Author: وقاص صفدر

آسٹریلیا کو انگلینڈ کے خلاف ایشیز سیریز کے دوسرے ٹیسٹ سے قبل ایک اور بڑا دھچکا لگ گیا۔

آسٹریلوی پیس اٹیک میں شامل اہم فاسٹ بولر جوش ہیزل ووڈ کے بعد کپتان پیٹ کمنز بھی ایڈیلیڈ ‏ٹیسٹ سے باہر ہو گئے۔

دوسرے میچ کے آغاز سے چند گھنٹے قبل پیٹ کمنز کو کورونا وائرس سے متاثرہ شخص کے ساتھ ‏قریبی رابطے پر آئیسولیشن میں جانا پڑ گیا۔

پیٹ کمنز نے ریسٹورنٹ میں جس شخص کے ساتھ کھانا کھایا اس کی کورونا رپورٹ مثبت آنے پر ‏کپتان کو فوری طور پر ہوٹل روم میں آئیسولیشن اختیار کرنا پڑی۔

کورونا ایس او پیز کے تحت کمنز کو کم از کم ایک ہفتے کے لیے آئیسولیشن میں رہنا ہو گا اور ‏کورونا ٹیسٹ منفی آنے پر انہیں آئیسولیشن ختم کرنے کی اجازت ہو گی۔

پیٹ کمنز کی عدم دستیابی کی صورت میں اسٹیواسمتھ کپتانی کے فرائض انجام دے رہے ہیں۔

گھومتی گیندوں سے بنگلادیش کی گلیاں اڑانے والے نوجوان پاکستانی بولر ساجد خان نے کہا ہے کہ ہم صرف ‏جارحانہ انداز اپنائے میدان میں اترے ہیں امید ہے میچ جیت جائیں گے۔

ڈھاکا ٹیسٹ کے چوتھے روز اسپنرز کے لیے پچ کو سازگار دیکھتے ہوئے کپتان بابراعظم نے نئی گیند سے ‏ساجدخان اور نعمان علی سے اٹیک کروایا تو اسپنرز کپتان کی توقعات پر پورا اترے۔

ساجد خان نے صرف 9 اوورز میں 5 وکٹیں حاصل کر کے سب کو حیران کیا یہ پہلا موقع ہے کہ انہوں نے ٹیسٹ ‏کرکٹ کی کسی اننگز میں 5 وکٹیں حاصل کیں۔

ان کی جادوئی گیندیں بلے باز سمجھ ہی نہ پائے اور کھیل کے اختتام تک بنگلادیش نے 76 رنز پر 7 وکٹیں گنوائیں ‏جس میں سے 6 ساجد خان نے حاصل کیں۔

https://www.youtube.com/watch?v=PUHd0qdLTw8

اپنی عمدہ کارکردگی کے حوالے سے ساجد خان نے کہا کہ آج پچ سے بہت مدد مل رہی تھی کپتان بابر اعظم نے ‏کہا ہے کہ صرف جیت کے لیے جانا ہے چٹاگانگ کے میچ میں چار وکٹوں سے اعتماد ملا ہوا تھا۔

انہوں نے کہا کہ نعمان علی سینئر ہیں، وہ باؤلنگ کے ساتھ مشورے بھی دیتے ہیں کوشش یہی ہے کہ میزبان ٹیم ‏کو دونوں اننگز میں آؤٹ کرلیں ہم صرف جارحانہ انداز اپنائے میدان میں اترے ہیں اچھی پوزیشن میں ہیں، امید ‏ہے میچ جیتیں گے۔

پاکستان کے مایہ ناز فاسٹ بولر حارث رؤف ایک بار پھر بگ بیش لیگ کا حصہ بن گئے۔

حارث رؤف نے بگ بیش لیگ کی فرنچائز میلبرن اسٹارز سے معاہدہ کر لیا ہے اور وہ مسلسل تیسرے سیزن میں ان ‏کی نمائندگی کریں گے۔

میلبرن اسٹارز نے اس حوالے سے تصدیق کرتے ہوئے بتایا ہے کہ 28 سالہ حارث رؤف 27 دسمبر کو بی بی ایل الیون ‏کا پہلا میچ برسبین ہیٹ کے خلاف کھیلیں گے اور سیزن کے آخر تک وہ ٹیم کو دستیاب رہیں گے۔

Welcome back to #TeamGreen Haris Rauf 💚

The fast bowler will join the Stars after Christmas ⭐

— Melbourne Stars (@StarsBBL) December 7, 2021

حارث رؤف 2019 سے اسٹارز کے لیے اہم رہے ہیں انہوں نے میلبرن کرکٹ گراؤنڈ (‏MCG‏) میں ایک یادگار ہیٹ ٹرک ‏سمیت 10 میچوں میں 20 وکٹیں حاصل کیں۔

فاسٹ بولر نے دونوں فارمیٹس میں 2020 میں بین الاقوامی ڈیبیو کرنے کے بعد پاکستان کے لیے 8 ایک روزہ اور 32 ‏ٹی ٹوئنٹی کھیلے ہیں۔

پاکستان کرکٹ بورڈ کے چیئرمین رمیز راجا نے تماشائیوں سے کہا ہے کہ اسٹیڈیم میں داخلے کے لیے ویکسینیشن ‏لازمی ہے۔

تماشائیوں کے نام پیغام میں رمیز راجا نے کہا کہ نوجوانو! اگر آپ ویکسی نیٹڈ ہیں تو میچز دیکھنےضرور آئیں ‏ویسٹ انڈیزکےخلاف میچزمیں اسٹیڈیم میں فل ہاؤس کی اجازت ہے۔

چیئرمین پی سی بی نے کہا کہ آسٹریلیا، انگلینڈ، نیوزی لینڈ کی سیریز میں شائقین کو اسٹیڈیم میں آنےکی اجازت ‏ہوگی۔

So you heard it boys and girls: a full house has been allowed for fully vaccinated fans and so if you are 12 and over, and want to be part of our best season for years inshallah starting with WI followed by PSL , Aus, England and NZ , please get COVID vaccination done.

— Ramiz Raja (@iramizraja) December 5, 2021

نیشنل کمانڈ اینڈ آپریشن سینٹر(این سی او سی) کی جانب سے پاکستان کرکٹ بورڈ کے لیے ہدایت نامہ جاری ہوا ‏ہے جس میں کہا گیا ہے کہ 12سال سے زائد العمر تماشائی کیلئے ویکسینیشن سرٹیفکیٹ لازم ہے۔

این سی او سی کا کہنا ہے کہ تماشائیوں اور آرگنائزر کیلئے ماسک اور سینیٹائزر کا استعمال لازمی قرار دیا گیا ہے۔ ‏ٹکٹ اور دعوت نامہ کوروناویکسین سرٹیفکیٹ دیکھ کر جاری کیے جائیں گے۔

خیال رہے کہ پاکستان اور ویسٹ انڈیز میں ٹی20 اور ون ڈے سیریز 13سے22 دسمبر تک ہوگی، میچز نیشنل ‏اسٹیڈیم کراچی میں شیڈول ہیں۔ پی ایس ایل7میں تماشائیوں کے حوالے سے فیصلہ دسمبر کے تیسرے ہفتے ہوگا۔

پی ایس ایل کی سب سےمقبول اور متحرک فرنچائز کراچی کنگز نے سیزن سیون کیلئےانگلینڈکےسابق کرکٹر ‏پیٹرمورس کو نیاہیڈکوچ مقرر کر دیا۔

انگلینڈ کے سابق کرکٹر پیٹرمورس کراچی کنگز کے ہیڈکوچ مقرر کر دیے گئے۔ پیٹرمورس 2 مرتبہ انگلش ٹیم کے ‏کوچ کی ذمہ داریاں نبھا چکے ہیں۔

مورس کومختلف کاؤنٹی ٹیموں کی کوچنگ کا تجربہ بھی حاصل ہے انہوں نے بطور ہیڈکوچ ناٹنگھم کو 2020 کا ‏چیمپئن بھی بنوایا۔

پیٹرمورس کا کہنا ہے کہ کراچی کنگزفیملی کا حصہ بننے پر بےحدپرجوش ہوں، پی ایس ایل دنیا کے بہترین ‏ٹورنامنٹس میں سےایک ہے یہاں کی ثقافت اور لوگوں کاجذبہ قابل تعریف ہے پوری کوشش ہوگی کراچی کنگز کو ‏ٹرافی دوبارہ جتواؤں۔

واضح رہے کہ کراچی کنگز نے پی ایس ایل سیزن سیون کے لیے بابر اعظم کو کراچی کنگز کا کپتان مقرر کیا ہے۔ ‏کراچی کنگز کے مالک سلمان اقبال کا کہنا ہے کہ بابر اعطم 6 سال سے کراچی کنگز کا حصہ ہیں، وہ پہلے دن ‏سے کراچی کنگز کا دل اور جان ہیں۔

انہوں نے کہا کہ گزشتہ کامیاب سیزن میں عماد وسیم نے کراچی کنگز کی کپتانی کی، بابر اعطم اب کراچی کنگز ‏کو بلندیوں پر پہنچائیں گے۔

بلے بازوں کے لیے خوف کی علامت قومی ٹیم کے فاسٹ بولر شاہین شاہ آفریدی نے بڑا اعزاز اپنے نام کر لیا۔

ون ڈے اور ٹی ٹوئنٹی کے بعد شاہین آفریدی ٹیسٹ کرکٹ کے بھی بہترین بولر بن گئے انہوں نے رواں سال ٹیسٹ ‏کرکٹ میں سب سے زیادہ وکٹیں حاصل کرنے کا ریکارڈ بنا لیا۔

بنگلادیش کے خلاف کھیل کے تیسرے روز شاہین آفریدی نے اس سال کی 42 ویں وکٹ حاصل کی اور بھارتی اسپنر ‏ایشون سے آگے نکل گئے۔

ایک سال میں سب سے زیادہ وکٹیں لینے والے بولرز میں 41 وکٹوں کے ساتھ ایشون دوسرے اور پاکستان کے ‏حسن علی 38 وکٹوں کے ساتھ تیسرے نمبر پر ہیں۔

Pakistan bowling spearhead @iShaheenAfridi reviews his performance on day-three of the Chattogram Test. Shaheen is currently the lead Test wicket-taker in 2021.#BANvPAK | #HarHaalMainCricket pic.twitter.com/aTp4RhJbTj

— Pakistan Cricket (@TheRealPCB) November 28, 2021

تیسرے دن کھیل کے اختتام پر شاہین آفریدی نے کہا کہ رواں سال ٹیسٹ میں سب سے زیادہ وکٹیں حاصل کرنے ‏پر خوشی ہے اپنی سو فیصد کارکردگی دینے کی جدوجہد کرتا ہوں۔

انہوں نے کہا کہ ہمیشہ کوشش کرتا ہوں کہ پارٹنرشپ میں باؤلنگ کروں ٹیسٹ کرکٹ میں حسن علی کے ساتھ ‏اچھی پارٹنرشپ لگی ہوئی ہے ہم رنز روکنے اور وکٹیں حاصل کرنے کی پارٹنرشپ لگانے کی کوشش کرتے ہیں۔

پاکستان کے فاسٹ بولر شاہین شاہ آفریدی نے کہا ہے کہ چٹاگانگ ٹیسٹ میں بنگلادیش کو دوسری اننگز میں 200 ‏رنز تک آؤٹ کرنے کی کوشش کریں گے۔

تیسرے دن کھیل کے اختتام پر شاہین آفریدی نے کہا کہ رواں سال ٹیسٹ میں سب سے زیادہ وکٹیں حاصل کرنے ‏پر خوشی ہے اپنی سو فیصد کارکردگی دینے کی جدوجہد کرتا ہوں۔

انہوں نے کہا کہ ہمیشہ کوشش کرتا ہوں کہ پارٹنرشپ میں باؤلنگ کروں ٹیسٹ کرکٹ میں حسن علی کے ساتھ ‏اچھی پارٹنرشپ لگی ہوئی ہے ہم رنز روکنے اور وکٹیں حاصل کرنے کی پارٹنرشپ لگانے کی کوشش کرتے ہیں۔

Pakistan bowling spearhead @iShaheenAfridi reviews his performance on day-three of the Chattogram Test. Shaheen is currently the lead Test wicket-taker in 2021.#BANvPAK | #HarHaalMainCricket pic.twitter.com/aTp4RhJbTj

— Pakistan Cricket (@TheRealPCB) November 28, 2021

پچ کے حوالے سے ان کا کہنا تھا کہ وکٹ سلو ہے میچ کے چوتھے روز اسپنرز کو فائدہ ہوگا پرامید ہیں کہ میزبان ‏ٹیم کو جلد از جلد آؤٹ کریں۔

دوسری جانب سنچری بنانے والے بلے باز عابد علی کا کہنا ہے کہ شاہین شاہ آفریدی اور حسن علی نے بہت اچھی ‏باؤلنگ کی بنگلا دیش کو جلد آؤٹ کرکے ہدف عبور کرنا ٹارگٹ ہوگا۔