹیم کی اوپننگ جوڑی کے اعتبار سے سب سے زیادہ اسکور ہے۔

دائیں اور بائیں ہاتھ کے بلے بازوں کی جوڑی بولرز کے لیے خطرناک ثابت ہوئی ہے جس نے پہلی وکٹ پر ریکارڈ رنز کے انبار لگائے ہیں۔

پی ایس ایل سیون کے پلے آف مرحلے کا پہلا میچ آج لاہور کے قذافی اسٹیڈیم میں کھیلا جائے گا، جہاں پہلے کوالیفائر میں دفاعی چیمپئن ملتان سلطانز کا مقابلہ لاہور قلندرز سے ہوگا، میچ ساڑھے 7 بجے شروع ہوگا۔

ایونٹ میں آج کے میچ میں جو جیتے گا وہ ٹورنامنٹ کا فائنل کھیلے گا جبکہ ہارنے والی ٹیم کے پاس ایک چانس اور ہوگا، آج شکست کھانے والی ٹیم پلے آف مرحلے کے دوسرے میچ کی ونر ٹیم کے ساتھ میچ کھیلے گی۔

متحدہ عرب امارات نے پہلی بار ٹی ٹوئنٹی ورلڈکپ کے لیے کوالیفائی کر لیا۔ آئرلینڈ نے بھی میگا ایونٹ کے لیے ٹکٹ بک کروا لی۔

متحدہ عرب امارات نے مسقط میں نیپال کو شکست دینے کے بعد آسٹریلیا میں ہونے والے ٹی ٹوئنٹی ورلڈ کپ کے لیے رسائی حاصل کی ہے۔

کپتان احمد رضا کی شاندار کارکردگی کی بدولت کوالیفائنگ ایونٹ کے سیمی فائنل میں امارات نے نیپال کو 68 رنز سے شکست دی۔

Captain 'o Captain….. @ahmedrazauae leading from front 👊

Takes a bag of 5 (wkts) for 19 runs (4 overs) to wrap it up 🎀

WHAT A WIN! @ICC @T20WorldCup 🇦🇺 HERE WE COME 🕺

Scorecard 👉 https://t.co/WKdWzAksu1 pic.twitter.com/bdsB8OUay5

— UAE Cricket Official (@EmiratesCricket) February 22, 2022

یو اے ای کی نیشنل ٹیم سات سالوں میں پہلی بار اور تاریخ میں صرف چوتھی بار عالمی سطح پر نمائندگی کرے گی۔ انہوں نے 1996 اور 2015 میں 50 اوور کا ورلڈ کپ کھیلا تھا جب کہ 2014 میں پہلے بار 20 اوور کے فارمیٹ میں رسائی حاصل کی تھی۔

دوسری جانب آئرلینڈ نے ہوم ٹیم عمان کا شکست دے کر ٹی ٹوئنٹی ورلڈکپ میں جگہ پکی کر لی ہے۔