پی ایس ایل 7 کا آخری لیگ میچ میں شاہین شاہ آفریدی نے 39 رنز کی طوفانی اننگز کھیل کر نہ صرف ایونٹ کا پہلا میچ برابر کیا بلکہ اپنی شاندار بیٹنگ کو یادگار بنا دیا۔

شاہین شاہ آفریدی نے دھواں دھار بیٹنگ کرکے ٹیم کو یقینی شکست سے بچایا۔ قلندرز کے کپتان نے آخری گیند پر چھکا لگا کر میچ برابر کر دیا۔ حیران کن طور پر ٹیل اینڈر شاہین آفریدی نے آخری اوور میں تین چھکے لگا کر پشاور زلمی کی امیدوں پر پانی پھیر دیا۔ کپتان نے 20 گیندوں پر 39 رنز بنائے جس میں 4 چھکے اور دو چوکے شامل تھے۔

THAT over. #HBLPSL7 l #LevelHai l #LQvPZ pic.twitter.com/o8AYrxjmNg

— PakistanSuperLeague (@thePSLt20) February 21, 2022

قذافی اسٹیڈیم لاہورمیں کھیلے گئے ایچ بی ایل پی ایس ایل 7 کے آخری لیگ میچ میں پشاور زلمی نے سپر اوور میں لاہور قلندرز کو شکست دے دی۔ فاتح ٹیم نے ایک اوور میں چھ رنز کا ہدف بغیر کوئی وکٹ گنوائے دوسری گیند پر حاصل کرلیا۔ لاہور قلندرز نے پہلے بیٹنگ کرتے ہوئے سپر اوور میں بغیر کسی نقصان کے پانچ رنز اسکور کیے تھے۔

SHINE ✨SHAH #HBLPSL7 l #LevelHai l #LQvPZ pic.twitter.com/ABEKNyu00s

— PakistanSuperLeague (@thePSLt20) February 21, 2022

پشاور زلمی کے نوجوان کھلاڑی محمد حارث نے ناقابل یقین کیچ پکڑ کر سب کو حیران کر دیا۔

لاہور قلندرز کے خلاف قذافی اسٹیڈیم میں کھیلے جارہے میچ میں محمد حارث نے زازئی کے ہاتھوں سے ڈراپ ہونے والے کیچ کو ڈائیو لگا کر پکڑ لیا۔

ہدف کے تعاقب میں ہوم ٹیم لاہور قلندرز کے بلے باز کامران غلام نے ارشداقبال کی گیند پر زوردار شارٹ کھیل کر چھکا لگانے کی کوشش کی لیکن وہ ناکام رہے۔

CATCH OF THE MATCH BY @iamharis63 😲#HBLPSL7 l #LevelHai l #LQvPZ pic.twitter.com/3ic5oqNyDe

— PakistanSuperLeague (@thePSLt20) February 21, 2022

فیلڈر زازئی گیند کے نیچے آئے اور انہوں نے کیچ تھامنے کی کوشش کی جس میں وہ کامیاب نہ ہو سکے تاہم اسی اثناء میں نوجوان کرکٹر محمد حارث نے حاضر دماغی کا مظاہرہ کرتے ہوئے گیند کو زمین پر گرنے سے بچا کر کیچ پکڑ لیا۔

زبردست کیچ پکڑنے پر ساتھی کھلاڑیوں نے محمد حارث کو داد دی اور اسٹیڈیم میں موجود تماشائیوں نے تالیاں بجا کر شاندار فیلڈنگ پر نوجوان کی حوصلہ افزائی کی۔

آسٹریلیا کے لیجنڈ کپتان مارک وا نے پاکستانی اسپنرز کے ساتھ ساتھ فاسٹ بولرز کو بھی آسٹریلوی ٹیم کے لیے خطرناک قرار دے دیا۔

آسٹریلیا 24 سال بعد تین ٹیسٹ، تین ون ڈے اور ایک ٹی ٹوئنٹی کے لیے پاکستان کا دورہ کرنے کرنے والی ہے جس کے لیے اسکواڈ کا اعلان کیا جاچکا ہے۔ دورے کا پہلا ٹیسٹ 4 مارچ سے راولپنڈی میں شروع ہوگا۔

56 سالہ وا نے پاکستان میں ٹیسٹ کرکٹ میں سنچری اسکور کر رکھی ہے، 1998 میں مارک ٹیلر کے ہمراہ ان کی 117 کی اننگز نے کراچی میں تیسرا ٹیسٹ ڈرا کرنے میں مدد فراہم کی تھی۔

ایک انٹرویو میں وا کا کہنا ہے کہ میں نے ہمیشہ سوچا کہ پاکستان کی وکٹیں ہندوستانی وکٹوں کی طرح نہیں ہیں وہ ٹوٹتی نہیں ہیں، اور اس پر اتنی دھول نہیں ہوتی، ان پر زیادہ گھاس بھی نہیں لیکن وہ کافی سخت ہیں، اور ساتھ ہی ریورس سوئنگ ہوتی ہے اس لیے اسپنرز کے ساتھ ساتھ فاسٹ بولرز بھی خطرناک ہیں۔

ان کا کہنا تھا کہ میرے دور میں پاکستان کے پاس مشتاق احمد اور ثقلین مشتاق جیسے اسپنرز تھے لیکن میں نے ہمیشہ سوچا کہ تیز گیند باز بھی اتنے ہی خطرناک ہوتے ہیں۔

مارک وا نے کہا کہ کافی عرصے سے مشاہدے میں آیا کہ ڈیوڈ وارنر فاسٹ بولرز کے خلاف زیادہ اچھا نہیں کھیل پائے ایسے میں شاہین آفریدی ان کے لیے ٹیسٹ کیس ہوگا۔

پاکستان کے ٹیسٹ اوپنر عابد علی نے ہارٹ سرجری کے بعد فٹنس کی جانب ایک اور قدم اٹھا لیا۔

صحت یاب ہونے پر عابد علی نے فٹنس مکمل کرنے کی جانب پیش قدمی کرتے ہوئے تیزی سے دوڑنا شروع کر دیا ہے۔

وہ گزشتہ سال دسمبر میں عارضہ قلب میں مبتلا ہو کر تیزی سے اپنی فٹنس بحالی کے مرحلے سے گزر رہے ہیں۔ ماہر ڈاکٹرز اور اسٹاف کی زیرنگرانی انہیں بتدریج فٹنس کے مراحل سے گزارا جا رہا ہے۔

Another step forward. Alhumdulilah started running with full flow after my heart surgery. Will soon hold the bat and start training. Thank you everyone for all the wishes and prayers.🤲 pic.twitter.com/mR3W9Gb0Cb

— Abid Ali (@AbidAli_Real) February 21, 2022

عابد علی ہلکی پلکی ورزش کے ساتھ اب پوری طرح رننگ بھی کر رہے ہیں اپنی مکمل فٹنس حاصل کرنے کے بعد وہ پھر سے بیٹ پکڑنے کے قابل ہوں گے تو ان کی ٹریننگ شروع کی جائے گی۔

بلے باز آسٹریلیا کے خلاف ہوم سیریز کا حصہ نہیں ہیں تاہم وہ ٹیم میں جلد واپسی کے لیے پرُامید ہیں۔

عابد علی نے میدان میں دوڑنے کی تازہ ویڈیو شیئر کرتے ہوئے پیغام میں لکھا کہ الحمداللہ فٹنس حاصل کرنے کی جانب ایک اور پیش قدمی کی ہے، ہارٹ سرجری کے بعد اب بھرپور انداز میں رننگ کر رہا ہوں اور جلد ہی بیٹ پکڑنے کے قابل ہوں گا۔

بلے باز نے مداحوں کا شکریہ ادا کرتے ہوئے کہا کہ ان سب کا شکریہ جنہوں نے میرے لیے نیک خواہشات کا اظہارکرتے ہوئے دعاؤں میں یاد رکھا۔

پاکستان سپر لیگ کی تاریخ میں ملتان سلطانز نے نیا ریکارڈ بنا ڈالا۔

پی ایس ایل سیزن 7 میں سب سے زیادہ فتوحات کے ساتھ پوائنٹس ٹیبل پر سرفہرست رہنے والی ملتان سلطانز لیگ کے تمام سیزن میں 9 گروپ میچ جیتنے والی پہلی ٹیم بن گئی۔

ملتان نے اسلام آباد کو باآسانی شکست دے کر یہ سنگ میل عبور کیا۔اس سے قبل یہ ریکارڈ اسلام آباد یونائیٹڈ کے پاس تھا جس نے گزشتہ سیزن میں 8 لیگ میچز جیت کر سرفہرست رہنے کا اعزاز حاصل کیا تھا۔

Musa serving a garma garam SHOT!#HBLPSL7 I #LevelHai I #MSvIU pic.twitter.com/ykNetSR6GO

— PakistanSuperLeague (@thePSLt20) February 20, 2022

ایونٹ میں آج آخری لیگ میچ کھیلا جائےگا، جہاں لاہور قلندرز اور پشاور زلمی ٹاپ ٹو میں فنش کرنے کی جنگ لڑیں گی، میچ شام ساڑھے 7 بجے شروع ہوگا۔

فائنل فور کے لیے ملتان سلطانز، لاہور قلندرز، پشاور زلمی اور اسلام آباد یونائیٹڈ کی ٹیمیں کوالیفائی کرچکی ہیں، ملتان سلطانز پہلے، لاہور قلندرز دوسرے، پشاور زلمی تیسرے جبکہ اسلام آباد یونائیٹڈ کی ٹیم چوتھے نمبر پر موجود ہے۔

لاہور قلندرز 9 میچز میں 12 پوائنٹس ہیں آج پشاور زلمی کے خلاف فتح کی صورت میں وہ 14 پوائنٹس کے ساتھ دوسری پوزیشن پر آجائیں گے جبکہ پشاور زلمی کے 10 پوائنٹس ہیں آج کی فتح کی صورت پر اس کے 12 پوائنٹس ہوجائیں گے۔

کوئٹہ گلیڈی ایٹرز مسلسل تیسرےسال فائنل فور میں جگہ نہ بناسکی، جبکہ کراچی کنگز پہلی بارپلے آف مرحلے میں داخل نہ ہوسکی، اتوار کو ہونے والے میچوں میں کوئٹہ اور ملتان نےکامیابی سمیٹی۔

فائنل فور کے میچز کا مرحلہ 23 فروری سے شروع ہوگا،22 فروری کو پی ایس ایل میں چھٹی کا دن ہوگا۔

پاکستان سپر لیگ 7 میں پہلے نمبر پر موجود ملتان سلطانز نے تاریخ رقم کر دی۔

قذافی اسٹیڈیم لاہورمیں کھیلے گئے میچ میں دفاعی چیمپئن ملتان سلطانز نے کوئٹہ گلیڈی ایٹرز کو 117 رنز کے بھاری مارجن سے شکست دے کر ٹورنامنٹ میں آٹھویں کامیابی حاصل کرلی ہے۔یہ ایچ بی ایل پی ایس ایل کی تاریخ میں رنز کے اعتبار سے سب سے بڑی شکست ہے۔

سلطانز سے شکست، کوئٹہ کا ایونٹ میں‌ رہنا مشکل ہوگیا

سلطانز نے پی ایس ایل کی تاریخ کا دوسرا بڑا ٹوٹل بنانے کا اعزاز بھی حاصل کیا ہے۔

☝🏼 #HBLPSL7 l #LevelHai l #MSvQG pic.twitter.com/kp8MPJDinT

— PakistanSuperLeague (@thePSLt20) February 18, 2022

فاتح ٹیم کےکپتان محمد رضوان سمیت ان فارم ٹاپ آرڈرزرائیلی روسو اور شان مسعود نے شاندار نصف سنچریاں اسکور کرکےاس ایڈیشن کا پہلا جبکہ لیگ کی تاریخ کا دوسرا سب سے بڑا مجموعہ اسکور کیا۔

Noor Ahmad sends it over the fence!#HBLPSL7 l #LevelHai l #MSvQG pic.twitter.com/78QZfyQmOQ

— PakistanSuperLeague (@thePSLt20) February 18, 2022

سلطانز نے 3 وکٹوں کے نقصان پر 245 رنز بنائے جو دوسرا بڑا ٹوٹل ہے۔ اسلام آباد یونائیٹڈ نے پشاور زلمی کے خلاف 2021 میں 247 رنز کا سب سے بڑا مجموعہ بنایا تھا۔

پاکستان سپر لیگ سیزن 7 میں دھواں دھار بیٹنگ کرنے والے ٹم ڈیوڈ کو انٹرنیشنل سطح پر نمائندگی کا موقع ملنے کا امکان ہے۔

سنگاپور میں پیدا ہونے والے ٹم ڈیوڈ کو ممکنہ طور پر دورہ پاکستان کے لیے آسٹریلیا کی وائٹ بال ٹیم میں منتخب کیا جا سکتا ہے۔

دی ایج کے مطابق ڈیوڈ ٹی 20 میں اپنی شاندار کارکردگی کے بعد آسٹریلوی سلیکٹرز کے لیے مرکزِ نگاہ بنے ہوئے ہیں وہ پاکستان سپر لیگ (پی ایس ایل) سیزن 7 ملتان سلطانز کی نمائندگی کرتے ہوئے 205.26 کے اسٹرائیک ریٹ سے 234 رنز بنا چکے ہیں۔

آسٹریلوی وائٹ بال کے کپتان ایرون فنچ نے بھی تصدیق کی ہے کہ ڈیوڈ قومی دلچسپی کا کھلاڑی بن گیا ہے اور اسے پاکستان کے لیے منتخب کیا جا سکتا ہے جہاں آسٹریلیا 29 مارچ سے 5 اپریل تک تین ون ڈے اور ایک ٹی ٹوئنٹی کھیلے گا۔

فنچ نے کہا کہ اگر ڈیوڈ پاکستان کے دورے کے وائٹ بال کے لیے اپنے پہلے آسٹریلوی اسکواڈ میں شامل نہ ہو پائے تب بھی اکتوبر میں شروع ہونے والے ورلڈ کپ سے پہلے ان کے لیے گرین اور گولڈ میں ڈیبیو کرنے کے مزید مواقع ہوں گے۔

پاکستان کے سابق ہیڈکوچ مکی آرتھر نے انگلینڈ کو ٹیسٹ ٹیم کی بہتری کے لیے آئی پی ایل نہ کھیلنے کا مشورہ دے دیا۔

جنوبی افریقا اور سری لنکن ٹیم کی کوچنگ کرنے والے مکی آرتھر کا کہنا ہے کہ انگلینڈ کو اپنی ٹیسٹ ٹیم بہتر کرنی ہے تو اسے کھلاڑیوں کو آئی پی ایل کھیلنے سے روکنا ہوگا۔

تجربہ کار کوچ نے ‘دی ٹائمز’ سے گفتگو کرتے ہوئے کہا کہ آسٹریلیا نے ٹیسٹ کرکٹ میں زیادہ رنز نہیں بنائے لیکن اس کے لیے کاؤنٹی کرکٹ کو قصوروار ہرگز نہیں قرار دیا جا سکتا، الزام لگانا اتنا ہی آسان ہے جتنا کہ ٹیسٹ میں رنز بنانا۔

گزشتہ سال کے آخر میں سری لنکن کوچنگ سے دستبردرای کے بعد انگلش کاؤنٹی ڈربی شائر کے ہیڈکوچ بننے پر مکی آرتھر نے کہا کہ اتنے عرصے سے کاؤنٹی کرکٹ بین الاقوامی کھلاڑیوں کی تیاری کے لیے اہم کردار ادا کرتی رہی ہے مجھے نہیں لگتا کہ سسٹم میں کوئی مسئلہ ہے ہاں اگر آپ کو مضبوط سیزن شروع کرنا ہے تو بدقسمتی سے آپ کو کھلاڑیوں کو آئی پی ایل جانے سے روکنا پڑے گا۔

واضح رہے کہ آسٹریلیا کے خلاف ایشیزسیریز انگلینڈ کیلئے ڈراونا خواب ثابت ہوئی، آغاز سے شکستوں کا سامنا کرنے والی انگلش ٹیم کا اختتام بھی ہار سے ہوا اور اسے پانچ میچوں ‏کی سیریز میں 4-0 کی ہزیمت کا سامنا کرنا پڑا۔

آسٹریلیا نے دورہ پاکستان کے لیے اعلان کردہ اسکواڈ کے بعد 4 کھلاڑیوں کو اسٹینڈبائی کے طور پر نامزد کر دیا۔

آسٹریلیا کے قومی سلیکشن پینل کے سربراہ جارج بیلی نے پاکستان کے خلاف 4 مارچ سے راولپنڈی میں شروع ہونے والی تین میچوں کی ٹیسٹ سیریز کے لیے چار کھلاڑیوں کو اسٹینڈ بائی لسٹ میں شامل کیا ہے۔

بیلی نے کہا ہے کہ بیٹنگ میں میٹ رینشا اور نک میڈنسن جب کہ باؤلنگ میں شان ایبٹ اور مارک سٹیکیٹی کو اسٹینڈ بائی کے طور پر رکھا گیا ہے۔

رینشا اور میڈنسن پہلے ہی ٹیسٹ کھیل چکے ہیں البتہ گیند باز، شان ایبٹ اور مارک سٹیکیٹی نے ابھی تک ٹیسٹ کرکٹ نہیں کھیلی ہے۔

جارج بیلی کا کہنا ہے کہ اسٹینڈ بائی پر کھلاڑیوں کو رکھنے کا مقصد طویل ٹور کے دوران کوویڈ کے خطرات، فٹنس، انجری یا کسی بھی طرح کی صورتحال پر قابو پانا ہے۔

آسٹریلیا کی ٹیم اگلے ماہ تقریباً25سال بعد پاکستان کے دورے پر پہنچے گی، پاکستان اور آسٹریلیا کے درمیان 3ٹیسٹ میچ کھیلے جائیں گے۔

پہلا ٹیسٹ میچ 4مارچ سے راولپنڈی میں شروع ہوگا جبکہ دوسرا ٹیسٹ12مارچ سے کراچی میں اور تیسرا ٹیسٹ 21مارچ سے لاہور میں شروع ہوگا۔

آسٹریلوی اسکواڈ کے کھلاڑیوں میں ایشٹن آگر، اسکاٹ بولانڈ، الیکس کرے، کمیرون گرین، مارکس ہیرس، جاش ہیزل وڈ ٹریوس ہیڈ، جاش انگلس شامل ہیں۔