Author: وقاص صفدر

امریکی کرکٹ ٹیم نے ٹیسٹ پلیئنگ نیشن آئرلینڈ کو ہرا کر تاریخ بنا ڈالی۔

امریکی ٹیم نے بڑی کامیابی حاصل کر کے عمدہ آغاز کیا ہے۔فلوریڈا میں ٹی ٹوئنٹی میچ میں ‏امریکا نے آئرلینڈ کو چھبیس رنز سے ہرادیا۔

آئی سی سی کی فل ممبر آئرلینڈ اور امریکی ٹیم کے درمیان پہلا ٹی ٹوئنٹی انٹرنیشنل کھیلا گیا، ‏میزبان ٹیم نےپہلے کھیل کرایک سو اٹھاسی رنز اسکور کیے۔

ہدف کےتعاقب میں آئرش ٹیم چھے وکٹ پر ایک سو باسٹھ رنز بناسکی۔ پینسٹھ رنز بنانےوالے ‏گجانند سنگھ میچ کےبہترین کھلاڑی قرار پائے۔

اے سی سی مینز انڈر19 ایشیا کپ کے افتتاحی میچ میں پاکستان انڈر 19 کرکٹ ٹیم نے فاسٹ باؤلرز کی تباہ کن باؤلنگ کی بدولت افغانستان انڈر 19 کرکٹ ٹیم کو 4 وکٹوں سے ہرادیا ہے۔ 7 اوورز میں 9 رنز کے عوض 2 کھلاڑیوں کو پویلین کی راہ دکھانے پر اویس علی کو پلیئر آف دی میچ کا ایوارڈ دیا گیا۔

آئی سی سی اکیڈمی دبئی میں کھیلے گئے میچ میں فاتح ٹیم نے 53 رنز کا ہدف 16.4 اوورز میں 6 وکٹوں کے نقصان پر حاصل کرلیا۔معاذ صداقت 14 رنز بناکرناٹ آؤٹ رہے۔ وکٹ کیپر حسیب اللہ 11 رنز بناکر دوسرے ٹاپ اسکورر رہے۔عبدالواحد بنگلزئی 9، محمد شہزاد اور قاسم اکرم صفر، صفرجبکہ عرفان نیازی 4 اور رضوان محمود 2 رنز بناکر آؤٹ ہوئے۔

افغانستان کے نور احمد نے 3 جبکہ بلال سمیع نے 2 کھلاڑیوں کو آؤٹ کیا۔

اس سے قبل افغانستان انڈر 19 ٹیم نے ٹاس جیت کر پہلے بیٹنگ کا فیصلہ کیا تو احمد خان، اویس علی اور ذیشان ضمیر کی تباہ کن فاسٹ باؤلنگ کی بدولت افغان ٹیم 23.1 اوورز میں 52 رنز پر ڈھیر ہوگئی۔

احمد خان نے6 اوورز میں 21 رنز کے عوض 3 کھلاڑیوں کوپویلین کی راہ دکھائی۔ اس دوران انہوں نے 2 میڈن اوورز بھی پھینکے۔ اویس علی نے 9 جبکہ ذیشان ضمیر نے 12 رنز دے کر 2، 2 کھلاڑیوں کو آؤٹ کیا۔

ڈبل فگرز میں داخل ہونے والے افغانستان انڈر 19 کرکٹ ٹیم کے واحد بیٹر نانگیالیا 15 رنز بناکر آؤٹ ہوئے۔

پاکستان کے تجربہ کار آل راؤنڈر شعیب ملک نے فرسٹ کلاس کرکٹ میں تاریخ رقم کرنے والے ‏اپنے بھتیجے محمد ہریرہ کو ‘تھپکی’ دے دی۔

محمد ہریرہ نے اپنے پہلے فرسٹ کلاس ‏سیزن میں بلوچستان کے خلاف جاری قائد اعظم ٹرافی میں ‏ٹرپل سنچری بنا کر تاریخ رقم کی۔

کراچی کےاسٹیٹ بینک گراونڈ پر ناردرن کے اوپنر ہریرہ نے بلوچستان کے خلاف ٹرپل سنچری ‏داغی۔ ہریرا ڈومیسٹک کرکٹ میں ٹرپل سنچری کرنے والے دوسرے کم عمر بیٹر ہیں۔ جاوید ‏میانداد نے ‏صرف سترہ سال کی عمر میں ٹرپل سنچری اسکور کرکے ریکارڈ قائم کیا تھا۔

– I am very proud of you @therealhurraira on becoming the second Pakistani young cricketer to score triple century, you have a long way to go.
Keep working hard and and keep going strong, all the best ♥️#Cricket #Pakistan pic.twitter.com/26qzUBnBN3

— Shoaib Malik 🇵🇰 (@realshoaibmalik) December 20, 2021

شاندار کارکردگی پر شعیب ملک نے بھتیجے کی تعریف کرتے ہوئے ان کی حوصلہ افزائی کی اور ‏تابناک مستقبل کے لیے نیک خواہشات کا اظہار کیا۔

شعیب ملک نے کہا کہ ٹرپل سنچری بنانے والے دوسرے کم عمر ترین پاکستانی بلے باز محمد ‏ہریرہ پر فخر ہے، ابھی تم نے لمبا سفر طے کرنا ہے اسی طرح سخت محنت کرتے رہو اور آگے ‏بڑھتے رہو۔

MONUMENTAL EFFORT! 19-year-old Mohammad Huraira becomes the second youngest Pakistan batter to score a first-class triple century! 👏👏#HarHaalMainCricket pic.twitter.com/QtYRKDRCKT

— Pakistan Cricket (@TheRealPCB) December 20, 2021

پاکستان کے اسٹار فاسٹ بولر شاہین شاہ آفریدی نے وکٹ کیپر بلے باز محمد رضوان کو بابراعظم سے بہتر کپتان قرار دے دیا۔

لاہور قلندرز کے نئے کپتان کیلیے منعقدہ پریس کانفرنس میں چیف ایگزیکٹو آفیسر (سی ای او) ثمین رانا نے اعلان کیا کہ پی ایس ایل کے ساتویں ایڈیشن میں لاہور قلندرز کی قیادت پاکستان کرکٹ ٹیم کے مایہ ناز نوجوان فاسٹ باؤلر شاہین شاہ آفریدی کریں گے۔

اس موقع پر شاہین آفریدی نے مختصر گفتگو کی اور صحافیوں کے سوالوں کے جواب دیے۔ کپتانی ملنے پر صحافیوں نے ان سے پوچھا کہ وہ کس کو بہتر کپتان سمجھتے ہیں۔

شاہین آفریدی نے کہا کہ بابر اعظم میرے پسندیدہ بیٹر ہیں اور وہ نمبر ون بلے باز بھی ہیں انہوں نے قومی ٹیم کے کپتان کے طور پر شاندار کارکردگی کا مظاہرہ کیا ہے اور ہم ان کی قیادت میں نئی بلندیوں کو چھو رہے ہیں۔

فاسٹ بولر نے کہا کہ مجھے محمد رضوان کی شخصیت پسند ہے۔ میں نے خیبرپختونخوا کی طرف سے ان کے ساتھ ڈومیسٹک مقابلے کھیلنا شروع کیے اور میں نے انہیں بہترین کپتان پایا چونکہ بابر نے قومی ٹیم کے ساتھ شاندار کام کیا ہے، میں اسے دوسرے نمبر پر رکھوں گا۔

پاکستان کے ابھرتے ہوئے اسٹار فاسٹ بولر محمد حسنین بھی بگ بیش لیگ کا حصہ بن گئے۔

ٹی ٹوئنٹی اسپیشلسٹ حارث رؤف کے ساتھ ساتھ محمد حسنین بھی بی بی ایل الیون میں انِ ایکشن ‏ہوں گے۔ ‏21سالہ فاسٹ بولر کا سڈنی تھنڈر سے معاہدہ طے پا گیا ہے اور امکان یہی ہے کہ وہ 26 دسمبر کو ‏رواں سیزن میں ڈیبیو کریں گے۔

نوجوان بولر کی شمولیت سے تھنڈر کا بولنگ اٹیک مزید مضبوط ہو گیا ہے۔ تھنڈر اسکواڈ میں ‏پہلے ہی معیاری فاسٹ بولرز ڈینیئل سامس، بین کٹنگ، ثاقب محمود، کرس ٹریمین، ناتھن میک ‏اینڈریو، گروندر سندھو، اور برینڈن ڈوگیٹ شامل ہیں۔

The @ThunderBBL's fast bowling stocks just got EVEN BETTER! 🤯 #BBL11 pic.twitter.com/56t0GTmDQz

— KFC Big Bash League (@BBL) December 20, 2021

واضح رہے کہ حارث رؤف نے بگ بیش لیگ کی فرنچائز میلبرن اسٹارز سے معاہدہ کر لیا ہے اور وہ ‏مسلسل تیسرے سیزن میں ان ‏کی نمائندگی کریں گے۔

میلبرن اسٹارز نے اس حوالے سے تصدیق کرتے ہوئے بتایا ہے کہ 28 سالہ حارث رؤف 27 دسمبر کو ‏بی بی ایل الیون ‏کا پہلا میچ برسبین ہیٹ کے خلاف کھیلیں گے اور سیزن کے آخر تک وہ ٹیم کو ‏دستیاب رہیں گے۔

قومی ٹیم کے کپتان بابراعظم نے کہا ہے کہ وکٹ کیپر بلے باز کی شاندار کارکردگی کی تعریف ‏کرتے ہوئے کہا ہے کہ نوجوان کھلاڑیوں کو محمد رضوان سے سیکھنا چاہیے۔

ویسٹ انڈیز کے خلاف ٹی ٹوئنٹی سیریز میں کلین سوئپ کرنے پر بابراعظم نے کہا کہ پلان یہی ‏تھاکہ صورتحال کودیکھ کربیٹنگ کرنی ہے تمام لڑکوں نےتینوں میچزمیں شاندار پرفارمنس دی۔

بابراعظم نے کہا کہ ویسٹ انڈیز کیخلاف کلین سوئپ ٹیم ورک کانتیجہ ہے ورلڈکپ کوذہن میں رکھ ‏کر تیاریاں کر رہےہیں نوجوان کھلاڑیوں کو محمدرضوان سےسیکھناچاہیے۔

Another quality innings by the supremely consistent @iMRizwanPak 👏👏#PAKvWI #HumTouKhelainGey pic.twitter.com/FnNVUbSMeF

— Pakistan Cricket (@TheRealPCB) December 16, 2021

محمدرضوان نے تیسرے اور آخری ٹی ٹوئنٹی میں 87 رنز کی شاندار اننگز کھیل کر ٹیم کی کامیابی ‏میں اہم کردار ادا کیا اور انہیں پلیئرآف دی میچ قرار دیا گیا۔

سیریز میں مجموعی طور پر 203 رنز بنا کر ٹاپ اسکورر رہنے پر محمدرضوان کو سیریز کا بہترین ‏کھلاڑی بھی قرار دیا گیا۔